每次外遊小弟最怕就係食酒店嘅自助早餐，所以除非係房費包咗，小肥盡量都會去訪尋區內嘅小店。多得近年網上流行分享飲食日誌，令團友們有緣遇上街坊熱店「真芳碳烤吐司紅茶牛奶」，食簡單嘅吐司早餐仲學埋國語，掂呀！

「真芳碳烤吐司紅茶牛奶」嘅招牌上寫明創辦年份為2015年，咁都幾新吓喎。玻璃門上清楚道出營業時間為每天早上六點半到下午一點半，明顯只做早餐及午餐。店內面積不大，木地板上只有四張木造餐桌，配上好街坊嘅圓櫈仔，望落都好乾淨企理。四周亦有不少聖誕及可愛佈置，場內氣氛倍添溫馨。

兩頁彩圖餐牌相當詳細，真係估唔到喺台北食早餐都學識唔少國語用詞，例如「吐司」係「多士」、「起司」等同「芝士」咁，非常有趣！大概六人嘅樣子也太外省了，所講嘅國語又充滿著口音，在場年輕嘅服務生都估到大家對點菜流程不太熟識，所以安排好座位後，即好客地介紹餐牌上嘅項目，並友善地告知要先喺收銀處點選食物及付款後，食物準備好就會續一呈上。落好單，俾埋錢，先有清晰嘅單據一張，原來餐店並無設加一服務費嘅。

呵呵呵，講個笑話俾大家笑吓先！話說姨丈叫咗杯「熱真芳紅茶」（NT 45），眼見熱飲被透明膠封實飲唔到喎，佢居然用手撕開塊膠黎飲。。。同桌嘅長輩其實都唔係好明小肥點解會笑爆咀，冇計啦，唯有等自己杯「冰紅茶牛奶」（NT 45）上枱時先玩真人示範。原來台灣嘅「冰紅茶牛奶」亦即香港嘅「凍奶茶」，凍飲香滑醇濃，絕不比港式絲襪奶茶遜色。

1)      豬肉蛋起司（NT 60）：「豬肉蛋起司」每客有兩件。得悉團友們有意分黎食，姐姐仔仲好客氣地免費幫我地一開二後再開四，實在太周到啦！豬肉蛋起司嘅兩塊多士好鬆脆，夾喺中間嘅豬肉、蛋蛋、芝士餡又夠惹味爽潤，掂呀！

2)      真芳三明治（NT 90）：「真芳三明治」其實係以豬肉蛋起司作基礎，面底另加兩層薯仔南瓜沙律，要留意嘅一點係內含花生醬，好似細佬咁有敏感問題就唔食得啦。

3)      起司起司蛋（NT 50）：顧名思義，「起司起司蛋」主材用上兩款車打芝士及水牛芝士，並加上煎蛋，孖芝蛋三文治香濃鬆軟，簡單可口。

4)      真芳蛋餅（NT 30）：姐姐仔推介嘅真芳蛋餅外表有啲似薄罉，但個蛋餅係軟腍腍嘅，入面有韭菜、蔥、同蛋蛋，濕潤得黎咸咸甜甜咁，都幾得意。NT 30絕對係又平又正，結果當然係要追加啦！

只開早、午市嘅「真芳碳烤吐司紅茶牛奶」位於靜寂嘅橫街上，小店簡潔企理，服務生體貼入微，可謂溫馨洋溢，加上奶茶及三文治即叫即做，新鮮熱辣又美味，價廉物美，個人誠意推介。

去台灣玩，除咗要食台菜、小籠包、火鍋之外，家人例必要食餐日本菜；有心要為親友嘅飲食日誌增添驚喜，XO仔今次就好大擔咁喺互聯網上挑選咗間唔係咁多人認識嘅「允壽司」。

壽司屋隱蔽於窄窄嘅單程橫街內，雲石閃光嘅門面新潮得黎甚為低調。餐店面積不大，右方為師傅嘅大舞台，面前排出十二個吧位，以透光嘅雲石小牆分隔，貴氣得黎不失時代感。牆上掛上以毛筆寫出店名中大大個「允」字，充分地表演出中國書法藝術嘅氣勢。

網上訂座流程簡易快捷，可慳返長途電話費之餘，小肥又唔洗講國語，對話有哂記錄唔洗驚會誤解，十二人包場仲可以一早訂下NT 3,500/位嘅精選午市套餐，並道明團友們有啲咩特別飲食要求及敏感問題。掌舵人小穎師傅相當好客同細心，用餐當日先確認同行邊幾位長輩只能食熟食，及邊個係有超多食物敏感嘅XO仔，態度絕對認真！

食物全權由師傅安排，清酒就由識少少扮代表嘅小弟揀咗樽果香及花香味討好嘅「澤姬純米大吟釀」（NT 3,800）。

1)      伴配魚生嘅青瓜、蘿蔔及靚薑全為師傅自家醃製，均爽脆醒胃。

2)      開胃小點「鮑魚豆腐沙律」：沙律以幼嫩嘅豆腐、腍潤嘅鮑魚、清爽嘅無花果、鮮爆嘅三文魚籽及麻醬所混製而成，組合新穎獨特，集齊爽嫩脆腍，口感極之豐富，以葫蘆碟仔承載更覺精緻矜貴。

3)      「真鯛二重奏」：真鯛以黑碟呈上，睇得出師傅喺視藝上都花下不少功夫。兩片銀光閃閃、魚肉透光嘅真鯛上分別擺放咗雪白嘅白蝦仔及橙黃嘅馬糞海膽，建議連同山葵及黑色嘅昆布碎花續件捲起一口食落肚。白蝦真鯛卷清香軟嫩，海膽真鯛卷則鮮濃甜美，卷物中嘅昆布碎花所散發出嘅咸香慢慢滲進味蕾，感覺就好似舌尖喺沙灘吹緊海風咁，何其妙哉！

4)      喺無添加嘅赤貝及間八刺身輕輕點上山葵豉油已夠清甜芳香，這個返璞歸真嘅對比舖排突顯出後者嘅清麗脫俗，同時亦反映出設計者嘅心思細密。

5)      厚厚嘅中拖羅刺身色澤粉嫩油潤，同伴配嘅淮山及昆布半溶於口腔。

6)      見外出天氣有點寒冷，小穎師傅好體貼地叫廚房先蒸出鮮甜暖胃嘅「蟹肉茶碗蒸し」作為壽司環節前之間場菜。

7)      大廚事先講明六款壽司均已調好哂味，味道編排由淡至濃。第一件深海池魚壽司爽厚潤澤，清香肥美。

8)      寒鰤魚壽司軟嫩甜潤。

9)      右口魚壽司用火槍輕輕燒過，魚肉幼嫩滑溜，魚味更為鮮濃突出。

10)  以紫菜包住嘅燒帶子外層香脆，帶子肉厚鮮嫩。

11)  相信整頓午餐製作最複雜嘅都要數件「昆布鯖魚壽司」，因為要由兩位師傅合作切割魚片、於木盒上舖砌食材、擠壓木盒、包紮成卷物、再添置調味，每個動作都一樣咁乾淨俐落，實在另人嘆為觀止。昆布鯖魚壽司大大件咬落去好爽厚，當中最濃郁就係個昆布味，食食吓又傳出陣陣嘅紫蘇香同柚子香喎，確真細膩得很。

12)  大拖羅壽司粉裡透白，其鮮香甜美盡化於舌上後，吃畢仍齒頰留香，令人回味無窮。

13)  真係估唔到壽司屋除咗有高質嘅魚生之外，連熱食都絕不失禮！午餐所包有嘅天婦羅三品用上源自日本嘅北海道洋蔥、北海道粟田、白子炸製，聽落都覺得名貴得好有驚喜！三款金黃乾巧嘅天婦羅層炸皮香脆鬆化，以竹籤串起嘅北海道洋蔥爽潤惹味、躲於洋蔥下嘅北海道粟田亦爽甜多汁。第三件白子因有紫蘇葉包住，所以炸物就透出綠色。此道紫蘇白子天婦羅芳香脆皮，中間嘅白子柔潤白滑，且軟嫩非常，黏上碟邊嘅咖哩鹽粉即能提升鮮香。

14)  「海膽拖羅手卷」由師傅以「心連心」嘅方式續條直接轉交到貴客嘅手上，確保新鮮又窩心。橙美嘅手卷鮮甜無比，外脆內香嫩，正爆呀！

15)  甜品「黑糖粉抹茶麻糬」細細杯嘅份量啱啱好，麻糬煙煙韌韌，當中嘅黑糖味微甜且不溜滯，可口味佳。

16)  飯後一杯暖胃嘅特濃咖啡剛好為午宴畫上完美嘅感嘆號！

隱蔽小店「允壽司」環境簡樸時尚，師傅們及服務生態度誠懇且細心周到，午市精選套餐用材高質，魚生及熟食美味之餘，更滿載驚喜，絕對值得一試再試。

由台北去台中最快捷嘅方法就係坐高鐵，車程約四十五分鐘。外國遊客可於網上預先訂飛及揀選座位，出發當日只需於指定櫃檯就可取得車票，流程十分簡易。來往台北及台中嘅高鐵列車每程NT 2,250，車上厚墊座椅舒適闊落，包咗每人一件糕點及飲品，絕對方便又抵。

多得玩具專家P哥教路，今次坐高鐵最開心嘅就係發現咗台北車站原來暗藏超多玩具店嘅地下街！嘩，除咗大小商店之外，就連喺攤位及架仔舖都見到不同款式嘅迷你兵團、史努比、P助、小黃雞等精品，幸好二人早已備好多個環保袋，不過都要埋姨丈幫忙先攞得哂，當真買到XO仔同靚靚媽咪手都軟埋，大家話係咪好誇張呢？！

兩年前左右，多得越台工作嘅肥叔叔推介，肥肥家族方才有幸於台中「樂沐法式餐廳」品嚐過美女廚神製作嘅不一樣感官旅程：

<https://tw.openrice.com/zh/taichung/review/%E6%A8%82%E6%B2%90%E4%B8%8D%E4%B8%80%E6%A8%A3%E7%9A%84%E6%84%9F%E5%AE%98%E4%B8%96%E7%95%8C-e124169>

點知冇幾耐就收到風，話餐廳於2018年尾將會結業。因家中多位親友都未有緣一訪，所以小肥就幾經艱辛咁托上托，務求要訂到位一同去道別，嘻嘻，皇天總是不負有心人嘅，日子時間當然係任由餐廳定啦！十二人嘅晚餐必先預定菜單、道明各人對咩食物有過敏及收取訂金，全程以電郵溝通，非常簡易。

闊別一年多，三層高嘅洋房依然貴麗大方。由於早已訂下菜譜，埋位即由最識飲嘅姨媽點選酒品，不過因餐店不再入貨，大多項目都已售罄，只係牌上未有標明。溫婉有禮嘅哥哥仔極之有耐性，除咗推介仲有貨嘅精選紅酒外，對待臨時對菜單有異議嘅auntie更加係有求必應，十分相就，態度專業得很。

處理好飲品後，姐姐先送上兩款海鹽味及海藻味牛油。正當細佬懶醒地同各人提到2017年嘅「感官」午餐中有多款自家製麵包，印象最深刻有香醇惹味嘅高梁酒臘肉包及芳香微甜嘅蜂蜜麥包時，即令大家滿心期盼，真係冇諗到晚餐嘅麵包居然只有含果仁及不含果仁兩種！雖然包品熱辣鬆脆，但喺有比較下就覺得廚房孤寒咗，誠意也大打折扣囉！

店內全場嘅晚餐均清一色由兩道是日下酒菜作序。第一道海鮮二重奏先以石春拼盤呈上，外表閃爍耀眼，精緻美觀。應建議由左邊起食，橢圓形嘅「青蘋果煙三文魚啫喱」質感軟潤，無奈底層件餅塊過份腍身，加上入口即嚐到三文魚籽嘅腥味，這種重口味也太不令人開胃了吧！幸好旁邊金光閃閃嘅匙羮上件「海膽蟹肉牛油果卷」清新甜美，可口脆巧，叫做挽回少許失落之感。第二道下酒菜「苦瓜／帶子／芝士」以彩色嘅食用花點綴，睇落就靚啦，但係可能個芝士苦瓜組合嘅苦味過份剛烈，細佬真係食唔出任何帶子嘅元素囉，不幸中之大幸就係兩啖就食完，算係唔會咁浪費食材。

接著嘅「冷燻鵝肝：桂花／杏桃／蓮藕／蓮子」外型典雅，可惜主角鵝肝偏嚡同硬，唔得軟滑，其味道亦不夠香濃，甚為失色！碟上最正反而係舖面巧薄乾脆嘅炸蓮藕片及隱藏喺底件脆卜卜嘅鴨舌！

或許係自己期望太高吧，傳聞嘅招牌菜式「八戒：豬心／薏仁／四破魚／煙燻豬骨汁」除咗輕巧脆薄嘅卜卜脆討好之外，雖則豬心嘅質感尚算爽腍，敗筆在於調味滲出一股不易接受嘅腥與押，就連汁液中嘅煙燻味都未能蓋過，莫非「八戒」未洗白白？！

晚餐高潮位必選「小牛胸線：黃菇／香料麵包／山茼蒿」！熱辣嘅醬汁由專人續一喺食客面前斟上，小牛胸線方塊外脆內軟嫩，香口惹味得黎一啲都唔溜滯，一個人食兩份都冇問題。

壓軸嘅鵝肉主菜登場前，每人先要揀選一把靚刀，每把都咁有睇頭同份量架！跟小牛胸線一樣，汁液上枱時先會即場淋上。記得上次黎食「感官」午餐時，當中嘅嫩烤鵝肉主菜是何等精妙，想不到餐店結業前出品嘅「嫩烤鵝肉：無花果／可可香料醬」竟然會係韌到切唔斷，咬唔開！牙力唔好嘅長輩們好多都勁不情願地食剩喺碟，睇日劇學懂此舉可算為對廚師最低嘅評價。

換轉甜品環節前，先由清新爽涼嘅「鳳梨：卡蒙貝爾乳酪／野薑花／馬告」作間場。正常版甜品「楓蔦黃」為楓葉栗子蛋糕。不含果仁版甜品為中西合璧、微甜滋潤嘅「睡蓮」。而不能進食甜品嘅食客就有份酸都佢地咪哂眼嘅「生果盤」。

結尾嘅「精緻茶點」中只有粉紅小天鵝一如名字般精緻，但僅此而已，因為三款茶點極度酸澀，食到連牙仔都哂打冷震，聽落恐唔恐怖呢？！好在飯後有杯正正常常嘅特濃咖啡中和吓先舒服返咋。

外觀形如一幢別墅嘅米芝蓮星級食肆「樂沐法式餐廳」可算是台中最有名嘅法國餐廳，曾榮獲「亞洲50最佳餐廳」之美譽，當真萬萬估不到於二零一八年十二月正式結束營業前嘅告別宴居然會教人如此驚嚇地失望！雖則店內嘅接待員及服務生依舊友善體貼，但對遠由香港越洋嘅家人黎講，菜式偏低之質量及廚神未有親身烹調嘅情況下，也顯得「樂沐」的落幕過份草率及敷衍了，感覺就好似餐店喺度夾硬頂埋個租約咁。因深深體會到名廚店主對食客嘅尊重都消失埋，在座嘅各位都表示即使餐店日後會重開都絕不會幫襯！店子已沒有了，更談不上有進步空間，唯有搖頭高歌一曲「忘記它」。

入住「台北國賓大飯店」嘅行政房間除咗包咗樓下咖啡室嘅自助早餐券之外，其實亦可選擇去同層，即十一樓嘅「行政樓層貴賓廳」度食早餐。

「行政樓層貴賓廳」嘅自助早餐雖然款式冇咁多，但勝在環境較寬敞，又冇咁逼人，食得舒適得多。早餐供應時間為每朝早六點半至十點，座位任揀唔嬲，只係食咗成大半個鐘都未見有服務生經過就有啲奇怪。食物區有咖啡機、牛奶、果汁、茶包、麵包、沙律、水果、芝士、咸點、熱食可選，質素算係不過不失。

肥肥家族個個身形都有番咁上吓，尤其係大肥成二百幾磅，行得太多或企得太耐都容易攰，為咗大家搭台灣高鐵可以坐得安心又舒服，哥哥就決定訂哂商務車廂，有指定座位就唔洗怕要搵位同排隊。

台灣高鐵非常準時，商務車廂嘅厚墊椅櫈都好舒適，每人仲包有蛋糕仔同飲品一杯，短短四十五分鐘車程可望出窗外欣賞景色，玩吓手提電話兼充埋電，亦可以短睡片刻，由台北去台中真係話咁快就到，方便得很。

三層高嘅「樂沐法式餐廳」猶如一座洋式別墅般，步入樓底高高嘅大堂，面對著接待處已感到餐店嘅氣派。核實訂座後，即由專人帶領往上層之用餐區域，貴客可選擇行樓梯或搭乘升降機。店子內外嘅燈飾、鮮花、擺設、傢俱等，包括洗手間都流露著華麗嘅格調。

同樣樓底極高嘅用餐大堂環境優雅，光線柔和，空間感足。小肥早於網上訂座時為家人從三個規範餐單「創造」、「感官」、「記憶」中選訂午餐，每款菜單均可加錢玩埋配酒。侍酒師不單加配日本清酒，更呈上店子自家品牌嘅香檳，就連紅酒都用上潮流新興嘅Coravin取酒器，可謂驚喜不斷。

搞掂好飲品，姐姐即送上兩款海藻味及海鹽味牛油，告知大家可先食用花瓶內修長嘅麵包條，食完佢地會陸續換上不同款式嘅自家製麵包，當中最正必選熱辣香醇惹味嘅高梁酒臘肉包及芳香微甜嘅蜂蜜麥包。

午餐由兩道節令下酒菜作序。第一味金光閃閃嘅「黃豆卷拼香草芝士球」中黃豆卷皮脆餡軟味淡，剛巧同濃味嘅香草芝士球造成對比，都幾得意。第二道「海鮮脆米通」鮮黃色嘅米通鬆化脆巧，連同米通上嘅帶子魚碎食落口即增添鮮嫩。

「感官」先由熱湯「鮮鵝肝/芥菜心/香草」接捧。上枱時，湯碗以一塊薄薄嘅鵝肝醬蓋上，再由服務生續一斟入清湯，鵝肝醬隨即溶化並為湯品揭盅，露出碗內其他湯料，賣相極之震撼吸睛。可能自己唔係太鍾意食菜啦，故對菜味極濃嘅清湯只可以用「苦」字黎形容，幸好鵝肝醬幫忙調和咗陣菜味，先變得易入口得多。

午餐第一款肉為顏色鮮美嘅雞翼組合「古早小母雞翅/甜蝦/番茄/酸黃瓜/香草蛋黃醬」，另配一小杯黑色嘅甜豆湯。已去骨嘅雞翼包住咗甜蝦同雞肉，皮脆肉爽嫩，輕輕點上色彩繽紛嘅香草蛋黃醬就好比畫龍點睛般同時提升視覺及味覺嘅享受，實在妙極！

接著嘅「緬因龍蝦/西班牙辣腸/香草青醬/覆盆子」色澤同樣鮮美，師傅以不同調味、醬汁、緬因龍蝦等食材重新砌成一幅立體嘅龍蝦食物圖，當真令人嘆為觀止！龍蝦肉爽脆彈牙，配上秘醬同時帶出花香、果甜及微辣，味道複雜得黎和諧新穎。

主菜上枱前，哥哥先以銀盤展出多把靚刀讓食客挑選，再將刀子安全地擺放於牙形嘅刀架上；「樂沐」嘅女主人明顯喺用餐所有細節都有花下不少心思。「感官」嘅主菜「嫩烤鵝肉/姬松茸/芥菜/米湯」雖外貌為最平凡嘅一道，味道卻絕不遜色之前道「緬因龍蝦」。汁液上枱時先會即場淋上，以確保新鮮度，碟上兩件鵝肉皮層香脆，肉質厚而鬆軟多汁，可以話係小弟至今食過最好味嘅鵝肉；伴碟嘅姬松茸則芳香惹味嫩脆，一樣咁出色！

甜品出場前先由清新爽甜嘅「香桃雪葩」為味蕾洗滌一番以作準備。套餐第一道甜品杯「可可清湯凍/焦糖蘋果塔雪酪」其實係朱古力味淡淡嘅啫喱拼果香甜甜嘅焦糖蘋果雪葩。而第二道紅黃鮮明且時代感極重嘅則為「現代主義之乳酪蛋糕」！餐牌上注明，芝士蛋糕嘅紅、白、黃網格外型構思源自荷蘭藝術家「彼埃•蒙德里安」（Piet Mondrian）及「密斯•凡德羅」（Mies van der Rohe）嘅「新造型主義」風格。極富立體感嘅芝士蛋糕微甜軟潤，輕巧不溜滯，放進口中就好似吞噬咗件藝術品般，認真搞鬼。

食到咁飽最好就係飲番杯飛沙走奶嘅特濃咖啡。跟餐茶及咖啡最後仲有的骰嘅「精緻小點」；每人都有兩粒，細細粒，容易食。黃色小球乃脆皮清涼嘅乳酪雪糕棒，而兩球中央嗰件則為巧薄爽脆嘅鳳梨塔，兩者均微微酸甜，毫不溜滯。

台中名法國餐廳「樂沐法式餐廳」洋房式嘅設計大方高雅，就連服務都可稱得上為酒店級，多道精美且高質嘅佳餚令XO仔與家人一同感受到不一樣的感官世界！

司機先生見距離列車離台中嘅時間仲有成個幾鐘頭，佢就好客氣咁提議四周圍兜吓，順便喺「如邑堂太陽餅」間旗鑑店度停留，介紹我地買台中最出名嘅得奬太陽餅做手信。

「如邑堂」外出有位俾人泊車，入面個舖位都幾大。最近門口位置擺放出多款彩式禮盒。左方為透明度極高之食品製造工房，可見工作人員全體戴哂口罩同帽，乾淨又衛生，食得同買得都自然好放心啦！而右方則為有專人招待之免費試食區，真係估唔到試食都可以舒適地喺餐桌度進行，仲要乜都可以試，份量多到成份下午茶咁勁，桌上更包有熱茶以助消化，相當認真！大家試食時，售貨員都會推介不同產品，並送上自助落單紙，講解可以點樣填寫，同佢地嘅包裝如何穩固，手信店太懂得做生意了！

由於一早訂好車票，只要預多少少時間排隊攞飛就可以直接去月台等車。台中車站感覺上比台北車站大，但站內嘅小食店、報攤、及咖啡館就較集中，個人覺得好行啲，喺月台影列車都容易得多。一樣係坐咗九個字車就返回台北，簡易方便。

台中一日遊中最唔爽嘅一環反而係返到台北車站要排成個幾鐘頭隊先等到的士，不過週五傍晚遇上狂風大雨，交通擠塞也在所難免，冇計。

小表弟週六娶妻，舅父仔早一晚就招呼香港代表嘅親戚去佢家常幫襯嘅「嘟柏林鐵板燒餐廳」食半西半日又帶少少中嘅新潮鐵板料理。

餐店正門喺金漆招牌旁有盆靚靚嘅蘭花，高雅簡潔。十多人嘅派對安排於最入嘅廂房內進行。主人家早已訂好菜單，每個位置亦擺有齊備嘅西式餐具、醬汁及花生小食。

1)      蒜蓉包：可任添嘅蒜蓉包厚而鬆化，外脆內軟，香濃惹味。

2)      南瓜海鮮湯：鮮橙色嘅南瓜海鮮湯以大貝殼承載著，外表相當吸引。熱湯芳香輕巧，香滑而不溜滯，配搭新穎，效果討好。

3)      鱈魚：師傅即場喺貴客面前為雪白嘅鱈魚調味及半燒半蒸。熱辣辣嘅鱈魚鮮甜嫩滑，微微唧上青檸更添清新，實屬好魚也！

4)      燒蠔：講真自己都係第一次食鐵板式燒蠔，真係冇諗到可以燒至如此香口，薄薄嘅外皮脆巧嘅同時，蠔隻仍能保持肥潤，好有驚喜！

5)      芝士龍蝦：厚厚嘅龍蝦爽脆潤澤，鮮甜無比。

6)      梅子沙律：交接海陸主菜之時，姐姐先送上沙律一碗。梅子沙律清新醒胃，最正就係塊又甜又多汁嘅粟米，堅爽！

7)      牛扒：燒煮牛扒前，師傅先續一問及客人要求之生熟度，結果全場只有細佬一個要見紅嘅三、四成熟。牛扒均切成薄片，肉質鬆軟，且肉汁豐盛，簡單點上鹽同胡椒已夠美味。

8)      翡翠苗：鮮綠嘅翡翠苗幼嫩帶脆，無可挑剔。

9)      三色鮮果：三款水果一樣爽甜。

10)  芋蓉燒餅：鐵板燒餅脆薄輕巧，如要減少或增加芋蓉餡料份量，可直接跟師傅提出。

「嘟柏林鐵板燒餐廳」環境樸實，服務優良，潮派鐵板料理混合中、西、日之廚藝，師傅所烹調出黎嘅海陸配搭質高味佳，且不乏驚喜元素，當真感激舅父仔悉心安排！

第一次來，服務員跟我們解釋有分三個用餐區 - 壽司，燒肉及火鍋。我們選擇了燒肉，兩人用餐，安排了八人的座位，也太誇張了吧！我們點了刺身，烤蟹腳及燒肉套餐。刺身很新鮮，蟹腳也不錯，沙拉有驚喜，牛肉沒有醃制過，味道不過不失。餐廳環境很舒服，服務員很細心地解答問題。唯一是酒要到另外一邊服務枱去買。整體來說，很不錯，一定會再來!

因為吃的太多了，想找點清淡小吃食。經過洪師父麵有水餃吃，便入內看看。買了2味的水餃，味道一般，只是因為食了那麼多天有點消化不良，所以想食點清一些晚飯。

紙箱故事館

紙箱故事館裡的紙手作，配合燈光的相輝映，展現璀璨奪目的一面。

當中最吸引我的，是不同種類和顏色的紙燈罩。

五光十色的組合，概念其實簡單不過，卻是一種變化萬千的藝術題材。

除了燈罩和動物，鐵塔亦是園區內常見的題材。

要做出一座紙鐵塔，相信要花相當大的心思。

蜜蜂故事館

蜜蜂故事館面積較小，相對簡單。

館內有台灣蜜蜂的簡介，但大部分地方其實是用來賣紀念品的。

紀念品主要是蜂蜜產品，以酒和餅乾為主。

此館並不特別，卻是進入餐廳的必經之路。

想買手信的話，看看無妨。

紙箱故事館旁邊有一間賣小食的店子，叫「無糖部落」。

裡面有賣一些無糖餅乾。

但更吸引我的，是一些改了有趣名字的酒。

這些名字全部是台灣風的，而且亦畫上了非常有當地特色的公仔。

是不錯的手信呢！

店員很熱心，會慢慢告訴你每一種酒的特性，又會主動讓你試食餅乾。

無糖部落賣的茶包，也是用瓦楞紙包裝的。

茶包用完後，可以當作雜物盒來使用。

屋子形狀的無糖咖啡煎餅，一樣有第二個用途。

提起繩子，打開門窗，亮起燈泡－－便變成中秋燈籠哩。 

在一個叫「貓行館」的地方，會售賣美麗又有特色的明信片，也是必遊之地。

買完明信片可以在旁邊的紙箱王郵局購買郵票，寄回香港或其他地方的朋友。

大家覺得一間餐廳裡，有甚麼部分可以用紙創造出來？


紙箱王主題餐廳使用紙餐具，而且充滿美感和人性化的設計。

絕不是那種單純功能性、死板的紙盒、紙杯。


舉例如紙杯。

在平凡的杯子之外，加上一個紙造的底座。

一來令杯子的造型增添一份立體美，二來食客可以手持底座，飲水時便方便。

點餐紙的托板、盛放餐牌及紙巾的基座，當然也是紙造的。

木色的紙器具，散發原始的氣息。既樸實，又深遠。 



我們點了兩份午餐，分別是清潡牛腱腿和咖哩吉列豬排。

奉送的果汁餐飲相當可愛。

大家猜猜它方方正正的外形，到底還有甚麼用途？

拉起繩子，就可以當手提包把它帶回家了。

盒子旁邊有一個投幣孔，其實飲完果汁後，可以把它當錢箱使用。相當特別呢！

紙箱王有不少包裝盒，都有額外用途，藉此推廣循環再用、減少浪費。


主菜方面。

清潡牛腱腿，肉嫩而入味，值得一試。 

蘋果蜜咖哩厚片豬排，果然厚厚一大份。外皮酥脆，不會皮厚肉薄。

豬排的味道尚算不俗，個人覺得牛腱腿做得比較出色。 

除了果汁、主菜，每份午餐亦包括了白飯、菜蔬、湯及甜品。

特別喜歡那個飯，加了紫菜、黑芝麻等材料。又香又可口。 


不過，如果只有紙餐具，相信也不值得大驚小怪。

紙箱王的主題餐廳，基本上九成的器具都是紙製品，包括裝飾、燈罩、桌椅。

當中最令我佩服的是紙桌子和紙椅子。

想不到，除了移動身體時會輕微搖晃外，這些椅子還真的頗紮實、穩妥。 


另外，紙箱王很喜歡用動物作為創作的主題。

主題餐廳裡就有牛、長頸鹿等等紙動物。 

在海拔1743米，全台灣最高的郵局，通過一張又一張的明信片寄出我們的祝福。

難得遇上全台灣最高的郵局，當然要找一個悠閒的地方，寫寫明信片。

而我們，決定坐在全台灣最高的starbucks，邊喝紅茶拿鐡，邊寫明信片。

感覺十分寫意。 

天有不測的風雲，在寫好明信片後，突然天色大變。

原本陽光普照，藍天白雲，卻突然大霧瀰漫。

連身前的景色也看不見了。

這時候，感到有點肚餓，所以去了 7-11 買點東西醫肚。

台灣 7-11 的關東煮，其實味道不差，但更大的賣點是大件夾抵食。

一面食一面等，可是大霧遲遲不散。

最後要打電話給民宿，最後由民宿服務員駕車送我們回去。

蕓蘆給人第一印象的，是美麗的仿日式庭園。

由於用了不少石牆和攀藤植物；園子多添一份幽遠的氣魄。

沿著被青蔥植物環繞的小石路，拾級而上，見到一排獨立式的房子，我們便住在這些小屋裡。


蕓蘆崇尚自然簡樸，所以全部房間都不設冷氣機。

不過清境位處高山，天氣較地面低，夜間更會轉涼，所以也不用擔心這個問題。

房子十分乾淨整潔，擺放了古典木傢具後仍見寬敞。

從玻璃窗往外望，是美麗的山景。
 
而窗戶都加上了防蟲網，即使打開窗，蚊子亦不能飛進來。


飯後，我們愛坐在蕓蘆的大廳。

大廳內有一個小書櫃，放滿了園藝、手工藝、自然、寵物等書籍。

準備一杯熱茶，坐在角落去靜靜翻閱。

人多的時候，可以跟新朋友聊天、喝茶，玩棋盤遊戲。
 
 
而這兒，還有幾位狗朋友呢。 

早上醒來，沒有吵耳的車聲，沒有匆匆出門的壓力。

睡到自然醒，再慢慢梳洗，到餐室去吃早餐。

與你為伴的，是充實早晨的咖啡，還有那連綿山景。


蕓蘆的早餐是一種簡餐。

沒有豐富的食材，簡樸但新鮮，符合民宿的自然風格。

自助式早餐，全部自己動手。


喜歡喝咖啡，就到咖啡機去泡一杯。多士是自己烘的。

牛油、花生醬、果醬，你喜歡哪一種味道？

我比較貪心，所以會雙拼（笑）。  


除了多士，還有粥供應。主角不是白粥，是配料。

看看這一小碗內，盛載著花生、肉鬆、花瓜、麵筋、牛蒡。 

令人驚喜的是白色一片片的牛蒡。

初吃時，鮮甜的味道和口感，令誤以為它是筍片。

想不到是平日多用來煮湯，入口甘苦的牛蒡。


天氣晴朗的時候，還可以到外面吃早餐。

坐在太陽傘下，邊吃早點，邊感受大自然的氣息。

晚上，可以在蕓蘆的餐室，享用以新鮮食材泡製的美味火鍋。

主菜是牛肉或菇類，另有豐富配菜。

這頓火窩，用的是地道食材，天然新鮮，可以吃得到「自然的味道」。 

真的很好味，有時候，簡單便是美。 

20 號倉庫位於台中舊火車站後方，本來是一個廢棄的倉庫。

1998 年，為了提倡人文藝術，有關當局租用了貨倉並進行翻修，並規劃成一個藝術倉庫。

翻新後的倉庫，重新命名為「20 號倉庫 — 鐵道藝術網站台中站」。


20 號倉庫只是一個代稱，實際範圍包括了20至26號倉庫，各有用途。

20 號倉庫是主展場，定期舉辦展覽等相關活動。

21 號倉庫是實驗劇場，藝術表演團隊可申請使用。

24A 倉庫也是實驗展場，供學生團體申請舉辦課程、座談會、展覽。

23 - 26 號倉庫分為八間藝術工作室，讓藝術工作者使用，只會不定時開放。 



外圍園區

倉庫外圍是園區。

在台中火車站外，左方有一條隧道，進去後一直靠右走。

穿過隧道後，再經過些許曲折的幽靜小路，便來到 20 號倉庫的外圍。

外圍園區擺放了一些藝術品，或畫了彩繪的設施。

展品不算多，但環境也算是不錯的。 



主展場

主展場內有主題展覽，參觀當日看到的是以貓為主題的創作。

展覽場外有售賣紀念品的服務台。

最後，我更買了擬人貓的明信片，並寄了給有留意我網誌或微博的朋友。

喜歡在旅行時收集印章的朋友，也不要忘了在這兒蓋個印啊。



藝術工作室

由於是廢舊倉庫改建，藝術工作室那邊是一個充滿人文歷史氣息的場所。

紅磚、灰牆、植物、木板路，還有一些特別的裝飾。

構築了一個非常適合拍照的佈景，喜歡攝影的朋友可以來這兒走走。

提到清境，很多人第一時間聯想到的，是清境農場。

這個在海拔1750公尺高地的景點，正是我在清境悠閒三天兩夜的第一站。

非常幸運呢！抵埗當日，走出旅遊巴士的那一刻。就遇上讓人感到幸福的彩虹。


清境農場的設施包括：

國民賓館、青青草原、畜牧中心、壽山園生態區、清境小瑞士花園等等。

當中最吸引我們的，是走在青青草原上，跟可愛的綿羊們玩遊戲。


嫩草青青，林木蒼鬱。

羊兒三五成群，散落草原各處，低著頭只顧吃草。

悠悠蕩蕩，逍遙自在。

背後山巒，前面翠綠草坡，湊合成一幅立體感的圖畫。


有時候，會有好奇的羊兒，昂首向你走過來。

裝可愛，跟你問好，逗你跟牠們玩－－

順便探索一下，你的手上，有沒有好吃的羊飼料。


沒錯，飼料才是羊兒的真正目的，牠們才沒有想像中好客。

只要你有吃的，保證你成為綿羊的寵兒。

於是我為牠們起了一個外號，叫做「市儈羊」。


在草坡下的「羊咩咩秀場」，有販售羊飼料的自動售賣機。

造形是一隻張大了嘴巴的羊，十分搞笑。是暗示牠們貪吃嗎？ 

不要忘記光顧羊咩咩秀場的小賣店。

這兒有非常美味的羊奶冰淇淋！

 

青青草原外有一個市集，主要賣本土出產的水果和小食。

其中，看見半個人頭般大小的水蜜桃，和人頭般大的梨子。

聽說這是清境特產，不試過又如何甘心？

但代價便是錢了。以台灣來計，有點貴。 

第二天早上，到公寓對面的餐廳吃早餐。

中式的裝潢，吃的卻是西式。

食物還好，但沒有亮點。 

未走到最熱鬧的街頭，便被一個可愛的招牌吸引著了。

「熊之食」


這店子賣塔塔熊手包。

可選原味雞排、辣味雞排、魚排，最後我選了原味。

包的外層是粉紅色的，弄成熊手掌的外形。

塊排幾大塊，炸得不油膩，配上他他醬。幾得意。 

食完，繼續走。走到內街，燈火通明，人流亦比較多。

道路兩旁開設了各色各樣的攤子。主要都是吃的，包羅萬有，每樣都非常吸引。

經過一間叫「Meiko House」的爆米花店。

這間小攤子並不起眼，純粹路過想吃爆谷。

由於爆谷的包裝事先封口，所以外帶非常方便。

初時以為是一般貨色，怎料出奇地好食。

雖然是預先包裝，卻香口鬆脆，而且爆谷表面油分很少，不會黏手。

最厲害的地方是，開封了兩天，爆谷都沒有變軟。值得一試。 

大腸包小腸，是我在台中的另一大發現。

相當喜歡這種小吃。

用烤過糯米腸包著較小的香腸，以及香菜、花生粉、酸菜、小黃瓜等等配料，很惹味。


這間名號稱 20 多年老店的店子，店名很易記。

似乎是取「關之琳」的諧音 ...

有台灣節目《食尚玩家》推薦。 

又是《食尚玩家》推薦。

臭豆腐一向是我們愛吃的美食之一。


香酥臭豆腐，是將一大塊豆腐丟到油窩裡炸，炸好了再切成小塊。

不過，就算是一小塊，也比平日吃到的臭豆腐大。

特點在於外皮炸得鬆脆，內層頗為嫩口。

配上香菜、辣辣的蒜醬，特別好食。

吃完熱辣辣的熟食，自然要食冰凍甜品，中和一下翻滾的胃部。

看見快要打烊的「微豆豆花」，抱著一試的心態走進去。


豆花的款式很多，我點了綜合奶油豆花。

侍應將一大碗豆花送上來，只見碗內豐富的材料，有：

花生、大豆、珍珠、紅豆、綠豆、薏米、粉圓。


放一匙入口，首先感受到冰涼的感覺，然後是煉奶的清甜。

最後是，感覺到不同食材的質感，甚有咬感。


各種食材各具特色。進食不同食材，或混合來吃，會呈現不同的滋味和感覺。

十個讚！

我覺得大家來到逢甲夜市，必定要試一試微豆豆花。