(Day 1)

晚飯過後還想找甜點吃，無意間發現了這間cafe，正合我心意。店中熤燈光昏暗，中，我們每一點了一件蛋糕和一杯咖啡享用。

Special Mont Blanc

栗子忌廉味道很出色，是我吃過最好的。做得香滑之餘.，連內餡也有很多栗子餡，一點也不吝嗇。

Sweet Potato Tart

相反甜薯批較失色了，甜薯味很薄弱，要很細心才能嚼出來，不過批㡳夠鬆脆。

Cappuccino

我何時何地也覺得蛋糕配咖啡是一件賞心樂事，這兒的咖啡味強帶丁點苦澀，正好中和那甜批的膩。

Caramel Macchiato

我沒有喝了，一看到面頭的忌廉已經沒興趣

店員以有限的英文盡力解答我們的問題，而且笑容十足，我也要學習她們的服務態度呢

次次浸完溫泉，都特別肚餓，可能因為血液循環好咗(其實可能係我大食)。今朝揀咗日式早餐，都幾豐富，又好似昨晚咁有10幾碟野，不過早餐就清淡D。有燒三文魚、豆腐鍋、漬物…..仲有白飯任裝。晨早又係食飯，真係有d唔係好慣。

溫泉酒店一般check out 時間係10點，所以食飽飽，仲有時間攤一陣睇吓電視先check out。 (我的日文係有限公司，不過好鍾意睇日本d電視，唔明但都要睇)

今朝早好hae，只係去睇個傳統習俗表演叫「湯揉」ゆもみ（yumomi），係草津名物，亦係到此一遊的標記。「湯揉」係草津的傳統習俗，女表演者會跟住音樂一邊唱歌，一邊不斷拍打泉水。呢個係以前幫助泉水降溫的方法，因為草津溫泉的水溫實在太高，成95度呀～

今日的午飯放棄咗傳統的日式料理，揀咗湯畑旁的一間西式料理-月乃井。呢間餐廳之前上網做過research，見到D甜品好靚已經好想試。一入間舖再上一層樓先係餐廳，D裝修好歐陸feel，用粉綠色做主調。如果你有去過巴黎好出名食macaron的Laudaree，會覺得成個格局都好似，不過野食就加入咗d日式元素。我叫咗個pasta set，包括有沙律、和風意粉同是日甜品。係咁優美的環景下，歎個午餐真係一樂也。

雪不斷咁落，兩日來完全冇停過，食飽飽行去西河原公園閒逛，已經滿地都係雪仲有d跣，要好小心咁行。西河原公園係另一個草津區的溫泉源頭，呢個公園入面仲有免費的露天風呂，不過可能因為太多遊客去觀光，所以而家好少人浸。成個公園都充斥住蒸氣，係咁凍的氣溫下(-1度)，入到呢個公園特別覺得暖。

四圍行下，唔經唔覺又已經到巴士出發時間。係時候行返酒店，攞噃行李，再由酒店車送去搭巴士返東京，為呢次溫泉之旅正式劃上句號。

今次來回都要搭長途巴士(3個半鐘)，所以中途一定會停道之駅(中途站)俾大家去廁所同貫野食。日本好興國內旅遊，無論係自駕定係用公共交通工具，亦因為咁d公路好完善，而途中的中途站，更可稱得上係日本名物!因為有好多野買，仲有o個區的特色手信。今次的發現係群馬縣出產的士多啤梨!只係600yen一盒，平香港一半，平新宿30%。而且好甜，好大粒，正過平時買開的博多日本士多啤梨好多!

超好味，好采買咗4盒，食到走仲有….

今次選擇咗日本三大名湯之一的草津溫泉，仲係連續9年俾 日本人的溫泉百選選為第一位(有圖為証)，一起從東京出發吧!

由東京出發往位於群馬縣的草津溫泉十分便利，係新宿西口的新宿住友大樓坐3個半鐘頭巴士就到，唔駛轉車，中途有一個廁所位。日本的 中途站又大又乾淨，仲有好多手信同野食埋唔駛擔心會肚餓。

去到草津巴士總站第一件事就係call旅館來接我地，雖然只係15分鐘的腳程，但係天寒地冬加冰天雪地都係坐車有So。今晚住的的溫泉旅館叫草津酒店即係同個溫泉區同名，係溫泉街街尾的一條小斜路上。唔係D超級豪華的溫泉旅館，不過服務好貼心，俾人好warm的感覺。

欣賞完間溫泉旅館有D肚餓，決定出溫泉街閒逛吓同醫吓肚。步行8分鐘左右已經行到達溫泉街，一路上飄住雪，有好多小商店，沒有太多行人，遠離繁囂的感覺多好!

沿途在車上食咗唔少嘢，今晚又係溫泉酒店食大餐，都係light light地食個甜品飲杯咖啡算啦。

歎完下午茶，當然耍到湯畑走走。湯畑係溫泉街的中心位置，基本上溫泉街同溫泉旅館都係圍住湯畑起，因為呢個係溫泉泉口，即係溫泉區的心臟。呢度的湯畑特別在有好多木管道，用來將泉水降溫，之後先再輸往各大旅館俾我地享用。咩溫泉唔係愈熱愈好咩? 點解要降溫? 因為草津的泉水溫高達95度，就咁浸大家都會變燒豬，所以就要有呢D木管幫手。

住溫泉酒店都係一泊兩食，即係一晚住宿加早晚餐。今晚餐飯係房度著住和式浴衣食，超爽!

晚上的草津特別寧靜，路上只見貓兒，可能因為室外只有一、兩度，大家都躲在旅館內。

散完步，消化晒，可以浸溫泉啦~

其實日本人去溫泉大部份時間都會留係酒店，因為酒店已收入浴費，所以check in 至 check out 的20小時要浸3-5次先叫底。我冇蝕，共浸3次半（因為浸腳計半次）。飯前1次，飯後1次，起身1次。超正~　草津溫泉有好高的藥用價值，浸完成身鬆晒，屋企人仲話腰骨痛都冇埋，好神奇呀～

另外，呢間溫泉酒店的一大好處係貸切風呂(即係私家溫泉，指定時間內只有你浸冇其他人)係不另收費的。只要book就可以，我都唔執輸，晚上一次，早上一次。

呢隻係7仔買梅酒超好味，細細杯一個人size，裡面仲有粒酸酸地好香酒味的梅。本來諗住買噃D噃香港大宴親朋，一心諗住出噃東京的7仔買，點知冇？！？！？原來又係草津限定，朋友仔你地冇口福啦！

其實旅行係應該咁樣悠悠閒閒咁過嘅～早抖！

經流行東京杜如風的強力推介後, 有機會當然要一試啦!!!
店舖坐位不多, 樓上地下加埋大概只有20個個坐位
自助按票形式的購買, 方便快捷之餘也省卻香港人語言不通的痛苦

但之後我也試了若狹家...
反而若狹家更勝一籌