厭倦咗忙碌的農曆新年，食唔完的年糕，辦唔完的年貨，去唔完的團拜；出國避年都是不錯的選擇。今年鎖定目標到日本東京避年!!! 有人會話去日本東京咪仲忙，大城市人多車多，又要血拚(仲要1月係日本減價)。其實東京都有悠閒的一面，本地人就最鍾意weekend三五知己或一家大細去浸溫泉。天氣凍凍地，去溫泉歎下啦!
今次選擇咗日本三大名湯之一的草津溫泉，仲係連續9年俾 日本人的溫泉百選選為第一位(有圖為証)，一起從東京出發吧!
由東京出發往位於群馬縣的草津溫泉十分便利，係新宿西口的新宿住友大樓坐3個半鐘頭巴士就到，唔駛轉車，中途有一個廁所位。日本的 中途站又大又乾淨，仲有好多手信同野食埋唔駛擔心會肚餓。
去到草津巴士總站第一件事就係call旅館來接我地，雖然只係15分鐘的腳程，但係天寒地冬加冰天雪地都係坐車有So。今晚住的的溫泉旅館叫草津酒店即係同個溫泉區同名，係溫泉街街尾的一條小斜路上。唔係D超級豪華的溫泉旅館，不過服務好貼心，俾人好warm的感覺。
欣賞完間溫泉旅館有D肚餓，決定出溫泉街閒逛吓同醫吓肚。步行8分鐘左右已經行到達溫泉街，一路上飄住雪，有好多小商店，沒有太多行人，遠離繁囂的感覺多好!
沿途在車上食咗唔少嘢，今晚又係溫泉酒店食大餐，都係light light地食個甜品飲杯咖啡算啦。
歎完下午茶，當然耍到湯畑走走。湯畑係溫泉街的中心位置，基本上溫泉街同溫泉旅館都係圍住湯畑起，因為呢個係溫泉泉口，即係溫泉區的心臟。呢度的湯畑特別在有好多木管道，用來將泉水降溫，之後先再輸往各大旅館俾我地享用。咩溫泉唔係愈熱愈好咩? 點解要降溫? 因為草津的泉水溫高達95度，就咁浸大家都會變燒豬，所以就要有呢D木管幫手。
住溫泉酒店都係一泊兩食，即係一晚住宿加早晚餐。今晚餐飯係房度著住和式浴衣食，超爽!
晚上的草津特別寧靜，路上只見貓兒，可能因為室外只有一、兩度，大家都躲在旅館內。
散完步，消化晒，可以浸溫泉啦~
其實日本人去溫泉大部份時間都會留係酒店，因為酒店已收入浴費，所以check in 至 check out 的20小時要浸3-5次先叫底。我冇蝕，共浸3次半（因為浸腳計半次）。飯前1次，飯後1次，起身1次。超正~ 草津溫泉有好高的藥用價值，浸完成身鬆晒，屋企人仲話腰骨痛都冇埋，好神奇呀～
另外，呢間溫泉酒店的一大好處係貸切風呂(即係私家溫泉，指定時間內只有你浸冇其他人)係不另收費的。只要book就可以，我都唔執輸，晚上一次，早上一次。
呢隻係7仔買梅酒超好味，細細杯一個人size，裡面仲有粒酸酸地好香酒味的梅。本來諗住買噃D噃香港大宴親朋，一心諗住出噃東京的7仔買，點知冇？！？！？原來又係草津限定，朋友仔你地冇口福啦！
其實旅行係應該咁樣悠悠閒閒咁過嘅～早抖！
遊記數目 
上載相片 
上載影片 
2012-01-28
QQ的葛軟糍上加上綠茶粉，再按自己的喜好加入黑糖糖漿。 咖啡香濃再加入濃滑的日本cream美味無比。
