次次浸完溫泉，都特別肚餓，可能因為血液循環好咗(其實可能係我大食)。今朝揀咗日式早餐，都幾豐富，又好似昨晚咁有10幾碟野，不過早餐就清淡D。有燒三文魚、豆腐鍋、漬物…..仲有白飯任裝。晨早又係食飯，真係有d唔係好慣。

溫泉酒店一般check out 時間係10點，所以食飽飽，仲有時間攤一陣睇吓電視先check out。 (我的日文係有限公司，不過好鍾意睇日本d電視，唔明但都要睇)

今朝早好hae，只係去睇個傳統習俗表演叫「湯揉」ゆもみ（yumomi），係草津名物，亦係到此一遊的標記。「湯揉」係草津的傳統習俗，女表演者會跟住音樂一邊唱歌，一邊不斷拍打泉水。呢個係以前幫助泉水降溫的方法，因為草津溫泉的水溫實在太高，成95度呀～

今日的午飯放棄咗傳統的日式料理，揀咗湯畑旁的一間西式料理-月乃井。呢間餐廳之前上網做過research，見到D甜品好靚已經好想試。一入間舖再上一層樓先係餐廳，D裝修好歐陸feel，用粉綠色做主調。如果你有去過巴黎好出名食macaron的Laudaree，會覺得成個格局都好似，不過野食就加入咗d日式元素。我叫咗個pasta set，包括有沙律、和風意粉同是日甜品。係咁優美的環景下，歎個午餐真係一樂也。

雪不斷咁落，兩日來完全冇停過，食飽飽行去西河原公園閒逛，已經滿地都係雪仲有d跣，要好小心咁行。西河原公園係另一個草津區的溫泉源頭，呢個公園入面仲有免費的露天風呂，不過可能因為太多遊客去觀光，所以而家好少人浸。成個公園都充斥住蒸氣，係咁凍的氣溫下(-1度)，入到呢個公園特別覺得暖。

四圍行下，唔經唔覺又已經到巴士出發時間。係時候行返酒店，攞噃行李，再由酒店車送去搭巴士返東京，為呢次溫泉之旅正式劃上句號。

今次來回都要搭長途巴士(3個半鐘)，所以中途一定會停道之駅(中途站)俾大家去廁所同貫野食。日本好興國內旅遊，無論係自駕定係用公共交通工具，亦因為咁d公路好完善，而途中的中途站，更可稱得上係日本名物!因為有好多野買，仲有o個區的特色手信。今次的發現係群馬縣出產的士多啤梨!只係600yen一盒，平香港一半，平新宿30%。而且好甜，好大粒，正過平時買開的博多日本士多啤梨好多!

超好味，好采買咗4盒，食到走仲有….

今次選擇咗日本三大名湯之一的草津溫泉，仲係連續9年俾 日本人的溫泉百選選為第一位(有圖為証)，一起從東京出發吧!

由東京出發往位於群馬縣的草津溫泉十分便利，係新宿西口的新宿住友大樓坐3個半鐘頭巴士就到，唔駛轉車，中途有一個廁所位。日本的 中途站又大又乾淨，仲有好多手信同野食埋唔駛擔心會肚餓。

去到草津巴士總站第一件事就係call旅館來接我地，雖然只係15分鐘的腳程，但係天寒地冬加冰天雪地都係坐車有So。今晚住的的溫泉旅館叫草津酒店即係同個溫泉區同名，係溫泉街街尾的一條小斜路上。唔係D超級豪華的溫泉旅館，不過服務好貼心，俾人好warm的感覺。

欣賞完間溫泉旅館有D肚餓，決定出溫泉街閒逛吓同醫吓肚。步行8分鐘左右已經行到達溫泉街，一路上飄住雪，有好多小商店，沒有太多行人，遠離繁囂的感覺多好!

沿途在車上食咗唔少嘢，今晚又係溫泉酒店食大餐，都係light light地食個甜品飲杯咖啡算啦。

歎完下午茶，當然耍到湯畑走走。湯畑係溫泉街的中心位置，基本上溫泉街同溫泉旅館都係圍住湯畑起，因為呢個係溫泉泉口，即係溫泉區的心臟。呢度的湯畑特別在有好多木管道，用來將泉水降溫，之後先再輸往各大旅館俾我地享用。咩溫泉唔係愈熱愈好咩? 點解要降溫? 因為草津的泉水溫高達95度，就咁浸大家都會變燒豬，所以就要有呢D木管幫手。

住溫泉酒店都係一泊兩食，即係一晚住宿加早晚餐。今晚餐飯係房度著住和式浴衣食，超爽!

晚上的草津特別寧靜，路上只見貓兒，可能因為室外只有一、兩度，大家都躲在旅館內。

散完步，消化晒，可以浸溫泉啦~

其實日本人去溫泉大部份時間都會留係酒店，因為酒店已收入浴費，所以check in 至 check out 的20小時要浸3-5次先叫底。我冇蝕，共浸3次半（因為浸腳計半次）。飯前1次，飯後1次，起身1次。超正~　草津溫泉有好高的藥用價值，浸完成身鬆晒，屋企人仲話腰骨痛都冇埋，好神奇呀～

另外，呢間溫泉酒店的一大好處係貸切風呂(即係私家溫泉，指定時間內只有你浸冇其他人)係不另收費的。只要book就可以，我都唔執輸，晚上一次，早上一次。

呢隻係7仔買梅酒超好味，細細杯一個人size，裡面仲有粒酸酸地好香酒味的梅。本來諗住買噃D噃香港大宴親朋，一心諗住出噃東京的7仔買，點知冇？！？！？原來又係草津限定，朋友仔你地冇口福啦！

其實旅行係應該咁樣悠悠閒閒咁過嘅～早抖！

由Bicheno揸車去Freycinet一d都唔順路，額外揸多25分鍾，一來一回都成50分鐘，不過慶幸有特登去，因為d海鮮真係超級美味，係呢次塔斯曼尼亞之旅食過最好食既! 雖然話係farm，其實似café 加外賣多d，因為唔知幾時開始呢度已經冇做導賞團，只係賣海鮮，可以堂食或攞走。我地買咗1打生蠔同1lb青口係patio度嘆，真梳乎!如果你係蠔癡仲可以外帶生蠔，自己落手落腳開的話，

由Bicheno沿着Tasman Hwy(A3)揸車返Hobart，車程約兩小時。沿途風景好靚，會沿住海邊揸一段路，然後再上山，途中有藍天、有碧海、有綠草，仲有綿羊同乳牛，真不愧係塵世美！一邊聽住Eason的想聽，一邊欣賞風景，真係好feel!

風怎麼叫　話我知蜜蜂怎笑
星怎不叫囂　難道怕誰人被搔擾
想緊握這　靜悄的一秒
噪音聽厭了愛上在深宵
呆看這寂寞雨點　放浪輕飄

如果寧靜中感到害怕　送我相擁有用嗎
會為我添上顧慮嗎　可安心嗎
平靜的海　仍充滿熱情暗浪
只得一剎那　捉不緊變化
雖安身這個懷裡亦怕

想聽得見　用耳聽未必聽見
將心擺耳邊　才驟覺沉默有深淺
聽到淺笑　用笑織冠冕
縱聽得剎那夠快樂一天
陶醉這靜默愛戀　快樂飛天

如果寧靜中感到害怕　送你相擁有用嗎
會為你添上顧慮嗎　可安心嗎
平靜的海　仍充滿熱情暗浪
想聽出變化　想聽出記掛
想聽聽到嗎　容我念掛

如果沉睡中感到害怕　你這相擁有用嗎
會為我牽去顧慮嗎　可安息嗎
平靜的海　無心叫熱情靠岸
可惜一剎那　可惜這變化
雖安身這個懷裡亦怕

由Sorell來到Hobart市已經差唔多日落。Hobart係Tasmania最大的城市，第一次到呢個地方又點可以唔去呢！

Check-in後一心諗住去食飯，不過餐廳好多人要等位，於是出來行吓Hobart的海邊，撞正日落真係幾靚幾relax。

今晚係Friday night都估到周圍食飯都會多人，諗住打去book定位一定冇衰，點知唔接受2人的booking。於是大概7點幾就去攞位，好多人等緊，連bar area都差唔多爆彭，侍應話大概8點會有位，所以決定出去行吓，睇吓日落的Hobart市再返來。

呢間餐廳出名的係碳火燒烤，入面坐滿人，大部份都似local多過似遊客，心諗正，又揀啱咗。概然係碳火燒烤當然要試牛扒啦，呢度的牛扒分大、中、小，3個份量，由AUD$16-$45不等，叫牛扒仲送埋salad bar。個salad bar勁多野食，有8款沙侓再加幾款菜，最犀利係有埋熱食，蜆殼粉、烚甘荀仔同茄醬zucchini。

我地order咗個Ball and Chain Antipasto Platter，有齊大部份前菜，個pate尤其出色，咁貪心的選擇當然又係我的主意。另外，仲叫咗個細既Pepper Eye Fillet，呢種扒沾滿peppercorn然後先grill，之後再加peppercorn汁，胡椒味極濃仲帶點辣，外面的pepper grill到脆晒，好好味，好特別!仲叫咗中size既scotch filler，一樣咁正！好采冇眼闊肚窄叫大size，因為大既size成隻食指咁厚，兩隻手掌咁大，一定食唔晒！

食飽飽又繼續揸車上路,大概1.5小時車程便到達East Coast Nature World。呢個動物園唔算好大，行一個圈約3km，有塔曼尼亞魔鬼、袋鼠、袋熊、樹熊，尚算齊全﹔不過就好冷清，成個場加埋我地兩個都唔知有冇10個遊客。行完一圈終於到咗戲肉 – 三點半餵飼時間。我地好乖咁跟住動物管理員，聽佢講解同睇佢餵動物。佢先撤d穀落地，再怪叫引d羊同鹿來，跟住就玩拋魚俾塘鵝，原來有野食，所以隻塘鵝一早就係附近行來行去等開餐。最後，係去餵塔曼尼亞魔鬼，佢絕對唔係一隻可愛的動物，而真係一隻魔鬼。塔曼尼亞魔鬼係肉食的，有無比鋒利的牙齒和強而有力的下顎，當佢品嘗緊佢的下午茶時，會不斷發出喀擦喀擦的聲音，因為佢正係度咬碎連住肉的骨頭，勁恐怖~!~!~!
P.S.如果大家諗住去呢度一定要參加10點或3點半的餵飼時間呀~!

5點幾先去check-in，再食個飯，然後睇企鵝。今晚選擇咗bicheno最平的Bicheno Backpacker，二人房連私家厠所盛惠AUD$70，抵!

去睇企鵝之前梗係醫飽個肚先啦，我地同backpacker阿伯講想食海鮮，佢就介紹咗我地去呢間 Sea Life Centre，仲話Lonely Planet都有介紹。因為時間仲早只係6點，我地係第一枱客。侍應安排咗個窗邊位，海景+海鮮=正正正! 我地點咗seafood chowder、grill fish of the day同冷熱海鮮併盤，全部都好有水準。

今晚去Bicheno睇企鵝仔,亦係揸車上去的主要原因.好多人都會參加呢個企鵝導賞團,我估計一晚都有2-3團,10幾人一團.企鵝導賞團是絕對不能拍照和拍攝的,唔係當地人小器唔俾人拍,而係閃光燈的白光會傷害小企鵝的眼睛,令到佢地變盲.之前有好多盲丙遊客唔小心開咗閃光燈,所以佢地先決定唔俾影相.雖然冇相影有d失望,不過我絕對同意,如果因為D遊客們的一張相,而要傷害一隻小企鵝幾咁冇謂!唔該各位遊客一定要聽導遊話,唔係第時周圍到唔可以影相嫁啦!

個團大概45分鐘,睇住d企鵝仔步步為營咁係ocean行上沙灘,再噃屋企.佢地日日如事,一天光就出大海,天黑就噃來.佢地成群咁行,但係又怕死,行吓停吓,得意到呢~@~@~@~@