唔知係落雪o既關係，亦或係週末o既關係呢，嗰朝早無論喺街道上，亦或喺地鐡上，人流都少之又少，就連平時門口排長龍o既美登利壽司店都冇人企喺門口，真係有種杳無人煙o既感覺。

雖然街上冇乜人，但係原來壽司店內已經差不多爆滿，嘻嘻，好在咁啱有三張吉枱，剛剛好比我地十一個人坐哂。闊別四年，美登利壽司店外貌同以前一樣，無論係室內裝修、枱櫈、餐具等，毫無陳舊feel，衛生依然，而且人氣似乎亦冇減弱，因為我地坐低冇耐，門口已經排滿哂人，走時仲打哂蛇餅添。

店舖冇乜改變，不過識講國語o既妹妹仔就唔見咗，溝通變咗主要用日文。食物方面，因季節同上一次唔同，壽司店所推介o既食品及其提供o既精選套餐亦有所不同：

旬特選Nigiri（季節週末套餐，2,625日元）：哥哥位靚女朋友極力推介，所以我地三個人叫咗一份黎分。套餐除咗有多款壽司外，每客亦包有一碗美登利獨有o既名菜「迷你蟹肉味噌沙律」（Mini Kani Miso Salad）、一碗迷你燉蛋、豆腐、及醃蘿蔔；當中「迷你蟹肉味噌沙律」真係名不虛傳，蟹肉鮮甜，配上味噌醬同時又覺野味，沙律頓時變得既清新又香濃！美登利絕不吝嗇，套餐o既壽司種類並非平野，更有大拖羅、中拖羅、海膽等貴價貨，只售2,625日元真係抵到爛呀！

間八刺身（Kanpachi）：靚女姐姐話間八正正係當做期，依段時間食可稱得上最為肥美。間八刺身貌似油甘魚，味道亦頗為相近；個人覺得間八冇咁溜，口感較為爽口彈牙，清麗脫俗，果然冇介紹錯！

精選金槍魚片拼盤（2,940日元）：餐牌例明，此拼盤選用「極上」金槍魚，即吞拿魚，握製兩款壽司及一款吞拿魚碎卷，連湯同燉蛋。如相所示，葱花吞拿魚碎卷色澤鮮亮，味道更加係鮮甜香脆；兩款壽司亦不弱，又長又美味，而且魚油充足，超正！

燒鱈場蟹：我地一坐埋位，服務生就立刻推介，話今朝早新鮮來貨，但只剩兩客，團友中多位係「蟹痴」，當然係要哂啦！蟹痴們評語為：「蟹肉鮮甜幼嫩，比起香港所食到o既美味得多，最重要係價錢平成三分之二，三個字講哂：平、靚、正！」

肥肥家族已經係第二次黎美登利壽司專門店用膳，雖然兩次所食o既魚生款色不同，不過美登利所選用o既魚材新鮮，提供o既食物全為高質，每次都食得咁開心、咁滿足！就連第一次黎o既兩位靚女auntie都話想臨走前再返黎食多餐呀！

Mieko Uesako係日本名設計師，所設計o既衣物配備大多適合高爾夫球員，其中最為有名o既系列全以狗狗做主題。多年前，媽咪同幾位姨媽們去澳門遊玩，行街時見到此系列o既狗仔T-shirt，覺得其設計可愛，衣物質料高級軟熟，就立即愛上依個品牌。

今次我地出發黎日本前三個月，靚靚媽咪同幾位姨媽已經落定order，要小肥搵出品牌o既銷售處，仲話無論如何都要去Mieko Uesako啱啱新開不到半年o既旗艦店度添！所謂旗艦店原來地方都唔算係好大，不過班女士們都可以逗留成兩個鐘，真係幾誇張；哈，又好在佢地揀咗咁耐，因為到佢地差不多準備比錢o既時候，設計師老闆娘突然帶埋仔仔及其靈感愛犬出現。Uesako女士一啲架子都冇，仲好客氣地同大家影相傾計（由佢仔仔代為翻譯），可以話係我地臨走前o既意外收穫。

四年前黎日本睇櫻花時，除咗食過令人回味無窮o既美登利壽司之外，大家亦對Toshi Yoroizuka甜品店o既Egg Soufflé念念不忘，故今次重臨東京，各人都想再次品嚐。

甜品屋內外都冇乜改變，地方依然光鮮企理，門口條龍一樣咁長，我地十一個人大約三點半開始排隊，結果要等成大半個鐘先有得續一入座，最後入去o既小肥同姨丈就等足一個鐘添。座位圍繞住o既開放式廚房入面除咗幾位年輕師傅仔外，最令團友們驚喜o既就係見到名廚老闆Toshi Yoroizuka先生企喺中央烹調甜品！比起剛剛巧遇嗰位名設計師老闆娘Uesako女士，Yoroizuka先生態度就較為囂張啦，對於不懂日語溝通o既團友們更加係不偢不睬，不甚友善！

打開餐牌，發現Egg Soufflé唔見咗，當堂唔知食乜好，唯有叫咗一客朱古力口味o既糕點及一客法國名甜品Tarte Tatin同姨丈分：

Amuse Bouche：每位客人上座，姐姐仔隨即送上一杯開心果甜湯作餐前小點。開心果甜湯味道偏苦，食完小肥唔多覺開胃囉！

Dessert Ecuardo Chocolat（1,400日元）：此乃餐牌中唯一一款朱古力甜品，亦係Yoroizuka先生負責所炮製，味道有少少過甜，但總算香滑。似乎名廚都有失手o既一刻，因為其中二姨丈嗰客朱古力甜品未上枱前，嗰件應該樹立o既香蕉突然倒下，橫訓喺碟上，師傅仔只好硬著頭皮拎返比大廚執手尾；大廚玩咗一輪後，雖然件細咗o既香蕉企返起身，不過大家o既食慾亦相對地減咗一截。

Tarte Tatin（1,200日元）：由蘋果批演變出黎o既法國名甜品Tarte Tatin味道冇朱古力嗰款咁甜咁過火，面層塊蘋果幾清香，不過XO仔就嫌其底層嗰批偏腍，唔夠香脆。

離開甜品屋後，我地團友十一人再會合時，大家都不約而同地批評，雖然有名廚老闆Toshi Yoroizuka先生助陣，代客之道卻不大如前，佢o既新作亦不及四年前o既Egg Soufflé美味，下次再黎日本應該無緣再臨。

女團友們都愛買精品衣物，中肥哥哥卻愛行書店，但小肥就鍾情睇食物；得知XO仔對甜品超感興趣，靚女姐姐就介紹細佬入Midtown商場B1層一間甜點專門店pâtisserie Sadaharu AOKI paris。據說，Aoki（青木）先生係Toshi Yoroizuka先生其中一位徒弟，主要賣法式甜品及西餅，係日本OL近期超人氣商店之一，以店內獨有o既Chocoron最為聞名！

Pâtisserie Sadaharu AOKI paris店舖光鮮潔亮，陳列企理吸引，服務生亦會主動推介及講解食品，友善好客，行入去o既第一刻已經覺得自己係一位尊貴o既客戶。為咗要了解及認清靚女們o既口味，XO仔當然係好潮地買咗兩盒七彩Chocorons同團友們分啦！店舖擠滿哂人，好在收銀小姐同負責包裝嗰位姐姐仔夠默契，效率高，顧客唔洗等好耐就攪掂。細佬所買o既Chocoron禮盒為六件裝，每盒3,565日元，保存期例明為21天：

Chocoron Citron：六個唔同口味中以黃色o既Chocoron Citron最酸，因檸檬味濃，但好在又不失朱古力o既甜味，絕對值得一試。

Chocoron Macha：綠色o既Chocoron Macha抹茶味清香，食落好有法日fushion feel。

Chocoron Chocolat：深啡色o既Chocoron Chocolat朱古力香甜濃郁，但個人覺得酸味嗰幾款更為有特色。

Chocoron Framboise：鮮紅色o既Chocoron Framboise果味酸甜得黎幾清新，食完有種特如其來o既心花怒放感，係三款酸味chocorons當中最易入口o既一味！

Chocoron Café：淺啡色o既Chocoron Café甜中帶苦，好似食緊一杯mocha咖啡落肚咁。

Chocoron Cassis：紫紅色o既Chocoron Cassis酸得黎有種好純好高貴o既感覺，好難用字句黎描繪。

六款中，小肥like哂三種以酸味調製o既黃色Chocoron Citron，鮮紅色Chocoron Framboise及紫紅色Chocoron Cassis，亦在此誠意推介！每盒3,565日元，即約600日元一粒，一啲都唔平，不過香港食唔到，口味獨特，試完一粒後覺得啱feel的話，不妨買黎做手信，一定唔會失禮！

記得讀書時代成日睇日劇，男主角收工後總愛流連居酒屋一邊飲酒煲煙，一邊吹水聯誼。因為團友們黎過日本咁多次都未有一個入過一間居酒屋，小肥亦一即渴望感受一吓居酒屋o既氣氛，所以就特地叫班日藉朋友們推薦一間，等大家可以體驗一翻！

大學同學仔所推介o既「朝日食堂」地點好隱蔽，當日我地雖然有日本地膽靚女姐姐帶路，但係都要喺條街度徘徊咗好耐先搵到間餐室。居酒屋就有如日劇中所見，正門為趟門，店舖中央有個吧形開放式廚房，食客可圍繞廚房坐吧櫈，亦可以揀坐旁邊o既卡位散座，我地十個人就只可以坐正門旁o既一張大枱；座位全位高櫈，年長o既食客上座極有難度。食客主要係年輕o既一輩，所以行入黎都會不由自主地望一望我地枱中o既六、七旬長輩。

入到居酒屋，小肥就馬上同鬍鬚哥哥以日語打招呼，並先指聲明講團友中只有細佬可用有限o既日語同佢溝通，所以好多時會需要佢多作說明，希望佢多多包含及諒解。鬍鬚哥哥非常客氣地話感激我可以唔洗佢用英語，仲話其實大家用手語及漢字加以配合應該唔會有太大問題，XO仔即時放鬆咗好多！

鬍鬚哥哥真係細心，比餐牌我地睇時不忘送上兩份英文版比大家參考，佢話如果大家第一次黎食，最好就係先揀選佢地用橙色螢光筆油咗嗰幾款食品，因全為店內最人氣之菜式，我地當然係聽取提議，先叫各款人氣佳餚啦！

是日推介之八爪魚刺身（480日元）：生食八爪魚唔係好多人啱食，不過入口其實同魷魚刺身相近，爽脆滑溜，個人覺得八爪魚刺身比起熟咗o既八爪魚更為美味，每客只售480日元，認真超值！

是日推介之油甘魚刺身（480日元）：油甘魚鮮甜、肥美、魚油足，每客有四件，480日元，真係抵食到暈呀！

是日推介之「炙りしめ鯖」，即火焰Mesaba刺身（480日元）：即叫即切，鬍鬚哥哥負責喺食客面前即燒；睇住佢以熟練o既手藝邊燒邊加檸檬汁，我地食得真係好過隱！半生熟o既鯖魚肉質爽嫩，皮層香脆，魚味鮮甜，輕輕以檸檬汁點綴，效果非常清新！

人氣推介之「チーズ豆腐」，芝士豆腐（480日元）：起初大家對此味芝士豆腐不太感興趣，決定不如先叫一客，有人食過好食先加碼啦；哈，點知，食完一碟唔夠喉，大家最後加咗兩客！芝士豆腐連麵包上，唔講真係唔係好食得出個碗醬係由芝士同豆腐攪拌而成，只係覺得用黎加上麵包面o既醬滑溜香甜，幾得意。

人氣推介之Avocado Fry，炸牛油果（580日元）：炸牛油果外層香脆，內層嫩滑，加上伴碟o既吞拿魚芥辣忌廉秘醬食落好野味。

茄子餃子（580日元）：所謂茄子餃子（Nasu Gyoza）原來係我地中國人o既「釀茄子」。據鬍鬚哥哥所講，佢地所煮製o既茄子餃子係先燒後炸，所以做出黎先能夠外皮同內餡都同樣香脆。

人氣推介之芝士春卷（580日元）：春卷香脆，芝士味香滑濃郁，嘩，原來用芝士黎做炸春卷係咁好食架！

人氣推介之「地鶏焼き」，即燒地雞（1,480日元）：地雞日語拼音為Jidori，朝日食堂所燒出黎o既地雞毫不肥膩，皮脆肉嫩，肉食者一定要試！

我地其實嗰日仲食咗好多其他小碟，如生牛肉、枝豆、雞翼、炸豆腐、炒雜菜等，不過因為我地喺香港都食得到，又唔係話超級特別，所以XO仔決定唔喺度續一介紹啦，如果大家有意試「朝日食堂」，個人會推介以上食品，唔夠先叫其他菜式。

「朝日食堂」居酒屋座位雖則唔算太過舒適，但氣氛好，服務佳，而且多款小食都好有特色，最緊要係食材新鮮質高，價錢又勁抵，團友們都食得好滿意！肥肥家族都好慶幸能夠以此初臨居酒屋o既新體驗為我地東京狂食之旅劃上完美o既句號，真係好多謝貴子同學咁好介紹！

沖繩人稱呼香蕉船作Dragon Boat，也可選擇其他不同形狀和坐姿的大型浮艇，起初我們玩時都戴著泳鏡，後來乾脆把泳鏡拉下，才能更真實地在海中心欣賞藍天碧海，當然眼睛不免會被咸咸的海水入侵，但絶不減低對大自然的廣闊和偉大所帶來的興奮心情。

雖然玩完水上活動後十分疲倦，但是很快便要退房和趕至下一景點，就是位於南部的文化王國，主要是想參觀極具歷史和觀賞價值的玉泉洞，據說經三十萬年形成，鐘乳石數目有超過100萬根。

穿涼鞋的人士要有心理準備，洞內整條通道非常濕滑，不小心的話很易滑倒，而且頭頂會不停被滴下的水弄濕，這正正是鐘乳石長年累月被水滴形成的原因。雖然洞內予人陰森恐怖的感覺，但面對如此自然奇景，的確令人大開眼界。

文化王國內還有不少有趣的玩意和傳統手工藝體驗，最適合我們的王子公主的地方當然是寫真館了，只需數分鐘和數十塊便可穿上和服拍照留念。而且可用自己的相機拍攝，不會諸多限制。

晚飯後馬上到另一間位置相當接近國際通和機場的酒店入住，較便宜的同名相連酒店不設溫泉，我們則預約了有溫泉的較高等級的酒店，兩間酒店均在同一大堂登記。雖然沒有沙灘和海景，但這所酒店設計新穎時尚，我們也加了二百元提升到頂層面積較大的房間。這裏標榜能在房間以溫泉水浸浴，只要扭開浴缸的水龍頭便可，當然也可到酒店的風呂浸溫泉，費用全免。

在國際通經過這間名為 BAMBOHE 歡笑的燒肉店吃燒肉放題，十分旺場，還遇到參加旅行團的香港客，幸好等了一會便有枱了。這裏有趣的地方是女士的收費比男士便宜，心想我的食量可不少啊﹗個半小時的燒肉放題只需約1900日元(男士價) ，難得的是除了豬肉外，還供應多款牛肉，且不用配給，是任由客人自取的， 還有多款肉類、菜、壽司、前菜、熟食、甜品等供應，印象中在香港從未嚐過這麼多款式兼且是任由客人自取的燒肉放題，簡直是超值﹗在其他餐廳吃膩了AGU黑豬肉，終於可嚐嚐沖繩的牛肉了。

各款牛和豬肉也清楚標示了不同的部位和名稱，日本人吃燒肉果真比我們考究。豬肉方面有取自腹部的三枚肉，有點像我們所說的豬腩肉，紅、白、紅三層相間分明，肉質嫩滑，肥瘦適中；另一款是肩里肌豬肉，即是豬後肩至腰部的肉，跟我們說的柳梅那一部分相類似，是豬肉中最鮮嫩的部分，肉味濃郁。牛肉則有三款，肩胛部份筋多，肉質較堅實；近背部的肉眼位油花較多，味道最鮮嫩可口；牛肋骨部份已切成薄薄的肉片，方便燒熟，牛味濃重。

說到較特色的一款，是豬肉漢堡扒，新鮮帶肉香，口感也好，吃了數塊也不覺膩。而我也第一次嚐墨魚汁湯，是有點腥味，但味道也頗鮮甜。簡單來說，此店的食物質素與款式俱備，地點亦方便，吃飽了大可在國際通逛街之深夜，讓食物好好消化。

出發前剛巧看到友人在貼巴黎的照片，晚上看到那誘人的千層派實在是太殘忍了，幸好來到東京數天後我也終於有機會吃到了。從メトロ表參道站B2出口走出來，不用太久就可以來到PH青山店了。門口和電梯門很相似，我們起初也走過頭到前面轉了一個圈，後來才發現人們都從這兒拿著紙袋走出來。青山店的一樓是展示區，一般的外帶也是在這裡購買，如果想坐下來慢慢享受就可以往上一層。

從樓梯走上來，我差點以為自己走錯路了。來到二樓會有不同的PH展品，而用餐區則是在左手邊鏡子後面的地方，繞過鏡子便會有服務人員歡迎你了。

Ispahan イスパハン ¥1,050
玫瑰味的馬卡龍夾著玫瑰忌廉，再圍上紅桑子。馬卡龍的質感和平日無異，玫瑰味清新淡雅，而藏在馬卡龍中心的荔枝果肉則給人一點小驚喜。荔枝的甜香和紅桑子的微酸平衡得剛剛好，而且玫瑰馬卡龍和忌廉又能互相輝映。當它們在口裡消失的時候，卻不會帶走那猶存的清柔，是讓人吃不厭的組合。

Tarte Infiniment Citron　タルト　アンフィニマン　シトロン ¥630
檸檬撻上放了兩片糖漬檸檬，不過味道沒有想像中般酸，反而是帶點檸檬的清香，然後搭配檸檬餡的甜味。個人倒不是追求極酸的人，要是愛酸檸檬撻的人可能就會有點失望了。  

2000 Feuilles ドウ　ミルフィーユー　¥945
這款被PH註冊下來的甜品，豈只名字那麼簡單。平日都在說新鮮製起的最好，特別是這類千層酥，一旦放久就會失色變得又軟又腍了。不過PH的焦糖千層酥卻不會有這個問題，每一下都可以聽到清脆的碎片聲，而且把那麼大件的千層酥吃完也不會太膩。中間的榛子醬甜度同樣適中，要不是接下來還有其他想吃，再點一件我想我也可以把它吃完! 

Coupe Glacée Faubourg St Honoré クープ グラッセ フォーブルセントオノレ ¥1,575
來到最後的解膩項目，由朱古力雪葩丶焦糖雪糕和一些榛子味的蛋白脆條組合而成。朱古力雪葩的朱古力味濃得化不開，可是又比一般的朱古力雪糕來得清新，連平日很怕吃朱古力甜品的家人都不斷地讚好。焦糖雪糕的味道雖然同樣不錯，和朱古力雪葩放在一起便比下去了。侍應看到我一個女孩子一直在吃四款甜品(家人都不怎麼動手...)，也走過來問我對味道的意見。

把桌上四款甜品清光後的我，當然是露出一個十分滿意的表情，加上當時客人不多，和侍應們聊了一會才肯踏出這個甜品天堂。
我們下次的見面，會是何時呢? 

一直對拉麵沾麵都沒有十分熱愛的程度，在香港吃過的拉麵店更是廖廖可數。不過看過朋友對五ノ神製作所的介紹後，便一直把它放在口袋裡，下次來東京的時候一定要去試一下。那天在新宿附近掃了一堆戰利品後，便決定去這兒吃晚餐。從 Takashimaya 走出來，看到野村證券轉左至小巷，到盡到再轉右便會到達了。要不是門外正有人排隊，相信它們的大門應該是挺難找的。


海老トマトつけ麺　￥850
湯底以蝦為主角，再加入雞丶豚和蕃茄，蝦的香味甫進店便可以聞到。通紅的湯底是滿滿的蝦子香，蕃茄的清甜倒是要吃多兩三口才嚐得出來。之前看過其它的介紹，知道這兒的麵量不少，所以便選了最基本的套餐，沾麵汁裡面就只有三層肉。沾麵上面放了法包和香草醬，吃麵之前用包沾點香草醬來吃，就好像吃法國菜的麵包一樣，這個概念大概是因為店長對法國的情意結吧!

晚飯後想起還沒有機會吃到HARBS的蛋糕，可是家人們都沒有胃納吃甜品，所以我乾脆把蛋糕外帶到酒店吃了。外帶盒貫徹日本人的細心，即使回酒店的路上我不小心地把盒子大力拋了一下，它也是毫無損傷。

ミルクレープ ￥780
在店外站了十分鐘便可以感受到這款水果千層派的受歡迎程度了。剛到達餐廳時店員才把一個完整的千層派端出來，去排隊買票的數分鐘間便己經賣了接近一半，而且前面排隊外帶的客人都是買這款水果派。餅櫃裡面雖然有很多心水的款式，可是就只有我一個人還有胃納去吃甜品，而且這店賣的件裝都是十分巨大，最後只選了這款人氣的千層派。

雖然未能試玩沙灘上的充氣水上樂園，在室內泳池同樣有很多玩意，例如大滾桶和滾球，其實泳池本身不算大，讓兩隻巨型倉鼠在池面玩這種玩意，的確有點阻礙泳客，幸而這裏的住客似乎也相當容忍，很識趣地在另一邊暢泳，而我那兩位化身成倉鼠的寶貝也玩得不亦樂乎﹗

酒店的無敵海景也是賣點之一，雖然沖繩的沙灘素來只水清，不沙幼(因充斥珊瑚和貝殼碎片)，但海水色彩層次鮮明，無可比擬。

這晩的餘興節目是放煙火，我們也不清楚是否合法，只見酒店附近的便利店有售，所以估且在沙灘上一試。由於晚上海風很強，很難把小煙花燃點，而兩位小朋友也有點怕，加上不清楚能否在沙灘上玩，所以草草放完便離開了。

從酒店開車到大家吃傳統琉球料理差不多要一小時之久，接近飯店位置時山路崎嶇險窄，到達後始知別有洞天。我們刻意選擇坐塌塌米，窗外小橋流水，氣氛古雅清幽。

食物方面，AGU豬是主菜，我們分別以SHABU SHABU 和陶板燒來品嚐。套餐的前菜也很有看頭，充滿懷石料理的風格。最合胃口的竟是味道温和的沖繩腐乳，質感香滑軟綿﹐反而AGU黑豬肉片略嫌脂肪太多，尤其以陶板燒來烹調時，每次以箝子反轉肉片時手背均會被濺出的熱油灼痛，而爐中的蠟燭又不能被調校，烤過的肉都變得乾乾的，口感太差了，真是痛得不值﹗

第一天由於接近黃昏才到達沖繩國際機場，而且要往租車公司取車，故此沒有特別的行程。取到車後便急不及待往那霸市的牧志漁市場晚飯及到附近的國際通逛街。

市場內的店員大多能操流利普通話，而我也利用大學時代學過的一點僅有的日語，加上半咸淡的普通話跟店主和店員議價，最後以800多港元收購了巨蟹、石斑魚、大蝦和刺身等。

店員引領我們到樓上的餐廳坐下，只需每人付數十元左右的烹調費，便能慢慢品嚐即制海鮮，也可來一些啤酒和地道食品如苦瓜炒蛋，便是一頓既有特色、又有風味的琉球海鮮大餐﹗

個人還是最喜愛沖繩獨有的夜光貝刺身和海葡萄，前者爽滑無渣、後者則清新彈牙。

接下來我們的“柴可夫斯基”可就辛苦了，要賀駛個半小時才能到達位於中部恩納的沙灘酒店Rizzan Sea Park Hotel。 來沖繩渡假，不住一趟沙灘酒店簡直是一種浪費嘛。而且這間沙灘酒店價錢算相宜，我們一家四口預留了較大的Corner Room，一共有四張床，可大字型躺臥在大床上睡個夠﹗

晩上的餘興節目是到付費風呂浴場(只是十多元)來浸個露天温泉，多寫意﹗

2012年正式對外開放的晴空塔，記得那時候有很多煤體不斷地報道這個東京新地標，後來看見一些旅遊節目也有介紹它，這次來到當然也不能錯過它。晴空塔是被列入世界電波塔的最高紀錄，可以乘東武晴空塔線直接到 東京晴空塔站，但因為太近就不能從外面和它拍照了。

出發之前搜尋了一些地方可以完整地觀看晴空塔的外貌，找到押上站是一個離晴空塔不會太遠又比較方便到達的地方。 在押上站 A1 出口走出來， 看到便利店後直走轉右就會看到京成橋。 

東京ソラマチ (Tokyo Solamachi) 是在晴空塔旁邊的大型商場，有不同的精品和手信的商店，而且很多也是晴空塔限定的產品，Tokyo Banana 就有一款口味是只可以在這兒買得到啊 (稍後會發一篇手信分享文)! 從商場走到戶外，便可以看到どんぐり共和国，裡面有很多宮崎駿所創作的動畫人物，要確定自己能對它們的精品控制得著才好進去啊...! 

走到商場裡面，經過星巴克又想起要把星巴克卡裡面的餘額用光光。點了一杯豆奶的飲品，店員會給一個小牌，提取飲品時還給他們，這樣是確保調配員是用豆幼，畢竟有些人是不可以飲用一般的牛奶(我只是想喝豆奶而已...:P)。然後在杯上又會有特別的貼紙作釋別，小細節也做得那麼好真的非日本人莫屬! 

提起日本料理除了拉麵丶壽司，天婦羅應該也是當中的表表者了吧? 在tabelog上面尋找天婦羅， 搜尋結果顯示了數間天婦羅老店， 其中つな八 的評價和消費也不錯， 便把它安排至行程裡面了。

天麩羅膳 ¥2,205
天婦羅都是師傅炸好，然後由店員直接端到客人前面才上碟，所以天婦羅都是在不同時間送上。這樣的安排是十分的體貼，可以讓客人慢慢吃又能保持天婦羅的新鮮度。最基本的天婦羅膳食有兩隻炸蝦丶蓮藕丶炸小蝦丶鰻魚和穴子。每件天婦羅的炸粉都是薄透酥脆，而且新鮮的食材讓味道更好，海鮮的鮮味已經是最佳的調味品了。其中最愛的便是炸小蝦，它是由多顆小蝦合製而成，爽滑彈牙的小蝦夾起來，味道和一般的炸蝦又截然不同，來到這兒一定要試試。 

久藏丼 ¥2,730
另外一份送上的方式和天婦羅膳又有不同，天婦羅都是滿滿地舖在飯的上面，風味當然也沒有前者那麼好了。這份有大蝦丶穴子丶炸小蝦，還有一小份刺身。天婦羅明顯沒有前者給人深刻的印象，炸粉依然薄皮通透，可是風味大減，天婦羅的新鮮度也大跌。要是刻意來到這邊吃天婦羅，還是乖乖的點它們的膳食好了。 

提起日本，壽司應該是絕對不會被人忽略的美食吧? 雖然家人對於生魚片沒有很大的興趣，他們也是很願意陪我這個貪吃鬼是吃一頓壽司宴。在日本吃壽司，想嚐點有水準的都是貴得嚇人的餐廳，考慮到家人到那兒會有點尷尬，加上把旅費花在購物上會更加好 (不單是貪吃鬼也是購物狂...)，便想到這間價錢較便宜而且評語不錯的壽司店。我們六時多來到涉谷店，當時門口大約有十人在排隊。我們在門口大概等了三十分鐘，而且排在前面的時便都會有椅子提供，感覺沒有等太久就是了。

新春限定 ¥2,625 
進店時不難發現很多人都點了這客新春限定的壽司拚盤，在選擇困難症突然發作下點這個便最好了。點餐後不久便送上蟹膏味噌沙拉和茶碗蒸，蟹膏下面是一絲絲的蟹肉，每一口都是很鮮，第一次碰上它就愛上了。茶碗蒸十分滑溜，每一口放進口都好像馬上滑進去一樣，真的會讓人吃不停。 

把壽司盤端到面前的時候，那件長長的鰻魚壽司首先飛進眼簾，亦是瞬間在我眼前消失，家人對它的評語還不錯。大拖羅的油脂更豐富，但個人則較愛拖羅本身的鮮味，青蔥吞拿魚為鮮味帶點蔥香亦算不錯。玉子燒甜香鬆軟，海膽軍艦壽司的海膽多的滿出來，而且入口瞬間溶化，海潮的香氣隨即擁上來。不過當中有數件壽司一夾即散，是當天最失望的地方。 

穴キュウロール 海鰻青瓜卷 ¥315/4件
愛吃鰻魚的妹妹後來又加點了一份卷物。 

玉子にぎり ¥105/件 玉子壽司
玉子壽司的玉子同樣是厚厚的，而且香甜鬆軟，多吃兩件也不會膩。

ホタテの浜焼 ¥630
帶子燒過之後和刺身的風味同樣令人回味，而且以這個價錢有那麼多帶子實在是太超值了!!

在這兒用餐時也聽到不少廣東話，而且侍應的英文對話也比一般餐廳的更流利，相信是遊客集中地的緣故吧? 要不是那幾件壽司飯，相信這頓飯會更滿足，而且「價廉物美」這名它也更加當之無愧了。 

我地喺東京凱悅酒店訂嗰幾間房，全部都可享用設於酒店九樓o既Hyatt Regency Club所提供o既餐飲同wifi配套；如果住客想邀請朋友一同於club內用膳或飲野，必先同服務生登記及付款。Hyatt Regency Club地方寬敞舒適，分開四方形木枱區域以方便攜帶電腦o既住客，及氣氛較輕鬆、設有數張長梳化櫈o既偏聽區域，望出窗可清楚睇見路面交通情況。當日落緊初雪，街道舖上一層薄薄o既白雪，同時又可以睇到雪花喺空中漂浮，團友們都讚嘆不已！

每朝六點半至十點，住客可於club內進食自助式早餐，自助餐包括多款麵包、水果、果汁、粥、乳酪等選擇，熱食有兩種，當中必定有一款係蛋造o既，款式每天不同，食物味道及質素都唔錯。Club內有部自助咖啡機，操作方便簡易，咖啡味道亦不俗。服務生會不時添置食物，但可能客人人數多，佢地就未能盡快清理枱上不潔o既餐具，新o既客人黎到，大多數都要等一陣先有個乾淨位坐。

小肥因為好耐冇睇過雪，食早餐時居然掛住影雪而忘記咗拍攝食物，真係對唔住各位讀者！

因東京朝早已經落緊雪，團友們都擔心如果越區遊玩，回程時可能會偶到交通問題，所以想盡量留喺新宿，哥哥位日藉靚女朋友介紹我地喺新宿高島屋百貨公司最頂嗰三層o既“Restaurant Park”覓食。Restaurant Park內有成三十五間餐廳，有不同國家o既料理，有平有貴，其網頁內更附有中、英、韓文簡介（http://www.restaurants-park.jp/language/#page=1）；我地黎日本玩，當然係挑選和食啦，結果就揀咗間日式炸豬扒かつくら（Katsukura）。

據悉，Katsukura係一家炸豬扒專門店，源自日本京都，但就只限於依間新宿分店內提供「桃園豬扒」。平時午飯時間，Katsukura門口必定排哂長龍，故餐廳門口設有長櫈，以供食客等位時坐；咁啱我地去嗰日落雪，高島屋內人流少咗好多，炸豬扒店一啲都唔滿，我地一行十人唔洗等位，仲可以坐喺開放式廚房旁o既吧枱度。我地所坐o既吧枱櫈唔算太高，長輩們上落都冇乜問題，女士們尤其欣賞櫈底有嗰籃比佢地擺放手袋同大衣。吧枱簡潔衛生，桌上有多款醬油、餡菜及餐紙；姐姐仔雖然不太懂中文或英語，但眼見我地班大鄉里唔多識講日文，又唔係好識用桌上o既配料，就主動呈上多份中文餐牌及醬油說明以供參考，大家都大為感動！

既然知道Katsukura只係喺此間分店內提供「炸桃園豬扒」，我地每兩個人都叫咗一份「桃園豬炸外脊肉套餐」（1,980日元120g；2,700日元170g；3,180日元200g）及「桃園豬炸里脊肉套餐」（2,180日元120g；2,880日元170g；3,300日元200g）黎分，每款套餐都包咗前菜、醬汁、白飯、湯。前菜可選豆腐或蘿蔔，個人唔係好鍾意食豆腐，所以揀咗蘿蔔；日本料理中o既蘿蔔好有保證，Katsukura嗰個亦不例外，非常爽脆開胃。主角炸豬扒果然名不虛傳，外層o既炸皮香脆鬆化；兩款豬扒當中，個人喜歡肥膏多啲嗰款，因鎖住肉汁o既豬扒更為鬆軟，可惜小弟唔記得邊款桃園豬扒肥啲，不過服務生絕對可以為食客指出。

埋單每人約2,500日元，抵唔抵食就見仁見智，唔多鍾意食豬扒o既幾位男士們就覺得早一晚每人約1,800日元o既牛脷餐較美味較抵，而女士們就話兩種不同料理各有各好，唔可以雙題並論咁話。

喺新宿高島屋o既美食廣場“Restaurant Park”度食完晏，團友們都非常雀躍地要行街購物。雖然我地有成十個人，各人o既喜好亦有所不同，不過高島屋入面有好多舖頭都適合哂我地咁多個人，例如運動層、Uniqlo、Tokyu Hands等。團員中以大肥爸爸及Auntie M買野買得最開心；爸爸一再叮囑細佬要喺openrice個平台上推介店內所賣o既加加加大碼睡衣，因為睡衣全為外國牌子，但就製於日本，而且絕不出口，即係話只可以喺日本買得到，最重要係棉質超靚勁噤，著完包保唔會再著第二個牌子咁話，大家要留意一點，就係千奇唔好買束手束腳嗰啲款，因為大肥話就算係加加加大碼，嗰束位都會唔舒服wor！

喺日本買野，每次超過10,001日元就可以申請退稅，食物、化妝品、藥物等除外。喺高島屋購物完，辦理退稅非常簡易快捷，只要購物當日晚上八點前，去其設於二樓o既退稅櫃檯，出示護照及所有單據，服務員就會幫你結算，立即退錢；雖然高島屋係會收取手續費，但係都會有份禮物送返比顧客。請留意，喺商店如Uniqlo度買係唔會享有退稅，而商店如Tokyu Hands則有自己o既退稅櫃檯。

正當XO仔去辦理退稅時，團友們就落咗去底層o既超市度買魚生返酒店做下午茶。啲魚生價廉物美，新鮮肥美，食完大家都後悔買得太少！

晚餐原本訂咗位出去食天婦羅，無奈因大雪影響到交通，我地就算可以離開酒店，食完飯都未必搵到車返酒店，所以最終去咗酒店個coffee shop度進膳。

其實上一次入住東京凱悅酒店時都已經黎過個酒店間coffee shop，不過嗰陣時只係食房間包咗o既自助式早餐。事隔四年，咖啡室冇乜大改變，地方依舊寬闊整潔，皮櫈又大又舒適，唯一唔同o既就係啲燈光好似暗咗少少。

喺酒店工作，識講英文唔出奇，不過負責招呼我地嗰位高高瘦瘦o既美少女，居然可以用流利o既普通話同我地溝通，大家都嚇咗一跳囉！佢雖然口講普通話，但絕對不失傳統日本人o既氣質及禮貌。

因為我地喺九樓個Hyatt Regency Club度已經享用咗多款小食及酒品，所以都唔係話十分肚餓。喺coffee shop度，團友們有幾位只食沙律，有位淨飲湯，有兩位就分咗份主菜，而小肥就叫咗個Hamburger Steak w/ Mozzarella & Demi-glace Sauce（2,500日元）。此味漢堡扒係日式西餐中較普遍o既一款，另上o既醬汁味道帶甜，肉質鬆軟，做得好合格，價錢亦屬正常酒店價。

輕食有一件芝士火腿三文治，冷冰冰的.... 還幸這個五殼包不是死實實的，都還可以入口~

一件小小的朱古力蛋糕，朱古力味很濃郁，蛋糕又夠鬆軟，收貨啦收貨啦~~

一盒生果，有西瓜，火龍果及菠蘿，頗新鮮甜美的~~

最後有一盒沒什麼好評的檸檬茶