午餐好底食,熱辣辣好好味,豐水梨汁好好飲架,佢唔算好貴,不過早排個知客真係服務態度好差,曾一時比我降底級數,唔再去,不過一同經理講佢話佢做埋今日唔做, 做服務行業態度點可以咁架....唔係應該話每個人對人的態度都唔可以咁囉...

Godiva的朱古力係其中一間我好鐘意的朱古力, 所以知道佢o係上海開左一個Cafe旗艦店, 當然要來睇下喇...呢間Cafe位於新天地, 其實唔算難搵, 我係上網搵到佢的地址, 不過由於比網上的相片誤導左我有關佢的門口的樣貌, 所以我行左好多冤枉路, 結果先發現我一早就去對了地方...其他新天地的周圍都有一D好似地圖的牌, 你只需要搵飲食o個part, 再搵「Godiva」, 你就會知道佢的位置...真係唔難搵...不過佢門面唔大, 分成兩層, 地面係賣朱古力, 樓上先係Cafe..所以可以直接上樓上就ok...

入到裡面, 感覺好舒服, 而且仲好暖, 不過因為太多人, 所以經理哥哥問我地介唔介意坐住o係bar檯先., 之後就為我地安排檯, 因為我同朋友已經行左好多冤枉路, 所以一d都唔介意, 呢間cafe的裝修好靚, 好優雅, 比起香港的Cafe, Godiva燈光比較明亮, 比較適合, 一邊做野, 一邊嘆咖啡...而事實上我驟眼都見到唔少OL同闊太的蹤影...我點左一杯異國風情熱朱古力(佢話當中有烤蘋果味, 我覺得好得意, 所以試下...)($45), 而朋友仔就安全起見, 一杯熱朱古力($45)...之後經理哥哥就為我地安排到一張近落地窗的沙發位喇...

異國風情熱朱古力: 其實驟眼睇, 我覺得佢同我朋友仔杯熱朱古力係無分別, 我懷疑waiter哥哥幫我地轉檯時可能調轉左我地杯熱朱古力......因為味道...就係一杯熱朱古力的味...不過朋友仔又無話佢杯朱古力有咩特別的味道, 所以...算喇..哈哈...不過杯熱朱古力都好好味, 始終係Godiva的朱古力...都真係唔錯...

認識橋香園這餐廳, 是因為在旅遊書中介紹過, 他們出名就是過橋米線, 而且是依中國古時考試的功名來命名他們的米線 (狀元, 進士, 舉人等等), 我覺得好特別, 所以去試試....不過亦有普通的米線...

他們的位置唔算難搵, 你到地鐵「南京東路」站, 1號出口, 轉右, 你會見到一個只有兩條電梯的地方, (你會估唔到橋香園在樓上..), 你上一層就會發現橋香園在你右邊..

你可以到收銀處揀左你想食的東西, 之後買票, 再將票交比服務員, 你一定要主動D比佢, 佢地幾懶, 有時當睇你唔到/扮忙...不過我建議搵左位先, 因為有時都幾多人...

我今次同朋友就揀左進士過橋米線&海鮮過橋米線, 同埋涼拌黃瓜...(之後旅程有1日去橋香園翻食, 就揀左舉人米線同雞鴨血湯) 佢地的米線係將所有的配料分開上, 然後上米線, 再上滾湯, (小心, 真係好熱...)之後就自己放配料, 而放配料的次序係先放肉, 再放菜, 最後落米線...如果你放錯, 佢地的服務員會好激氣, (因為我試過...佢好勞氣咁話我放錯...)..

進士米線: 配料大約有10種, 味道都好好味, 佢地仲送一個烏雞湯比我, (不過唔係個個米線都送的...), 味道好清, 無我想像中咁咸, 因為聽人講話上海的食物好咸...不過小心好熱...($39)

烏雞湯:味道比較咸, 但都覺得似飲開的雞湯味, 不過唔建議飲太多, 可能對身體唔好, 而且會口乾...

海鮮過橋米線: 佢主要係因為有蝦同魚, 所以先叫海鮮米線, 但其實佢係有雞肉, 味道一樣都唔錯, 不過配料就無進士咁多, 好似係5種...($25)

涼拌黃瓜:好好味, 真係好推薦大家試下, 如果你食得辣, 你就會更愛呢個小食, 我自己就鍾意食辣, 所以我幾欣賞....如果食唔到辣, 都可以一試, 我朋友食唔到辣, 但佢覺得唔錯, 可以接受, 不過就飲多d水...($5)

舉人過橋米線: 因為舉人無進士咁叻, 所以配料唔多, 不過都好夠食, 大約3-4種, 好味的...($16.5)

雞鴨血湯: 好似豬紅咁, 味道差唔多, 不過唔建議唔食得辣的人食, 因為佢碗湯, 基本上係辣的, 而且睇落就好似一碗辣椒油...我揀左細碗, 不過都已經好多, 我完全食唔哂....(細:$4, 大:$5)

三月在香港歷史博物館的專題展覽，只展出了漢代長沙國 (ie 諸侯國) 的宰相利蒼夫人 - 辛追小姐的陪葬物。辛小姐本人則沒有現身。今次的visit，終於可以拜會一下辛追小姐。

沉睡了兩千多年的西漢辛追小姐，皮膚至今仍有彈性，關節還可以活動，看上去骨格依然紮實。她是世界上首先被發現歷史悠久的濕屍。因為辛小姐活於西漢，所以她又被稱為「西漢女屍」。能保持如此「無齡肌」，全憑她沉睡在密封的八層棺槨 (內四層為棺，外四層為槨 (套棺))。那偌大的棺槨足足有兩層樓高。

據導遊說，現在的辛小姐跟生前一樣，有專人侍候。不同的是，過去的僕人是侍候她起居飲食，現在是醫學專家定時替她做身體檢查，確保她的「身體」狀況良好。如果有狀況發生，專家會即使處理，如有鈣質流失，便會立即替她補鈣。

除了辛小姐真身和她的棺槨，展館內還展出了她的塑像和陪葬品，如漆器、衣飾、陶器、木器、動物骸骨等。所有的展品，跟辛小姐的真身一樣，非常完整，同時也看出西漢精巧的手藝。



 

因為是平安夜，導遊極力推薦我們晚上到古城裡「酒吧一條街」湊熱鬧。

「酒吧一條街」的確是有很多有DJ打碟的酒吧，閒逛時不斷聽到酒吧傳來的搖滾樂。但往酒吧裡看，又不是真的人頭湧湧......

最後，我們決定過一個安寧的平安夜，於是走到街中的「八月里咖啡」坐坐。

Cafe裡裝修感覺像台北的 coffee shop，昏黃的燈光照在木造的傢俱上，牆上貼滿來自各地顧客的 handwritten notes ，迎客小貓在睡覺，祈福小燈船在窗外沱江上閒飄著....一切和諧平安。

友人點了Mocha，我則點了Latte，兩者皆是水準之作。價錢呢，遊客價，RMB30一杯...... 

行程的第三天，我們又晨早出發。第一站是王村。

王村之所以出名，是因為它是姜文和劉曉慶主演的電影《芙蓉鎮》拍攝場地。因為電影太出名，後來索性改名為芙蓉鎮。

除了一間間舊屋外，還有一條王村瀑布。雖然不是雨季，但仍然流水潺潺。可以想像得到夏天雨季時一定氣勢如洪。

小提示︰看王村瀑布最好到它隔壁的小店看，它們是最佳觀景台。當然付錢是免不了的。不過，也只是收一塊而已。 

上天覺得，山谷只有藍天白雲清草樹木是不夠豐富的，於是用奇石畫出一幅幅的風景畫。

袁家界地處張家界世界自然遺產內。內有天然形成的「天下第一橋」和威鎮天下的「哈利路亞山」(原名「乾坤柱」)。

景點毋須多介紹，也是覆天蓋地的奇石景。倒有一件事提醒大家。

在哈利路亞山前，已經有攝影檔霸著「第一個正面位置」。要幫襯他們可以，不過，要問清楚價錢 - 幾錢一張，一張幾大。記得要堅持已談好的價錢和一定只要指定的照片，其他的一律不要。因為他們會先跟你說是10塊錢一張。相影好後，他們會突然叫價30。而且會乘你不覺，把最貴的甚至把所有照片PRINT出來跟你要錢。我們就有團友不幸被屈了300塊。

其實照片質素非常麻麻，不要也罷。因為只要往前走多5分鐘，便有一個觀景台給你影過飽。 

完全意外的驚喜。
感謝天主，讓我們有個白色聖誕