Galasie
我是Galasie。 我最喜愛到台灣,泰國,瑞士,西藏, 上海, 哈爾濱旅遊 , 最鍾意遊覽自然景觀,城市風貌,鄉郊農田,民俗風情, 住宿通常會揀4星酒店,民宿。
留言  留言給此旅遊家
  遊記數目 11
  上載相片 47
  上載影片 0
最近分享過的旅程
Galasie旅行社之上海7日遊
國家/地點: 中國
旅程日期: 2010-12-28 至 2011-01-03
共找到 11 篇遊記, 正顯示第 1 至 10 篇遊記
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-03-29

冬天遊上海的旅遊前準備好重要, 而且係唔分男女都好重要):

基本衣服方面:
1. 保暖內衣
2. 上衣盡量選擇厚身的...因為咁可以打底一件, 上衣一件, 再加羽絨就已經夠暖..
3. 外套 (毛衣, 以妨某幾日真係好凍...)
4. 羽絨 (80%已經好暖..)

下身衣服:
1. 打底褲 (上海冬天真係幾凍, 一定要著起碼兩條褲..)
2. 各式厚身褲...
3. (女士), 如果你選擇著裙, 你要有心理準備, 對腳會好凍..所以我真係唔建議, 但如果你的羽絨係長身都可以考慮, 不過一定要著厚身絲襪...

Underwear:
因為上海的冬天都幾凍, 如果大家打算帶多d衫, 褲, 我建議underwear方面選擇即棄式, 咁回程會輕d....

物品方面:
1. 手套 (否則對手係會凍到無知覺)
2. Hand cream (真係好大風, 對手真係會比d風吹到極度乾燥..)
3. Body Lotion (室內地方又開暖氣, 好易烘到乾燥, 而且好痕..)
4. 面霜 (上海d風係迎面打埋來的, 手都會乾, 何況面部)
5. 潤唇膏 (同上同一樣原因, 而且我搽左都爆拆到紅哂)
6. 棉質口罩 (完全係因為太凍要keep住個咀暖..棉質口罩唔好處就係好難呼吸, 我試過紙質, 唉..比風一吹, 鼻水一流, 就好容易整濕左唔戴得...)
7. 暖耳頭箍 (保持耳仔暖, 唔係話需要日日戴, 但某d日子好凍, 耳仔會凍到好痛..)
8. 暖包, 因為有時候手套都未必夠暖....
9. 冷帽, 如果怕D頭髮吹到亂哂, 同埋可以保暖, 但如果羽絨已經有帽, 可以唔需要,費事個行李重...

以上指的係冬天一定要帶的東西, 其他你地想額外帶的自由加入, 但小心行李過重, 每人只可以帶20kg...仲要預回程有手信...我好辛苦先減左行李的磅數...結果先唔過重...


題外話:
如果自由行...最好...
1. 旅遊書2本以上.. (行程可以多d選擇)
2. 地圖 (以妨旅遊書的地圖唔清楚, 或者想去一d旅遊書無介紹的地方...)
3. 上海地鐵路線圖 (可以在甘海地鐵的website download到...)

我亦會同時間研究定自己會去邊個地方, 而且我會check埋上海地鐵的首班車同尾班車, 以免影響行程..

  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-21

其實我自己唔係特別喜歡Barbie, 所以有人話女仔一生中點都有一個Barbie呢, 我就真係無喇...不過朋友仔就好鍾意Barbie, 所以當初我plan個上海行程的時候, 就有加插去呢間Barbie Cafe喇...

呢間旗艦店總共有7層, (但事實上係無2樓的, 唔知點解...)... 1樓(門口大堂)係賣Barbie精品, 而3, 4, 5樓就係Barbie的「展覽館」, 你會睇到各式各樣, 唔同style, theme, 樣貌的Barbie, 例如有不同國家的Barbie著住佢屬於的國家的衣服, 而且會根據當地人的樣貌而唁同...., 另外有邦女郎 barbie, 著名時裝設計師barbie等等, 真係多到你睇唔哂...我同朋友仔影相都影到好暈同好累...當然佢地係有賣Barbie, 但我相信大家的focus都只係擺在影Barbie度, 而唔會真係買Barbie...而且佢地仲會播Barbie的卡通片, (我真係而家先知道原來Barbie係有卡通片, 我只係睇過電影...)

佢地用一條好長的樓梯連住3, 4, 5樓...而條樓梯側邊由一個個透明的膠盒拼成, 每個盒都有一個Barbie, 非常壯觀...如果你係Barbie迷, 你一定會好喜歡呢個地方, 雖然我唔係Barbie迷, 但我六覺得呢個地方好特別, 都值得來參觀...

而5, 6樓分別係Barbie Cafe, 同Barbie bar, 佢地的飲品會有Barbie的剪影, 好特別..如果喜歡, 不妨試下....

入場價錢: 每人0人民幣元
評分: 值得去4  
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-16
東方美人 (茶)
東方美人 (茶)
任食的小食..
任食的小食..
任食的小食檯..
任食的小食檯..
宮保雞丁飯..
宮保雞丁飯..
唐韻茶坊係我整個上海旅程中最期待會去的地方, 因為我自己本身係一個喜歡悠閒品茶的人...加上我從旅遊書中睇到佢地的介紹非常吸引....佢地只需要你點的茶在$58以上, 就可以免費任食佢地的送茶小食...當然用$58去品茶又唔係好實惠, 在香港的Cafe, 點一壺茶, 事實上都不需要$58, 不過我真是一個為食的人, 特別是一些小食......

我同朋友仔選擇tea time去悠閒一下....唐韻茶坊非常之容易搵, 「衡山路」站3號出口, 一出閘, 右轉即到...入到去, 比人的感覺就已經好舒服, 裝修十分美麗, 唔會太擠迫...非常適合一大班朋友聚會, 或者三五知己傾下計...我揀左「東方美人」, 用功夫茶的方式上茶,(因為我本身家人乃潮州人, 所以由細到大都係用功夫茶方式飲茶..)..而朋友就揀左「女兒茶」, 即係碧螺春....


東方美人: 首先waitress姐姐會在我面前幫我沖泡第一次, 之後我自己再沖泡...佢的提供的茶葉都唔少...我可以分兩次沖泡....而且那一半包...我已經沖泡了好多次, 佢依然都好濃郁, 唔會好易「沖薄」...唔需要換多次茶葉....如果需要加水, 亦可以按服務掣叫waiter幫忙...


之後我就去到小食檯度揀小食, 佢地的種類都幾多, 雖然有d我expect的就無, 不過唔緊要...我同朋友飲飲下茶, waitress姐姐就問我地揀咩做dinner, 原來因為已經接近dinner時間, 所以佢地會免費附送dinner比客人...呢個安排令人驚喜....我就揀左宮保雞丁飯set, 而朋友仔揀左豆腐素食的飯set...


宮保雞丁飯set: 其實都好豐富, 有前菜小食--炒花生, 主菜, 同埋蒸水蛋+湯羹...而且味道全部都唔錯, 真係唔馬虎, 雖然我的宮保雞丁的腰果多過雞肉都幾多...


結果我同朋友仔坐上了好幾個小時, 如果唔係之後仲有一個地方想去, 我諗我地都唔捨得走, 所以我估我如果再去上海, 一定會再去唐韻茶坊.....
每人消費: 約58人民幣元 (晚餐)
評分: 味道4   服務4   環境5   衛生4   抵食4
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-16
鮮茄意腸pizza
鮮茄意腸pizza
芝士條
芝士條
本來我同朋友仔係打算去食龍蝦仔, 你後來我地搵極都搵唔到, 打比男朋友先知 (佢而家在上海工作..), 佢話而家唔係食龍蝦仔的季節, 就算搵到間食店都唔會有龍蝦仔食喎, 所以我同朋友仔只好周圍行下, 睇下食咩, 行行下就去左Papa John's喇....

佢有D似Pizza Hut....不過價錢比Pizza Hut平....佢地無set dinner的, 所有的食物都係散叫, 一般細pie(9吋)都係$60+, 而大pie(12吋)就$80-90+不等....飲品就同香港差唔多, $10+一杯...佢地可以選擇兩款pie一半一半的組合, 幾新鮮, 亦有所謂的經濟pie, $38就有交易....至於我同朋友就揀左其中一個經濟pie---鮮茄意腸pizza, 同埋加個芝士條...

鮮茄意腸pizza: 佢的size同佢其他正價pie係一樣大的....講真對於我同朋友仔兩個人, 真係好夠食...而且味道真係唔錯, 唔會因為平而味道差d, 但真係唔明咁平, 佢地回到本嘛? 如果點佢地附上的醬, 味道更加好...

芝士條 ($20): 其實佢都好似一個pizza, 只不過係一個全部都係芝士的pizza, 不過佢個size就細少少, 我覺得佢的味道都唔錯, 雖然無個pizza咁豐富....值得一試...點埋佢地附上的醬, 感覺都好特別...

結果我地就埋單$58...便宜都我都唔信....仲要係好飽...
每人消費: 約29人民幣元 (晚餐)
評分: 味道4   服務3   環境4   衛生4   抵食4
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-16
黃魚麵
黃魚麵
其實而家的「泰和飲食店」已經搬左, 新地址: 思南路36號..亦改名為「阿娘面」...

大家要注意的: 佢地的營業時間: 6:30-9:30, 11:30-13:00, 17:00-19:00..想去食阿娘面的..要好好安排時間, 以免「摸門釘」呀~

我同朋友仔就揀左13:00之前一定要去到食阿娘面的時間, 當日我地見離關門時間仲有少少時間, 就大安旨意咁去左行陣街, 最後去到就後悔唔早D到...(當然唔係撞正佢地關門....)...嘩, 好多人...完全未見過成間食店都係人...結果我唔理喇, 點都買左兩碗黃魚面先, 之後再「見步行步」...(因為我根本唔知成個程序係點, 只好望住人地點做, 我就點做..)..

原來程序係:
1.你先去收銀處買票

2. 之後就係霸位..(即係跟位....真係太多人喇...我建議的策略係你企死一個位...等你的目標客人一走, 就可以坐落去, 而且你一定要好明顯示意到比其他客人知道, 你係打算霸呢個位, 否則人地會見位就搶...)..

3. 之後等D服務員叫你個no., 你就示意比佢知知你坐o係邊..佢就會將你碗麵送比你...(其實佢地唔算出得慢, 你等到差唔多有位, 佢地就差唔到多到你個no...)...

黃魚麵 ($20): 其實唔係話好特別, 不過我未o係香港食過佢地的麵條, 所以口感都好新鮮, 我見其他客人會買埋一D辣的肉/醃菜...好似幾好味...份量亦可以接受....不過可能因為太多人喇, 你呢頭一有碗麵食緊, 就會有其他人打算跟你位, 所以好難慢慢品嘗, 就好似要快D食完, 比個位人地........


我唔可以話好好味, 但可以慕名來試一次, 同埋感受下o個種熱鬧氣氛, 當然怕人多同等位的, 唔建議你來試...
每人消費: 約20人民幣元 (午餐)
評分: 味道3   服務3   環境3   衛生3   抵食3
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-14
我相信唔少旅遊書都有介紹過蔡記生煎/舒蔡記生煎菜飯, 其實係同一間食店來的..睇佢個名就知道佢地最出名的食物就係生煎包同埋菜飯...我自己本旅遊書就用「其貌不揚」來形容呢間食店...去到真係聞名不如見面...

呢度的食物都非常之便宜, 好似生煎包, 就$4/4個, 而菜飯就$7都幾多菜飯, 再加送一碗湯...其他食物, 例如麵食, 一般都只係$10+...粉絲湯 $6-$8...你地先去門口, 有一個細細的窗, 你去那裡買票, 如果係生煎包/菜飯就去門口, 之後比張票個廚師...至於其他食物, 就再去入裡面, 比裡面D姐姐, 佢再比你, 包括菜飯個附送湯都要入裡面問姐姐拎...而我同朋友仔因為會再去其他地方食野, 所以只係要左8個生煎包...

由於佢地的生煎包賣得好快, 而每整多一籠生煎包需時, 所以佢地會叫你等等...你真係要間中睇下佢整好未...因為一開籠, 就會有好多人爭...同埋小心比個廚師蝦...我就比人蝦喇...事緣佢要我等等, 無收我票, 點知佢之後又收其他人票, 到拎生煎包之後, 我明明好早去拎, 佢就唔肯比我先, 因為佢話佢無收我票, 就算我手上已經拎左一份, 佢都要我比其他人先........

生煎包: 無我想像中咁好味, 略嫌佢個皮太厚, 但朋友你就覺得好味, 所以見仁見智....小心汁, 好熱的..而且順帶一提, 事實在上海你會見到好多檯上擺左一個茶壺的物體, 你唔好以為佢係茶, 佢係醋來的, 唔好拎來洗筷子/直接飲....,

蔡記生煎, 我諗我未必會再翻食, 只係因為唔係我喜歡的食物..同埋環境喇, 唔可以話佢地方污糟的, 可能因為少少暗, 感覺就好似唔乾淨咁,,,令我坐得唔舒服..至於食物...我真係覺得各人喜好唔同, 喜歡的...可以一試...
每人消費: 約4人民幣元 (早餐)
評分: 味道3   服務2   環境2   衛生3   抵食5
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-13
異國風情熱朱古力
異國風情熱朱古力

Godiva的朱古力係其中一間我好鐘意的朱古力, 所以知道佢o係上海開左一個Cafe旗艦店, 當然要來睇下喇...呢間Cafe位於新天地, 其實唔算難搵, 我係上網搵到佢的地址, 不過由於比網上的相片誤導左我有關佢的門口的樣貌, 所以我行左好多冤枉路, 結果先發現我一早就去對了地方...其他新天地的周圍都有一D好似地圖的牌, 你只需要搵飲食o個part, 再搵「Godiva」, 你就會知道佢的位置...真係唔難搵...不過佢門面唔大, 分成兩層, 地面係賣朱古力, 樓上先係Cafe..所以可以直接上樓上就ok...

入到裡面, 感覺好舒服, 而且仲好暖, 不過因為太多人, 所以經理哥哥問我地介唔介意坐住o係bar檯先., 之後就為我地安排檯, 因為我同朋友已經行左好多冤枉路, 所以一d都唔介意, 呢間cafe的裝修好靚, 好優雅, 比起香港的Cafe, Godiva燈光比較明亮, 比較適合, 一邊做野, 一邊嘆咖啡...而事實上我驟眼都見到唔少OL同闊太的蹤影...我點左一杯異國風情熱朱古力(佢話當中有烤蘋果味, 我覺得好得意, 所以試下...)($45), 而朋友仔就安全起見, 一杯熱朱古力($45)...之後經理哥哥就為我地安排到一張近落地窗的沙發位喇...

異國風情熱朱古力: 其實驟眼睇, 我覺得佢同我朋友仔杯熱朱古力係無分別, 我懷疑waiter哥哥幫我地轉檯時可能調轉左我地杯熱朱古力......因為味道...就係一杯熱朱古力的味...不過朋友仔又無話佢杯朱古力有咩特別的味道, 所以...算喇..哈哈...不過杯熱朱古力都好好味, 始終係Godiva的朱古力...都真係唔錯...

每人消費: 約45人民幣元 (下午茶)
評分: 味道4   服務4   環境5   衛生5   抵食3
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-10
肉醬意粉
肉醬意粉
夏威夷pizza
夏威夷pizza
鎮店之寶..
鎮店之寶..
今日我同朋友去蘇州, 而我地就揀左lunch去呢間餐廳, 這間咖啡廳位於平江區, 正正在平江的河邊, 如果你搭的士, 同佢講「平江路 & 白塔東路路口」, 佢地就會知道...我同朋友仔揀去呢間咖啡廳係因為我同朋友都喜歡狗仔, 而旅遊書話呢間咖啡廳有狗仔陪你食飯...

我地入到去, 裡面就只有一對外國的情侶, 仲有一隻金毛尋回犬, 我初初仲以為佢係對情侶, 後來先知佢就係旅遊書提及的狗仔, 佢仲好熱情咁跟住我...好可愛, 之後間咖啡廳就無人入來了, 我地睇番menu, 最低的食物都要$25, 我估蘇州人未必願意花金錢去一間咖啡廳食飯...所以我都好奇怪一間咖啡廳如何在呢度生存...

我同朋友仔就揀左一碟肉醬意粉, 同一份夏威夷pizza...

肉醬意粉: 呢個意粉唔係太好食, 因為佢地未將個意粉的水去乾, 所以佢地就算加入個肉醬之後, 成個肉醬意粉變得無咩味...比起香港的肉醬意粉差好多....($30)

夏威夷pizza:呢個pizza就真係有驚喜, 我地都係睇佢即場整, 好好味, 超出我地的預期..而且比我想像中大份, 所以食左都好飽....($35)

因為咖啡廳位於河邊隔離, 所以我地可以一邊望住一D好水鄉情境的景色, 一邊食lunch, 非常寫意同relax....而且可能因為得我同朋友呢2個客人, 所以佢地都服務得幾好....不過我地因為share, 而個waiter都知道的...但佢初初只係比一份餐具我地, 攪到我地好尷尬....
推介菜式: 夏威夷pizza
每人消費: 約35人民幣元 (午餐)
評分: 味道4   服務4   環境4   衛生4   抵食3
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-08
牛肉水餃 & 三鮮水餃..
牛肉水餃 & 三鮮水餃..
牛肉粉絲湯...
牛肉粉絲湯...
我同朋友仔原本係打算去南京東路o個間大娘水餃, 點知佢地無開, 我估可能因為內部裝修緊...結果我同朋友仔就沿住南京東路, 行左幾遠就到左上海第一食品廣場的大娘水餃店, 呢間大娘水餃係在廣場的foodcourt....如果大家平日去呢, 就要有心理準備, 係有勁勁勁勁勁多人...foodcourt嘛...不過大娘水餃係有佢地自己一個座位的位置, 所以唔需要同其他食店的客人爭位, 不過都一樣好多人...

而我同朋友仔因為接近佢地收工的時間先去, 所以無咩人..(我地去到先知佢地就關門, 唔係有心的...), 佢地位於foodcourt最入面, 我同朋友仔叫左一個牛肉水餃, 一個三鮮水餃同埋兩碗牛肉粉絲...不過因為我唔識講「牛」的普通話, 所以都好尷尬, 收銀姐姐都算有耐性, 不過企佢隔離個經理姐姐就好唔耐煩喇....

牛肉水餃: 我覺得佢都唔錯, 都算多汁, 唔會太咸...不過無菜..($6/6隻)

三鮮水餃: 佢都幾似我地o係香港食開o個d, 都幾好食.....($6/6隻)

牛肉粉絲湯: 我都喜歡呢個湯, 雖然係咸左少少,但冬天飲呢個都好舒服..因為有少少胡椒..($10)

正如我講, 因為我地接近佢地foodcourt關門先去到, 所以佢地一收工就即刻關燈, 不過就未至於趕走我地, 不過就會望住你食, 好有壓力, 而且你一食完, 佢唔會比你休息下, 佢會用好奇怪的眼神望住你, 好似話「你做咩仲唔走呀?」..之後就會掉塊抹布, 示意你快d走喇....
每人消費: 約16人民幣元 (晚餐)
評分: 味道4   服務2   環境3   衛生4   抵食5
  0 個留言    |  加入你的留言
Galasie旅行社之上海7日遊 (中國)
(旅程日期: 2010-12-28 至 2011-01-03 ,  旅程性質: 觀光攝影, 飲食購物, 探訪親友, 慶祝節日, 消閒度假)
 整個旅程  (共11篇遊記)
 分享至Facebook 
發表日期: 2011-01-06
南翔饅頭店, 最出名就係佢地的小籠包...大家如果去過上海都應該試過, 但如果未去過, 都相信好多人/旅遊書都會叫你地去下試..其實我唔係好喜歡食小籠包, 因為我比較怕食一團肉的東西..所以我今次都係慕名而去...

南翔饅頭店係分3層, 最低一層係外賣部, 佢地只有鮮肉小籠包賣, 而價錢,我好似見係$16/12個, 係唔可以堂食的, 我見有人比人趕番落去...而且你一定見到會排左好長龍..而第2層係一般唔想排隊, 又願意比多少少$$的客人...佢地賣的係蟹粉小籠包 ($25/8個), 另有灌湯包 ($15個, 呢個價錢, 我在上海都係差唔多, 唔會貴左...), 飲品就$6-$8, 有烏龍茶, 七喜, 青島等等...另有蛋絲湯($3), 我見好多人都會叫埋, 但我自己就無叫, 怕太咸...最後第3層就最低消費, 每人$68..而我同朋友仔就揀左第2層喇...

咁當然, 好似我地一樣心態的客人真係好多咖...而且事實上2樓的位真係唔多, 起碼我去那天就好多人, 個個企o係檯邊「跟檯」....而收銀姐姐就會叫你不如去3樓, 有多d位...所以建議分散行動, 一d搵位, 一d就去買食物...

我同朋友仔叫左一籠蟹粉小籠包, 我要左烏龍茶, 朋友仔揀左七喜..(因為我地之後仲會去其他地方食野....) 然後等等等等, 等d姐姐來清潔之前的客人的食物...但佢地係會傾計, 都唔會清理, 朋友仔直接行去叫佢清下我地張檯, 佢地都唔清...終於清理左, 又要等等等等....等d姐姐推一籠籠小籠包出來...所以要有心理準備, 就係等...不停等....(其實你買完食物, 就只需要坐o係度等, 佢地自然會比籠小籠包/其他食物你, 飲品就行去雪櫃, 比張票d姐姐幫你拎...「等」係正常, 唔需要擔心...)

蟹粉小籠包: 我覺得無咩特別, 真係無咩特別, 唔係特別好味, 又唔可以話唔好味, 不過都幾多湯汁...我無買到薑絲($1), 因為我唔鍾意薑味....不過我都係當食佢的名氣, 個人會開心d....
每人消費: 約20人民幣元 (午餐)
評分: 味道3   服務2   環境4   衛生3   抵食3
  0 個留言    |  加入你的留言