黃浦區南京東路388號
(86) 21- 6350 0916
滇菜 (雲南)
店內米線有 4款,分別是舉人、進士、橋香山珍及狀元過橋米線。
橋香園的招牌涼拌黃瓜鳥雞湯
共有6張相片
提供新相片
 分享至Facebook      寄給朋友      列印 
其他資料:
前往方法:
乘地鐵2號線至河南中路站4號出口。
0笑臉   vs   1OK   vs   0喊瞼
附近景點
 
 
附近餐廳
 
匯中廳   (中菜館)
Jean-Georges 法國餐廳   (法國菜)
新光酒家   (中菜館)
JW's Lounge   (酒吧)
顯示更多附近餐廳:  地圖  列表
 
旅遊家評論
共 1 篇評論
顯示:所有  笑臉笑臉  OKok  喊臉喊臉 
搜尋評論:
Galasie
11篇遊記
橋香園的招牌
橋香園的招牌
涼拌黃瓜
涼拌黃瓜
鳥雞湯
鳥雞湯
進士過橋米線配料...
進士過橋米線配料...

認識橋香園這餐廳, 是因為在旅遊書中介紹過, 他們出名就是過橋米線, 而且是依中國古時考試的功名來命名他們的米線 (狀元, 進士, 舉人等等), 我覺得好特別, 所以去試試....不過亦有普通的米線...

他們的位置唔算難搵, 你到地鐵「南京東路」站, 1號出口, 轉右, 你會見到一個只有兩條電梯的地方, (你會估唔到橋香園在樓上..), 你上一層就會發現橋香園在你右邊..

你可以到收銀處揀左你想食的東西, 之後買票, 再將票交比服務員, 你一定要主動D比佢, 佢地幾懶, 有時當睇你唔到/扮忙...不過我建議搵左位先, 因為有時都幾多人...

我今次同朋友就揀左進士過橋米線&海鮮過橋米線, 同埋涼拌黃瓜...(之後旅程有1日去橋香園翻食, 就揀左舉人米線同雞鴨血湯) 佢地的米線係將所有的配料分開上, 然後上米線, 再上滾湯, (小心, 真係好熱...)之後就自己放配料, 而放配料的次序係先放肉, 再放菜, 最後落米線...如果你放錯, 佢地的服務員會好激氣, (因為我試過...佢好勞氣咁話我放錯...)..

進士米線: 配料大約有10種, 味道都好好味, 佢地仲送一個烏雞湯比我, (不過唔係個個米線都送的...), 味道好清, 無我想像中咁咸, 因為聽人講話上海的食物好咸...不過小心好熱...($39)

烏雞湯:味道比較咸, 但都覺得似飲開的雞湯味, 不過唔建議飲太多, 可能對身體唔好, 而且會口乾...

海鮮過橋米線: 佢主要係因為有蝦同魚, 所以先叫海鮮米線, 但其實佢係有雞肉, 味道一樣都唔錯, 不過配料就無進士咁多, 好似係5種...($25)

涼拌黃瓜:好好味, 真係好推薦大家試下, 如果你食得辣, 你就會更愛呢個小食, 我自己就鍾意食辣, 所以我幾欣賞....如果食唔到辣, 都可以一試, 我朋友食唔到辣, 但佢覺得唔錯, 可以接受, 不過就飲多d水...($5)

舉人過橋米線: 因為舉人無進士咁叻, 所以配料唔多, 不過都好夠食, 大約3-4種, 好味的...($16.5)

雞鴨血湯: 好似豬紅咁, 味道差唔多, 不過唔建議唔食得辣的人食, 因為佢碗湯, 基本上係辣的, 而且睇落就好似一碗辣椒油...我揀左細碗, 不過都已經好多, 我完全食唔哂....(細:$4, 大:$5)

推介菜式: 涼拌黃瓜
每人消費: 約35人民幣元 (晚餐)
評分: 味道4   服務3   環境3   衛生3   抵食4