差點忘了介紹老碼頭這個休閒的好地方。這是前一天朋友帶我來喝下午茶的，是舊碼頭改建而成，有數間餐廳、cafe和酒吧，可坐在室外，有點像新天地，只是人流少一點，空間多一點。想去一些新一點又有風味的地方可以考慮，只是不近地鐵站，要乘的士到來。

知道新吉士好出名，香港都有，我都好似食過。一直覺得上海元祖店的風味應該會更正宗，今次終有機會一試。

位於新天地的店入夜後都幾多人，去到無位，店員叫我地45分鐘大概8:30pm再黎，好，一於堅持。

番去後見到裡面的裝修雖然古色古香有點附庸風雅的感覺，不過個地板都幾污糟，而且有D唔習慣大陸室內仲可以食煙，一室帶點煙味，有D掃興。

Anyway，食完雪糕的關係，大家都唔係太肚餓，只叫了三樣野，包括
桂花糖藕、乾燒大蝦、外婆紅燒肉

落單後有兩碟小前菜，醬油豆好有風味，薺菜豆帶點酸香，幾開胃！

桂花糖藕，一道我好鍾意食的冷盤，黎上海又點可以唔食呢？ 新吉士都做得唔錯，但係唔知點解變左熱食！ 不過唔緊要，好食就得喇，桂花清香甜如蜜，藕片我就略嫌佢切得厚薄不一，手功麻麻，但味道都幾好。

乾燒大蝦，同行好想食蝦，叫了兩隻，蝦的size都幾大，蓋有大量蒜蓉的汁一齊食感覺還可以，不過不失。

外婆紅燒肉，之前個晚係蘇浙匯點錯餸，今次終於對板。菜一來的時候，感覺興奮，終於可以身在上海吃地道菜喇。肉入口帶有傳統醬油的甜味，肥膏有香味但又無肥得離哂譜，如有白飯或者飲番支酒，應該會係人生一大快事啊。

雖然都知道肉的份量唔會同個「罐」一樣多，未至於深到落底但也離不遠，嘻嘻，肚皮其實仲可以食多少少，不過費事嚇怕同行者又怕要減肥，都係收手吧！




 

世博在某程度上是國與國之間的財富比拼，富裕的國家可以花大量的人力物力，去建造外型突出、美輪美奐的展館，裝置先進震撼的視聽設備，但是比較貧窮的非洲國家就要由我們的祖國提供聯合展館。

它們的展覽地方絕大部分都很細小，而且相當簡單。當中不少只用文字及圖片方式介紹其國家，再安排一個工作人員在櫃檯接受查詢及蓋章，沒幾多吸引力。津巴布韋館便是例子。

事實上很多進場者都是為了蓋章而去。不論蓋章櫃檯是設於展覽地方之中抑或外邊，不少人都只到櫃檯蓋章便走。

或者可以留得住他們記憶的，是聯合館中央令人感覺親切歡樂的巨型人面雕塑群，以及售賣裝飾品的檔口。

因為夜啦
求其搵間
已算多人. 但可能唔O岩口味. 所以好難食.
地方算坐得唔錯. 服務都快.
 

食左上海粗炒.
小籠包. - 個皮一般啦. 你想像下超市買果D番叮小籠包啦
同牛肉面.
仲有腩肉飯 - 算係咁, 唔算好咸.  

96蚊一籠既小籠包無試到. 我只係一個窮苦學生, 太貴啦

即叫即蒸. 好鬼死多人. 要排隊.
而且過左6點就分分鐘無得食.
5點幾都賣晒好多啦. 得番幾款選擇

結果食9蚊一籠既鮮肉湯包都好好好開心好好食.
好甜.. D湯汁係響個口爆出黎. 會熱親個咀架

蟹粉鮮肉又係. 又濃又香既蟹粉味. 撲鼻而來
一咬落去. 好甜呀. 仲有蟹肉!
而且會見到有D蟹黃既黃色響D包皮上面.  

好好食. 不得不ENCORE再ENCORE
食完再過對面. 食小楊生煎! 真係一流

周圍都有鴨王
個名好似好特別
特登一試

未入到去已經FEEL到氣派. 
入到去好古色古香.
連侍應都係著清朝衫架
 
片皮鴨係一鴨兩味
會煲湯的 
佢有個廚師表演即場片鴨
好好食呀隻鴨
有少少肥肥地又脆
一讚

醉雞好濃香既酒味
又爽. 食雞有雞味
二讚

娃娃菜D金華火腿好惹味
好嫩既菜, 三讚

最後食左隻鴨仔酥, 有咸有甜
其實都唔知入面係乜野餡. 因為D餡少到食唔出..
不過都好鬆化.

至於服務就好差
D飯有隻蟲叫佢換. 叫黎叫去D WAITRESS都扮聽唔到.
叫MANAGER黎佢都唔黎. 叫D 手下黎應付我
點知D手下又唔SO佢.
結果我地無人理. 叫左10幾分鐘先換到個飯 

又是新X期本旅遊書叫我去光明村大酒家
繼續做笨蛋
又試一下
它是世博信譽餐廳云云
餐牌都是幾地道的上海野.

但小妹唔舒服.
嗌左皮蛋瘦肉粥
米還米. 水還水咁啦.
有心思的是都會將皮蛋切做一粒粒. 好唔好食? 唔係地道野. 多數都唔好食
 
至於酸辣湯方面
無什麼辣味. 得個酸字
好似碗仔翅咁 都幾好食既
好大碗. 3個人先飲得晒

小籠包出名啦
成2粒個咁滯
不過. 好吃嗎? 一般啦
唔算多汁 唔算甜
個皮就幾薄.
都係果句. 佳家是最好吃的 

服務幾好. 好多侍應
環境不錯啦

但講到好食就名過其實