首次到訪「新天地」，之前聽聞係一個好似香港LKF的地方，成日有人話無咩特別，我就覺得唔錯，好多古蹟建築，內有不同菜色的餐廳及小店，愈夜愈旺，有點夜上海的影子。

想試「新吉士」又無訂檯，店員叫我地8:30pm再番黎，唯有去食個雪糕先，見到呢度有Cold Stone而且同行者又未食過就帶佢地去試下。

去深圳見到我通常到忍唔住要去食，因為實在好玩又好食，最大的賣點係香港無呀麻！

次次都唔想諗點樣配搭先好食，我都會參考佢個menu，今次試左個 <草莓香蕉圓舞曲>，strawberry雪糕內有香蕉、新鮮士多啤梨同好似消化餅餅碎。

店員係凍石版上炒炒炒，好快就食得喇！好怕奶味好重的雪糕，好彩Cold Stone雖然黎至美國，不過奶味都未算太重，加埋生果一齊食，話咁快就食完喇！

今次自己俾錢先發現，原來Cold Stone都幾貴，要＄42人仔一個中杯，仲貴過「哈根大」呀！