南翔饅頭店 (上海, 黃浦區)

郵輪上o既導遊教路，如果要一嚐名小籠包店「南翔饅頭店」，就建議我地去豫園嗰間，因為地點最為方便，由外灘步行不需半小時。小肥未曾到過上海，但成日都會聽到同事提到上海有幾繁榮幾先進，真係完全冇諗過豫園會如上文提到般遍地「黃金」，污穢不堪，衛生欠佳！

位於城隍廟九曲橋邊o既「南翔饅頭店」創建於清朝，為餐館之總店，以其小籠包聞名。店舖兩層高，地面為不設座位o既外賣部，價錢較平，門口亦排滿人龍；二樓雅座就分咗平同貴兩邊，相差幾遠就唔知，因為只有貴嗰邊有位。我地八人總算有張大圓枱坐，但枱與枱間之通道狹窄，枱上塊玻璃轉盤又多污漬，開放式廚房內o既師傅又冇帶口罩，感覺並不舒適衛生；店內服務生以女為主，無一好客，全為黑面分子，見到佢地都唔開胃，坐下唯有希望食物好食補返條數。

「南翔饅頭店」最出名食小籠包，所以我地當日主攻不同口味o既小籠包及蟹粉灌湯包，不過就認真教人失望啦！小籠包有好多種，我地只係叫咗RMB 35六隻o既「鮮肉小籠」及RMB 55六隻o既「蟹黃（鮮肉）小籠」，價錢明顯比中國好多餐館貴。如相所示，小籠包外皮超厚，咬落更覺皮層偏硬，肉餡不但唔夠軟嫩，而且毫無湯汁，味道一啲都唔出眾，唔講真係分唔出邊啲有蟹黃，邊的係淨肉，大家都覺得喺香港食嗰啲好食得多，莫非上海啲師傅都走哂去香港？！哈，嗰隻「蟹粉灌湯包」仲離譜，皮厚都唔在講，個包入面真係只有味道淡淡o既熱湯同零星蟹膏，一口已飲清，每隻RMB 35真係有搵笨之嫌！ 

正當大家諗住喺上海食小籠包理應最正宗最美味時，市內最有名氣o既「南翔饅頭店」居然令肥肥家族及團友們失望萬分！南翔饅頭店不但環境不甚優雅，衛生欠奉，服務生亦不大友善，主打食物更加係質低手勢劣，貴夾唔好食，小肥絕不推介！ 

一到門口發現勁多人！
我地就上左二樓少人ｄ～

見到個灌湯包幾得意，就叫左黎食！
入面都唔係好多湯，可能太多人關係，
所以質素比較參差

之後叫左個小龍包，
比起佳家湯包，佢既皮比較厚，
肉汁亦沒有太濃既鮮味，
價錢亦較旅客價，但亦不妨一試！

在豫園出來後，就是九曲橋了

豫園最有名的食店都雲集在這里了～

先去了聞名遐邇的南翔饅頭店～原來上海人都習慣叫小籠包做饅頭......

叫了一壼龍井，一籠鮮肉小籠，一籠招牌小籠（即是蟹粉小籠包），和一份蟹黃灌湯蝦球

食物未上先埋單，付錢才上菜～薑絲要買的~加1蚊 

蟹黃灌湯蝦球：蝦球很彈牙爽口，不過內里湯汁的份量略嫌較少，有負灌湯之名， 而且亦不夠鮮味

招牌小籠：不愧是招牌菜！超級好吃，蟹肉的鮮和豬肉的鮮非常配合，再加上甘香的蟹黃，真一絕也，吃的時候也要小心呀～湯汁超飽滿，也很熱，這才不負灌湯之名呀～
上海之行完結了後，最讓我念念不忘的，非這招牌小籠莫屬

鮮肉小籠：因為有珠玉在前的招牌小籠，令到這鮮肉小籠的味道及評價都打了折扣，所以非常建議先吃鮮肉小籠再吃招牌小籠～

朋友說，她還是覺得台灣鼎泰豐的小籠包皮薄餡靚，她嫌這里的小籠包皮厚了點

沒有吃過鼎泰豐小籠包的我，當然無從比較啦～哈哈

但我也很無聊地數了小籠包的折痕，聽說18折最好吃......這里的小籠包真的是18折的～哈哈

南翔饅頭店, 最出名就係佢地的小籠包...大家如果去過上海都應該試過, 但如果未去過, 都相信好多人/旅遊書都會叫你地去下試..其實我唔係好喜歡食小籠包, 因為我比較怕食一團肉的東西..所以我今次都係慕名而去...

南翔饅頭店係分3層, 最低一層係外賣部, 佢地只有鮮肉小籠包賣, 而價錢,我好似見係$16/12個, 係唔可以堂食的, 我見有人比人趕番落去...而且你一定見到會排左好長龍..而第2層係一般唔想排隊, 又願意比多少少$$的客人...佢地賣的係蟹粉小籠包 ($25/8個), 另有灌湯包 ($15個, 呢個價錢, 我在上海都係差唔多, 唔會貴左...), 飲品就$6-$8, 有烏龍茶, 七喜, 青島等等...另有蛋絲湯($3), 我見好多人都會叫埋, 但我自己就無叫, 怕太咸...最後第3層就最低消費, 每人$68..而我同朋友仔就揀左第2層喇...

咁當然, 好似我地一樣心態的客人真係好多咖...而且事實上2樓的位真係唔多, 起碼我去那天就好多人, 個個企o係檯邊「跟檯」....而收銀姐姐就會叫你不如去3樓, 有多d位...所以建議分散行動, 一d搵位, 一d就去買食物...

我同朋友仔叫左一籠蟹粉小籠包, 我要左烏龍茶, 朋友仔揀左七喜..(因為我地之後仲會去其他地方食野....) 然後等等等等, 等d姐姐來清潔之前的客人的食物...但佢地係會傾計, 都唔會清理, 朋友仔直接行去叫佢清下我地張檯, 佢地都唔清...終於清理左, 又要等等等等....等d姐姐推一籠籠小籠包出來...所以要有心理準備, 就係等...不停等....(其實你買完食物, 就只需要坐o係度等, 佢地自然會比籠小籠包/其他食物你, 飲品就行去雪櫃, 比張票d姐姐幫你拎...「等」係正常, 唔需要擔心...)

蟹粉小籠包: 我覺得無咩特別, 真係無咩特別, 唔係特別好味, 又唔可以話唔好味, 不過都幾多湯汁...我無買到薑絲($1), 因為我唔鍾意薑味....不過我都係當食佢的名氣, 個人會開心d....

逛過上海老街和豫圓商城已近五時，有點累，是時候坐坐。經過此老店，無理由過門而不入吧！

坐下來叫了豬肉蟹粉和小籠湯包加一些飲品，歇一歇真好。吃罷，真的不覺這裏的小籠湯飽有什麼特別，反而覺得皮太厚，尤其是早一晚剛吃過鼎泰豐皮薄餡覩的小籠包。話雖如此，肉餡還可以，嘗過才不位枉來過豫圓。其實在上海，好吃的小籠包到處都是，而十居其九都比這家優秀，就當來遊了一個景點吧。

小籠飽全部都是差不多樣子，所以沒拍照，反而我們找到好位置對正窗外的池塘景觀，可以吃着、坐着、欣賞一番，也是樂事。

這間店舖沒有人會陌生，來到豫園，點都會黎試下。
一樓既外賣部同船舫廳都好多人，所以我地直接上左二樓
二樓分為長興廳同鼎興廳，供應既小籠有少少分別，
不過要留意係長興廳每人最低消費係$30;鼎興廳就每人最低消費$60。

其實黎之前做好資料搜集，這裡的小籠並不是很非常出色的，食的是名氣和環境。
我地叫左鮮肉小籠($28)+蟹粉豬肉($48)，仲有呢到要薑絲要加$1，
食物不過不失，服務都可以，
但其實比起上海的鼎泰豐或佳家，差不多的味道，南翔價錢貴了一倍有多！

值唔值得，就睇你點睇，我就覺得可以一試，去旅行嘛

多年前跟團到來，已經試過這裏的外賣小籠包，當時已覺得質素一般，有點名大於實。不過今次再來豫園一帶遊逛，在九曲橋、湖心亭拍照之餘，又傻戇戇的玩排隊。

這兒10點才開始外賣，9點半到已經有10多人在排隊。在附近兜個圈，回來條隊又長了一截。不過心想一開賣之後，好快就輪到。那知前邊有幾位人兄，每人買幾籠，而店方可能故意製做排長龍宣傳效應，每次只蒸兩棟，每棟約10籠包子。結果輪候了幾轉，等了差不多一個半鐘才買到一籠蟹粉小籠包。

RMB20有16隻，價錢可說便宜，不過皮不薄，蟹粉不多，水準依舊。如非新鮮熱辣，內裏湯汁燙口的話，恐怕要罵自己笨笨笨！