陳真
我是陳真。 我是一名Accountant。 我最喜愛到日本,台灣,美國,英國旅遊 , 最鍾意遊覽歷史建築/遺跡,主要地標,城市風貌,民俗風情, 住宿通常會揀3星酒店,民宿。
留言  留言給此旅遊家
  遊記數目 65
  上載相片 2741
  上載影片 7
最近分享過的旅程
北宜花東之旅
國家/地點: 台灣
旅程日期: 2016-02-15 至 2016-02-19
冬日的美國東
國家/地點: 加拿大, 美國
旅程日期: 2015-12-08 至 2015-12-24
惠東一天一夜
國家/地點: 中國
旅程日期: 2015-09-18 至 2015-09-19
跟大航一路去潮汕
國家/地點: 中國
旅程日期: 2015-04-08 至 2015-04-10
京都大阪加四國鳴門德島
國家/地點: 日本
旅程日期: 2015-01-22 至 2015-01-30
番禺主題公園兩日遊
國家/地點: 中國
旅程日期: 2014-12-20 至 2014-12-21
火車到上海,巴士遊華東
國家/地點: 中國
旅程日期: 2014-04-17 至 2014-04-23
中南東台灣的家庭樂
國家/地點: 台灣
旅程日期: 2013-12-31 至 2014-01-04
素食素玩東京鎌倉川越
國家/地點: 日本
旅程日期: 2012-09-27 至 2012-10-01
上有蘇杭‧下有義烏
國家/地點: 中國
旅程日期: 2011-11-11 至 2011-11-16
五天台北追追風 (台灣)
(旅程日期: 2009-09-30 至 2009-10-04)
發表日期: 2009-10-07
5天的台北遊, 而且是第一次同女友出遠門. 相信好多人都知道我們喜事將近, 今次選擇台北主要是為了拍攝婚照. 所以頭兩天, 沒有去什麼地方, 只是食, 揀衫, 景點大部份是拍攝外景地點.

第一天, 到達西門町, 酒店是一家超級老酒店, 老到連我一說名字, 老豆就能說出地點......之後隨便揀野食, 再到超市shopping.

第二天, 在酒店快食麵包, 杯麵, 7am 到婚紗店報到, 之後開始地獄式的Part time model 一整天, 夜晚到華西街, 齋妹見到蛇, 穿高跟涼鞋, 仍然可能9秒8地拉著我跑.

從機場花了一個多小時到市區, 係酒店搞掂哂入住手續, 聯絡上婚紗攝影樓. 之後, 已經兩點幾3點. 由早到晚, 只靠一個飛機餐. 就算係影相前節食, 都會肚打鼓的. 因為我們茹素的關係, 人生路不熟都要幾花心思去找地方食. 最重要是不敢行太遠...

齋妹精明, 看見有個food court既物體. 之後我們行落去巡視一番. 結果選擇了這家看來沒什麼特式的拉麵.

在台灣, 找素食其實不難, 怕湯底有肉, 就來一個味噌湯, 不落蔥, 就是一煲海苔拉麵. 味噌湯底, 加上粟米. 令到個湯底非常清甜. 拉麵就夠煌韌. 而且煲住上, 冬天食時, 更加溫暖.

而我, 就肉吧, 他們介紹了一個雞扒拉麵, 豚骨湯. 湯底味道夠濃. 而且不知是不是當地的天氣問題, 係香港食麵, 唔會隨便落辣. 但係台灣, 好多時都有意無意地加辣. 這麵, 雞扒有黑椒已經是辣, 再加點辣醬. 多一點點, 食完感覺非常好.

可能是因為肚子餓, 所以覺得非常好食....而且咁樣一煲上. 又真的是比較特別.

每人消費: 約120新台幣 (午餐)
評分: 味道3   服務4   環境3   衛生3   抵食3
揀完衫, 齋妹一向細食. 所以掃街就我良食, 佢影同睇. 去夜市嗎, 不去.., 就不如係返西門食啦. 不過, 因為之前煲麵都幾飽下. 所以我都係細食. 叫了一個細碗裝既麵線.

其實有d似碗仔翅, 不過食既係麵. 味道咸咸地. 若加少少醋, 可能更加惹味.

唯一不好, 就是要立食, 而且個碗邊, 其實都充滿麵線. 所以食完都手濕濕.

食完了, 絕對是因為朝聖而食. 其實感覺只是街邊碗仔麵. 味道雖好, 但唔覺咁特別.
每人消費: 約40新台幣 (晚餐)
評分: 味道3   服務3   環境2   衛生2   抵食3
一早跟Zuji訂了房間, 怕路遠, 怕離捷運站遠. 便找到一間經濟抵住, 又近西門町中心區, 又近捷運站既小酒店.

網絡上, 此酒店有網頁, 相片亦不錯, 咁就盲沖沖book呢間啦. 回到家, 報告父母. 父親大人一聽名字, 就知道是一家老牌飯店. 一直說, 呢間酒店方便方便. 的確, 呢間酒店, 是非常非常的方便. 因為就在市中心.

來到check in, 後巷仔入, 開始感覺到點解老豆咁熟呢間酒店名. 因為實在是很舊. 房內一切設施, 除了用舊來形容外, 就沒有其他形容詞了.

怪不得咁平啦..........不過, 抵住.....來玩又不是享受什麼. 最重要是訓得舒服.
評分: 設備2   服務3   環境3   衛生3   抵住5
一早7am就要到婚紗店報到. 在攝影棚內拍了兩小時. 便出去拍外景.

第一站, 是我們自選的名勝. 溫泉博物館.

雖是小小的一個博物館, 但拍攝起來, 充滿古典氣派. 拍出來的效果真的不錯....有不少加相的婚紗照, 就是在這兒.....不捨得叮走......
參觀時段: 早上
評分: 值得去4  
拍完博物館, 攝影師大哥帶我們到地熱谷, 拍另一組照片.

不過, 因為時正中午, 而且硫磺味重, 地熱谷又真的超熱.........所以拍到齋妹發脾氣.....

說一說風景, 地熱谷又的確是一個幾特別既自然景點. 看著泉眼一個個的嘖煙, 非常得意...而且因為周圍是熱水, 所以整個谷沒有太多人工修築. 愛看看天然奇觀的, 不妨一來.

不過, 唔慣硫磺味既, 就唔係咁好.
參觀時段: 下午
評分: 值得去3  
漁人碼頭條橋, 一向都是拍婚照熱點. 本來齋妹想到101拍的, 後來發覺不可行, 便把本來被齋妹叮走的漁人碼頭, 重新變回我們的景點list上.

說是拍攝勝地, 同日有不少準新人, (數不出多少), 都係呢度取夜景.

淨看景色, 此漁人碼頭又的確幾迷人的. 尤其是那一度斜拉橋, 燈光美麗.

橋另一端, 是海鮮店. 食肆, 等等等等的商店. 我們拍照這一邊, 就是漁船停泊的地方....

其實拍照時, 有點不爽, 因為, 魚腥味好重....

事成, 大家yeah了一聲....開心地回去.......
參觀時段: 晚間
評分: 值得去4  
一整天, 12小時的拍攝旅程, 疲倦是一定的. 大家回酒店洗了白白後. 食力解放. 一出酒店門口....主要任務....EAT.

不過, 時間是10點, 原來好多食店已經打烊. 好不容易才找到這一家收11點的韓國麵食.

拍了一整天照, 大家都肚餓了. 又是一人一鍋啦. 一個素鍋, 微辣. 一個海鮮鍋, 中辣.

說明是豆腐鍋, 主角當然是豆腐, 內有老豆腐, 同嫩豆腐. 素鍋加上菇類, 有素食獅子狗, 仲有烏東. 微辣少少spicy, 湯底又好飲 (因為唔辣, 我飲佢既湯), 亂打亂撞, 原來我們找到一家好食名店.

我要了中辣, 辣味, 頂得順. 佈有蜆多隻, 一隻幾好羔既大蝦. 材料十足.

食完鍋, 大家有力, 又唔想返去住.......下一站.....行去華西街.
每人消費: 約140新台幣 (晚餐)
評分: 味道4   服務3   環境3   衛生3   抵食3
有蛇之地 笑臉2009-10-07
由西門町, 行了差不多20分鐘, 經過龍山寺, 就是其中一個馳名的夜市. 由廣州街入, 體驗了台北夜市的小食檔. 由什麼青蛙下蛋. 蚵仔煎, 鹵鴨, 等等. 不過之前的濟州鍋未消化. 同對某些攤檔既衛生有點焦慮. 除了蚵仔煎 (因為我覺得黎台灣必食), 都冇食野了.

華西街, 曾經有香港節目介紹過蛇店. 不過一向怕蛇的她...今天試穿了新高跟涼鞋的她. 本來想慢慢行的, 變成9秘8地, 跑完條華西街.

之後, 就在附近的小街行, 慢慢行, 行返酒店.....

12點多了, 又勞累了一整天..........二人抱頭便睡.
評分: 值得去3  

Title不是叫人來台灣必食呢間蚵仔煎, 而是來台灣, 蚵仔煎, 是必食的小食. 黎得台灣多, 相信都知道蚵仔, 即是蠔仔. 蚵仔煎, 就是我們的煎蠔餅.

在華西街內, 求其選一檔, 齋妹說, 為何不選那間大的, 要選這一間細的....我只覺得, 小店會比較地道而已.

不一會, 已經煎好, 中間不知是用了什麼粉, 蛋同蛋中間, 有一層煙韌透明的膠狀物體, 口感好特別.

不過呢檔, 蚵仔就少了點, 食得出是蛋, 食到有幾粒蚵仔. 又是亂打亂撞的, 不是難吃, 亦不是好吃. 可能吧, 齋妹說為何不去大店.....可能真的大店比較好.

不過, 食了一次蚵仔煎, 之後幾日不食了, 下次再來台時, 再食吧.

評分: 味道3   服務3   環境2   衛生3   抵食3
  1 個留言    |  加入你的留言
發表日期: 2009-10-07
第三天, 不用太早起來, 原本行程是台北動物園, 去到, 原來想去的企鵝館關閉...失望地回程, 改去淡水掃街

拍完照啦, 第三日終於解放了, 今天不想老大早起床, 兩個慢慢"Hea"出酒店房. 之後, 第一站, 便是閱讀旅遊書之後, 發現又在酒店旁邊的一家古早味咖啡館, 既然有名店. 當然要朝聖一下.

一入到去, 已經充滿咖啡豆香, 事因門口有一個大爐, 不段地炒咖啡. 咖啡師父亦讓我拍下照片, 門口呢, 是售賣糕點餅食的地方. 女友臨走時, 都買了一些不同味道的糕, 回香港才試.

早餐嘛, 就叫了一個早餐 (火腿蛋, 吐司, 咖啡), 齋妹食吐司, 我食餐肉蛋, 佢再要多一個 (卡布奇諾) Cappuccino.

多士是厚切的, 上有果醬一大"pat", 微烘的多士, 不太脆. 麵包都算做香.

火腿蛋, 連著一起煎, 其實可以說是同港式既早餐冇乜大分別.

咖啡才是這裡的主角, 早餐包的一杯普通咖啡, 已經是一杯非常香濃的完美 Coffee. 係台灣, 發覺飲咖啡比起飲奶茶好. 奶茶, 大多走台式奶茶路線, 咖啡, 則是原品蒸餾或炭燒. 非常 有水準.

每人消費: 約100新台幣
評分: 味道4   服務3   環境3   衛生4   抵食3
食呀食...... 笑臉2009-10-07
飲完咖啡, 二人抱著愉快的心情, 去動物園. 不過原來想去的企鵝館關閉...獅子會館又關了, 貓空又不開. 失望地.....二人只好回程...不想坐捷運了, 改坐巴士, 誰知我掉了地圖, 又坐錯車......之後同齋好吵了一場.....問了路人, 終找到巴士回台北, 之後, 再搭車前往淡水. 原本的動物園之旅, 改為淡水喪食之旅.

一開始, 便是大家都食得既, 炸榴槤. 我們試了隻芋頭炸榴槤. 味道帶著榴槤香, 芋頭是切絲, 包著榴槤. 食落只是脆皮味, 只有榴槤味. 芋味, 不突出.

之後, 便是食台式的燒臭豆腐了. 台灣的臭, 不比香港的臭, 不過串燒的豆腐, 吃起來比較方便. 味道方面, 則是普通啦.

再下一城, 不食長雪糕了, 反而行到去天仁名茶, 食左杯好有綠茶香既綠茶雪糕. 天仁名茶, 是一間幾出名下既茶莊連鎖店. 說是什麼台式奶茶始祖. 不過, 我們沒有嘆茶, 噗一杯雪糕.

慢慢逛, 買了阿婆鐵蛋, 行到海邊. 黑色的腸是什麼. 原來是墨魚腸. 食得出啖啖墨魚肉. 不過, 燒起後放得耐左, 如果熱辣辣, 更佳.

係淡水老街, 除了食, 仲有不少特色店舖可參觀. 我們12點多去到, 原來都可以行上3、4個鐘, 之後, 齋妹 (因為掃街佢收獲不多), 係另一邊老街找到一家麵鋪. 食完個麵, 回去揀相.
參觀時段: 下午
評分: 值得去5  
鐵蛋萬歲 笑臉2009-10-07
黎到淡水, 又是按旅遊書的指示, 黎買鐵蛋做 "hand letter". 買之前, 當然要試食一隻啦. 鐵蛋有分新鮮, 及包裝兩隻. 新鮮, 沒有真空包裝. 不過, 質感就唔夠韌.

既然阿婆最出名, 咁就要買番幾包, 慢食.

細鐵蛋其實比大鐵蛋好食. 蛋黃亦比較香, 而比較硬. 看一看包裝, 原來鐵蛋製作都幾煩複. 執筆時, 仲未開黎食. 不過, 以前食過, 感覺好食. 用來送麵更佳.
評分: 味道4   服務3   環境3   衛生3   抵食3
雖不是極品 ok喇2009-10-07
行完淡水了, 掃街沒有大收穫的她. 行到去一家拉麵店. 佢食野, 我休息. 隨便又幫佢分幾注麵.

台灣食素真的方便, 問一問, 便懂得怎去整俾你. 又是一個素食烏東. 呢個一樣是味噌湯底. 但味道當然比較普通. 不過, 75NTD一碗, 實在是超級抵食.

最開心的, 應該是送的柳橙汁.....自助式任飲啊......
每人消費: 約75新台幣
評分: 味道3   服務4   環境3   衛生3   抵食5
士林一夜 笑臉2009-10-07
晚上被婚紗鋪擄掠了之後, 先回酒店放下淡水的戰利品同婚紗鋪的無謂贈品. 二人便直指台北最著名的夜士. 士林夜市.

整頓過的士林, 比以前聽聞的, 企理好多, 不過, 一行入去, 人多, 街邊車仔檔多, 電單車間唔中又有一兩架駛入黎.....仲要俾我地遇到走鬼......真係一晚睇哂士林既生活.

黎士林, 切記不要在士林站落車, 否則行死你. 劍潭, 一出站就是士林夜士同熟食市場. 我們行街多過掃街, 全因中午係淡水太放肆了. 搞到9點幾10點都未餓. 只食了一個生煎包.

中途, 都入左去一間鋪頭, 二人分一窩既. 之後到是, 看看風土民情. 臨走時再入去那熟食市場, 飲了一杯苦瓜汁.

12點, 其實仲好旺, 不過怕沒有捷運回西門, 而且大家也倦了. 只好踏上回程的鐵道.
參觀時段: 晚間
評分: 值得去5  
係士林夜市, 發現掃街不是我們所好. 大家, 都比較喜歡坐係度食. 今次到台北, 日式鍋食了, 韓式鍋食了. 今餐, 一樣是鍋, 是比較台式的, 叫做素食養生鍋. 我們一樣, 是叫一鍋, 兩個人分.

養生鍋, 是藥材湯底. 加上素牛肉, 粉絲, 不同的菇類. 集合一煲暖暖熱熱的. 湯有藥味得來又非常清淡. 我們二人差不多把成個鍋連水連豆腐粉絲食哂飲哂.

因為有每人最低消費, 叫多了一個小食. 一個鹵臭豆腐. 不過, 台灣的臭豆腐始終唔夠香港的香. 不過, 味道尚可.

坐了一會, 食得溫飽. 再行行士林, 直至 12點.
每人消費: 約120新台幣
評分: 味道4   服務4   環境3   衛生3   抵食3
  0 個留言    |  加入你的留言
發表日期: 2009-10-09
第四天, 十分山上遊

天氣不好, 本來打算去宜蘭的旅程取消, 改去十分
台灣有九份, 原來仲有個十分, 不過這兒不像七堵, 八堵, 五堵, 相連的幾個小鎮. 九份同十分. 是兩個在地理上, 完全沒有關係既地方.

沒有吃早餐, 二人直指台北車站. 不過, 買票時, 坐位票已經賣哂了. 只好迫火車. 迫沙甸地, 企了半小時...到達端芳....不行端芳老街, 直接買了平溪線的一日票. 之後過對面月台, 登上小火車. 不久, 小小的火車, 便出發, 慢慢的, 向山上進發.

大概十多分鐘的車程. 便到達這個可愛小村莊. 一條老街, 被中間的鐵路分成兩半. 感覺甚是特別. 行出車站, 先去找食. 在等餐時, 突然聽到打鑼打鼓的聲音....是日是中秋節, 原來, 是中秋廟會, 巡遊隊伍中, 有不少鬼鬼怪怪的"神"....

可愛的悠閒地方, 希望不會被過量的遊客, 令其失去原有色彩.
參觀時段: 下午
評分: 值得去4  

今日的旅程, 以清‧閒為主. 所以一到十分. 第一步, 清‧閒的, 來到這一間民宿茶座, 嘆完先去行.

我們被安排坐在店外, 鄉效的環境, 清新的空氣, 翠綠的景觀. 完全可以令身心放鬆. 此樓仔厝, 不只是一間鄉郊餐廳. 其主要是一間民宿式旅館, 同一間博物館. 這裡展覽了不少以前採煤時的用品. 門口亦有一些日治時期的路牌. 整棟樓宇, 設計得甚有意思.

我們中午來到, 是為了食個午餐再起行. 我地兩個人, 因為早餐沒有食, 這個自然成為我們的 brealunch. 每人一個鐵版套餐. 在一個咁悠閒既環境, 享受一個豐富的早/午餐. 是非一般的享受.

一份蘑菇里肌, 一個鮑魚素三菇, 只聽名字, 已經充滿田園風味.

蘑菇里肌, 其實是蘑菇豬肉, 令這個鐵版又好食, 又能送飯的, 應該是那個汁. 除蘑菇外, 豬肉外, 仲有青椒, 芽菜. 味道感覺是濃的但多菜的主食, 不像香港的啖啖肉, 個胃感覺好清. 配上的湯, 也是走清淡路線. 很有一個家庭式的味道.

鮑魚素三菇, 齋妹的唯一選擇吧, 茨汁加上不同的香菇, 同樣以大量芽菜, 同青椒做配搭, 雖不像香港"啫啫"聲的上, 但也是非常溫熱的鐵版. 不過, 素湯就咸了少少.

在台灣, 不知為何, 同係大陸一樣, 都係飲咖啡好. 在山區沖出的咖啡, 一樣夠濃, 夠味.

我們慢慢食, 慢慢嘆. 等餐時又可以在店內外....(太多沙龍位).......

心情放輕鬆了, 肚子又飽了, 二人幸福的漫步十分老街.

每人消費: 約260新台幣
評分: 味道4   服務4   環境5   衛生4   抵食3
係十分行完, 因為買了平溪鐵路一天票, 我們再遊多一倨景點, 直接來到平溪鐵路的終點站, 菁桐鄉. 這裡, 一樣有一條老街, 而且店舖比起十份密集得多, 雖然比較commercialysed, 但不失其鄉土風情.

可愛的鐵路商店, 一些小士多, 上面一家主題餐廳原本是一個舊礦場的建築. 同十分比, 感覺這兒, 更加可愛. 

這裡殺了不少照片, 由老街的種種商店, 那個幸福郵箱, 鐵路局商店. 全是不捨得不拍照的地方. 

小小商店街, 來台北亦主要是為食, 當場每人一支雪糕, 臨走等車時, 再試一試地道的太白粉糕. 友善的伯伯好細心地解釋此東西的由來. 我們笑說, 咁樣食鷹粟粉, 真係第一次.

Local人非常友善, 沒有幫襯, 純問巴士時間, 烤腸的婆婆也熱情的指點.

不打算坐火車了, 既然有巴士回台北, 為何不由另一邊落山, 看看不同的風景呢.

中午逛忠考區, wildow shopping 之後, 決定正式遊, 西門.
參觀時段: 下午
評分: 值得去5  
西門町逛街 笑臉2009-10-09
酒店小休後, 再出發, 不過今天不走遠, 就在西門町, explore一下.

除了看看潮物, 便是食. 今次同士林那晚一樣, 我掃街, 佢食餐. 台灣沒有對小販作出太大限制, 所以, 西門, 一樣周街是小食車仔.

試了大腸夾細腸, 不好味, 不說

蔥抓餅, 煎餅夾粟米, 味道不錯. 好似食印度薄餅

之後, 看看小商店, 入誠品看看......

是日是中秋, 原來台灣人過中秋, 好喜歡路邊開小爐, 全店的員工, 邊燒烤, 邊開工. 很是特別.
參觀時段: 晚間
評分: 值得去4  
我掃完街, 到齋好食餐了, 選了不少食肆, 搞下搞下, 沒有 idea, 便試下呢間咖喱.

坐底, 其實只有三檯客人, 我們心裡都有點打折扣.

叫了一個蛋包飯 (後來才覺得笨, 為何不去蛋蛋屋呢). 我試了幾口, 因為主要是陪, 咖喱呢, 其實未夠香. 味道是日本咖喱, 但總覺得差少少. 蛋包的炒飯. 不過不失. 好彩是抱著打折的心情來食, 不然, 是一個非常失望.

少人來, 自有玄機.......
每人消費: 約140新台幣 (晚餐)
評分: 味道2   服務3   環境3   衛生3   抵食3
  0 個留言    |  加入你的留言
發表日期: 2009-10-11

最後一天, 打風了, 兩傘都冇左一把....食過早餐後, 係台北車站的地下街, 亂逛

最後一天旅程的開始, 我們決定了去台北車站區亂逛. 昨晚的西門町探戈, 發現了一間永和豆漿. 不過, 一早去到, 原來西門的分店只是一間小小的立食店. 就在不遠的旁邊, 有個"素"字, 齋妹便自然地行過去看看. 有位坐的, 我們便坐下. 操一口流利廣東話的老闆娘, 說不介意我去永和買兩杯豆漿過來. 點食, 便由齋妹發版.

我買完豆漿回來, 才加點炒手同齋雲吞. 而她就點下一個素炸醬麵.

這個素炸醬麵, 是撈麵, 湯汁是有的, 但比較少. 上面, 其實不是什麼炸醬, 只是一些素肉, 芹菜, 味道做得濃D而已.

雲吞, 炒手同湯雲吞原來是同一種吞, 炒手夠辣不太辣. 雲吞, 顯然是用了那些素肉碎, 味精一流. 不過好在個湯清清地. 除那些雪藏素肉料之外, 味道夠清, 沒有味精.

雖是路邊小店格局, 廣東人的老闆娘見到香港人, 亦份外親切友善. 早餐, OK既, 不過, 到晏晝, 人多車多時, 就可能差少少.

每人消費: 約40新台幣 (早餐)
評分: 味道3   服務4   環境2   衛生3   抵食3
食完早餐, 開始我們的亂逛旅程. 因為天氣不好, 我們便決定逛台北的地下世界, 西門站有地下街, 但問了車站旅遊局, 原來未有任何商店. 之後, 便去我們今天主要的景點, Taipei Station.

整個地下城, 分了4個區, 站前地下街, 台北站地下街, 新世界地下街, 同中山地下街. 行行下, 其實有點像旺中, 全要是售賣一些平價的少女用品, 有些台灣台地手信. 應有盡有吧.

我們主要行了站前地下街同中山地下街.

另外, 還有車站一樓的微風 food court. 我們的lunch就在此解決. 另交再說吧.
參觀時段: 下午
評分: 值得去3  

行中山地下街, 行到中山站. 本來為一定鳳梨酥鋪而來, 誰知去到, 中秋休息兩天....橫風橫雨, 又要行到老遠, 極之失望.

行了地下街, 我說不如行行路面. 說行, 其實行得幾辛苦, 因為又風又雨. 我們來到中山區, 主要是為了鳳梨酥. 而且, 今天主要是買手信日, 所以路過嘛, 呢間餅店有鳳梨酥, 齋妹便提議試下囉.

每人買了一隻鳳黃酥, 餡料是鳳梨加上蛋黃. 味道香香地口, 蛋黃就一整片. 感覺只是OK. 試食後, 決定回去西門或車站再看看.

每人消費: 約30新台幣
評分: 味道3   服務3   環境3   衛生3   抵食3

由中山地下街回程, 二人便上去台北車站大堂參觀. 時正中午了, 今次就她掃街我食餐. 車站一樓的微風Food Court, 乜都有得食. 她去了慢慢找, 而我一早被另一台灣名物吸引了, 就是一碗台灣牛肉麵.

要了牛筋, 牛肉. 湯底是濃濃的牛肉汁. 就是不知為何, 在台灣食麵, 總是喜歡加辣. 牛肉麵, 充滿牛肉香, 而且, 牛肉, 不是薄薄的切片牛展肉, 是一塊塊立方型的牛展, 鹵得非常入味. 牛筋呢, 亦是帶有肉的筋腩位. 鎮店有個郝龍斌贈的牌....市長食過話好食.......

不過, 始終覺得以前南京牛肉麵香, 感覺欠左D乜.....牛 "油" 囉....是牛脂肪的牛油啊.

每人消費: 約140新台幣 (午餐)
評分: 味道3   服務3   環境3   衛生3   抵食3
落返去地下街, 呢次是看看有冇"hand letter". 李儀, 由九份開到台北. 買手信俾人, 都係買出名一點既好. 李儀, 每當有朋友係台灣玩完返黎, 有鳳梨酥的時候, 不是老土的港記, 就是老土的李儀.

擺係公司俾同事食, 當然, 自己都有份食啦. 李儀的出品, 雖不像港記的新鮮, 店內製. 但一樣夠香. 牛油味香濃, 餡芯夠軟. 回港後試過另一牌子的, 始終, 有名氣, 旅遊書介紹得, 果然令舍不同.
評分: 味道4   服務3   環境3   衛生3   抵食3
行完地下街, 見有時間, 去埋 101, 誰知大風一吹. 雨傘報銷了一把. 拍了照後, 都是回去西門, 等飛狗巴士來接.

行了一整天, 大家都想整杯熱飲, 上次去了蜂大, 今次就不如試下隔離間南美.

同樣是一間古早味的Coffee shop. 而且, 南美, 只賣咖啡, 沒有小食.

齋妹的一杯是, 維也納咖啡, 一層厚厚的cream, 看起來有點漏, 味道就比較甜. 咖啡是南美老闆特別調配的咖啡. 味道未必人人啱架.

我呢, 就plain, 南美咖啡一杯. 濃度其實是中, 味道都OK既. 齋啡地飲了一半, 加奶再飲埋餘下半杯. 發覺加奶後仲好飲.
評分: 味道3   服務3   環境3   衛生3   抵食3
呢間餅鋪, 就係酒店旁. 二人一直都想試試. 不過一直都...不是沒機會, 是沒有胃去試. 到了最後一日, 我地在沒有試食的情況下, 買!!! 返香港先試.

買酥當日, 鳳梨酥已經賣哂. 只有鳳黃酥. 其實覺得, 鳳黃酥, 多了蛋黃, 就賣貴一點, 計起黎, 同月餅一樣, 越多黃越唔抵.

回到HK, 食左隻啦. 點解唔覺佢似鳳黃酥既.....蛋黃呢...細心地咀嚼...原來蛋黃是碎的, 不平均地分佈在餡入面.

香味都幾好. 不過, 相信好多知情者, 知道呢間既鳳黃酥無料...所以鳳梨酥一早賣哂, 鳳黃酥, 有剩....
評分: 味道2   服務3   環境3   衛生3   抵食3
  0 個留言    |  加入你的留言