1997年建成嘅望廈山市政公園，晌望廈山上面，由望廈炮台斜坡一路上，經過旅遊學院、望廈賓館，斜坡盡頭就係公園嘅羅馬式廣場，有噴泉、人工湖、瀑布、長廊、古老炮台等等，環境格外空曠。

沿一條舊斜坡再上，就搵到望廈砲台，晌19世紀末，佢係重要軍事防禦據點嚟架，不過，到1960年炮台就停用。砲台位置可監察關閘一帶嘅情況，依家，從炮台兜個圈，睇到望廈山周圍大部分地方，景觀都幾開揚架。黃昏，都見有啲市民上嚟做吓運動添。