坐酒店穿梭巴士去關閘，嗰邊感覺好唔同，周圍啲樓又高又舊，啲靈台、窗口架晒鐵籠，好似返咗上大陸。晌附近有個「紀念孫中山市政公園位」，順道行下，介紹就講到好似好正，正入口豎立著孫中山先生嘅全身塑像，中式設計有人工湖、曲橋、涼亭、小樓，西式設計又有多功能體育設施同溫室，去到打個轉，不過真係無乜好睇，似我哋維園咁，好多阿叔阿伯打躉，鋤啤玩十五胡。

園中有個人工小山丘，上到去望過對面，就係珠海拱北，近在咫尺呀，好似望過對面村咁近，全部都係高樓大廈。反而最吸引我嘅，係公園中央嘅迴廊，種有多夥老榕樹，長滿氣根，值得細味！