雲南大學只係作為我哋攝時間嘅景點，所以無話花太多時間去行，只係行咗一小部分，其實雲南大學佔地都幾大，面積大概有4,551畝，即係有幾多平方米？抱歉，我都唔係好識！不過，她被定點為全國50強，努力建成「西部一流、國內先進、國際知名」嘅區域性高水準研究型綜合大學，自有其特點。

講番個校園，幾寧靜，環境清幽，建築物有中有西，部份仲起得好典雅，原來雲南大學都有近成90年歷史。輕輕鬆咁晌度行下，都可緩和一下心情。