看完鳥巢, 我們使來到奧體中心既招待所. 旅行團安排了一小時的腳底按摩, 而且是由為國家級運動員服務的按摩師主理. 不過我一向都不愛俾人按, 不按就等, 等食飯. 本來想出去同舊國家體育場 (亞運場) 拍下照片的, 奈何外面正下雨, 同開始入夜. 都係乖乖地等食飯好過.

餐廳就在奧體招待所旁邊, 叫做歲吉府. 是冕知道是餃子宴, 所以我當這兒是山東館子. 來到, 又是團隊餐的餸同一大窩飯. 餃子比較後上. 不過一窩蜂的上, 十幾碟一齊上, 真的唔知邊樣打邊樣. 只是食得出一碟是韭菜餡, 一碟是粟米豬肉, 一碟是羊肉, 其他的, 都唔知自己食緊乜. 總之, 有餃就食啦......根本咁搞法, 是沒有可能食得出特色的.....前年係西安食, 一碟碟的分開上, 獨立介紹, 才能令人記得住這是什麼.

不再說餃子, 其他餸也是普普通通......湯也是一個簡單到自己都識整既菜湯. 我是喜歡食餃子的, 但呢一餐餃, 我完全不enjoy.