喺Aisatique買完又行到咁上下, 又喺食晚飯嘅時候, 左睇睇, 右睇睇, 真係好多選擇, 搜索一輪, 因為仲有其他地方未行, 所以想坐低速食一餐後再買過, 就揀咗呢間日式牛肉飯店 - Sukiya。

香港冇Sukiya分店, 牛肉飯嘅味道完全同吉野家唔同, 我就覺得偏鹹D, 跟餐加錢有沙律及麵豉湯, 唔太貴; 而Sukiya唔止牛肉飯, 仲有好多款式嘅飯餐揀, 我哋仲叫咗不同嘅飯餐試吓:

日式咖喱牛肉飯, 唔辣帶甜, 牛肉約有五件, 算係咁啦, 朋友話滿意。

細雞飯, 同吉野家完全唔同口味, Sukiya冇把雞烤焗及煎過, 只用炆煮方法, 豉油味幾重, OK啦!

最好味係豚肉豆角飯, 肉片簿身入味, 配合豆角一齊送飯, 好正!

至於沙律, 有兩種汁揀, 我哋全部揀咗千島汁, 生菜+青瓜及栗米, 穩陣。

總括嚟講，牛肉飯以吉野家較合口味，但試吓其他亦冇妨。