去完沙美灘，完成一個鐘嘅船程，就去搵爽條去Health Land，問咗幾架爽條，佢哋都企硬價30B，算喇早去早按摩，上車出發。 其實由碼頭到Health Land 都幾遠。

Health Land Pattaya 分店貫徹Health Land style，乾淨企理，豪華中帶平實，最重要係平做Spa麻，朋友非常喜歡。推油淨做價係800B/1.5 小時，我哋亦是買6500B/10張coupons，佢哋嘅coupon可以喺其所有分店使用，返到曼谷，我哋亦會去Asok嘅分店做推油。完成1.5小時舒服嘅享受，大家都一致讚好，所以都比按摩師每人50B，真係非常感謝佢哋嘅手勢。