其實整條十分老街好短, 行吓買吓食吓, 一個多鐘已行完, 想搭火車去下一站平溪或回瑞芳, 亦要等個幾鐘至有火車, 為有喺火車站左邊一間小麵店坐底食D嘢, 順便等火車麻.....

小麵店全店冇冷氣, 我哋揀咗外面坐, 較涼爽。點咗3碗細招牌牛腩根麵,一碟清炒珠蔥, 一碟沙拉白筍, 承惠560台幣。雖然只叫細牛腩根麵, 份量都算OK, 忘記叫佢小辣, 結果店主好慷慨, 一大匙嘅辣醬, 使整碗麵都係紅紅的, 當然超辣, 另一半同佢阿哥見到都滴哂汗, 感覺更加熱, 其實頭幾淡麵真係幾辣, 食落就習慣了,  辣度是可以接受嘅。 牛腩方面, 炆得好焾, 牛根焾中帶爽, 好家庭式的風味呢!  店主介紹我哋食清炒珠蔥同白筍, 前者樣子同蔥分別不大, 但味道就完全不一樣, 珠蔥口感似韮菜, 但冇韮菜咁味濃, 珠蔥帶點甜及菜味較鮮, 今次係我第一次食, 阿哥話香港都有得賣, 但不常見, 有時見到唔留意, 亦會誤會珠蔥係一般嘅蔥; 另一好食之選就係白筍, 台灣較流行用沙拉醬撈白筍食, 但店主的沙拉醬味道較淡, 所以冇搶走白筍的爽甜味, 夏天食此感覺很好, 所以此碟亦是全部最貴的, 要200元台幣。