舊年嚟台灣, 都幫襯咗勝博殿兩次, 今次專登帶另一半嘅哥哥嚟試吓。

由於在東龍飯店check in 及上房擺好行李後, 都已經成2點半, 而萬華區勝博殿就在東龍飯店隔兩條街, 只行5分鐘, 所以順便去食個遲來的午餐。 網上好多人讚九州杏子日式豬排, 但台灣朋友講普遍的台灣人較喜歡勝博殿, 除價錢平少少外, 最好係冇限供應高麗菜、蘿蔔或牛蒡及黑豆作沙律, 而白飯及面豉湯亦無限添加, 淨食高麗菜沙律都抵啦! 而且冇因為係無限添加而材料馬虎, 所有嘅材料都係非常新鮮同講究。