美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
台灣環島15天遊 (台灣)
(旅程日期: 2012-07-20 至 2012-08-03 ,  旅程性質: 飲食購物, 消閒度假)
 整個旅程  (共13篇遊記)
 分享至Facebook 
發表日期: 2012-10-08


25/07/2012

第一次嚟屏東, 住喺朋友老家, 朋友屋企好大好舒服, 我非常感謝佢同佢家人嘅招待。

由屏東至高雄, 揸車約半小時, 唔算好遠, 呢日行程如下:


屏東 ~ 高雄 ~ 旗津半島 ~ 夢時代購物中心 ~ 六合夜市 ~ 美麗島捷運站 ~ 囍餅街 ~ 回屏東
錦記肉圓亦係只在早上營業
錦記肉圓亦係只在早上營業
食店價目表
食店價目表
肉粽+貢丸湯, 共NT55
肉粽+貢丸湯, 共NT55
肉粽好好食, 肥豬肉加花生, 再落埋自家製醬汁, 正, 可惜未食完隻粽, 隻烏蠅就幫我哋食埋
肉粽好好食, 肥豬肉加花生, 再落埋自家製醬汁, 正, 可惜未食完隻粽, 隻烏蠅就幫我哋食埋
肉圓, 每碗有兩個, 肉餡係得嘅, 但外皮太厚, 食完一個好似食咗一碗飯呢!
肉圓, 每碗有兩個, 肉餡係得嘅, 但外皮太厚, 食完一個好似食咗一碗飯呢!
屏東市錦記肉丸附近
屏東市錦記肉丸附近
錦記肉丸對面
錦記肉丸對面




朋友帶我哋去佢屋企附近嘅小食店食地道早餐, 小食店叫錦記肉圓。

朋友叫咗兩碗肉圓, 兩碗貢丸湯同一個肉粽, 最好食係肉粽, 好味, 但後尾比烏蠅幫襯咗, 而貢丸夠彈牙, 不過少咗D得3粒, 多1粒會較好; 主角肉圓, 真係"豬圓肉潤", 皮厚餡靚, 食完唔駛食飯喇, 適合勞動人士享用。

推介菜式: 肉粽
每人消費: 約36.25新台幣 (早餐)
評分: 味道4   服務4   環境4   衛生4   抵食4
旗津碼頭
旗津碼頭
從碼頭望向85大樓方向
從碼頭望向85大樓方向
旗津廟前街, 係旗津半島最旺同較遊客味重嘅街道
旗津廟前街, 係旗津半島最旺同較遊客味重嘅街道
好大好大浪, 浪花不停拍上岸
好大好大浪, 浪花不停拍上岸
旗津黑沙灘
旗津黑沙灘
島上有三輪車租
島上有三輪車租
旗津風車公園
旗津風車公園
D浪有二三層樓高, 好壯觀, 有管理員圍實, 不准走近岸邊
D浪有二三層樓高, 好壯觀, 有管理員圍實, 不准走近岸邊



今日第一個景點,就係去旗津半島。旗津半島為高雄港西側的海外沙洲,長11公里、寛200公尺,呈南北狹長狀,同香港長洲背景幾相似,所以一直都以為旗津同長洲係同類,原來我攪錯了。

由屏東出發,好快就去到高雄,由於揸車去, 所以今次冇機會坐渡輪。先由過港隧道去到旗津, 一條小海底隧道不用三分鐘便到旗津半島,呢邊較重工業味,四圍有好多貨櫃同貨倉,完全冇長洲嗰重漁村味道。

但向前走半分鐘, 就見到旗津風車公園, 一排七座三葉風車, 矗立在公園中央, 加上造型獨特可愛嘅海洋生物拼貼創作, 造形生動有趣, 當然要影番幾張相啦!

除咗以上原素外, 呢到重係放風箏同睇浪嘅好地方, 風好大, 浪好高; 風箏吹落樹頂, 令樹上增添不少額外色彩; 風浪吹撲上岸, 巨浪亦有二三層樓高, 拍打上岸, 所有在公園內的路燈, 欄杆, 海洋裝飾, 綠草地, 都被海水沖刷著, 不期然有股強烈嘅對比, 震懾嘅感覺......

車再向前走3分鐘, 就到咗旗津海岸公園/旗津海浴場, 海浴場係黑沙灘, 呢處冇風車公園咁大風浪, 所以較多人在此嬉水, 而海岸公園對面有一海產手信商場, 主要賣海產手信。

海浴場對正整個旗津最旺嘅廟前街, 廟前街一直走, 就係天后宮同旗津渡輪站, 仲有三輪車出租比遊客在島上兜風呢!

推介項目: 睇浪
參觀時段: 早上
評分: 值得去4  
呢度係賣土產嘅手信商場
呢度係賣土產嘅手信商場
主要售賣乾海產, 又有如蝦片紫菜等零食
主要售賣乾海產, 又有如蝦片紫菜等零食
有冷氣, 又乾淨, 唔買都行得好舒服
有冷氣, 又乾淨, 唔買都行得好舒服
廟前路有好多小食檔, 煎鳥蛋好好味
廟前路有好多小食檔, 煎鳥蛋好好味
鵪鶉蛋加醬汁, 我哋買咗兩包食
鵪鶉蛋加醬汁, 我哋買咗兩包食
隔離檔賣烤魷魚, 好香呀!
隔離檔賣烤魷魚, 好香呀!
兩隻細嘅, NT50, 比台北淡水平
兩隻細嘅, NT50, 比台北淡水平
近天后宮, 專賣燒酒螺, 大中小辣齊備
近天后宮, 專賣燒酒螺, 大中小辣齊備



旗津廟前路比較旺, 有好多食店同小食檔在此做生意, 當然又有美食在此啦! 因為想返高雄食午餐, 所以冇試呢處嘅海鮮, 但朋友話廟前路比較多遊客, 所以食海鮮會較貴, 佢話近風車公園哪邊價錢比較平D。

因為想留肚, 所以只食小食, 港童一見鳥蛋就話試,(鳥蛋即鵪鶉蛋)鵪鶉蛋放入煎蛋器皿上弄熟, 有煎炸效果, 再加醬汁, 好味道, 再encore多一包, 為食而忘記膽固醇添。

跟住隔離檔嘅烤魷魚亦好吸引, 又買兩隻細嘅試試, 又唔錯喎, 再一次忘記膽固醇呢!

 

推介項目: 鳥蛋, 烤魷魚
參觀時段: 早上
入場價錢: 每人25新台幣
評分: 值得去5  
夏日精選, 但冇試
夏日精選, 但冇試
高麗菜溝咗芝麻醬汁, 非常好味嘅沙律, 最好係無限供應麻!
高麗菜溝咗芝麻醬汁, 非常好味嘅沙律, 最好係無限供應麻!
味噌汁豬內腰, 一樣鬆化美味NT300(中)
味噌汁豬內腰, 一樣鬆化美味NT300(中)
鍋膳豬內腰 NT290
鍋膳豬內腰 NT290
日式咖哩豬里脊, 好開胃呀! NT320
日式咖哩豬里脊, 好開胃呀! NT320
仲有甜品, 綠茶雪糕或芒果布甸
仲有甜品, 綠茶雪糕或芒果布甸
磨黑白芝麻再混醬, 牛蒡同黑豆無限供應
磨黑白芝麻再混醬, 牛蒡同黑豆無限供應
吉列里脊豬排, 鬆脆可口, 真係喺口內"化"晒, NT280(中)
吉列里脊豬排, 鬆脆可口, 真係喺口內"化"晒, NT280(中)

由旗津出嚟已差不多3:00PM, 馬上去食我夢寐以求嘅炸豬排, 朋友推介我哋去呢間日式炸豬排專門店- 勝博殿; 佢亦喺香港有一間分店, 約HK$100-160/人, 但在台灣, 只須約HK$80-90左右, 較便宜。

勝博殿喺台灣有20間分店, 高雄夢時代7樓有一間; 我哋响3:30前要落Order, 佢哋員工要落場, 所以我哋亦要4:30前要埋單走。

我哋叫咗四份餐, 價錢約NT280-300, 主要係酥嫩腰內豬里肉(中 100G)同香潤豬里脊(中 100G), 香脆鬆化, 肉香味濃, 白飯同麵豉湯無限添食外, 高麗菜, 牛蒡同黑豆一樣冇限供應, 當客人坐底, 侍應會奉上每人一碗黑白芝麻同醬汁(芝麻醬要向侍應另取), 磨好黑白芝麻再加醬汁, 調好自家口味醬, 就可自行撈沙律食, 咿 ~ 正啊!

另亦在台北車站三越站前店12樓食多一次豬排飯, 一樣令人難忘。

每人消費: 約300新台幣
評分: 味道5   服務5   環境5   衛生5   抵食5
夢時代面積好大
夢時代面積好大
統一阪急百貨大樓係連住夢時代購物中心
統一阪急百貨大樓係連住夢時代購物中心
B1層嘅台灣手信街
B1層嘅台灣手信街
呢度有好多台灣各地嘅土產
呢度有好多台灣各地嘅土產
B1層有存貼滿水晶嘅小摩托車
B1層有存貼滿水晶嘅小摩托車
好靚好閃呀!
好靚好閃呀!



去完旗津半島, 天色已唔係太好, 整個天都係黑雲, 狂風暴雨果然喺我哋到咗夢時代後就降臨, 一落就差唔多四個鐘, 令我哋未能去到高雄嘅城市光廊, 嗚~

就係咁我哋响夢時代消磨咗4個鐘, 好彩夢時代購物中心"地大物博", 用4個鐘都行唔晒, Yah~

係B1樓層有處手信街, 可在此買到台灣好多產物; 又有誠品, 又有台灣好多自家品牌, 真係可以喺呢度消磨一整天啊!

參觀時段: 下午
評分: 值得去5  
美麗島站附近街道圖
美麗島站附近街道圖
美麗島捷運站光之穹頂
美麗島捷運站光之穹頂
美麗島站上蓋, 係由日本著明設計師design
美麗島站上蓋, 係由日本著明設計師design
光之穹頂嘅右邊
光之穹頂嘅右邊
舊振南餅店門面
舊振南餅店門面
舊振南餅店其他零售餅食, 價錢較一般餅店貴
舊振南餅店其他零售餅食, 價錢較一般餅店貴
舊振南餅店裝修格局係古式古香
舊振南餅店裝修格局係古式古香
舊振南嘅囍餅及包裝
舊振南嘅囍餅及包裝

原本想去瑞豐夜市唔去六合夜市, 但朋友親戚話今日瑞豐夜市要進行一個月中第二次大清洗, 所以休市, 喚! 咁咪改去六合囉, 點知........

去到六合夜市, 雨落得頻密, 好不容易在夜市附近搵到位泊車, 一路行去夜市, 一路見一團一團強國人入夜市, 令整條街都擁擠到不得了, 所以完全唔想停留於此, 匆匆走完整條六合夜市, 就行去美麗島站影相。

美麗島捷運站真係整得幾靚, 七彩穹頂大堂, 就係公共藝術「光之穹頂」所在地, 好似置身在歐洲教堂內, 另外站內設有一立體專區, 由立體設計藝術家創作, 地下繪出立體效果, 與真實事物作連貫, 比遊客拍照, 讓遊客照出立體效果。

影完相, 朋友帶我哋走出捷運站, 再拍站外透明上蓋, 由喜餅街那處拍, 可拍晒一共4個透明上蓋, 如果係靚相機, 一定唔好放過此特別環境。

朋友想去舊振南老餅家買餅, 所以順道逛逛這出名嘅喜餅街, 整條街都係售賣同婚嫁有關嘅物品, 當然囍餅店亦是主要店舖之一, 各式各樣嘅餅店, 裝修堂煌華麗, 朋友獨愛舊振南餅店, 話佢係百年老店, 朋友即場買咗盒囍餅食, 佢哋D餅一D都唔平, 如鳳梨酥已比日出貴NT200, 但我相信佢哋嘅出品應有保證。

參觀時段: 晚間
評分: 值得去5  
裝修花心思
裝修花心思
裝修融入中日特色
裝修融入中日特色
春水堂飲品及食物價目表
春水堂飲品及食物價目表
凍及熱珍珠奶茶, 凍珍珠奶茶超大杯NT120
凍及熱珍珠奶茶, 凍珍珠奶茶超大杯NT120
我投訴呢杯得幾粒珍珠, 佢後尾比番一杯珍珠比我補數
我投訴呢杯得幾粒珍珠, 佢後尾比番一杯珍珠比我補數



掃完一輪手信, 買咗大包小包, 好累了, 外面還下著滂沱大雨, 就係B1見到春水堂個招牌, 就入去坐吓, 飲杯嘢啦!

上次因為時間關係, 去唔到台中春水堂總店, 今次補數啦!

春水堂已打出名堂, 全台灣都有分店, 而價錢亦比一般珍珠奶茶店略貴, 不過此分店嘅裝修同有舒適嘅座位供應比客人, 又唔可以只外賣企响度飲咁簡單啦!

推介菜式: 珍珠奶茶
每人消費: 約120新台幣 (下午茶)
評分: 味道5   服務4   環境5   衛生5   抵食3
別緻靚西餅 笑臉2012-10-08
好多西餅選擇
好多西餅選擇
蛋糕款都好多
蛋糕款都好多
咖啡價錢牌
咖啡價錢牌
正
正
呢間金礦咖啡分店面向六合夜市
呢間金礦咖啡分店面向六合夜市

因為我哋完全冇响六合夜市掃街, 所以我哋個肚係空嘅, 由於完全提唔起勁喺度食嘢, 見到夜市對面有間coffee shop, 就過去睇吓有冇嘢啱食。

除咗咖啡奶茶外, 金礦咖啡主打係西餅蛋糕, 台灣朋友話呢間金礦都有好多分店, 出品都唔錯, 可以一試, 咁就係度買咗兩件西餅外賣喇。

港童揀咗個叫 "畢業盛典" , 上面一塊朱古力, 下面係一個半圓啫喱, 啫喱裡面係朱古力+忌簾, 外型似一頂畢業帽, 好精緻, 好特別, 但食就好甜, 連一向嗜甜嘅港童都頂唔順, 唔肯食埋佢; 而我同另一半都要咗芒果酥, 幾好, 芒果好新鮮, 而且唔太甜, 用生果中和咗蛋糕糖味, 一向用生果造嘅蛋糕都係較穩陣嘅選擇。

推介菜式: 芒果酥
每人消費: 約59新台幣 (宵夜)
評分: 味道4   服務4   環境4   衛生4   抵食4
小食店只做外賣生意, 冇得堂食
小食店只做外賣生意, 冇得堂食
任點價錢
任點價錢
價錢好平
價錢好平
可炸可焯
可炸可焯
執咗五六款, 再買一送一嘅鹹酥雞
執咗五六款, 再買一送一嘅鹹酥雞

 

 

由於只在金礦咖啡買咗兩件cakes, 朋友又未食嘢, 決定返屏東市先至食嘢。

由高雄返屏東約30分鐘車程, 已經係10:00喇, 所以都係唔去屏東夜市, 去小食店買外賣返朋友家食算了。

喺原味家對面有間叫戰味鹹酥雞, 尋日見佢排長龍, 又做買一送一優惠, 就喺呢間買外賣, 叫咗魚蛋, 炸黑輪, 蘿蔔, 魚餅及貢丸, 兩件鹹酥雞大大件, NT200有找, 好平, 平過香港食魚蛋燒賣。

全部味道一般, 冇特別, 覺得都係一般炸食同焯魚蛋感覺, 鹹酥雞較油膩, 而且仲好熱氣添, 我哋都唔敢食太多, 驚口嚨痛呢!

每人消費: 約50新台幣 (宵夜)
評分: 味道3   服務5   環境3   衛生3   抵食5
  0 個留言    |  加入你的留言
此遊記的留言
加入留言
如要加入留言, 請先登入