美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
台灣環島15天遊 (台灣)
(旅程日期: 2012-07-20 至 2012-08-03 ,  旅程性質: 飲食購物, 消閒度假)
 整個旅程  (共13篇遊記)
 分享至Facebook 
發表日期: 2012-10-08

 

26/07/2012

今日離開屏東, 直去渡假天堂 - 墾丁, 真係期待已久, 行程如下:

屏東 ~ 車城鄉福安宮 ~ 墾丁~ 玩吉普車(兩小時) ~ 小灣沙灘睇日落 ~ 墾丁大街 ~ 住宿布列塔尼民宿

嚟個西帕粄 笑臉2012-10-08
黃屋夥房係路邊小食檔
黃屋夥房係路邊小食檔
店內陳設簡單
店內陳設簡單
主要係叔父輩打理食店
主要係叔父輩打理食店
乾西帕粄,大碗又多料,肉味鮮味
乾西帕粄,大碗又多料,肉味鮮味
鹵水蛋、豆腐、豆干好味
鹵水蛋、豆腐、豆干好味
鹵水牛肚,爽夾入味,正。
鹵水牛肚,爽夾入味,正。
芽菜、青瓜韮菜,
芽菜、青瓜韮菜,
豬大腸,同樣爽爽爽
豬大腸,同樣爽爽爽



西帕粄即河粉, 但比我哋食開嘅厚些少; 朋友媽媽好鍾意食, 話呢間路邊小店只開早上, 下午就關門休息, 一向都係屏東老街坊同熟客先至會嚟食, 由於唔係响屏東市, 而係响市郊, 所以我朋友都唔係好確實知道位置, 要朋友媽媽親自帶我哋去。

路邊小食店叫 "黃屋夥房", 家庭式經營, 廚子同侍應都是上了年紀的阿姐同阿叔, 店內冇冷氣, 但不太熱, 朋友媽媽點了好多鹵水, 碟碟都大大碟, 仲每人一碗湯西帕粄, 嘩! 好大碗, 所以我哋當日又冇食午飯, 直至晚上。

鹵水牛肚, 蛋, 豆腐, 豆干非常入味, 當然好食過夜市嗰D「是但貨式」, 可以講係用心的鹵水傑作, 另豬大腸聽朋友同另一半都讚不絕口 (我係唔食內臟), 佢哋話爽夾脆喎, 而每人一碗嘅西帕粄, 除咗大大碗外, 湯底淆得唔錯, 裡面嘅豬肉片亦爽兼入味, 是新鮮豬肉, 唔好以為西帕粄較厚, 就會有膩嘅感覺, 相反西帕粄口感爽滑, 與湯底配合得天衣無縫, 而朋友就叫了乾西帕粄, 一樣好味, 雖然飽, 但絕不忍心將之食剩。

推介菜式: 西帕粄, 鹵水
每人消費: 約50新台幣 (早餐)
評分: 味道5   服務5   環境3   衛生4   抵食5
車城福安宮 ok喇2012-10-08
福安宮
福安宮
福安宫現正裝修
福安宫現正裝修
福安宫裡面香火鼎盛
福安宫裡面香火鼎盛
好多綠豆蒜檔口
好多綠豆蒜檔口
綠豆蒜「杰撻撻」,不感興趣
綠豆蒜「杰撻撻」,不感興趣
好多醃製蛋呀!
好多醃製蛋呀!
最好食係皮蛋
最好食係皮蛋
䶢蛋冇想像中咁䶢
䶢蛋冇想像中咁䶢




車城鄉福安宮係全台灣最大的土地公廟, 我哋嚟唔係入廟拜神或參觀, 主要係朋友爸爸住喺呢邊, 嚟探吓佢同D鄉親父老, 因朋友係屏東恆春車城鄉人, 爸爸退休後想回鄉過清閒生活, 所以獨自在福安宮後面買了一片地建屋自住, 剩下的地方為停車場作生活費, 朋友嘅爸爸真寫意。

朋友話雖然我哋唔拜神, 但可以入去廟裡睇下個神奇燒衣紙爐, 只須將金銀衣紙放在爐外, 衣紙自然會一張一張自動飄入爐裡燃燒, 這爐應該有科學原理令紙張自動飄入爐裡。

係福安宮後面有一大市集, 主要賣小食甜湯, 亦有賣生果, 當然要走去睇吓有咩啱買啦! 小食就見到有好幾檔賣綠豆蒜, 朋友話係屏東特色糖水, 我見佢 "杰撻撻" , 檔主好大力咁攪呀攪, 已冇咩興趣試; 但見到皮蛋同鹹蛋嘅檔口, 檔主比我哋試食, 皮蛋嘅雪花晶瑩, 真係被佢吸引咗而幫襯。

 

推介項目: 買生果
參觀時段: 下午
評分: 值得去3  
海角七號拍攝場景
海角七號拍攝場景
海角七號 - 茂伯的家
海角七號 - 茂伯的家
情人橋
情人橋
如想行情人橋,唔該比路費NT30/人
如想行情人橋,唔該比路費NT30/人
唔上橋都可以從旁邊影相
唔上橋都可以從旁邊影相
好靚嘅太平洋
好靚嘅太平洋
喺呢度睇太平洋海景比磐石公園仲靚
喺呢度睇太平洋海景比磐石公園仲靚
玩吉普車前或後,司機都會帶你到玩吉普車附近嘅景點影幾張相,讓你到此一遊。

司機主要帶我哋去「海角七號」拍攝場景,玩完就去埋港口吊橋(情人橋),另再車我哋去一個草叢看太平洋,哪處應該近龍磐公園。
參觀時段: 下午
評分: 值得去5  
我哋就係坐呢架吉普車喇!屬於墾丁牛仔168大腳車隊
我哋就係坐呢架吉普車喇!屬於墾丁牛仔168大腳車隊



墾丁重頭戲就係玩呢個超激超激嘅吉普車,一去到民宿check in,台灣朋友馬上叫民宿老闆揾吉普車公司,check in 後十分鐘,吉普車已到民宿接我哋。朋友一路保持神祕,佢同司機夾埋話要比我哋有個難忘嘅回憶,當去到玩區,司機就用極速嘅車速在山丘上大上大落,企在後座嘅我哋真係被拋到個心都快跌出嚟喇!

玩區名叫九龍關道, 分為18拐,內容如下: 橫渡逆流 登高一呼 擒豬陷阱 板橋模擬 直衝雲霄 膽顫心驚 自由落體 乘風破浪 飛簷走壁 急速迴轉斜壁行走 咖瑪窟 八寶炫風 狂風巨浪 麥當勞坡 超越巔峰 破甲炫風 驚心動破

去完山丘片車後,再去河邊片過,由於只得我哋一架車,司機話會減些少刺激分,佢話會落力響河邊片,令到我哋全身濕透為止。Oh!我哋今次仲唔比台灣朋友玩死!

玩後感想:真係想嚟多個round呢! 激!值得推薦!如本身唔受得刺激或身體抱恙者,就要量力而為喇!

參觀時段: 下午
入場價錢: 每人800新台幣
評分: 值得去5  
小灣 沙灘
小灣 沙灘
墾丁有好多年青人嚟玩
墾丁有好多年青人嚟玩
日落
日落


小灣沙灘係最近墾丁大街嘅沙灘,咁就腳,所以好多人會落呢處玩水,因此呢個沙灘唔係好乾淨,我哋都冇落水玩,只喺度睇日落。
參觀時段: 下午
評分: 值得去5  
墾丁大街
墾丁大街
好多人排隊買呢個車上爐子pizza
好多人排隊買呢個車上爐子pizza
好誘人的店舖啊
好誘人的店舖啊
越夜越多人行墾丁大街,人車爭路,行人同攤檔都危臉
越夜越多人行墾丁大街,人車爭路,行人同攤檔都危臉


墾丁大街朝早已經好旺,入夜後,加埋小食攤檔同遊戲攤檔,更加旺同熱閙。

雖然大街好旺,好多嘢賣,好多嘢食,但係呢度行街實在好危臉,人、車、攤檔爭路霸路,如真要攪好旅遊業,台灣應該改善呢處嘅交通混亂狀況,唔係等到有意外發生先嚟後知後覺,否則會太遲呢?
參觀時段: 晚間
評分: 值得去5  
歐洲式小宅 笑臉2012-10-08
兩張5呎床, 羽絨裨及枕, 舒服乾淨
兩張5呎床, 羽絨裨及枕, 舒服乾淨
房間面積寬敞
房間面積寬敞
露台
露台
門口有路牌
門口有路牌
歐洲式小屋, 黃紅階磚小路, 配合得很好
歐洲式小屋, 黃紅階磚小路, 配合得很好
民宿地下大堂
民宿地下大堂
Receiption, 旁邊樓梯就係上房之處, 好彩住二樓
Receiption, 旁邊樓梯就係上房之處, 好彩住二樓
民宿周圍都係呢D公仔, 形造溫馨感覺
民宿周圍都係呢D公仔, 形造溫馨感覺

 

在5月時透過悠遊墾丁預訂的, 用Paypal付錢, 過咗兩星期仲未收到confirmation, 托台灣朋友致電民宿主人問個究竟, 原來店主好少睇email, 多數用電話做confirm, 所以擺咗個烏龍, 我哋check in 時, 店主再提醒我一定要打電話比佢做confirm喎, 因為年紀大, 唔多識用電腦, 啊~ 知道喇!

當時找墾丁找住宿, 我比咗8間民宿比台灣朋友過目, 佢再選出3間比我作決定, 最後比呢間充滿歐洲式小屋吸引咗, 而且佢送埋早餐, 其餘都是早餐自理, 價錢又差唔多, 地點又靜中帶旺, 所以就訂咗布列塔尼。

 

每晚價錢: 3200新台幣
評分: 設備5   服務5   環境5   衛生5   抵住4
我們的晚餐 ok喇2012-10-08
店前再設一攤檔, 吸引客人
店前再設一攤檔, 吸引客人
魯水= 鹵水
魯水= 鹵水
都好多人幫襯
都好多人幫襯
真係好大碟, 我哋主要叫蔬菜類
真係好大碟, 我哋主要叫蔬菜類

我哋朝早食咗極度豐富, 一路都有食過正餐, 直至依加响墾丁大街掃街。

我哋走咗去呢間食鹵水嘅店舖試吓, 見佢人頭擁擁, 好多人圍住外面嘅攤檔, 又話得過咩獎, 又話比電視台訪X咁多次, 諗住應該好似今朝黃屋夥房, 有番咁上吓, 但.......

由於我哋唔想食得咁heavy, 所以叫多D蔬菜類, 只叫了鴨舌, 五花腩, 豬頸肉等, 一定要在外面攤檔點叫, 然後店員會再加熱, 再送到客人嘅枱上, 我見隔離枱嗰碟大到不得了, 10個人食都食唔晒; 終於我哋嗰碟到了, 嘩! 咁大! 台灣朋友只係平時叫嘅份量, 估唔到會咁勁; 其實最緊要係味道, 但冇驚喜囉, 同今朝食嘅差好遠, 嗰汁太普通喇, 味不濃, 食唔到鹵水味, 好似食阿媽煮嘅一般炆肉, 最後加咗菜在汁裡, 令菜"索"咗炆肉嘅汁, 唔可以話佢唔好味, 而佢嘅製作實在太平凡, 唔係佢哋所講獨有秘方魯水汁囉!

每人消費: 約50新台幣
評分: 味道3   服務3   環境3   衛生3   抵食3
吳師傅魯水隔離嘅果汁檔, 好多款果汁
吳師傅魯水隔離嘅果汁檔, 好多款果汁
苦瓜鳳梨汁走糖, NT50, 好味唔太苦, 飲完暗瘡消
苦瓜鳳梨汁走糖, NT50, 好味唔太苦, 飲完暗瘡消
由海橾+黃糖製成嘅海橾涼茶, 清熱解渴
由海橾+黃糖製成嘅海橾涼茶, 清熱解渴
倒出時呈"杰"狀, 好似啫喱未完全凝固模樣, 味道有海水味, 少少鯹味, 唔難飲
倒出時呈"杰"狀, 好似啫喱未完全凝固模樣, 味道有海水味, 少少鯹味, 唔難飲
木瓜牛奶走糖, NT50, 正!
木瓜牛奶走糖, NT50, 正!
炸地瓜攤檔, 即炸即賣
炸地瓜攤檔, 即炸即賣
我哋買咗一包地瓜酥作甜品, 鬆脆美味
我哋買咗一包地瓜酥作甜品, 鬆脆美味



食完吳師傅魯水, 已經飽咗一半, 行出嚟賣咗杯木瓜牛奶同苦瓜鳳梨汁, 飲完已經七成飽喇。

最後賣咗包炸地瓜球, 天然地瓜甜味, 好食, 不過已經full 晒, 美食, 我投降喇!

港童同朋友在回民宿途中, 再買多杯大大(高高)嘅軟雪糕做總結, 佢哋話咁先至夠皮。

評分: 值得去5  
  0 個留言    |  加入你的留言
此遊記的留言
加入留言
如要加入留言, 請先登入