美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
沙巴海陸空11天食玩遊 (馬來西亞)
(旅程日期: 2011-07-23 至 2011-08-02 ,  旅程性質: 生態探險, 飲食購物, 消閒度假)
 整個旅程  (共6篇遊記)
 分享至Facebook 
發表日期: 2011-09-08
26/08 一早搭8:15 am Air Asia 航班回KK, 9:00 am 就到KK, 要等到12:20 pm再搭機去斗湖, 所以有成兩個多鐘時間hea, 初頭想去Tanjung Aru Beach 同Hawker Centre走走, 問人後, 原來Tanjung Aru First Beach Hawker Centre 只開晚上, 而且烈日當空, 拖住唿, 都係唔好行喇! 留番響機場, 搵個早餐食吓.......

1:00 pm 就到咗斗湖, 經Singamata book咗架車, 由斗湖去仙本拿, RM150/7人, 坐咗約1個鐘零15分, 就到咗仙本拿........

5:30 pm 搭10分鐘Singamata 的快艇去Singamata Adventures & Reef Resort check in......

當天的行程真係包含海, 陸, 空交通元素
Singamata 在仙本娜的辦事處門口
Singamata 在仙本娜的辦事處門口
辦事處的右邊是漁民碼頭
辦事處的右邊是漁民碼頭
D漁民就喺度零售同批發佢哋嘅漁獲
D漁民就喺度零售同批發佢哋嘅漁獲
辦事處對面就係呢間全仙本娜較好的酒店 Seafest Hotel, 就係呢個位置坐快艇去Resort
辦事處對面就係呢間全仙本娜較好的酒店 Seafest Hotel, 就係呢個位置坐快艇去Resort
5:30 pm 才有快艇坐, 食完個lunch, 去仙本娜市中心的超市買d乾糧同飲品
5:30 pm 才有快艇坐, 食完個lunch, 去仙本娜市中心的超市買d乾糧同飲品
仙本那的公眾碼頭
仙本那的公眾碼頭
仙本那海洋旅中心(牌坊)兩旁, 就係旅館 "龍門客棧", 外觀唔錯架
仙本那海洋旅中心(牌坊)兩旁, 就係旅館 "龍門客棧", 外觀唔錯架
5:30 pm 上船囉!
5:30 pm 上船囉!


1:00 pm 由斗湖坐包車去海中屋Singamata Resort在仙本娜的辦事處, 約在2:20 pm 就到喇, 喺辦事處放低D行李, 填埋將出島生死狀, 交埋條尾數, 呢3日兩夜的住宿費用等, 就馬上出去搵食同買乾糧, 再搭5:30 pm嘅 shuttle boat 入resort........

行出去左邊, 就係佢哋嘅碼頭, 對面就係Seafest Hotel, 約坐10分鐘快艇, 就到Resort;  右邊側是漁民碼頭, 漁獲在此零售同批發
評分: 值得去5  
內裡裝修停留在70年代, 但勝在有冷氣, 冷氣區是非吸煙區
內裡裝修停留在70年代, 但勝在有冷氣, 冷氣區是非吸煙區
唔知點解馬拉的果汁咁難飲, 加大量的水及糖, 生果味很少,  凍美祿就好飲好多
唔知點解馬拉的果汁咁難飲, 加大量的水及糖, 生果味很少, 凍美祿就好飲好多
order咗4個甜酸蝦飯, 正! 有5隻中蝦, 仲係新鮮嘅, 又爽又彈牙, RM6.5咋!
order咗4個甜酸蝦飯, 正! 有5隻中蝦, 仲係新鮮嘅, 又爽又彈牙, RM6.5咋!
奶油蝦飯, 好味, 只是有少許spicy, 一樣有5隻蝦, RM7
奶油蝦飯, 好味, 只是有少許spicy, 一樣有5隻蝦, RM7
海鮮栗米湯, RM18/鍋, 味道唔錯, 不過冇Sim Sim咁多料同好味
海鮮栗米湯, RM18/鍋, 味道唔錯, 不過冇Sim Sim咁多料同好味
干炒雞河, RM5.5, 好好味呀!
干炒雞河, RM5.5, 好好味呀!
星洲炒米, RM5.5, 味道似廈門炒米, 酸中帶微辣, 好開胃
星洲炒米, RM5.5, 味道似廈門炒米, 酸中帶微辣, 好開胃


已差不多3:00了, 要快D去搵食, 在Singamata的職員介紹下, 去咗呢間Seafest Cafe' 食午飯, 食店其貌不揚, 除咗果汁外, 所點的碟頭飯好掂!

我哋一共食咗RM82嘢, 用咁嘅價錢, 可以食到新鮮的蝦飯, 好抵啊!!
推介菜式: 甜酸蝦飯, 干炒雞河, 星洲炒米
每人消費: 約11.7馬元
評分: 味道5   服務5   環境3   衛生4   抵食5
所住的標準房門口, 晚上就坐喺門口睇星星, 吹吹海風
所住的標準房門口, 晚上就坐喺門口睇星星, 吹吹海風
每間房門口有枱櫈, 吹住海風, 吹吓水, 好舒服
每間房門口有枱櫈, 吹住海風, 吹吓水, 好舒服
每日可在不同的角度睇日出同日落
每日可在不同的角度睇日出同日落
整個Resort 分5大區, A,B,C,D房區 + Canteen 連Reception
整個Resort 分5大區, A,B,C,D房區 + Canteen 連Reception
高級房, 有私人露台同厠所, 仲有有墊木椅, 標準房得膠椅咋
高級房, 有私人露台同厠所, 仲有有墊木椅, 標準房得膠椅咋
標準價的雙人房, 地板用木條建, 通窿的, 可見/聽到海水彈上來
標準價的雙人房, 地板用木條建, 通窿的, 可見/聽到海水彈上來
標準價的三人房間
標準價的三人房間
Resort 有一個圍咗網的海中大魚缸, 有大蘇眉等大魚, 落去游水要另比RM10
Resort 有一個圍咗網的海中大魚缸, 有大蘇眉等大魚, 落去游水要另比RM10


由仙本那坐快艇去Resort 約10分鐘, Resort 四面環海, 早上6:00 至旁晚6:00, 可隨便跳入Resort 已圍起鯊魚網的範圍內暢泳, 好方便呀!
 
由於我哋在舊年聖誕節前已預訂, 所以價錢是依舊年個價RM80/人/標準房, 包三餐, 而今年起另要加Shuttle Boat 費每程每人RM10

今年, Singamata 已將標準房加至RM100/人, 雙人房連露台RM115/人, 呢兩種房都係用公共廁所, 雙人房連厠及私人露台RM160/人, 一樣包三餐; (個公共厠所連浴室係OK同乾淨嘅)

另外我哋仲join 咗佢哋嘅馬寶島浮潛, 下面再講 "經歷", 費用是RM80/人, 包兩程船來回, 浮潛工具及午餐, 但今年佢哋加價驚人至RM130/人, 唔知係咪佢哋攞咗個5星PADI Dive Resort資格呢!

後來在Resort遇見到幾個國內同胞同馬來華僑, 都被問我哋7個人多少錢, 3日兩夜連出馬寶島 + 包車由機場至仙本那一程, 合共如下:

1)  住宿兩晚 7人(大小同價) : RM80 x 2 x 7 = RM1,120

2)  馬寶島浮潛 7人(大小同價) : RM80 x 7 = RM560

3)  包車一程 :  RM150

4)  Shuttle Boat 兩程 (來回 Resort) : RM10 x 2 x 7 = RM140

5)  碼頭費 : RM10 x 7 = RM70

總計 : RM2,040/7人, 即HK$5,304/7 = HK$757.7/人

在聖誕前已比了10% Deposit, 當然咁早訂梗係比一兩個月前訂平好多啦, 連馬來華僑都冇我哋咁平, 真係慳咗好多......

其實當初不是想預訂Singamata的, 它只是心目中第二位, 第一位是想幫 "鯊魚仔" Scuba Junkie訂晒全部的行程的, 住喺佢哋馬寶島嘅Resort處, 出Kapalai Island浮潛, 一樣係響聖誕前問價, 在其網站http://www.scuba-junkie.com 所睇嘅價錢只能參考, 一定要sent email 同佢問價,  經過一輪email交涉(超過8次), 我比佢哋嘅 "出爾反爾" 嘅處事方法激死, 做生意, 講咗個價錢比客人知, 就算定案啦, 每次email話confirm, 又話要加錢;  原本答應話小童唔收船費及半價, 到最後又話要加番原價落去, 係唔係 "言而無信"呀!  問佢哋點解次次個價都唔同, 初頭兩次都同我say sorry, 話睇錯時間同email 嘅意思, 跟住就話暑假係黃金檔期, 好多客人會搵佢哋, 好似唔憂做咁, 算了吧!  又唔係得佢一間做; 後來就選了Singamata, 同主持人Vicky email 3次就成交, 中國人話咁就咁, 要講個 "信" 字呢!
每晚價錢: 80馬元 (雙人房)
評分: 設備4   服務4   環境5   衛生4   抵住5
滿意 ok喇2011-09-08
第一晚的晚餐較豐富
第一晚的晚餐較豐富
第二晚的晚餐, 那晚冇肉, 除了魚外, 全是蔬菜
第二晚的晚餐, 那晚冇肉, 除了魚外, 全是蔬菜
蛋花湯, 冇肉嘅
蛋花湯, 冇肉嘅
早餐. 蕃茄蘑菇炒蛋 + 炒米粉
早餐. 蕃茄蘑菇炒蛋 + 炒米粉
從快艇上Resort 的門口位置
從快艇上Resort 的門口位置
用餐是自助形式, 大家都好有秩序排隊夾餸
用餐是自助形式, 大家都好有秩序排隊夾餸
白色的水草, 冇味
白色的水草, 冇味


Singamata 包食都算係咁, 不過不失; 由於是中國人開的, D口味較合中國人, 第一晚嘅晚餐有魚有肉有菜有湯, 仲有飯後果添!  第二晚就差D喇, 除魚外, 全部是蔬菜, 南瓜, 茄子, 小白菜, 水草(白色的, 冇味嘅), 算啦, 我收貨喇!!

早餐都係麪包 + 蛋, 或有炒米粉等, 咖啡或茶冇限添飲; 下午茶有餅乾同蛋糕, OK嘅!

用餐時間如下 :

早餐 : 7:00 - 9:00 am                   午餐 : 12:00 - 2:00

下午茶 : 4:00  - 5:00 pm               晚餐 : 6:30 - 8:30 pm

如果仍然覺得唔夠食, 可預早book定其他餸菜, 例如火鍋同海鮮, 當然要另外比錢啦! 火鍋每位RM15, 海鮮就以所選種類及重量計......
評分: 味道3   服務4   環境4   衛生4   抵食4
沿沙灘住的島上居民, 佢哋D屋都很破舊
沿沙灘住的島上居民, 佢哋D屋都很破舊
鑽油台 - 已變成潛水訓練中心, 如玩深潛, 可住喺呢度
鑽油台 - 已變成潛水訓練中心, 如玩深潛, 可住喺呢度


27/08  早上食咗少少早餐, 準備出發去馬寶島浮濳, 班細路起初喺架快艇表現雀躍,  但20分鐘之後, 態度反轉, D海浪不停拍打著我哋, 跟住不久仲全身濕透, 而且仲要帶著潛水鏡, 以免鹹水醃眼; 真係好驚D浪打沈隻快艇, 坐在快艇上像度日如年般.......

差唔多1個多小時, 就到了馬寶島, 因為乘客中有兩位外國人打算入住Scuba Junkie的 Mabul Resort, 所以外國人教練就帶佢哋去check in, 好慶幸冇book到此Resort, 否則就出事喇! 為咗喺度住, 攪到D行李背包全部濕透, 我哋D小腰包都統統濕曬, 好彩部相機同Passport放在船頂, 不然就大濟了, 所以在馬寶島上只影咗好少相........

由於馬寶島D沙灘已被人劃為私人地方, 除了沿島居民的沙灘外, 其他位置都禁止我哋留在沙灘同用佢哋嘅廁所; 不過唔緊要, 反正在海邊D水非常差 - 污穢同污染, 冇法啦! 有人住就會係咁差, 另外島上面的居民生活質素都好差, 相信佢哋都好窮, 好多小朋友都冇衫著, 周圍問人攞錢......

由於水質咁差, 我哋最尾都跟番教練所指示, 到海中心浮潛, 由於好大浪, 班細路都唔肯落水, 得我同另一位國內女同胞下水, 其他人就坐在快艇上 "等".....

呢位女同胞真好嘢, 佢唔識游水嘅, 但嚟Singamata處考咗個初級潛水牌, 佢知我識游水, 所以跟住我; 在佢上番艇不久, 我仲唸住潛多一陣, 但冇幾奈, 我開始唔掂喇! 仲喺海中心嘔, 上番艇仲嘔得勁, 跟著其他人都有嘔, 好辛苦呀!

在馬寶島外圍潛, 水質一般, 能見度不遠, 珊瑚礁同海魚都OK嘅, 但唔係想像中咁靚, 教練同其他人深潛返來, 都話水底好"濛", 水流亦好急, 都幾危險; 我哋整船人最失望嘅, 當然係見唔到海龜啦!

由於好多人都不適, 原本仲有一次深潛的國內男同胞都放棄落水, 叫回程, 真係好多謝佢, 最唔滿意嘅, 當然係外國教練啦, 只係1:30 pm, 就叫走人, 佢過嚟問咗我兩次, 是否回航, 我想佢都好失望呀!

而回程只是用了35分鐘, 比去程快咗差唔多45分鐘, 返到上Resort, 都冇胃口食埋個餐盒, 就馬上去沖涼休息, 班細路真係幾好嘢,  上岸後就冇事, 即刻攞個飯盒出嚟食, 其實個飯盒都唔錯, 除咗個白飯凍咗D之外, D餸唔差架, 有南瓜同煎蛋餅, 我就食唔落, 班細路食曬, 好嘢!
推介項目: 深潛
參觀時段: 早上
入場價錢: 每人80馬元
評分: 值得去2  
  0 個留言    |  加入你的留言
此遊記的留言
加入留言
如要加入留言, 請先登入