今天下午遊玩城皇廟,朋友需然第一次來上海,但也指定要品嚐南翔饅頭店內的小籠包,可見這裏己經是必遊必到的指定地點.咁又點會唔係人山人海呢?樓高三層的南翔饅頭店,三層都各有特色,所謂的特色就是....一樓小籠包大概12蚊11隻,要排至少一小時隊,無位坐,企定定食,至於小籠包就...皮厚着啲啲,算啦,平民消費.ニ樓,坐住等,40至60分鐘,每位最底消費70蚊,小籠包大概20至35蚊8隻,皮簿啲啲,最多日本遊客坐住等食,三樓,每位最底消費150蚊,唔駛等位(當然啦),一到即食,小籠包40至50一籠,大概有8隻,聽聞係全店最好的師博主理.

由於我地趕時間,又唔多想坐住等,所以選擇着3樓一到即食,唉~貴住開飯!
每位150蚊可以食啲咩呢?

草雞軟排骨盅:上海的草雞肉質鮮甜,燉湯一流,加上早春的寒意,飲一口暖暖的湯水,真係一流.

蟹黄灌湯包:外型得意的巨型小籠包,厚厚的麵皮內只得一包湯水同埋一些蟹黃,只能用飲管吸食......好無聊的一道點心,感覺自已做着金牌遊客.唉~

鮮肉小籠x2:傳统上海小籠并不是皮非常簿的,帶有咬勁的麵皮內包着鮮美的湯汁,猪肉始終是上海的好味,原材料的優胜,令到上海小籠始終是no 1的好味.

招牌小籠:招牌小籠其實就係蟹粉小籠,美味的湯汁裏加上濃濃的蟹粉鮮味,小籠變得更好味.

蟹柳酥:蟹柳是大閘蟹肉,本來因該是非常美味.可惜這酥煎得太油.....

雞汁百葉包:百葉本身無味,但被濃雞湯煮過後,變得非常有味.

橄欖菜:粗大的橄欖菜上枱令到我地目定口呆,入口都幾脆幾甜,每餐飯點都要有點蔬菜落肚.

每位150蚊用凸,如果請味道,我更愛平價佳家湯包,但講特色,呢度一餐半餐,一試也無彷.