sharonangie
我是sharonangie。
留言  留言給此旅遊家
  遊記數目 8
  上載相片 107
  上載影片 0
最近分享過的旅程
罷工後機票大特價之旅
國家/地點: 澳洲
旅程日期: 2012-02-09 至 2012-02-17
出trip偷閒記
國家/地點: 中國
旅程日期: 2010-08-31 至 2010-09-03
出trip偷閒記 (中國)
(旅程日期: 2010-08-31 至 2010-09-03 ,  旅程性質: 商務公幹)
 整個旅程  (共1篇遊記)
 分享至Facebook 
發表日期: 2010-09-06
這回是第一次真真正正自己出trip,記得大概兩年前也因公事關係在上海留了大半日,帶著跟自己一樣喜歡吃的同事「番食」我認為近幾年最impress我的餐館 ﹣ 蘇浙匯。今次同行的人對「吃」明顯沒有我的興致,使我發現身在外地若跟志趣不同的人在一起,整個旅程的趣味果真大減,可惜可惜。
後巷感覺 ok喇2010-09-06
Deep frying 中
Deep frying 中
一般,還可以
一般,還可以
正前往上海芭比館,經過呢間係網上或報導都曾經聽過的道地小店,我又豈能錯過!呢間分店的廚部面向大街,堂食的地方就要走入後巷,好有舊色香港的感覺,座位及設備就好似一般舊式快餐廳。

同行的朋友買左個燒賣同肉飽,吃了一口,感覺麻麻,可能已經唔熱,肉汁亦不多,肉味帶有超濃的醃料味,不禁懷疑係咪因為肉的質素唔夠好所以。。。。

Anyway,我就買左出名的排骨年糕,原來年糕係炸既,有三塊咁多,個樣好似超大版的旺旺鮮貝,排骨就好似豬扒,兩樣野炸好後再淋上上海菜常用的甜酸汁。 

年糕炸得表面幾脆,可惜有D油,我又有喉嚨痛所以只少食左幾口,排骨醃得夠味,同埋D汁一齊食又幾好味,本來我想再試豆沙飽不過阿嬸話已經賣完。無得試!
每人消費: 約10人民幣元 (晚餐)
評分: 味道3   服務2   環境2   衛生2   抵食3
再訪蘇浙匯 笑臉2010-09-06
蟹粉粉皮煲
蟹粉粉皮煲
蜜糖南瓜
蜜糖南瓜
糖醋小排
糖醋小排
桂花香芋塔
桂花香芋塔
蟹粉小籠飽
蟹粉小籠飽
本幫扣肉
本幫扣肉
蘇浙匯,真係好正!記得第一次去係同學帶我地去位於電影館附近個間分店,年幾兩年前再經上海不禁再帶同事去食,大家一致讚好,個蜜汁火方每一次都無令我失望,我鐘意食到舊年去澳門都要一食。

今次黎到我反而無刻意想再去,不果都有推介俾同行的人事,第一晚經過電影館附近個間分店發覺烏燈黑火,我諗已經搬左lu,同行者聽過我的強烈推介第二晚都係忍唔住去左第二間分店。

一落的士驚見呢間分店有兩層而且面積都幾大,即刻將之前擔心無訂檯或者要久等的想發一掃而空。入內即被安排到上一樓坐低,點菜時發覺菜單已有改動,叫了三個自己未有食過的冷盤︰

糖醋小排
蜜糖南瓜(sorry我唔記得正確的菜名)
桂花香芋塔 

糖醋小排,切得細細粒容易食,糖醋比例適中,不過整體未見驚喜,香港某一D上海菜館都做到呢個水準。
 
蜜糖南瓜,好味!南瓜先被略略烤過,皮有點焦香,表面再有一層蜜糖,有點點脆口的感覺,而且雪得凍凍地,係真正的冷盤!

桂花香芋塔,出色有驚喜!有food styling喎,presentation獨特,用兩個小匙托起堆得高高的芋頭,淋上少少藍莓汁再伴有兩粒walnut。我唔係芋頭的fans,不過好鐘意桂花的花味,可惜食落桂花的味道唔特出,好彩芋泥做得唔錯,無過淋仲有少少硬好。

同行者有一種秋季到上海,唔可以唔食大闡蟹的約訂俗成,「well......Ok」, 叫左蟹粉小籠飽同蟹粉粉皮煲。

蟹粉小籠飽,一籠有8個,我只吃了一個,味道還好,蟹味尚算濃,不過就無香港個種多到漏黃的效果。

蟹粉粉皮煲,蟹粉的份量都幾多,同差唔多無味的粉皮同食都幾夾,可惜蟹味反而較小籠飽弱。

最後我追加了一個「本幫扣肉」,因為呢次黎上海好想再食D本幫菜,等左都幾耐,上菜的時候我就知我叫錯左。因為呢個係梅菜扣肉呀,我記錯左我想食既係紅燒肉而唔係扣肉。

個扣肉炆得好淋,不過都幾肥,只食左少少我就停手。

蘇浙匯,黎上海一定要食!(知道香港已開了分店,不過口啤麻麻,遲少少要親自去睇下!)


 
推介菜式: 蜜糖南瓜
每人消費: 約90人民幣元 (晚餐)
評分: 味道4   服務4   環境4   衛生4   抵食4
人龍店
人龍店
一隊兵,密密包
一隊兵,密密包
生煎飽,5蚊4個
生煎飽,5蚊4個
貢丸湯
貢丸湯
呢程我一早就定意要到訪小楊生煎!多得OpenRice俾我知道上海有間咁正的生煎飽店,之前都有聽過朋友話上海有D好平又好食的生煎館,當初我仲以為係普通街坊小店,上網做下資料搜集先知原來好多已做到有連鎖,好有規模。

大若5點半左右黎到呢間分店,果真有人龍,好彩唔算嚴重,先去買票再排隊攞野食,大概需要10至15分鐘。

我買左$5蚊四隻生煎飽再加$8蚊一個貢丸湯,生煎飽真係好香,個底煎得脆脆,好香口,肉汗豐富肉味又濃沃,可惜飽底可能被紙黏到穿左,激死我,如果唔係肉汁應該仲多呀!

貢丸湯,還好啦,個湯唔太有味精感,貢丸就一定無台灣的質素,唔好expect太多都OK既。
每人消費: 約4人民幣元 (下午茶)
評分: 味道4   服務2   環境2   衛生3   抵食4
<草莓香蕉圓舞曲>
<草莓香蕉圓舞曲>
首次到訪「新天地」,之前聽聞係一個好似香港LKF的地方,成日有人話無咩特別,我就覺得唔錯,好多古蹟建築,內有不同菜色的餐廳及小店,愈夜愈旺,有點夜上海的影子。

想試「新吉士」又無訂檯,店員叫我地8:30pm再番黎,唯有去食個雪糕先,見到呢度有Cold Stone而且同行者又未食過就帶佢地去試下。

去深圳見到我通常到忍唔住要去食,因為實在好玩又好食,最大的賣點係香港無呀麻!

次次都唔想諗點樣配搭先好食,我都會參考佢個menu,今次試左個 <草莓香蕉圓舞曲>,strawberry雪糕內有香蕉、新鮮士多啤梨同好似消化餅餅碎。

店員係凍石版上炒炒炒,好快就食得喇!好怕奶味好重的雪糕,好彩Cold Stone雖然黎至美國,不過奶味都未算太重,加埋生果一齊食,話咁快就食完喇!

今次自己俾錢先發現,原來Cold Stone都幾貴,要$42人仔一個中杯,仲貴過「哈根大」呀! 
每人消費: 約42人民幣元 (宵夜)
評分: 味道4   服務4   環境4   衛生4   抵食2
聞名已久 ok喇2010-09-06
小吃一
小吃一
小吃二
小吃二
桂花糖藕
桂花糖藕
乾燒大蝦
乾燒大蝦
蝦一口
蝦一口
外婆紅燒肉
外婆紅燒肉
好味
好味

知道新吉士好出名,香港都有,我都好似食過。一直覺得上海元祖店的風味應該會更正宗,今次終有機會一試。

位於新天地的店入夜後都幾多人,去到無位,店員叫我地45分鐘大概8:30pm再黎,好,一於堅持。

番去後見到裡面的裝修雖然古色古香有點附庸風雅的感覺,不過個地板都幾污糟,而且有D唔習慣大陸室內仲可以食煙,一室帶點煙味,有D掃興。

Anyway,食完雪糕的關係,大家都唔係太肚餓,只叫了三樣野,包括
桂花糖藕、乾燒大蝦、外婆紅燒肉

落單後有兩碟小前菜,醬油豆好有風味,薺菜豆帶點酸香,幾開胃!

桂花糖藕,一道我好鍾意食的冷盤,黎上海又點可以唔食呢? 新吉士都做得唔錯,但係唔知點解變左熱食! 不過唔緊要,好食就得喇,桂花清香甜如蜜,藕片我就略嫌佢切得厚薄不一,手功麻麻,但味道都幾好。

乾燒大蝦,同行好想食蝦,叫了兩隻,蝦的size都幾大,蓋有大量蒜蓉的汁一齊食感覺還可以,不過不失。

外婆紅燒肉,之前個晚係蘇浙匯點錯餸,今次終於對板。菜一來的時候,感覺興奮,終於可以身在上海吃地道菜喇。肉入口帶有傳統醬油的甜味,肥膏有香味但又無肥得離哂譜,如有白飯或者飲番支酒,應該會係人生一大快事啊。

雖然都知道肉的份量唔會同個「罐」一樣多,未至於深到落底但也離不遠,嘻嘻,肚皮其實仲可以食多少少,不過費事嚇怕同行者又怕要減肥,都係收手吧!




 

每人消費: 約110人民幣元 (晚餐)
評分: 味道4   服務3   環境3   衛生3   抵食3
  0 個留言    |  加入你的留言
此遊記的留言
加入留言
如要加入留言, 請先登入