第二日，我地Check out之後，放低行李喺酒店，先出發去睇大鉄人28号，因為今日冇太多行程，而且我訂中午12點去食神戶牛肉，所以，都唔敢去太多地方，驚誤咗時間

由酒店出發嘅話，我只需要去三宮駅搭鐵路到新長田就可以，好快，新長田一出駅口，唔太遠嘅地方就已經係大鉄人28号 

今日其實本來係諗住食燒肉放題，但係最後我有朋友推介我食拉麵，佢話呢間拉麵係要地道日本人先會去食，無乜遊客，好值得去食
佢知我本身食得偏濃味，佢話呢間店啲沾麵可以滿足到我“咸蟲”嘅要求
我用Google Map入晒地址去搵，行咗好耐都搵唔到，經過20分鐘之後，我終於見到佢喇，真係好靜，由商店街一路行，除非真係住喺嗰頭，如果唔係，基本上唔會行過去，因為黑漆漆，冇嘢行，冇嘢買~~
呢間點係門口就有部售票機，你要預先決定自己想食咩，買完票就搵位，其實佢位就一眼見晒，因為係一條過吧枱型式，大約得10幾個位，而廚師亦只得一位，一個人做晒洗碗、煮麵發餐嘅工作，所以基本上大家食完之後，都會好合作咁自己抹乾淨張枱，將食完嘅餐具放上出餐位

新加坡之旅來到最後一天，下午就要乘飛機回家，當然襯早上再來一個豐富早餐才行.

Kaya Balls (8 pieces) S$3.5

第一天到了亞坤總店，最後一天早上就來到100 AM Shopping Mall的分店吃 Kaya Balls (8 pieces) S$3.5，自行付款後，店員會把食物送上的.

以小竹籃盛載8個飽滿的Kaya Balls，質感似是雞蛋仔般鬆軟，內裡的Kaya 餡料不會過於甜膩，但相當飽滿，每人吃4個，滿足矣!

叻沙 S$4

早前吃不到酒店對面food court的叻沙，這天早上再來碰碰運氣，今天小店居然早了開始售賣叻沙，就來一碗share.

叻沙湯底熱度足而相當濃郁，富濃厚椰汁味，配料有魚片、豆卜等，油麵吸引了濃濃湯汁，相當美味.

吃飽飽，回酒店休息一會，又是時候check out了.

乘MRT到機場，大約40mins便到達，快捷、方便、便宜.

立即到Bengawan Solo拿取訂購的班蘭蛋糕，見到蛋糕仍然有充裕的存貨，那就在場多買一個送禮. 曾聽人說在機場購買價錢是便宜一點，沒打稅的，但我發覺定價與市區買的一模一樣，而且也沒必要提早訂購，因為貨量根本就是源源不絕.

本來沒打選買林珍香回港，但在機場見到，又買點回家吃. 肉乾不及林志源般稔身，但也不錯，那當然如果機場有林志源，我就不會買香港也有售的林珍香.

另外也買了鳳梨曲奇，想不到居然是超級好吃，曲奇鬆化富牛油香，內裡是香甜的鳳梨肉，比起以前jenny cookies的鳳梨曲奇有過之而無不及，怪不得售價要百多元港紙一盒.

退稅後，到了禁區又開始肚餓，到了killiney吃吐司，不過烘得不香脆，實在不及在香港店的好吃.

到了別處買椰漿飯，不過飯只是暖暖的，又不夠椰漿味，失望.

Sardine Puff

又是熱度不足，辣辣的偏鹹，一般.

機場禁區相當大，座位濶落，而且人不多，在那裡閒坐又是時候上機了，bye bye Singapore!

早上醒上，先到酒店對面的熟食中心吃早餐，來了多天，才第一次吃地道早餐添!

買了一個curry puff S$1.4，雖然不是即炸的，但仍然相當香脆且熱辣辣，內裡餡料也多，包括薯仔、肉碎等，辣度輕微，但相當惹味.

一個puff又怎夠飽，再來一碟即炒黑醬汁粿條S$5與媽媽分享，深棕色豉油粿條油份不多，炒得乾身，內裡有彈牙魚片、芽菜等，香口惹味令人食欲大增，來到新加坡，想瘦住回港都幾難.

再來一杯黑咖啡，偏甜的味道是星洲的特色，但來到實在不妨一試.

胃部得到滿足，就可以出發去今日第一個景點--- Gardens by the bay!!

乘MRT 到Bayfront station，經過隧道輕易到達Gardens by the bay，由於早前已買了門票，可以即時進入溫室.

Cloud Forest

先到Cloud Forest參觀，一內進暑氣即時全消，溫室內的噴霧氣不停噴出冰涼的水氣，為室內不停降溫. 雲霧林內最養眼的當然是樓高數層的大瀑布，宏偉壯觀.

室內種了很多不同種類的植物，令人目不暇給，要親身參觀才能感受到當中的樂趣，如果你也同樣愛好種植，會不想離開這漂亮舒適的溫室.

Flower Dome

離開Cloud Forest，到了另一溫室Flower Dome，我個人當堂down一down. 因為雲霧林比我的震撼實在太多，數層樓高的瀑布，架於空中的行人步道，於森中穿梭!

但來到Flower Dome，只是見到熱帶植物，如仙人掌等，實在太普通，所以實在有點失望，逗留了不夠半小時便離開.

Lunch @ Maxwell

離開Gardens by the bay已經下午一時多，開始肚餓了. 乘MRT回到酒店附近的Maxwell Food Center. 終於可以一嚐多人讚好的天天海南雞飯，太期待了. 本來是想day 1就來一試，幸好做足功課，知道逢星期一休息，不用摸門釘.

平日下午排隧人龍不多，只有三、數人在等雞飯，不過我仍算好彩，當我排隊時，後面來了一大班同樣衝着雞飯而來的遊客，我先食一步la~

海南雞飯

我們點的雞飯是加大版本呢! 收銀小姐問我要不要加大的雞飯，我當然說好la，我是為雞飯而來的，要吃過夠，原來加上的都只是S$5，相當抵食.

雞肉相當嫩滑，份量亦多即使不沾甜醬汁都相當美味，雞油飯熱度不足，不過不失，但以售價來說，有這質素實在值得回頭再回頭，如果我還有時間再來吃一次就好了，可惜翌日要回港la.

燒雞飯 S$5

烤雞外皮則相當香脆、油脂不多，但論嫩滑程度，則要輸給海南雞飯了.

新加坡天氣熱辣辣，來一杯即榨清甜蔗汁可以有消暑作用呢!

冷糕 S$0.8

吃飽飽，於food court見到一間賣夾餅的小檔口，又好想試下! 本想要紅豆味的，但原來只賣淨數件花生味，排前面的客人買了超多夾餅，差不多淨下的十多件被她掃清光了. 幸好，還餘下最後2件，我只買了1件試試而已. 排我後面的鬼妹很開心的多謝我，因為她可以買到最後一件夾餅.

其實夾餅味道有點似港式的格仔餅，外脆內軟，中間夾了超多花生碎，但食到很論盡，不停跌下餡料. 其後回港翻查才知，原來這種夾餅的正統學名是冷糕，一種已經漸漸失傳的街頭小食. 

吃了多款地道食品，又時時候回酒店休息，不過記得Maxwell 旁有間City Gallery，不需入場費，順道內進參觀. 內裡看點不多，都是新加坡的縮影模型，不過如果在Maxwell吃到身水身汗，到這裡涼涼冷氣、借用乾淨衞生的洗手間，也是值得的. 

這次的行程以漫遊為主，所以下午4時多回酒點hea下，6、7點再外出晚飯. 酒店附近還有一個小型商場100 AM Shopping Mall，晚飯就在那裡搞掂.

商場的食肆也多，不過人流極少，由於到餐廳晚飯需要付18%消費稅，為了秉持住好、食平的原則，就到了商場頂樓的foodcourt用餐. 這foodcourt有廿多間食店，而且座位極多，冷氣亦超強勁，相當舒適呢!

愛好喝中湯的我，見到一間賣湯水的食店，也就不作它選，吃回中國菜.

西洋菜羅漢果排骨湯 S$4.5

喝湯最緊要熱辣燙口，這點湯水店做得到. 大大盅的西洋菜湯很鮮甜，內裡有很多西洋菜，可以補充多日欠缺的纖維，只售4.5坡紙實在超值.

南瓜飯S$1

這飯熱度有點不足，內裡有很多南瓜肉，而且相當軟糯，有點似軟身版的糯米飯.

腐竹白果豬肺湯 S$5.5

媽咪喝的是豬肺湯，呈奶白色的湯水感覺很滋潤，她說味道實在不錯.

吃飽飽，於商場閒逛後，就回酒店休息，翌日就要回港了. 

先在酒店吃早餐，這天的早餐是昨日於7仔買的牛角包，相當鬆化，而且只需S$1，非常抵食. 另外，Singapore的7仔相當濶落，仲有枱櫈比人坐低食野，很貼心!

吃飽後，大約9:00pm乘坐MRT 到Ang Mo Kio Station轉乘138巴士即可到達動物園，而且是總站到總站，一定不會迷路! 要讚的是原來新加坡有室內的候車位置，可以在有蓋且有冷氣的地方等巴士，太舒服了.

最後MRT+BUS大約1:15hrs左右到達動物園，比我想像中快!

由於之前已買了入場券，可以即時入園，而且我已做定功課，記得第一場海獅表演是10:30am，所以即刻地表演場地. 最後發現原來我一張海獅既相都無影到，全部用肉眼去睇:)

另外11:30am的大象表演都不容錯過，大象把濕水木頭捲起都幾有趣，小朋友最喜歡呢d動物表演喇，我就一般la.

睇完表演，襯未到午飯繁忙時間，到foodcourt吃過lunch，室內冷氣強勁，相當舒服. 我們每人叫一碗印尼湯麵 (S$6.8)，以樂園計就唔貴，不過我食的米粉唔夠熱，反而我媽的粗麵話好夠熱，味道不錯喎.

快手食完，又去左睇動物，可以近距離睇又真係幾正既，睇睇下居然落大雨，避左一陣雨，又再起行，毛毛細雨，搞到成身濕泣泣，都唔太舒服，好似係新加坡咁多日，每一日都成身痴泣泣:(

睇下動物、又睇下植物，園內的植物園不太值得睇，好多都種得唔靚，又有枯死的，除非你熱愛植物，否則可以skip!

行到2點幾3點，已經行畢整個動物園，預備搭巴士到Ang Mo Kio.

到了Ang Mo Kio站的商場，太口渴了，在便利店買了薏米水飲，非常中伏，好很甜而且有咳水味道，飲左幾啖丟左，最後買番枝清水飲咋，早知唔貪新鮮，一早買水飲好過.

周圍逛之下，發現商場內有間賣咖央多的店相當熱鬧多人，我地都坐低每人食碟咖央多. 咖央多即烘的相當香脆，比亞坤有過之而無不及.

4時左右，又是時候回酒店休息了，7:00pm再外出晚飯. 

這夜就來吃昨晚經過，多人吃飯的泰國菜試試.

冬蔭公湯(S$5)

非常之正，又酸又夠辣，內裡仲有魚肉、蝦肉、魷魚、草菇等，超級好飲，仲叫多左個白飯，整成湯飯非常正，而且只係$5 坡紙，真係又平又正，香港真係飲唔到咁平、咁足料、仲咁夠味的冬蔭公，非常回味!!

泰式炒金邊粉 (S$5)

冬蔭公湯實在太驚為天人，炒金邊粉就平實得多，而且份量偏少. 幸好即炒好夠鑊氣，也有鮮蝦、芽菜等，再加上香口花生碎，都幾好食，係略嫌份量少左d啫.

食完已經好期待下次去新加坡一定要住番呢頭，我要再飲冬蔭公.

食飽飽，就回到foodcourt對面的酒店hea la，呢間酒店位置實在太方便了，如果我唔係住4/F就好了，我想住高樓層呀!

由於不想一朝早外出吃早餐，所以早一晚已於超市買了班蘭提子包作早餐，順便沖一杯熱茶，作為簡簡單單的早點.

吃罷早點，出發到此行的重要目的地: Gardens By the Bay!!!

乘MRT 到 Bayfront，即可到達 Gardens By the Bay，交通相當便利. 一出地鐵站，已能感受到新加坡的天氣有幾酷熱，猛烈的太陽由頭頂一直曬落黎，熱到阿媽都唔認得!

去到Gardens By the Bay，晴天霹靂，原來Flower Dome今日要維修，暫停開放!!!

OMG!! 我係一心要來看2個溫室的，咁我張入場券咪好唔抵用?! 好彩，我此行是來5天旅遊的，決定Day 4再重來參觀. 而且為左安全著想，我已問清楚職員溫室會否於Day 4維修，答案是否定的，故此可以安心離開，到別處玩樂!

其後上Gardens By the Bay官網，發現每月尾都會有2天維修的，不過1天只會關一個館，但如果想行哂2個溫室，就自行上網check定la，不要似我一樣白行一趟!

離開Gardens By the Bay，唯有去最近的金沙城閒逛，由於只是早上10時多，商場遊客不多，而且店舖與香港的大同小異，沒甚麼特別想逛的. 不過早前找資料時，知道金沙城有Charles and Keith分店，新加坡知名女裝鞋品牌，當然進去逛逛.

怎知，逛一逛，變成逛左1hr，最後我買左2對鞋，我媽1鞋、1手袋& 1銀包，最後仲買夠S$250做埋會員，本來只買4件products，比個sales 講一講，話我地買多少少就可以join member，以後購物有9折優惠，仲話張卡可以借比朋友用的，咁就買多一件啦，哈哈!

之後拎住2大袋戰利品，由金沙行去魚尾獅公園，沿途無瓦遮頭，而且烈日當空，雖然只係大約廿多分鐘路程，但都相當辛苦，行完仲有少少頭痛，實在太曬了!! Anyway, 到左後，影左幾幅相，即閃啦! 

坐MRT 到ION Orchard吃late lunch. 去到已經2:30pm，但foodcourt都幾多客人，但搵位都算容易. 安頓後，周圍逛，好多食物都想食，但最想的還是喇沙.

叫了一碗大喇沙share食. 但喇沙配料是凍的，令到湯底都只係暖暖地，味道普通.

到了另一間店，點了炒棵條& 蘿蔔糕. 炒棵條夠鑊氣，濃濃的豉油味都幾好食，但有d膩; 至於炒蘿蔔糕，是煎蛋內有蘿蔔絲的，比起我曾經食過的炒蘿蔔糕粒不同，但這款都香脆好吃.

吃飽飽，專登到商場內的Bengawan Solo訂班蘭蛋糕，預先付錢，即可於離境日於機場分店取貨，雖然我從未吃過Bengawan Solo，但朋友話相當美味，那麼訂2個，1個作手信，1個留給家人吃la~

P.S. 離境當日，取蛋糕時發現店家根本有大量存貨，其實也不必預先訂購，所以我又即時多買一個，最後攜帶3個蛋糕回港!!

接著又到了1837 TWG TEA買茶葉，我實在太愛泡茶了，所以一場來到，就買一瓶回港試試. 約$240 100g茶葉，其實都真係幾貴，回港試過，我選的印度茶非常香，茶味也不錯的. 但有點不值這價錢!

又買了馳名嘟嘟糕，原來是即整的，但其實好乾硬，唔太好食.

4時多，帶著戰利品，回酒店休息2, 3小時再外出晚飯，我就是喜歡這種很慢、很hea的旅遊方式!

Hea夠又係時候外出搵食了，酒店對面的組屋正好有間熟食中心

貢上去看，很多食店都關門了，唯獨這間營業的魚蛋麵店特別多人，而且有數人排隊，原來這食店曾拎獎的，圖右上角的Award!!

每人來一碗魚丸麵，內有2粒白魚蛋、數片薄魚片、肉碎、雲吞物體 (內有肉碎的)，湯底偏甜，麵質爽口，都ok的! 但我個人就不太喜歡吃偏甜湯底的麵食，但一次半次都可接受的.

吃飽飽，在food court到處閒逛，發現有一間泰國小店同樣多食客的，決定翌晚再來光顧.

當我地到達大阪嗰時，已經是晏晝4點幾，大阪嘅車路好縱橫交錯，我地只係搵酒店者，已經搵咗大半個鐘先搵到其實係邊個入口入停車場

泊好車後，先去寄放行李櫃台，因為我地其實係聽日先入住，但係又唔想拎太多嘢去神戶，所以大件行李就先放低喺大阪

放低行李之後，我地就即刻趕去関西空港還車，因為已經5點，我地租車時間係7時之前要還，不過……因為大阪啲高架橋太交錯，所以我地搞錯咗出口，又要再兜一圈上高速，去到関西空港，又因為錯過咗停車處去咗第2航廈，我地去到租車公司門口停車處，已經差唔多7點，真係比大阪啲路玩死，所以我覺得要自駕遊千祈唔好揀大阪、東京~~

還完車我地就出發去難波食晚餐，今晚我決定要去吃“自由軒”咖哩飯，所以我地要喺関西空港搭南海特急ラピートβ60到南海なんば駅

原來，南海特急ラピートβ60用ICOCA入駅之後，重要喺月台上面補票，冇記錯的話，大概係560円一個人，當然……我地唔會考慮太多，直接俾錢，因為時間已經晏，用錢買時間喺我嘅旅程中經常出現，哈哈

之前一直都聽其他人講，自由軒啲咖哩飯好好食，好特別，我當然滿心期待喇，點知……當我食第一啖之後，覺得冇大家講得咁好食，其實我覺得很香咖哩味，不過，當加埋生雞蛋之後，整個飯都太濕立立，感覺一啲都唔良好，我相信……我係當晚自由軒入面，唯一一位食剩飯嘅客人~~

另外大少嗰款係有點似西式炒飯，反而我覺得呢個好食少少，當然……最好係冇咗中間隻生雞蛋，其實我一啲都唔討厭食生雞蛋撈飯，不過，首要係飯一定要夠熱，但係……呢兩個，飯完全唔熱，所以撈埋一齊之後，有啲腥味，我唔係好鍾意

大少哥哥好幾年前去大阪玩，話冇食到呢間好失望，當我食完了之後，我同大少講，你可以同你哥哥講，叫他唔駛失望，因為吃唔到都無損失，食完反而重失望

食完一餐唔好食嘅晚餐之後，我地就出發去搭鐵路過神戶，因為我預約咗聽日神戶牛肉午餐，超期待，喺香港食日本和牛好貴，雖然喺日本唔平得過香港幾多，但係去関西，冇理由唔試一試吧~~

因為喺自由軒食得唔多嘅關係，所以我經過蓬萊嘅時候，忍唔住買咗肉包同燒賣，因為賣相實在太吸引我喇~~
我地帶去神戶酒店先食，所以已經變凍咗，不過，除了肉包凍咗沒有熱嗰時咁好食之外，我覺得燒賣真係好好味(可能因為真的肚餓)，同香港食嘅豬肉燒賣好唔同，啲肉唔會好似我地酒樓嗰啲咁實的的，好軟熟 

我從來都冇諗過呢間酒店係咁似西式庭院，當我們走入去，真係嚇了一跳，Oh My God……好懷舊~~

我同大少好鍾意呢間酒店，尤其電梯，我地呢幾年去幾個地方旅行，都冇見過這麼舊式嘅電梯，就好似鐵達尼號裡面電梯一樣，係指針形式，不過……如果係日光日白，我諗我會覺得比較興奮，之不過……我地喺夜晚10點先去Check in，酒店裡面除咗Check in大堂之外，其他都熜晒燈，等電梯期間，我一直都覺得好陰森恐佈，哈哈~~

其實喺朝早，呢個庭園真係幾靚，哈哈

另外，酒店令我最驚喜嘅地方係，有一棟激安の殿堂在對面，超開心，去日本我鍾意就係去激安，因為除咗有藥妝買之外，重可以買到好多好得意嘅嘢(大少同媽媽會將呢啲得意嘢稱為 - 垃圾)~

所以當我地食完宵夜之後，梗係要去一次激安喇，咁樣又行咗個幾鐘，哈哈

飛機delay了一小時才起飛，到達新加坡已經下午2:00. 於機場唱了少量坡紙，就乘MRT(買了MRT EZ LINK CARD S$12, 內有S$7 可乘車)到Carlton City Hotel Singapore. 酒店位於Tanjong Pagar station，於Exit A出口行2mins即到，位置相當方便. 於機場出發，大約半小時已到Tanjong Pagar station，相當快捷!

每次旅行花最多時間就是選酒店，首先酒店必須新淨，最好是1-2年內的酒店，房間也要夠大，價錢當然要合理，這次住4天要$6000，但於Expedia訂購，以citibank找數有9折，$5400 是我可負擔的價錢，雖然真是有點貴，但酒店是2013年落成，而且房間有接近300尺，以新加坡的酒店來說，面積也頗大，所以要豪一次呢!

可惜店方安排我們入住404房，樓層太低，是客房的第一層，雖然可近距離望到酒店泳池，但我實在無睇人游水的癖好; 而且也是尾2房，隔壁就是尾房，對於我來說就不太喜歡. 取房時問酒店職員可否安排近lift lobby的客房，說沒有wor! 又說我的房不近尾房，實在是騙人lor! 好彩我人生在世廿幾年，從未無害過人，所以我也不太擔心! 但我都真金白銀付出幾千銀入住的，所以條氣有d唔順!!!

房間裝修好時尚，洗手間也相當大，可惜浴缸是淤塞的，為何沒有浸浴我都知道? 因為洗手盤出水是花灑型的慳水設計，對於習慣開大水喉洗手的我，好唔方便，決定用浴缸的水龍頭洗手，浴缸去水相當慢，不消一會已經積水，如果鐘意浸浴的朋友，這房間的問題也夠多了吧! 還有一點未講，房間內有一道門可通向鄰房的，對於幻想力相當豐富的我，在晚上常幻想到很多恐怖事情.

記得最近香討最熱門的行山鬼故post，愈驚愈要睇，搞到N年無戴玉的我，也要戴來定驚! 但我告知好友這post，他說完全不恐怖，但我就嚇到死死吓:( 我諗我真係唔可以自己一人旅行，要一個人住酒店我想下都怕!

放下行李，安頓一下後，就出發到牛車水的珍珠坊換錢，從酒店步行到牛車水只需15-20mins. 從遠處已可望到珍珠坊，到了很多網友推介位於電梯底的找換店，星期一下午5時都相當多人，排了半小時，最後發現，我只唱港紙$6000，只係比機場多唱$4x 港紙，我覺得自己好低b，早知機場唱好了，熱辣辣排半小時只係為左$4x，好唔化算!

唯一好處係我排隊時見到好多人推介話好食林志源肉乾，買左500g S$25回酒店吃 (沒錯，我從沒打算買回港吃，一來怕拎，二來我要於新加坡嘗盡當地美食)

換了$$，下一任務就是到唐城坊的天宇旅行社買之後2天的景點門票. 於天宇只需S$18就可買到原價S$28入場券，singapore zoo都只是S$24. 

完成任務後，已經相當肚餓，就到了唐城坊的松發肉骨茶一試!

特級龍骨肉骨茶 S$9.5

大大條的骨連肉，可惜肉質相當粗糙，一點都不嫩滑，呷一口胡椒味濃烈的湯，我發覺，自己一點都不喜歡喝肉骨茶. 還是多吃數口白飯好了.

排骨肉骨茶 S$7

試吃了媽媽點的肉骨茶，為何比我的龍骨還嫩滑一點，多付的錢是為了買舊大骨來咬? 哼!!

Lime juice S$1.8

大大杯酸酸甜甜的Lime juice才售S$1.8，很抵飲!!

P.S. 埋單S$19.5，但我不知道自己吃了甚麼下肚，新加坡的第一餐就是在失望中告終. 餐廳冷氣相當不夠，我是吃到滴哂汗，我本想第一餐到冷氣地方吃得舒服點，怎知比坐街外更熱，所以呢，呢間松發要blacklist了!!!

因為太不爽的關係，要去溝貨，就去亞坤老店吃咖央多. 問過1個熱心的新加坡女孩，雖然她也不知正店在哪，但也即時用手機check地圖告知我大約方向，太感謝了!

去到亞坤，發現正門已關了，但內裡仍有食客，望過營業時間是到晚上7:00，當時只是6時多，膽粗粗於側門問下還有沒有多士吃，店員又招呼我們進店，太感謝了! 其後也有數個香港女生到店，店員同樣也讓她們進店吃東西，不用白行一趟實在太好了.

店子裝修很懷舊的，但坐位也算濶落，而且冷氣相當夠涼，於松發吃到滴哂汗，這裡終於坐得較舒適了.

招牌咖央多 S$2.4

咖央多相當內脆，內裡甜甜的咖央醬充滿椰香，與多士相當匹配. 離開前還買了數瓶咖央醬作手信呢!

離開亞坤，步行回酒店期間，經過Maxwell Food Center，內裡的[天天海南雞]是我此行的目標之一，由於逢星期一休息，所以幾天後再會.

酒店對面有一間24小時超市，進去逛逛，買點水果，順度買了新加坡名物，叻沙即食麵以及海南雞飯醬料，回港也要吃!!!

回到酒店已經8時多，舟居勞動了十多個小時，很累呀! 沖涼過後，吃了林志源肉乾，軟淋的肉乾充滿蜜糖香，令人欲罷不能，連吃了數塊，很飽很滿足!

我原本網上買咗朝早08:40分交通劵上山，當然又係因為我家大少賴床而遲咗出發，由我地富山所住嘅酒店出發去立山需要大約40分鐘，山路、彎位比較多，加上落起毛毛細雨，所以架車都唔可以開太快，去到立山駅嘅時間啱啱好08:40，哈哈，大少車都未汨好就趕我落車去換飛

落車之後我即刻跑去換飛，票站有分開2部份，2號窗口係網上預約乘車卷，另外3個係即場買票，所以如果你出發前就網上訂好票，去2號窗口就可以換到票~

我地遲到，所以票站小姐就同我講，我要去5號將原有08:40車票換成09:00的車飛才可以上山，所以……我就去5號窗口先換飛再出發~~

因為天氣不是太好嘅關係，所以很難影得到雪牆頂部~~

真係一啲都唔可以睇低立山黑部雪牆嘅吸引力，雖然交通工具上面遊人唔多，不過……原來好多人都已經集結咗喺室堂，當日…聽到好多唔同國家嘅語言，有國語(聽得出好多都係台灣人)，英語、泰語、日語(呢個唔駛講喇，呢度係日本嘛，我係傻的嗎﹖)，竟然……廣東話都聽不少~~

超搞笑，當我同大少喺度苦惱點樣可以自拍立山黑部合照嗰時，突然……後面有廣東話出現“不如我幫你地影呀”，哈哈，我地嚇一跳，即刻話“好呀，唔該晒”~~

當佢幫我地影完，佢問“可唔可以都幫我影呀﹖”，原來因為佢係自己一個人嚟玩，我梗係無問題喇，
香港人要互相幫忙嘛~~

影咗兩張……佢竟然除低外套，只著短袖T-Shirt，哈哈，佢說要俾人睇佢不怕凍~~

(旅行完咗成個月，大少話佢當時都應該要同嗰個人一樣影低短袖衫，真係頂佢唔順，都成個月喇大佬，重講~~)

當我地完成室堂外面冰冷雪山嘅冒險之後，大約11點半，我地要趕喺人潮未太多嘅時候完成我地嘅午餐

出發前都看過很多其他網路介紹，好多人都話唔好對呢個午餐有任何期待，但係食完之後，我覺得無其他人講得咁差呀，其實喺呢個雪山上面，你想人地俾咩山珍海饈你食﹖ 有呢啲基本和食我覺得已經好好喇，唔好要求太多，而且味道真係唔太差呀~~

欣賞過咁有氣勢嘅山嶺之後，我地就出發去今次立山黑部之旅交通終點站-黑部湖，之後再行去黑部水庫

路程唔會太遠，好快就到，不過……去到水庫嗰時，黑部平嘅藍天白雲又唔見咗~~
黑部湖冬天時份基本上都會係結冰，同夏天水庫排水嗰種氣勢，完全冇得比，但係亦都有佢靜態一面

呢度係去白川鄉必經之路，經過桜の鄉莊川，大少話好靚，想落車影相，我當然沒有問題，因為揸車嗰個話事，他覺得想停嘅時候，就可以停，都好，可以放鬆一下手腳和去洗手間嘛~~

呢度應該都是一個休息站，因為其實都冇咩好睇，不過因為可以遠處看到雪山，所以風景都是好靚
 

好快我地就嚟到白川鄉入口，超多旅遊巴士……真係很誇張……

當然，中間好多都係香港同內地嘅旅行團，真係好多人，或者可能係我地真係太遲去，不過只係朝早11點未到喎

哈哈，其實今次旅程真係冇心理準備會睇到櫻花(因為我去嘅時候都4月中)，不過因為出發前日本天氣突然變凍咗差不多一個星期，所以……櫻花們喺白川鄉同高山市歡同我Say Hi~~

勁開心，不過……大少嫌棄啲櫻花唔係粉紅色而係白色，櫻花妹妹們……你地好可憐哦~~