期待已久既一年一度大旅行又出發了，上年去完台北，今次要找個特別的地方我地選擇o左去越南七日六夜﹗

同朋友講去越南佢地都話有咩可能玩到七日咁多，地方又落後又無聊，不過其實如果細心0的去留意下睇下資料，越南有好多值得去的地方，時間許可的話就算玩一個月也不嫌多﹗

15/6/09 - 21/6/09 我同食家就0係越南度過左難忘而驚喜既七天喇﹗

今次係五人出發，可惜我地兩個可以出發的日子就咁岩只係得番兩張機票位，搞到另外三個同行友人要早一天出發﹗

15/6一早起身，搭八點十機出發到越南胡志明市﹗

為了旅行特登買了新的Canon G10相機，性能相當好，色彩又出眾﹗

越南旅行在香港可以找到的書不多，叫做最勁最local就係得呢本長空出版的越南天書，在越南幾天我都見到有香港人拿住佢周圍玩呢﹗

不過可惜同上年去台北一樣，呢本長空出版既天書真係麻麻地﹗地圖不詳盡又唔依scale畫，真係跟住佢就死得咁濟﹗

上網找越南資料，成日都有0的人俾的士兜路，搞到我地出發前都好緊張﹗

好在我地都做好準備，搵哂所有的士公司既資料，最後七天既行程一次都無俾的士兜過，因為我地只係座呢隻Mailinh的士，司機老實又有禮貌，仲成日幫我地搬行理添，去越南記住要搵佢地﹗

胡志明住的酒店是Palace Hotel，都幾企理又乾淨，不過最衰係房入面無Wifi﹗

到左酒店放低行理之後我地先去豪食一間法國餐﹗越南曾被法國統治，所以法國餐做得相當好，有些更達米芝蓮級數呢﹗

地點係Au Manoir De Khai﹗可能是星期一的關係，全場無人得我地一枱客，變相包場，之前仲怕會無位添﹗

環境很好很grand，柔和的燈光映襯著淡淡的燭火，增添好幾分的浪漫感覺﹗

不過呢度以越南物價來說價錢絕不便宜，本來上網睇佢有set lunch的，點知來到之後佢竟然話無，頓時大失預算﹗

點都好啦，一場來到都係要食，最多食少0的﹗不過酒就當然不可以不飲啦﹗先來支紅酒先﹗

我要了肉眼牛扒，肉質嫩滑燒得岩岩好，肉汁又夠多夠香濃，洋蔥汁是大量洋蔥碎切成，相當惹味。

食家的羊仔架，燒烤時間恰到好處，不過佢話羊味麻麻地，唔夠羶吃落不太似羊﹗

找數要俾美金的，一人大約要USD 45左右，吃法國餐當然不算很貴，不過佢無左午餐網上又唔update，搞到只係叫得個main course，有點失望﹗

吃完午飯今天的行程是市內遊覽﹗

胡志明市天氣又焗又熱，咁岩我又著住長褲真係十分難受，真係條紙底褲都溶咁濟，第一個景點是統一宮﹗

統一宮是以前的總督府，入面都係0的辦公室、會客室及睡房等，未算十分美輪美奐，卻最重要的是沒有冷氣，如六月你可以行佢一次而不流汗的話，我請食飯﹗

入面熱得我差點暈倒..........

聖母大教堂就在統一宮的附近，徒步也可行過去﹗

越南的建築就是如此風味，唔好話教堂，成街的屋間間也是不一樣的建築，只是觀察下也覺過癮﹗

教堂有特色的彩繪玻璃，裝修華麗而莊嚴，如到統一宮必遊﹗

最後是有超過一百年歷史的中央郵局﹗就咁睇已被佢充滿法國味道的外觀吸引﹗相機快門聲不絕於耳﹗

入面可以買0的明信片寫完之後寄番香港，我由於太熱關係只係識得飲水降溫，一個個郵信磅郵包的counter都迫滿當地人與遊客，老實說寄信呢樣野對我來說都相當之陌生，我估都有幾十年無寄過了﹗

行完三個景點已經熱到發慌，全身無一處係唔出汗，所以即時飛的返酒店飲杯啤酒再沖涼休息。

越南食市的啤酒不會太貴，計起港幣都係幾蚊一罐或一支，水又係五蚊啤酒又五蚊，當然係飲啤酒啦﹗所以我地都係飲啤酒多過飲水的﹗

夜晚再出發，今次地點係酒店附近檳城市場旁的夜市﹗

本來想去一間網友推介的燒海鮮店，點知突然下起雨來，找來找去也找不到下只有揀間最多人食既飯﹗

要說越南天天都落雨，不過天天都騎騎呢呢就一落就落半個鐘就算，睇你好唔好彩撞正出街時份，但就我呢七天觀察通常都是黃昏下雨最多﹗

最特色既就係呢個椰青火焰蝦，上枱先0係你面前用火燒熟0的蝦，之後再由美麗既女待應幫手剝殼將0的蝦肉放番入個椰青度再燒熱佢食，食落有陣陣椰子清甜，幾得意的。

越南的扇貝去到那兒吃都是十分細隻的，同香港的大大粒相差很遠﹗

呢條勁喇，叫做象魚，Elephant Fish，在越南好多地方都有得食亦相當出名，總之就係成兩個人頭咁大一條，成條炸脆佢上碟，最後大家差0的連個頭都想食埋佢﹗

幾樣海鮮又點會滿足到我，食完好似無食過野咁，我地再去呢間食牛河﹗Pho 2000，當年克林頓都來食架﹗(不過睇書話我知克林頓其實係食雞河的........ )

越南最出名應該是牛河了吧，這是我在這兒的第一碗牛河呢﹗

湯底清而味濃，牛肉不韌而香，我最鍾意佢那種河粉的質地，o鞋o鞋地的有嚼感同香港吃的完全不同，上面加上蔥花、芽菜、辣椒及檸汁等，超好味，比香港吃到的好十倍以上。

普普通通一間連鎖店已有咁既水準，我相信之後再吃的一定更加好呢﹗

食完牛河當然唔會咁早返屋企啦﹗我地去左范五老既Seventeen酒吧飲野，呢間擺到明是做遊客生意的了，生啤成$40杯，以當地價錢來說相當貴﹗

場內有Live Band演出，相當嘈吵唔係太岩我地，想傾下計都難﹗

飲完杯野睇埋巴西岩岩好贏埃及4:3後，便回家呼呼大睡，這是我們越南之旅的第一天﹗

墾丁的確係一個浪漫既地方. 當然要睇你既旅伴係咩人啦. 四日墾丁之旅, 可以講得上係為左慶祝, 亦可算係放下假輕鬆下.

DAY 1: 從香港出發 - 高雄->墾丁->海生館->墾丁大街-野宴日式燒肉放題->夜遊墾丁大街->恒春出火->夕陽紅渡假莊園
到達高雄時, 天色比想象中差了一點點, 仲落微雨, 去墾丁途中, 天色愈來愈暗, 好在, 雨只係O係我地坐車途中落. 去到墾丁雖然天色唔係好好, 但至少唔會落大雨....第一站係海生館, 推介!! 雖然只係睇下魚睇下企鵝仔, 但其實呢度可以用上最少兩個鐘既時間, 因為幾多野睇, 不過餐廳既食物就認真麻麻. 無乜必要, 千祈唔好O係入面食野....連最基本既炸雞都可以係好難食. O係海生館玩左兩多幾鐘, 仲送左一張相tim, 唔洗錢黎講, 算係咁, 不過要等成一個鐘先有呢. 睇完魚仔, 就去租機車.本來我地第一日係諗住去關山睇日落, 但可惜天氣唔好, 所以d行程要調動下, 老闆娘見我地去唔到關山, 介紹下我地去野宴食buffet. 佢仲租佢私人既vip咭俾我地. 有九折架!! 租左機車同男友仔去野宴食飯lu~因為第一餐無乜點食過既關係, 六點多我地就已經好肚餓. 食buffet真係岩晒!!! 估唔到大約港紙120左右有咁多野食!!食到飽飽, 遊下墾丁大街, 可能之前聽得太多人講墾丁大街好多野行, 所以好有期望, 但原來好多鋪頭賣既野都係差唔多. 結果乜野都買唔到. 行左一個鐘左右就行完lu~見時間仲早, 去左恒春遊下, 再去東門出火. 都怪事前無做好reseach, 乜都無準備, 又無電筒, 又無買煙花, 兩個好似傻仔咁乜都無, 連落樓梯都只可以用電燈既微弱燈光...睇人地玩煙花自己又無得玩. 不過見到有d人o係個欄外面既地下用火寫字就真係有d危險喇. 但so far都幾得意 ^^睇左一陣就返民宿lu~

DAY 2: 白砂灣沙灘->貓鼻頭->後壁湖->西門(海角七號景點)->恒春郵局(海角七號景點)->關山->墾丁大街-吳師傅滷味->夜遊西門
第二朝一早起身, 天氣超好. (後來先知原來有個風黎緊, 唔怪得) 曬到阿媽都唔認得. haha! 先出發去白砂灣沙灘, 無打算遊水, 因為只諗住黎睇下浪影下相. 呢個沙灘人少少, 我同男友仔係度漫步下真係幾浪漫架 但d浪真係好大, 大到我只係o係旁邊踢下水, d浪都可以擁到埋黎我上半身都濕埋...咁大浪, 衝浪真係岩晒!! 係度曬左成個鐘後就去左貓鼻頭, 貓鼻頭好多遊客呢. 不過天氣好, 影既相都好靚呀!! 之後去左今日好期待既地方, 後壁湖. 先去左食魚生片lunch. 再去玩成世人第一次浮潛...好豬呢. 學左一輪先識用口呼吸.. 不過幾好玩, 又可以餵魚仔...玩到三點幾就走lu~返民宿沖涼換衫, 發現個人黑左好多...原來今朝坐電單車半個鐘裡面已經曬到燶左..下次都唔係唔好懶, 要茶多d防曬先得....之後出發去西門影相.途經恒春郵局. 當然要影下相啦. 五點多出發去關山. 因為事前無check日落時間. 所以去到都等左差唔多九個字呢....超多人既日落....我第一次咁認真睇日落, 但估唔到係咁多人一齊睇呢.=.=|| 不過真係好靚. 好值得去呀!!
夜晚返去墾丁大街食滷味, 飲左杯草莓冰沙, 超正, 好多草莓好抵飲!!!

DAY 3: 船帆石->鵝鑾鼻->佳樂水->風吹砂->墾丁大街-冒煙的橋->北門->高雄瑞豐夜市->85大樓-85海角

一早天氣仍然好好, 去左船帆石, 浪仍然好大呢...其實本來無打算去呢個景點, 因為感覺只係睇一舊石而已, 不過因為去鵝鑾鼻必經既路, 所以都到此一遊啦~去到鵝鑾鼻, 好大風, 但感覺幾好. 一大片草原, 行上山, 終於見到墾丁最有代表性既其中一個地標了...就係鵝鑾鼻燈塔. 呢個燈塔唔算係好特別. 但o係墾丁獨有. 加上最至有180度海景, 真係好舒服呢~天氣好熱, 食粒雞旦冰係唔錯選擇!! 逗留左一個鐘頭左右就起程去佳樂水. 沿途風景都幾靚. 到左佳樂水, 先買飛坐車遊一圈, 主要都係睇附近既石頭, 司機會介紹, 但佢用台語介紹唔太聽得明, 只係有d似國語先明呢~~睇左好多舊所謂有名既石頭, 但真係要加上一d想象力先睇得到呢^^ 話咁快完成行程, 下一站又路經既風吹砂. 好在唔係特登安排黎呢度. 因為真係無乜特別, 只係一個懸崖山上面有d沙...都唔明點解可以算係一個景點??=.=||? 之後返到墾丁大街, 開始有d雨, 所以去左7-11避下, 點知一避就勁大雨, 見到海面既浪大到差d湧上岸呢...我地等左十幾分鐘雨勢仍然好大, 所以決定買雨褸...但買左雨褸後, 只係著左一陣就開始停雨呢..>< 最後我地去左冒煙的橋食lunch. 不過覺得麻麻同埋都比較貴.

食完野見距離還車仲有少少時間, 所以去北門行下. 因為東南西門都遊過, 只差北門. 所以都要去一去先死心...^^ 好在最後都俾我地搵到, 仲同架坦克車影左兩張相tim~五點左右就返去還車lu~好唔捨得咁離開墾丁....

去高雄途中, 全程都落好大雨, 個半鐘左右就到達85大樓. 先到酒店check in. 休息一陣再出發去瑞豐夜市. 呢個夜市有少少名不符實. 睇書仔介紹係全高雄最大夜市, 但去到發現用左15-20分鐘已經行完, 仲無乜特別野食...唔知係咪因為打風關係所以好多鋪頭無開定本身係咁, 不過真係有少少失望呢....雖然係咁, 但都食左好好食既鐵板燒同烤小丸子....^^

DAY 4: 愛河/真愛碼頭->新堀江->SOGO->大遠百百貨->機場->香港

一早起身以為外面落好大雨, 以為個風好勁, 原來只係落細雨但就好大風...先到酒店對面一間CAFE食早餐(因為酒店送左兩張早餐券), 不過估都估唔到, 只係普普通通既早餐要等成半個鐘先有得食..等到差唔多變午餐呢.....之後去左愛河同真愛碼頭行下, 天氣唔好, 所以無得遊河...但又覺得唔遊都無損失既. 風好大, 所以連相都無乜點影...之後去左新崛江行街...又係好多鋪頭都無開呢...所以都無乜點行. 去CAFE坐下飲下野之後就返酒店附近行SOGO同大遠百百貨. 臨返酒店拎行李前, 一定要到MR. DONUT食我至愛既冬甩先慢慢去機場....好HEA既一日. 但仍然唔捨得返香港~~~

It was the first overseas trip after our marriage. That's why I name it a deferred honeymoon trip. My wife spent 2 whole weeks at her best friend's home in Bristol while I joined her a week later. Due to my job nature, I have a long working hours in HK. Obviously, I am deterred to have a tight schedule.

The main theme of our honeymoon is "to slow down and take our time". We did visit a few scenic sites like Bristol city centre, Bath, Clifton and Clevedon. We also had a few fabulous Chinese cuisine. (yes! Chinese cuisine. You will know why after you have finished reading my scripts). And I had the most intensive reading in my life, even more intensive than my college days. There are two reasons for this. First, the books in Bristol (I can say on the whole British island) are much cheaper than in HK. Some of them only cost barely more than GBP 3.00 or just one-third of the price in HK!! The other thing is that there is plenty of open space covered with grass and trees. It is so tempting to read a book under the tree shadow in a sunny day.

吊頸都要抖吓氣，工作之餘也抽了大半天時間遊玩，輕鬆一番。九寨溝、落山大佛、峨嵋山和青城山都是四川的著名景點，不過時間緊迫，沒可能去完四個地方，只能找最近的青城山走走。

經過尋日嘅舟車勞頓，好好休息一晚之後，就正正式式展開我地嘅行程喇~