今日遊完小區，跟據旅遊書嘅介紹，去咗纜車站對面嘅墨西哥餐廳度食~

呢間餐廳真係好抵食，一個 lunch 99cz (約hkd 40)，好食之餘份量仲好足，一d 都唔馬虎欺場，食完飽到傻~

我就要咗個 Fish Tacos，入面嘅魚炒飯好香，個皮又唔會淋咗，仲係脆架~面頭嗰堆係 cheese，好多呀，但係好香好好味，唔捨得唔食，"肥"呢個字就俾我地掉埋咗一邊lu~
旁邊除咗一兜 yogurt，仲有一小兜蕃茄醬，係用鮮蕃茄，一粒粒的，微辣，好香，同時亦都中和咗少少 cheese 嘅漏~

另一個選擇係芝士焗茄子，又係好多 cheese 係面，我就冇食到，團友就話都好好味~

去開小區嗰頭，真係絕對值得一試~

一坐低，waitress就問我地來自邊度，答完佢正當我地滿腦問號之際，佢就俾左幾份中日韓圖文並茂既餐牌我地，嘩~~ 好利害呀! 果然係做慣遊客生意呀!

間餐廳入面仲有個影住廚房實況既電視， 客人可以清楚睇到廚房入面做緊乜。 

先黎捷克有名既啤酒。本身我唔係好飲得，但朋友叫咗我偷飲咗一啖之後，都叫咗一杯，而之後基乎每一日都會飲返杯。捷克嘅黑啤非常好味， 一啲都唔苦，入口係好香嘅麥味，唔好啤酒嘅人如我都一試愛上~

而呢隻"Kozel"亦係全個trip中大家公認最好飲嘅~

捷克名菜烤豬腳，上枱時熱辣辣，肉又腍，超大隻，但又唔怕油，仲有幾隻醬任點，雖然係略鹹，但非常好味。

仲有捷克拼盤，一次過試咗多樣捷克傳統美食。

當地人好少食飯，佢地通常食右邊果啲好似麵包咁嘅野，其實係一舊麵粉溝雞蛋同牛奶而成嘅物體。左下角同最底下嗰啲就係溝咗薯仔嘅物體，不過呢碟嘢味道就一般啦，因為全部肉都整到好乾，中間堆酸菜反而最好味。