平價既民宿本來都無預期有咩好既環境, 服務同質素. 但估唔到呢間民宿完完全全out of expectation.

雖然佢唔算係好靚. 但至少俾hkd400可以住到一間大自然既木屋係好難得...每間獨立屋設備都幾齊全, 有個小露台, 可以好悠閒咁坐下睇下書. 老闆養左幾隻羊, 又種左好多花花草草, 每日都聽到好多雀仔聲, 空氣好, 人都精神d. 最正係有個觀星亭, 雖然我無上過去, 但有一晚個天好多好多星星, 見到隔離房既人上去睇星, 感覺實一流!!(因為我係馬路坐住機車睇都超靚)

除左房既質素同環境唔錯, 老闆娘真係好好客. 打電話去訂房時已經好細心咁問晒我地班機幾點到, 又可以幫我地book車(雖然呢d好多間都會), 仲幫我地諗埋行程...又會follow up. 我地已經俾左一晚錢, 就算我地no show佢都無蝕低啦. 但佢都會o係我地出發前一晚打黎followup, 睇下我地book左車未. 去到又介紹我地一d平靚正既餐廳, 地方等等. 連私人vip咭都借埋俾我地. 我地想租機車, 佢就同老闆一齊車我地去恒春租tim 呀! 第二晚我地夜返, 都特登過黎問我地朝早要咩早食餐, 其實佢大可以放張紙條俾我地. 到最後個日, 我地要book車返高雄時佢都好好人咁幫我地講價. 明知帶我地去個間貴左少少都唔會叫我地book. 講真, 我地book佢介紹個間, 我諗佢都有佣分啦. 但都叫我地book返間平d既. 所以我覺得佢真係幾好老實呢!

唯一感覺唔好係...因為天氣熱, 加上郊外, 我地間房外面都月幾條四腳蛇呢...好驚好驚...

不過, 我諗如果我下次再去墾丁, 我都會住返呢間民宿呢!!