沿路上聽著神社演奏著的音樂~~慢慢行進料理旅館街
係時間醫醫肚，街上的店多的是...花多眼亂
最後就入左位於貴船川旁的栃喜久用膳！

在夏天的時間，貴船一樣熱鬧
川床料理往往受到追捧，可以在河川上席地而食幾咁寫意
可惜冬天並沒有這種享受，但京都的料理依然吸引！
我點了一個鞍馬御膳....御膳的意思不太清楚
總之也是日本料理的一種吧

店員穿著正式的和服為客人服務，奉上一壺熱茶~~正合我心意
上餐了....御膳好似幅圖畫一樣，裝飾得好別緻
放上一片片新鮮的紅葉，可見廚師的用心 ^^
味道較淡，全因日本人不想食物的本味被蓋過...
看似份量不多的一餐，吃完還真撐得上心口了...haha

到東京, 一般我選 Keio Plaza, Premier 那邊, 地點周圍熟悉, 房間又番新過.
但今次買 package, 唔知點解貴多成仟銀付加費, 比較過決定花多幾舊, 試下 four seasons.
這間 four seasons 是在叫椿山莊的地方旁邊, 不是東京JR旁較high個間.
去website睇過, 有相當古典氣氛, 我鍾意.

最初, 交通接駁是我唯一擔心地方. 因為不是在車站旁.
後來知道機場巴士有點對點服務, 來回6000日元, 送兩日地鐵 1day pass.
單程兩小時車程, 唔趕時間睇下風景亦不錯.

到達後發覺交通並不是問題. 酒店門口 / 車站回程, 一定有的士等你.
步行落山到地鐵站10分鐘.
710yen 不跳表三分鐘就去到江戶川穚地鐵站, +10分鐘車程到池袋.
890yen 五分鐘到目白JR, 去東京全部旅遊點都幾方便.
唔介意花一點的士錢, 其實還比住新宿行少D路.

酒店環境, 影左D相大家睇睇.
SPA裏面有小温泉浴, 有室內泳池, 免費.
旁邊是花園, 話有紅葉睇.
包早餐在酒店內日本或意大利餐廳, 食物及環境很不錯.
但見頗多人是叫room service 早餐, 賣相雅緻.

溫馨提示, 酒店出入人仕衣著都幾formal, 與拖鞋短褲有點格格不入.
兩晚都有日本人結婚party.

Package 價自已覺得ok, 但未必會再來.
從今開始想每次試不同靚酒店, 人總是多心的.

今天住普通房，每幢普通房都只有兩層。我們住的是上層。露台是對著游泳池的。如果住下層的話，一出露台行幾步就可以跳落水！
但我還是喜歡住上層。

今天想吃意大利菜，在酒店大堂問問服務員，她們都很友善及樂意地給我們介紹。

這是一間精緻的酒店，普通房加別墅共有59間。第一晚住別墅(sansky villas)，因為普通房已滿了。環境清潔舒服，大多數是當地泰國人或外國人入住。每天打掃房間兩次。酒店地點近市中心，很方便。酒店有車免費送你出去，回酒店就要自己搭車。

酒店載我們到夜市，其實很近，行兩條街就到。
夜市有很多小食檔，海鮮檔，有賣飾物、衣服等。

這個夜市很細，半個鐘已行完。
一定要試的pancake, 有鹹 (ham + cheese, tuna + cheese,...), 有甜 (chocolate, strawberry, honey + lemon,...) 我最愛是 banana + chocolate, 港幣9元有找。

fruit shake 都只不過是港幣5元。

晚餐就在夜市內的一間海鮮檔開餐。

吃飽後買些生果，便散步回酒店。

10月26日，星期一晚上，是今次日本美食遊的高潮，訂好了往米芝蓮三星的和食店銀座小十。

 這間小店，老板兼大廚奧田透，看來頗年青，會說簡單英語介紹食物。店內一排 counter 可坐六名客人，另有二間個室每間各可坐四人。他們每晚有兩輪分別為6點和8點半，我訂到的是8點半。除了我，另外四人都是日本人，有一座位空着。

坐下後，奧田師傅先送上他的名片，親自打點安排飲品等。

第一道冷前菜是用蟹肉加點海帶和用肉汁做的啫哩，畧帶酸甜，奧田師傅用英語解釋個肉汁但可惜我聽唔明。

 跟著另一冷菜是鮑魚條下面是豆容，鮑魚味不濃，個D豆容撈咗D嘢幾好味。

 跟著來一碗熱湯，裏面有一個用蝦肉和魚肉打成的球，最特別係上面放了兩條檸檬皮切的絲，食一啖蝦球食小小檸檬皮，好正的配合。

 跟著係魚生 : 有D 白魚 (佢話係 seabeam)、toro、魚皮等。佢地介紹吃白魚刺身時點小小鹽而吃toro 才點豉油和 wasabi。味道普通，只是觀看奧田師傅表現刀功在魚片上切紋。

 然後係主菜：燒 Hamo (應該係鱔)和燒日本鰻魚。在師傅工作台的一邊是一個炭火燒烤爐，但一直看不到聞不到煙，犀利，如果不是這個菜跟本沒有注意到有個正在燒烤的炭爐。個鱔卷成一球中間包了菇，最初以為是燒洋葱，真係大鄉里。奧田師傅切好，把鱔放在左邊鰻魚放在右邊，並在上面放上各種伴碟包掂兩片頁，一紅一綠。個鱔比較乾味道一般。個鰻魚就正囉，攞出嚟己經香氣滿室，好好味。

 跟著係鱔球湯和鱔球粥，奧田師傅說 hamo在夏天到秋天是「當造」。

 甜品係提子和梨粒造的啫哩，普普通通。

 這次首次吃日本三星店，印象深刻：

 (一)全餐都係海鮮，主要係時令的魚。奧田師傅說每晚的menu都不同！

(二)有無其他三星店，大廚就在你面前親手做每道菜、詳細講解？

(三)他很有心思用好各種伴碟材料，而不會係咁淋醬汁。

09年10月23日中午，往銀座的あさぎ食天婦羅，此獲米芝蓮一星。這間小店在銀座6-4-13，在4番街找不到13号，剛有郵差在派信，得其指點才在小巷尾找到。

店子真係很小，只百8個座位，中午連我才3個客人，可見銀座的食店競爭很大。店內裝飾精雅，店主就係主廚，另一女人協助，佢可能係老板娘。老板能以簡單英語介紹每道食物和如何吃法，而且很有笑容，得分不少。

我的套餐包括：蝦2隻，墨魚，魚，腐皮包蝦 (好特別好好味)，白果，藕片，大香菇，甜薯，蝦頭2隻，海鰻。最尾鮮帶子粒天婦羅餅餸白飯，最估唔到個碟漬菜勁好味，我掃清哂。

其套餐價錢跟近蕂差不多，份量此店好似多D，但畧嫌天婦羅帶得油較多。總結：相當滿意，近蕂有2星，咁あさぎ也值1星的。

10月23日，到位於東京六本木的新國立美術館吃晚餐。

以前曾到位於東京駅大丸大樓的Brasserie Paul Bocuse兩次，都覺不錯所以今次東京遊也安排一晚到較新的美術館分店試吓，頗為失望。

 他們dinner menu 有2款，一款是一般dinner set menu，另一款是special menu 都是 Paul Bocuse 的 signature dishes，咁我梗係要試吓佢嘅名菜。

先來的 amuse bouches，是pork liver ，都幾o.k.

跟住係黑松露湯V.G.E.Black Truffle Soup，menu 介紹這個湯係 Paul Bocuse 在1975年為當時法國總統戴思庭所創作，打開個酥皮有D騷味，可能因為用鵝油或鴨油做酥皮，但飲D湯畧咸而無黑松露味，湯裏有二小片黑色的東西，應該係黑松露但吃到口中也是沒味道。

 主菜是Quenelle of Sea Bas伴以小龍蝦 langoustine 肉，個Quenelle 係用肉醬蒸成糕，我以前在法國食Lyon菜也吃過 Quenelle但以前食口感好D較像 Omelet。呢次個Quenelle本身幾好味，但醬汁太多，又做到似香腸，囉到黎以為我叫錯了香腸。

 甜品係 vanilla ice-cream 伴以多種berry，幾好味。