第二日，我地又坐車去長野，又再搭長野電鐵，不過今次坐特急快車前往湯田中總站，然後再坐前往上林溫泉巴士，約十分鐘下車，慢慢行上山去野猿公苑睇馬騮仔出浴！

由於前兩日天氣下降，加上呢度係高山地區，所以沿途仍然見到唔少積雪，部分開始融雪，搞到山路濕立立，一腳都係泥濘！不過，見到積雪，乜都值回票價啦！再污糟都無問題啦！

經過半小時的山路後，終於到達地獄谷溫泉，據講馬騮仔就係睇到呢度旅館的人浸溫泉，於是有樣學樣，浸埋一份！

平時見城門水塘的馬騮蝦蝦霸霸，就見得多，但講到睇佢地出浴，仲要係浸溫泉，真係奇景！而且呢度的馬騮仔好乖，唔怕人，但又唔會騷擾人，更加唔會搶人野咁兇險，完全活在自己的世界之內！你有你影，佢有佢浸溫泉、曬太陽、嬉戲玩樂，不知幾開心！

酒店check in後，食過蕎麥麵，我地便坐長野電鐵去須坂市的臥竜公園。

臥竜公園是全國100大賞櫻名所之一，我地都好期待，希望可以再一睹櫻花怒放的壯觀場面。

到達須坂站後，唔知坐咩車可以去到公園，只知旅遊書話可以步行約廿分鐘即達，於是我又利用僅識的三兩個單字日語加文字表述去問路。問左幾個路人，都係雞同鴨講，終於問到個靚女，居然肯推著單車，陪我地由車站一直行成三十分鐘，身水身汗到達臥竜公園，實在感激不盡！

到達公園外圍，已見湖畔櫻花處處，遊人絡繹不絕，有Ｄ人坐船仔遊湖，有Ｄ人就地野餐，櫻花樹下更有不少飲食和玩樂攤檔，好似園遊會咁熱鬧，不過非常有秩序，一Ｄ都唔擠擁，又唔嘈吵，日本人的民族性真係值得我地學習。

我同朋友當然不斷係咁影，朋友又再次長短鏡交換拍攝，再加傻瓜機同Standard鏡，三鏡一機輸流係咁影，影到不亦樂乎！

個個都講水門街雞飯，但到了泰國的第三日已發現這檔雞飯，再不需尋尋覓覓了！

10點幾，搵宵夜食。未係好熟曼谷，喺酒店附近行下搵下。行左五分鐘，見到檔街邊豬脾飯，兼有雞飯同湯粉。老實講，初來報到，對這裡的街邊檔還未建立信心，因為通常見到的街邊檔都很污糟，實在不想因為唔舒服而破壞旅程。但係這檔口看來很乾淨，而且廚師還戴著帽子啊！叫了豬脾飯和雞飯外賣。這是我們第一次幫襯（往後的三個禮拜共幫襯十次以上），老闆（即廚師）因為不懂英語，我們只能用body language。老闆起初有點不耐煩，可能覺得我們很煩，又唔知我們講咩東東，但由第二次開始已非常友善和有求必應！

建議吃淨豬手加時菜（不是豬腳，因為它的豬腳很大，要煮熟的時間長，所以肉有點un）。提一提老闆不要把豬手放在湯內（這是他一貫做法），因為豬手用美味滷水煮熟，很香，放在湯內反而吃不到其原味。雞飯可是主打。飯應該是加了雞湯煮，我會選擇老闆放在玻璃櫃，已撕到一片片的雞肉同雞皮（泰國的雞都很瘦，沒有肥膏，食小小雞皮都無問題）。因為泰國人都覺得雞胸肉最正，但係我認為太un啦，所以喜歡甚麼部位要同老闆講呀！買雞飯會配一袋湯（他們叫noodle soup），這湯真是勁好味，飲得出用牛骨煲，每袋有兩三舊白蘿蔔，十分濃縮，可能到街上食飯都有味精，但這湯肯定不只是味精，難怪要雞飯都會配一袋湯啦，我覺得老闆本人都十分proud of 哩個湯！講講下，如果而家有得食就好喇！

這是不平凡的街邊檔，我們甚至認為老闆賣得太便宜了！如此花心機煮和好味的東西，配料（芫茜，蒜頭仔，指天椒，經典泰式辣魚露…）任你加，雞飯Baht 40，淨豬手大約Baht 100，另肉丸湯粉（也好味，因湯底正！）Baht 30，如果喺香港都成日食到甘正又平的雞飯就好囉！

行程第1日嘅夜晚去咗師大夜市。
可能咁啱係friday nite, 所以超多人，好迫。
買許記生煎包排咗15 mins ，不過條街又迫又多人，唔方便邊行邊食。
都係要揾間餐廳食晚飯先。經過龍涎居，幾骨子，於是就去試吓。
其實入到去先知只係食雞，有好多款喎，好有特色。
等位時已經可以落單，坐到埋位等一陣就有得食。
店子幾特別，用上木枱木櫈，光猛。
一行3人，點咗3個藥膳雞，包括人參雞、何首烏雞同麻油雞，再加多個貢菜、麻油金菇、麻油雞絲飯同麻油麵。

貢菜較老，有根；麻油金菇真係超多麻油，不過食落又唔會好膩喎，金菇唔韌唔會黐牙。
麻油雞絲飯超正，有麻油香，上面仲有雞絲，配上白米飯，好好食。
麻油麵又係超多麻油，所以好香，麵條好幼，好滑，不過就無雞絲喺上面。


到3個藥膳雞出場啦，每個都用個煲仔裝住，下面仲放過好似爐嘅野，但其實無作用，因為無點火，唔會keep 住熱。
3個藥膳雞各有特色，我最鍾意人參雞，個湯甘甘苦苦，好清熱，D雞係用機切，所以可以切成薄片，有d係脾位，好嫩，就算雞胸都唔會鞋，好淋。
麻油雞，正如個名所說，就係麻油加雞，比較惹味，不過個湯就好肥，唔似人參雞d湯可以飲。
何首烏雞，個湯黑漆漆，味道甜甜，藥味微微，都不錯，不過我自己本身就唔鍾意又咸又甜，所以無乜點飲d湯。

整體非常滿意，以雞為主嘅餐廳，香港實在找不到~

凡爾賽宮位於法國巴黎西南郊外伊夫林省省會凡爾賽鎮。1682年至1789年是法國的王宮。1979年被列為《世界文化遺產名錄》，是國王首席建築師在十七世紀中期的偉大建築。

艾菲爾鐵塔是世界著名建築,是巴黎不可或缺且最具代表性的地標。

雖然艾菲爾鐵塔比想像中還要細，但得確每段時間都各有美態，不同角度去影都有唔同感覺~

入夜後的曼谷沒有香港般明亮，疏落的街燈令一些街道感覺有點昏暗。

餐廳是一間玻璃屋，走在街上一眼便看見它。室內裝修簡單樸實，偌大的室內，開放式廚房和吧檯，格仔檯布加木椅，典型意大利餐廳的模樣。氣氛愉快而不拘瑾。侍應們親切有禮。大伙兒share pasta，侍應們主動問是否要幫忙分配，讚！

除了以上食物外，也叫了Tomato, Salami & Cheese pizza，比Hawaii好，但也沒甚驚喜。Carbonara最好食(沒有拍照)，bacon都係太硬，但我鍾意食白汁多過茄汁。

曼谷飲紅白酒好貴，就算喺supermarket買同一牌子的紅白酒也是香港的兩至三倍。今晚高興，所以開了枝紅酒。相比下，免紅酒稅的香港是嗜酒人士天堂。

旅居泰國的日子久了，總不能餐餐泰菜，如想吃意大利餐的話，Bridge是不錯的選擇，起碼較Scoozi好！除了名氣外，Bridge的價錢和服務都比較好，極有可能是Scoozi多連鎖店吧！

到了淡水已經是黃昏六點了,天開始黑,起初還以為可以看日落,最終是看不到的.唯有珍惜太陽還未下山時,影多幾張相啦.  詁不到,黃昏的淡水是很浪漫的.

在淡水的街裏,我一路行,便一路想起在10年前(2001年7月),我和一大班朋友到淡水旅行, 這時大約中午時份,天氣十分炎熱,但今天就完全相反了,天氣很凍而且天也黑了,也是另一番體會.

今晚,我在淡水裏也買了不少手信,當中包括淡水最出名的鐵蛋及一些特色傳統工藝物.

當中便是旅遊書介紹的,講真旅行書的小店鋪介紹的,又真是比較特別的一點,所以我在幾間精品店買手信時,也拿出旅行書介紹的店鋪,要求他們幫我在介紹店鋪的這一欄簽名,代表我也來過,台灣人那麼熱情,當然沒向拒絕我的要求啦!

由於來的時候已晚上了,我沒有再行前進入,只在海邊大街及內街行行,買買及食食,之後便準備我下一站.

走的時候,也在我10年前的同一地方影相,可惜天黑了,影得不清. 下次有機會再來的時候,我一定要選擇中午或下午,可以繼續再行遠一點,因今次來淡水還有很多地方還未去的.