黑豚肉係濟州島有名既菜色，據知濟洲島居民一直在島上養黑豬，黑豚肉係當地特產，唔需要經過空運、船運就可以食到非常新鮮而有特式既豚肉，而且價錢仲好抵添 (大概HK$240兩個人連啤酒兩支)，所以無可能唔試！

响 "Black Pork Street" 裡頭有幾間專門食肆，我地光顧呢一間就响入口左手邊，見人氣非常旺盛，裝修亦較為新派，而舖位側面貼有唔同傳媒推介 (當然係韓文唔識睇)！當地人幫襯佔大部份，晚上時段比中午熱閙得多，今次旅程第一晚同 last 個晚都有幫襯，簡直飽到上心口！

一份二人餐，包括有唔同部位既黑豬肉、薯片兩片、雞肶菇兩片、小青椒兩隻、生蒜供燒烤。另外再有一份熟既五花腩、一個細既辣豆腐煲、細蛋煲、一份生菜同紫蘇葉供包豬肉、可添加配菜5款、兩碗細凍湯、生葱兩小碟等，其中部份黑豬肉會保留小小既黑皮供客人析別。濟洲食肆大多數會供應一瓶冰水比客人，唔夠可以再要。不過食燒烤啤酒或者燒酌為最佳拍檔。

基本上每款菜既味道都好好，除黑豬肉肉質較普通豬肉有彈性外，今次發現濟洲薯仔係非常美味，本身有薯香同質感較綿，啱曬同我一樣鐘意食薯仔既人。

提示：如果食野速度唔快既朋友，可以請店員唔好一次性將全部燒材放到火山石做既燒板上，因為燒得太耐會流失肉汁，影響食味！可以先放一半，然後自己再按食速再放餘下既燒材。

門口見到有年糕、餃子同一d不知名既食物。裡面亦有本地食客，相信味道唔差，係時候又要讓肚 dump 大快朵兒！

墻上只有韓文字，唯一識睇就係價錢，但唔知邊樣野食係邊個價錢，最終手指指叫左一份年糕。內容同份量都比想像既多！除年糕外，裡面仲有餃子、雞蛋同魚條，多姿多采，嘻嘻！

起初食只覺得個汁唔辣，甜甜地，食得好暢快，原來辣味係會慢慢走出黎，不過可能因為有甜味，所以辣得比較舒服，好好味！

發現年糕同壽司係當地人既指定動作，其次會要一碟煎餃子，有時餃子會混上豬血糕。佢地會將餃子沾上年糕既汁黎食，有興趣既朋友可以試試，可能會有驚喜！

鎮海郵政局舊址是一座俄羅斯風格的白色建築物，而且被列為遺址第291號添...

因為鎮海軍港祭，所以裏面舉行了郵票展覽。

呢個建築物很西式，最啱拍照....

之後，我們搭Shuttle bus去北原路，巴士會行走司令部一個圈，而且巴士司機會沿途介紹，可惜唔可以影相及司機用韓文介紹，否則會更加好。

行經中原路的軍港祭小吃攤位，見到有櫻花餅買。

櫻花餅係鎮海特產，個饀係用櫻花膏製成，夠晒特別。

價錢都唔平，10個5000won

我買了10個黎試。

入口覺得很軟，餅上有一些nuts，而且很香櫻花膏的味，不太甜，好味。

去鎮海旅行必買的特產，因為其他地方無得買架....

仁寺洞以中央大街為中心，兩旁是特色韓國手工藝品店、小而有型的美術館、古董店及畫廊等，另外亦有不少富有等色韓茶室，可謂藝術、購物綜合文化小街。

其實係仁寺洞周圍都有呢類傳統韓國茶室，但點解選擇呢間。哈哈...係因為呢個茶室花了不少心思去設計，與眾不同...

而最特別的係，茶室內養了不少小鳥，而且係店內飛來飛去唱歌添....真係好有情調。茶室四周都古式古香，以傳統原州宣紙配以韓文經文作為牆紙，再加上一些古物裝飾點，感覺很平靜

呢間茶屋只要點茶便免費送韓菓子。

金海國際機場分為國際線航廈及國內線航廈兩個主要部份，兩者之間不互通。

航廈有點兒殘舊擁擠，設施、購物及飲食店等選擇亦不多。離境大堂兩樓有免費的上網區，飲食店及免稅店等。

海雲台沙灘(해운대해수욕장)是釜山，亦可能是全韓國最著名的美麗沙灘，水清沙幼，外望一望無際的海景，附近酒店及商店林立，再加上近年之釜山電影展移師海雲台舉行，令這裏甚有法國康城之味道。

不過因為冬天的緣故，所以無人游泳......但有許多韓國人帶埋小朋友黎餵海鷗，而海鷗又不怕人，會圍着人飛...

冬栢島(동배섬)位於海雲台沙灘旁朝鮮酒店側。冬柏島以冬栢樹及松樹聞名，環境優雅。

臨海而建之美人魚像是這裏最獨特之景點。鄰近APEC會場附近有一白燈台，沒有太宗台般雄偉，郤較有歐陸味道。

書的天國——寶水洞書屋胡同。在過去，想要買一本像樣的書是十分困難的事，把書賣掉換一頓晚餐，這些依稀的回憶都回蕩在這條書屋胡同裡。猶如淘寶貝一樣，在這裡可以找到稀罕的舊書籍，也可以用便宜的價格買到新上市的國外書籍。

果度地下印有訓民正音，真係好型呀。

嘈雜都市中的綠色休息地—龍頭山公園。此地的地形仿佛是一條面朝大海的臥龍的頭部，故而取名為龍頭山公園。百花簇成的花鐘，白山安熙濟先生的銅象，以及釜山悠久的象徵性建築釜山塔等建築物均坐落於這座占地超過1萬坪的公園內。伴隨釜山悠久歷史的龍頭山公園，在這裡歡迎您盡情地享受悠閒的時光。

剛巧有2010年元旦倒數....在午夜12點前10秒開始進行倒數，開始打鐘儀式，打鐘儀式分為希望之鐘、愛情之鐘、和平之鐘，共11回打33次鐘。

當2010年來臨，空中大放煙花.....可以係近距離看到煙花......yeah.....很靚呀....