(首爾,SeaLaLa 溫泉半天,青瓦臺總統府,東大門購物城,入住 Stanford Hotel Seoul)
早餐係自費在機場進食,小休片刻便被帶領到 SeaLaLa ,可以選擇剝光豬浸泡韓式人工溫泉,或到恆溫室小睡和坐按摩椅休息。
中午飯在新川區,那裏有許多合心水和啱價錢的衣服賣,在飯後短短二十分鐘自由活動時間內,我同 Honey 已經買了好幾件衣服。這裡還有特色小食,黑芝麻糖,好好食,記得買,因之後許多地方沒有得賣,團友都後悔冇買到。
隨後到青瓦臺總統府外拍照,都話明係總統府,冇理由比你哋走入去影㗎,係未?未知是否總統大人有見及此,派出幾個高大威猛的特種警衛企係樹同人合照,結果係皆大歡喜!
東大門購物城,貨色不好,空手而回。但卻嘆了下午茶 ~ 導遊小姐推介的 Caffe Bene 咖啡店 - hot green tea latte 和 ice green tea latte (自費)好正,以後的幾天,一有機會就飲番杯。
午餐 ~ 新川區--鐵板春川炒雞,是否因第一餐,覺得幾好食渦。
晚餐 ~ 人蔘雞湯+滋補人蔘酒+長壽麵,冇味?定太淡?不過大家都倦了,還是快餐過後回酒店休息好了。