松山纜車就晌二嚨喉公園入口處,連接東望洋山山頂位,係澳門唯一一個纜車系統,1997年落成啟用,全程186米,只得個1分多鐘嘅途程,非常短,有可能係全球最短嘅纜車。而車廂細細好得意,話就每架供4個人坐,但坐晒就覺有啲逼。都未睇得徹周圍景色,位都未坐暖,就到咗頂喇!
難得1/7係星期五公眾假,2/7係星期六放短週,唔使請假就可以過「馬交」輕鬆嘆番兩日,兼且唔影響星期日返教會,時間啱啱好配合晒!一向太太都唔鍾意太趕,加上唔係即日來回,所以唔會晨咁早扑去碼頭趕...
Hard Rock Hotel啲房真係幾好住,房內空間感十足,床褥、綿被都好舒服,雖然無發個甜蜜美夢,但就瞓得夠晒「淋」,所以,大清早起身之後,見出面陽光普照,就落去泳池游個早水。之後就返房小休,收拾細軟...