按了兩小時, 看看天. 已經黃昏近入黑了. 呢一個時候, 導遊領隊的任務, 就是帶我們去食飯. 而主題是, 泰式豬手同原隻菠蘿炒飯.

說真, 團餐, 主要係話俾人聽, 我地個餐有幾難食. 不過, 味道雖是不美, 菜式上, 倒是豐富的. 而且, 以一鍋海鮮冬陰公黎做開頭. 而且其酸味辣味適中兼且配合得好好. 而且個鍋夠哂多蝦, 而最重要的, 是蝦仔夠爽甜. 算是一個好開始.

之後是一人一個菠蘿炒飯. 齋妹無福了, 因為此菠蘿飯有肉.....此炒飯, 不好的就是好似炒得唔係幾夠熱, 但味道上, 有少少咖喱味, 有香茅味. 除飯質不夠好之外, 此主題菜, 算是可以.

再者, 是泰式豬手了, 味道, 其實同昨日食的一模一樣. 鹵水鹵得入味. 豬手皮起哂膠, 而且食落完全不覺肥. 也是大家食多D既一味菜. 因為個鹵水汁, 送飯, 實在是一流.

炒肉碎, 味道, 純粹是靠個汁. 用了老椰菜葉伴上去. 食落都算有少少口感同香味.

煎肉餅, 有少少嫌其煎得太實. 不過, 內有馬蹄香. 用豉油去煎的又份外的入味. 始終呢一間係找開門做生意的中式酒家, 這不算是差.

炸魚, 有少少似炸秋刀魚的. 感覺, 是潮汕的味道. 不過, 魚仔大條左少少. 骨頭硬了少少. 軟一點, 再細條一點, 唔好咁乾身....就會好好食.

泰式咖喱, 而且內裡附上的是泰式魚蛋. 味道香, 帶少少辣勁. 而且魚蛋, 散發出一些獨有的魚香味. 用來撈飯...好. 但店方給了我們一碟米粉....原來撈米粉才是當地人既食法. 而這裡撈才突雖個咖喱同魚蛋是味道來.

鐵板海鮮炒蛋. 味道, 淡淡地, 但當中有青口肉, 蜆肉同菜脯調味..一個字...香.

算是有少少質素的團餐, 雖然菜式求其, 但至少給了我們一個好味的口感. 若團餐可以有一個叫做過得去的評分. 相信, 這餐廳, 若肯付一點價錢去正式食野.....相信, 會是不錯的.

導遊伯伯好搞笑....餐餐都說是客家風味........詳盡的....回曼谷再說.