食咗咁多嘢, 要飲番杯嘢解吓渴, 在趙小姐的店旁就係張三瘋奶茶, 在廈門係好有名嘅奶茶店, 網上個個讚, 就試吓係咪真先.....

我叫咗奶茶, 另一半叫咗朱古力, 兩款都係20元一杯,  先講朱古力, 真係非常普通, 完全係喺超市買返返嚟嘅朱古力粉開嘅一樣, 完全冇特別; 而奶茶就同係台灣或香港嘅街邊茶店差唔多, 唔會太差, 不過佢嘅特色係喺奶茶裡加咗提子乾同瓜子, 可以一路飲茶, 一路食小食, 而奶茶又配合到提子乾同瓜子嘅味道, 真係非常好嘅配搭。

除咗奶茶, 佢哋仲有咖啡, 芝士餅同牛軋糖及曲奇餅賣, 另外亦有佢哋隻貓做商標嘅紀念品賣添, 牛軋糖同曲奇餅又細又少, 賣36元, 認真唔平呀! 不過就深受年青人歡迎喇。