趙小姐的店喺廈門都算係名牌字, 名下除趙小姐的店, 仲有張三瘋歐式奶茶及潘小蓮酸奶。

趙小姐的店主要係賣餡餅, 茶葉及歐式茶具精品; 據聞此店係由趙小姐後人由南洋回流中國開嘅, 趙小姐家住廈門鼓浪嶼, 接受西方教育, 懂得自製西式餡餅, 後來移民至南洋, 家人好喜愛其餅食, 於是在改革開放後回歸故鄉開咗趙小姐的店。

由於趙小姐的店裝修華麗, 真係比佢吸引咗入去睇吓, 入到店裡真係好想幫襯佢哋買嘢, 包裝好吸引, 店員又打哂bow 呔或著住女僕製服, 餅食唔太貴, 但茶葉就唔平, 因重量太輕喇。

我買咗一包10元嘅餡餅, 裡面有4種味道各一, 包括鳳梨酥, 蜜柚餡餅, 紅豆餡餅及綠豆酥; 鳳梨酥味道一般, 而且係冬瓜餡, 冇得同台灣微熱山丘比啦! 蜜柚餡餅唔算太甜,  綠豆酥都係喺南普陀寺買嘅好, 主要係餡唔得; 三款較好嘅係紅豆餡餅, 唔太甜。

所以唔好睇佢係名牌就一定啱食, 好彩只買散裝包, 試過就算吧!