吃完拉麵, 啡癮又起, 見在十字路口有間café Takara 雖則唔識佢但那刻唔理好醜最緊要就手啦, 走入去即時感覺似去咗人地屋企, 好Warm那種, 有卡座, 大枱邊放好多張櫈, 亦有單丁位適合靜靜地看書那種, 室內空間感大, 實在羨慕死我們這些經常屈膝於香港這種窝居式café迷, 你自已會問點解我地俾成1,000yen一杯單品咖啡重要座得咁屈質? 人地俾450 - 500yen就可以飲到而且座得咁free? 點解?? 因為一半是繳付了租金! Of course 這是個唔會有答案嘅問題, 喺香港最free 飲咖啡咪自已屋企囉, 這樣的咖啡店並不是只有OL, 或者保險SALE, 打扮入時的大學生, 更加有六十幾嘅公公, 婆婆, 小朋友放學帶小朋友經過入來食少少野才回家的家長們, 咖啡店應該是這樣的, 飲咖啡並非為令人覺得自已”型”才飲, 同陳豪無任何關係, 陳豪並不等於咖啡, 又或者令人感覺”專業”才飲, 而應該是因為”口乾”! 又或者在途中停低來一杯令整個人精神回魂一下, 這裡最令人羨慕的還有叫任何飲品都可以選擇任何一款”免費小食”! ”免費小食”有多種 – 咖啡啫喱, 雞蛋布丁, 法蘭西多士, 乳酪, 熱狗, 多士等咁都得? YES!係咁都得嘅, 我以前都聽過來自名古屋嘅客人講在當地食早餐如何的平易,如何的大份, 今日到來真的體驗得到了, 我只是叫了杯Yen380嘅普通咖啡, 再要了個Pancake 小食, 只有一片但都是即弄出來的, 味道如何並不重要, 重要是那份真誠的態度, 沒有放入微波爐”叮”俾我, 咖啡亦是非常普通的那種, 我不會拿它跟單品咖啡去比較, 因為沒得比, 而這裏令人印象深刻的是”人情味”