一行17人入去石岐佬午餐, 上了樓上的房間, order 了很多食物, 眼闊肚窄, 班小朋友又唔幫得手, 所以最後都食剩好多嘢, 一共食了CNY1100, 餸菜如下:

3 個大煎堆              
1打半菠蘿包            
9 隻乳鴒                
2 碟腐竹                 
1 隻黃油雞              
2 碟豬大腸             
2 大碗魚皮餃          
3 碟炸鯪魚球          
2 碟炒飯                  
2 碟干炒牛河          
2 碟炒菜                
2 籠馬拉糕             
1 籠蒸粉果             

菜式好似好特別, 好多人幫襯, 但實質沒有太大驚喜........

比起長隆水世界, 當然長江面積較小, 但都不失為一個設備完善的水上樂園; 由於剛在2010年7月中才開業, 所以設施也較新淨及衛生, 就當天所見, 有好多港團到此一遊, 所以差不多有五成人都是香港人; 樂園都很懂得賺錢, 租Locker要CNY20/個, 仲係細細個, 如果一家大小, 一定最少租兩個才夠; 餐廳是有的, 但食物種類選擇很少, 碟頭飯只得三款, 飯餸小小要CNY25不包飲品, 杯麪要CNY10; 票價方面都算合理, 比長隆是平一半, 成人CNY80, 小童1.5以下CNY40, 一大一小一起購票可平CNY10, 值得去玩吓!

由中山金鑽乘巴士到珠海約1小時多, 再由珠海過關到澳門, 然後在關口乘Shuttle Bus到新濠天地。 其實已有8年冇來澳門, 一直提不起興趣再來遊玩, 最大原因是樣樣都貴; 住, 食, 交通及玩, 澳門都比以前更昂貴。如果不是大部份朋友要到澳門玩半天, 我真的不會來, 特別只得半日呢! 朋友主要是為了班小朋友而去Hard Rock 的"童夢天地",  而有幾位大朋友就入去旁邊的Casino, 想搵返D旅費, 而我由於不喜入Casino, 我就帶著幾位青少年就到處行逛, 看看這個新造的"地方"及去買船票回港。

到了威尼斯人搵吓有冇黃牛賣船票, 但由於是日是Sunday, 1至兩張飛都可買到(約70-80元), 但我要搵17張飛, 當然相當困難,  最後黃牛回覆是不能班到17飛啦, 所以為有去番港澳碼頭買, HK$175/張, 晚上11:00上船, 買到都算好彩了.......

晚餐是去了新濠內的Casino地牢食Buffet, Mop168+10% for 兩位, 平均每人HK$90, 相當抵食, 不過當然有限制啦, 就是只能吃一小時, 以我們香港人的習慣, 完全冇問題。食物款式當然亦不算多花款, 粉麪飯, 燒爉, 一般熱盤, 中蝦, 青口, 冷盤, 沙律, 蛋糕, 糖水等, 另每位有一杯果汁及一碗龍蝦湯, 我覺得價錢及品質款式都算係咁, 班小朋友在Food Court order 了一碗麪都要$50幾蚊兼唔包飲品啦! 所以算抵食啦!