晚餐來到353廣塲頂樓的021上海主題餐廳食上海本幫菜,來到呢度用餐的理由是一陣可以行去外灘睇夜景,而且這里地方坐得舒適,消費也只是中等消費.開飯!

真係一間超有人氣的餐廳,第二輪的食飯時段,已经無晒招牌菜式,什麼白米蝦仁,阿奶紅燒肉.....唉!

點着
烤籽魚:上海獨有的小魚,炸到又脆又香,配上甜甜的醬油汁.非常好味!烤籽魚最好食的就是滿肚的魚籽,咬落去非常鮮味.

红燒原蹄:炆到入味的原蹄真係好好食.尤其是帶筋連皮的地方,那種又軟又油的口感.....每食一啖都充滿罪過感.

薺菜炒年糕:薺菜又係上海人至爱的野菜之一,那種獨特的香味.最夾就係炒年糕或者豆腐.到上海點都要試下呢種特別的上海野菜.

醬油炒飯:豉油+猪油炒飯,當然香口.這也是舊一代上海人最普遍的家常小菜.

糯米红棗:我至愛的甜品之一,红棗內糯米軟滑,甜甜的口感來自冰糖,入口淡淡的香味....桂花.這種新鮮的感覺真舒服!

吃飽後只需步行10分鐘就來到外灘,這顿饭的安排對我們遊客來講最好不過.