食完石頭鍋飯後，就登上11樓的頂樓花園和展望台。展望台居高臨下，與位於龍頭山公園上的釜山塔遙遙相對，另一面則可以欣賞釜山大橋和釜山港口。難得係展望台完全免費，有時間絕對值得來看看。

遊完展望台，原本想去免稅店買護膚品，點知呢間樂天百貨不設免稅店，幸好 5 樓有本土化妝品店（Tony Molly、The Face Shop、Skin Food等），朋友可以掃下貨。

跟住等到差不多 3 點，我地轉到地庫搵靚座慢慢坐，因為要欣賞聲光幻彩舞Show（Aquatique Show）。呢個Show類似音樂噴泉咁，噴射而下的水柱伴隨音樂起舞，甚至噴灑出英文字來（包括LOTTE、BUSAN、SALE等），背景燈光的顏色亦變化萬千，15分鐘左右時間，睇得都幾開心。