美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
台灣環島15天遊 (台灣)
(旅程日期: 2012-07-20 至 2012-08-03 ,  旅程性質: 飲食購物, 消閒度假)
 整個旅程  (共13篇遊記)
 分享至Facebook 
發表日期: 2012-10-05

29/07/2012

 

話咁快在台灣已玩咗10日了, 亦差唔多環繞咗台灣一周了, 今日由花蓮去宜蘭了, 傍晚要同台灣朋友分手了...... 唔.......

行程如下: 

花蓮 ~ 太魯閣 ~ 蘇花公路 ~ 羅東夜市 ~ 宜蘭市 ~宜蘭觀光夜市

燕子口吊橋
燕子口吊橋
巍峨宏偉嘅山脈, 有一股震懾嘅感覺
巍峨宏偉嘅山脈, 有一股震懾嘅感覺
慈母橋
慈母橋
九曲洞
九曲洞
天祥巴士站
天祥巴士站
太魯閣燕子口
太魯閣燕子口


太魯閣,一個奇妙嘅天然地方,佢橫跨咗花蓮、台中同南投縣,山勢奇特;小學時曾讀過台灣橫貫公路一課,而二十年前亦曾坐旅遊車走過,驚險萬分,台灣朋友都話呢處送走好多人嘅寶貴生命。

另一半同港童見條路咁「危險」,已經有所埋怨,又落車睇景,又上番車上山路,已令佢哋觸目驚心了。

由於曾有大石小石滾落,撃中遊客,現凡在太魯閣入口處,國家公園都免費提供頭盔,以防再打中遊客。

太魯閣風景奇特,雖險要,但有挑戰性,車行已充滿危險,途中見到好多單車手堅毅地向上踩,真係好佩服佢哋嘅毅力同忍耐,港童,要學嘢喇。

我哋基本上都走了花蓮部份嘅太魯閣風景區 : 燕子口 ~ 九曲洞 ~ 慈母橋 ~ 天祥 ~ 布洛灣



 
推介項目: 燕子口
參觀時段: 早上
評分: 值得去5  
山月村大門口
山月村大門口
房間以小屋一間一間獨立成排為主
房間以小屋一間一間獨立成排為主
好多靚蝴蝶
好多靚蝴蝶
小昆蟲
小昆蟲
立德布洛灣山月村
立德布洛灣山月村
花圃處處
花圃處處
蝴蝶飛飛
蝴蝶飛飛
部落土著布置
部落土著布置
布洛灣係太魯閣族部落的名稱, 山月村(酒店)依山而建, 依傍著太魯閣地勢, 環境優美。

因為台灣朋友曾住過呢間山月村, 專登車我哋嚟睇布洛灣靚景, 山月村被羣山包圍 , 而客房圍繞著一處大草地, 房間以獨立小屋為主, 一排小屋後有一帶花圃, 當中有好多色彩繽紛嘅蝴蝶同甲虫, 比紙教堂還要多, 真令我哋雀躍萬分, 在靚景襯托下, 一幅蝴蝶蜜蜂飛舞嘅圖畫活現眼前, 真係難以形容此美景。

山月村房價以人頭計NT1,550起, 屬山區中高檔住宿選擇。
每晚價錢: 1550新台幣 (其他)
評分: 設備4   服務4   環境5   衛生5   抵住4
駛入蘇花公路
駛入蘇花公路
清水斷崖段
清水斷崖段
有火車經過此蘇花公路段
有火車經過此蘇花公路段
遠眺太平洋
遠眺太平洋
蘇花公路依山沿海而建
蘇花公路依山沿海而建
海水清澈, 水藍得好似藍寶石般, 好靚
海水清澈, 水藍得好似藍寶石般, 好靚
公路中的一株大樹
公路中的一株大樹
火車出入口處
火車出入口處


蘇花公路呢個名, 喺响新聞處認識的, 年前有一團大陸旅客連旅遊巴被山泥沖落大海, 全車失蹤, 呢件事令我對蘇花公路心存餘悸, 但台灣朋友話呢處風景優美, 係由花蓮至宜蘭必經之路, 由此去宜蘭, 都要揸車三個多鐘。

事實上真係美景一幅一幅在公路旁出現, 真係睇到我如癡如醉。

睇相啦! 太靚喇!
推介項目: 沿途美麗風景
參觀時段: 下午
評分: 值得去5  
休息站好多人在買便當充飢
休息站好多人在買便當充飢
休息站門口
休息站門口
好辣雪糕, 有幾種生果味揀添
好辣雪糕, 有幾種生果味揀添
咖啡辣味雪糕
咖啡辣味雪糕
朱古力辣味雪糕
朱古力辣味雪糕
好食嘅茶葉蛋
好食嘅茶葉蛋
仲有其他辣味雪糕
仲有其他辣味雪糕


台灣朋友已經揸咗兩個多鐘車, 係時候休息一吓, 去吓洗手間, 就喺公路旁的休息站停車。

休息站又係有好多手信賣, 最吸引嘅係辣椒雪糕, 當然買嚟試吓啦, 要醒醒神麻, 坐車坐到呆呆地。

嘩! 好辣呀! 當堂醒晒, 辣完一陣, 就有番少少甜味, 但辣味依然濃烈過甜味。

另一好食係茶葉蛋, NT10/隻, 好入味。

呢間休息站最有親切感係主持人/老闆係識講廣東話, 因為佢哋係新加坡華僑。
推介項目: 辣椒雪糕, 茶葉蛋
參觀時段: 下午
入場價錢: 每人40新台幣
評分: 值得去5  
檔口開檔不久
檔口開檔不久
皮搓得好薄, 但又唔流料
皮搓得好薄, 但又唔流料
炸蔥餅
炸蔥餅
有加蛋或加蚵仔嘅蔥餅
有加蛋或加蚵仔嘅蔥餅
充滿蔥香
充滿蔥香
羅東夜市都好大
羅東夜市都好大
羅東夜市另一角
羅東夜市另一角
夜市係羅東公園周圍
夜市係羅東公園周圍


成3:30pm至到羅東公園, 台灣朋友話去食三星蔥餅, 喺呢處出名之作。

羅東夜市啱啱開檔, 三星蔥餅檔口剛剛做起幾個餅, 我哋馬上買嚟試, 熱辣辣, 蔥味香, 餅皮脆, 帶出少少肉香味, 正啊!
推介項目: 三星蔥餅
參觀時段: 下午
入場價錢: 每人35新台幣
評分: 值得去5  
巧味, 心涼 笑臉2012-10-05
芒果牛奶冰 NT100, 芒果超甜
芒果牛奶冰 NT100, 芒果超甜
黑糖芒果, NT100
黑糖芒果, NT100
黑糖紅豆芋圓 NT65
黑糖紅豆芋圓 NT65
店內狀況
店內狀況
價錢牌
價錢牌


食完三星蔥餅, 熱到死, 搵地方涼吓好, 即入冰庫啦! - 巧味冰庫。

叫咗芒果牛奶雪花 NT100, 黑糖紅豆芋圓雪花 NT65, 黑糖芒果雪花 NT100 消暑解熱, 同我哋香港嘅棉棉冰一樣, 好食唔太甜。
每人消費: 約100新台幣
評分: 味道5   服務4   環境4   衛生4   抵食4
真係爭d miss 咗個門口, 好舊囉!
真係爭d miss 咗個門口, 好舊囉!
唔係呢個招牌都搵唔到目的地
唔係呢個招牌都搵唔到目的地
全館最靚嘅位置 - 服務台, 後面係有部舊電視嘅大廳, 又唔開燈, 黑嗎嗎
全館最靚嘅位置 - 服務台, 後面係有部舊電視嘅大廳, 又唔開燈, 黑嗎嗎
要經過此天井位上樓梯, 先至上到房間
要經過此天井位上樓梯, 先至上到房間
有個logo嘅位置, 就係我哋住嘅3人房
有個logo嘅位置, 就係我哋住嘅3人房
1張4呎半床+1張3呎床, 最靚係張床, d床單同被單係新嘅
1張4呎半床+1張3呎床, 最靚係張床, d床單同被單係新嘅
房間好細, 一眼睇晒
房間好細, 一眼睇晒
廁所係最唔開胃, 唔係佢污糟, 而係好舊, d燈又唔夠光, 熱水爐好古老, 但水力強勁
廁所係最唔開胃, 唔係佢污糟, 而係好舊, d燈又唔夠光, 熱水爐好古老, 但水力強勁



喺花蓮嘅英雄館唔錯,平靚正,台灣朋友亦幫我哋訂埋宜蘭嘅英雄館,地點適中價又平,點知......

唔怪得英雄館嘅網站浄係睇唔到宜蘭嘅英雄舘相片啦!原來係咁........

我哋係住3人房, 一定要台灣朋友幫我哋check in; 房間好細, 有1張4呎半床+1張3呎床, 整間房最似樣係床單同枕被, 應該係新嘅,其餘都可以用一個字嚟形容 -「舊 」囉.........

雖然係好平,但港童已黑晒面,宜蘭英雄館真係要裝修喇,停留在60年代時期,而且更令港童最唔鍾意係冇得上網,大堂連都冇電腦,真係好似返咗40年前啊!





每晚價錢: 1000新台幣 (三人房)
評分: 設備2   服務2   環境1   衛生2   抵住5
日頭的宜蘭火車站, 好有懷舊feel
日頭的宜蘭火車站, 好有懷舊feel
夜晚的宜蘭火車站
夜晚的宜蘭火車站
宜蘭火車站後門, 由此路過對面馬路一直走, 就係宜蘭轉運站
宜蘭火車站後門, 由此路過對面馬路一直走, 就係宜蘭轉運站


朋友載到我哋嚟宜蘭火車站, 就同我哋分手回台北, 他要明天上班, 但最後都因為回台北公路塞車令朋友要原本45分鐘車程, 要攪到兩個多鐘先返到屋企, 真的萬意分歉意, 亦同時感激佢呢10日嘅安排, 一路揸車帶我哋遊覽各景點/地方, 令我亦慳咗租車費, 真係非常多謝佢。

朋友離開後, 先找找客運站喺邊處, 問人後, 原來响火車站後面, 要向票務員攞月台通行証, 通過月台, 方可行至轉運站, 上上落落月台, 好似好麻煩, 原來本身住宿亦都好近轉運站, 不用兜路由火車站去客運站。

我哋亦在火車站逗留咗半個鐘, 主要係站內有free wifi, 而且仲上網好快添!
參觀時段: 晚間
評分: 值得去4  
個場唔差架, 好光猛同舒服
個場唔差架, 好光猛同舒服
d ling 好掂喎
d ling 好掂喎
價錢平到震
價錢平到震


為咗要安撫番港童唔like今晚住宿, 答應同佢打保齡

超扺打, NT175/5局, 唔洗租鞋錢, 如要襪另加NT20, 嘩! 好扺打呀!

咁就令港童開心番



參觀時段: 晚間
入場價錢: 每人175新台幣
評分: 值得去5  
夜市喺天橋底
夜市喺天橋底
橋底同兩旁小路都屬於夜市範圍
橋底同兩旁小路都屬於夜市範圍
都係嗰D小吃, 不過平D
都係嗰D小吃, 不過平D
我哋冇係度開餐
我哋冇係度開餐
大部份都係本地人幫襯
大部份都係本地人幫襯


打完保齡球, 都8:00PM, 要食晚飯, 向前行兩個街口, 就係宜蘭觀光夜市, 又夜市, 唔好喇!


係咁咦睇吓周圍狀況, 就離開了, 我已經喺台灣行咗七個夜市, 有D厭了!
參觀時段: 晚間
評分: 值得去4  
先購票點菜, 店員會送上火鍋
先購票點菜, 店員會送上火鍋
初時只得兩枱人
初時只得兩枱人
和風燒汁豬排鍋 NT159
和風燒汁豬排鍋 NT159
三杯雞鍋 NT149
三杯雞鍋 NT149
韓式牛肉鍋 NT149
韓式牛肉鍋 NT149


呢間鍋加鍋係集團特許經營店模式, 全台灣都有分店, 所以出品唔會太差, 但又唔係話至好, 可以讚吓嘅!

和風燒汁豬排鍋 NT159, 豬排當然冇得同勝博殿比啦! 爭成半價錢, 但唔差, 個豬排算炸得脆, 起碼冇油益味啦!

三杯雞鍋 NT149, 最好味係佢, 台灣風味麻!

韓式牛肉鍋 NT149, 牛肉入得口, 算唔太多鬆肉粉囉!

以上三個燒鍋再附一個湯火鍋, 裡面以蔬菜為主, 白飯同飲品冇限供應, 真係算平靚正之選呢!
每人消費: 約149新台幣 (晚餐)
評分: 味道4   服務4   環境4   衛生4   抵食5
  0 個留言    |  加入你的留言
此遊記的留言
加入留言
如要加入留言, 請先登入