這天與友人相約了來廣州香格里拉的妙趣咖啡廳吃lunch buffet.

先喝了一碗冬瓜燉瑶柱瘦肉湯. 很清甜也很足料, 之後我還多喝了一碗.

接著是冷盤. 辣螺肉味道調得很好, 少少辣, 螺肉又爽脆彈牙. 帶子杯則根本無味, 完全不明白. 那兩隻海螺也沒甚麽鮮味, 而且肉質又韧. 凍蟹鉗則很鮮甜, 蝦亦都不錯.

然後繼續是冷盤. 煙三文魚和杧果蟹肉沙律都好味.

再之後是沒拍照的白灼海鮮碟. 都是海螺, 青口, 蝦之類, 不難吃也不突出. 燒味也OK.

點心不是我要的, 不知味道如何.

跟著就到我最愛的甜品了! 我吃了綠茶雪糕, 綠茶慕絲蛋糕, 朱古力慕絲, 杧果慕絲等等. 每樣賣相精緻又好味, 綠茶雪糕雖然不及Haagen-Dazs的香濃, 但已經令我這個綠茶癡很満足了.

總括來說這裏的食物質素不錯, 可惜種類太少了, 尤其是熱葷類. 我幾乎沒吃過甚麽熱食下肚, 因為找不到自己喜歡的. 魚生生蠔等都沒有, 壽司則只有數款(不過看來這應是午餐的原因, 我看過吃dinner的人的食評, 食物比lunch時段多得多, 還有鵝肝龍蝦等較貴價的食物). 飲品只得咖啡和茶可以免費任飲, 其他都要收費. 以188RMB加一一位的價格來說在廣州幷不算便宜, 那是否可以增加多些食物種類, 讓人有多些選擇?

論環境這裏則很清静舒服, 人客也不多, 不錯. 服務也很細心. 只不過下次如果要再去的話, 看來還是付288RMB吃dinner比較化算點.

去到富良野，就當然要食著名嘅咖哩蛋包飯，當地約有20間提供「富良野咖哩蛋包飯」嘅店舖，佢哋更組成咖哩蛋包飯愛好會『FURANO KARENJAZU』，各間店舖均以當地產嘅米，雞蛋，起司(奶油)，蔬菜，肉，葡萄酒，及富良野濃醇嘅牛奶製成各種風味嘅咖哩蛋包飯。而佢哋提供嘅「富良野咖哩蛋包飯」係有6大規條：
1.      用富良野產的稻米，煮出飽滿米飯
2.      使用當地出產的大西養雞場雞蛋，蛋黃堅實；蛋包飯上碟時須在蛋上插上招牌小旗。
3.      使用富良野芝士工房出品的芝士及葡萄酒工場的葡萄酒。
4.      使用富良野蔬果、肉類及”福神漬”(山部漬物屋)。
5.      進膳時以富良野牛奶作餐飲。
6.      價錢約¥1000或以下。

睇介紹去咗其中一間試，佢嘅特色係用鐵板上，我哋咁啱坐正响前面，可以睇住師傅整，佢雙手真係好快冇停過，全部都係佢一個人整晒~

叫咗豚肉咖哩蛋包飯餐(1000yen) (上面真係有旗仔喎)
另外叫咗個ふわふわ男爵玉(850yen)
同埋一杯啤酒(500yen)

試過渚亭個自助晚餐咁正，今日個自助早餐又點會令人失望呢！
冇錯，我一個人食咁多之餘仲要食3個包，自己都覺得真係好變態~

之前响網上睇到佢房間有獨立私人露天溫泉，住一晚連自助晚餐+早餐要30900yen一晚(約HKD2300) ，都真係幾貴，不過住完就覺得呢HKD2300係物有所值，甚至係好抵嘅呢~

我哋未行到去酒店，已經有人行埋嚟幫我哋拉行李，問我哋係咪住渚亭，行到去大門就有一位女仕出嚟接待我哋，而門口就企咗幾個人歡迎入住嘅遊客，入到大堂，個女仕就帶我哋坐低，俾咗個menu我哋選Welcome drink，唔使2分鐘杯野飲就嚟到，跟住個女仕就拎咗部notebook過嚟坐低，完來係幫我哋做check-in手續呀，我哋都未試過check-in係咁爽嘅。搞掂之後，另一位女仕幫我哋用車仔推行李，帶埋我哋上房，仲幫我哋開埋門呢.....真係好服務到呢~

初頭仲以為係普通野，食完就知渚亭嘅自助晚餐，正爆指數有......... 簡直爆晒燈！

真係超正，剌身新鮮到不得了，就連自助餐好少人會去食嘅飯，我都唔放過，因為...撈埋啲咖哩食真係好好味呀！

就算俾幾百蚊出嚟响香港啲酒店食，都食唔返呢度嘅水準!!!!!!!

櫻桂係向函館朝市橫丁市場入面，店內有個"推店"標誌，係由函館朝市連合會推薦出嚟嘅信心保證。

點咗2個三色丼：
-   海膽+帶子+三文魚(1700yen)
-   海膽+帶子+三文魚籽(1700yen)

非常新鮮嘅刺身鋪滿成個碗，但個碗比我哋想像中細，至於味道方面，當然係超正啦，海膽鮮甜三文魚籽唔腥，撈飯一流，帶子亦一樣大大粒好鮮甜，而三文魚就同平時香港食嗰啲有小小唔同，唔識形容，總之就正啦！不過唔知點解佢哋係用暖嘅飯嚟整嘅~

夜晚九點幾仲未收門，就即刻入去醫肚喇，叫咗一碗牛油味噌湯拉麵(900yen)、味噌湯拉麵(700yen)同埋餃子(280yen)，我覺得呢度個湯底冇咁濃，但易入口啲冇咁滯，又係滿足嘅一餐

北菓樓係一間好出名嘅蛋糕專賣店，最具代表嘅係「妖 精の森」，即是樹輪蛋糕，入面有得免費試吃架，而我哋就買咗件冇得試食嘅甜品食，又係勁好味嘅~

見到有間人頭湧湧，行到去完來係排隊買即開燒牛油帶子呀，100yen就有一隻真係邊度搵到吖，大家認住佢喇，叫"鱗"，必食之一呀~~~

佢燒完會幫你剪埋一粒粒方便食。真係好鮮甜架！
依家諗返好後悔當時只係食咗3隻，實在太少喇

唔多講喇，向日本食壽司又點會唔新鮮唔好食吖，不過政壽司係老舖壽司屋，1924年創業，係小樽眾多壽司店最具歷史的一間，所以就嚟試下