沿廟社走到盡頭便是「Canal city hakata」這商場四通八達大得驚人、商店很多元化、而且還發現剛才食店「定食屋百葉旬」如有腳力可以遊走一整天


講回 Canal city hakata其實大品牌也有,亦有香港人認識「一蘭拉麵」就在地下077舖

不過今天還是直踩五樓大名鼎鼎的拉麵競技場,圍數約有十間、
 困獸鬥般競爭,但就沒有拉客場面可真有禮,有禮之餘也令我們繞了幾圈也未有心水,唯有看一間較多人碰碰運數,當然亦是採自動販賣機購票方式,投入金錢換取票子是常識吧、
 

又或者上一些較大公司購買, 最終朋友代買,四張中只有我張不能用、是卡問題又或自己手機有事?再不作理會,全程貼著家中要員,開着Share制式共用便是

寄行李亦非常快手,好天好心情、第一次坐廉航,朋友上網訂,感覺機艙較窄,但不知何解起飛和回程也比一般航機上升快,即在停機坪等候一會便可起飛,全程2小時50分錯yeah!

首先要在機上買張「JR Kyushu rail pass」袋好收條,原因落地要對換「火車証」

步出福岡機場接下來便是在門外找乘免費巴士,
往國內鐵路站有中文顯示所以理應不會上錯車,車程約需時十分鐘左右


落車進入鐵路,首要便是買下車票,錢一入票一出、便往月台進發,
往博多站只需兩、三個站非常方便

換票處在「博多站」便有兩個辨理地方,一大一小、記得去大的一間,細的只幫理日本人,旅客通不受理
  圖中所見這間便是大JR Pass換票地方
朋友網上訂了東橫inn, 聽聞在國內還有很多分店,網上訂房不需按金、
而且入會日後 還有折扣,所以我們都在入住時同一入會「會費1500¥」(原因中途有一天我們會離開酒店到
溫泉旅館,變成折返後再入住可有折扣(免費入會)

東橫inn距離博多站5-6分鐘路程很方便,多謝朋友建議

有多款新鮮明水果、英式包點、乳酪芝士、麥皮乾果和煎蛋的豐富早餐。
全部由屋主太太Angela準備的。
而且美麗的餐具和室內雅緻的布置，加上市內景觀也可大飽眼福。 

剛打算離開Christchurch前往遠途的Mount Cook，開車約廿分鐘之後，被我發現了好大個Knitworks的屋頂，駛入去見到一大群被飼養的草泥馬／羊駝（Alpaca），牠們的樣子真的好可愛，不禁要叫老公泊好車行逛一會。

看見可愛的動物，興奮是興奮，但要小心不要觸碰到電欄，冷靜的老公這樣提醒我。「好吧！請繼續幫我拍照（笑）」

店內第一眼吸引著我的是給嬰兒小孩穿著的毛毛小靴，真是非常可愛。可是我當時未有小孩，買給朋友們的小孩作手信啦～　羊毛冷織小靴（12-18個月）NZD21.95、羊皮小靴（2-3歲）NZD49.95。

之後就繼續手信給家人--

以綿羊（Merino）及草泥馬（Alpaca）織物較昂貴，買給媽媽的貂鼠毛裝飾綿羊毛開胸外套約港幣$1800（Merino Possum Jacket NZD309.95）。給爸爸的綿羊毛長袖保暖柔軟不黏膚（Special Mens Merino LS NZD 59.95）。草泥馬編成的毛氈非常漂亮又有格調買給弟弟及弟婦（Alpaca Throw NZD239.95）。黑、白色羊毛長褲各一條給家姐和自己（Zenza Long Pant 各NDZ64.95）。最後揀了柔軟的白色羊皮毛毛地氈給我們的睡房（NZD89.9）。

一路駛往Mount Cook之前的公路，就是會繞著閃爍著宛如淺藍寶石光芒的特卡波湖Lake Tekepo。湖之大令你看不見整個湖的邊際。一路上不時有景觀牌指示我們，只要將車泊在觀景的避車處就可以欣賞一下特卡波湖的壯麗和藍光。
駛到青年旅舍旁的草地，可以晀望鄰近的古老教堂Church of the Good Shepherd。以及紫色、藍色、粉紅色的魯冰花。

雪山景觀的The Hermitage Aoraki Mount Cook赫米蒂奇酒店

入酒店的路向右邊望是很大很大座的雪山Mount Cook庫克山，我真的感受到山之雄偉氣魄，車外的溫度降至4度左右，較低窗往外吸一口是清涼的雪氣。要在天黑前趕入酒店。
沒有預訂當地的晚餐，帶著下午餘下的薄餅，和預早已準備好可以用熱水攪掂的杯麵、杯湯等。心裡只期待著夜間觀星。

我們的Package包括了夜間觀星Big Sky Star Gazing，可惜天功不造美，我們聽了一個小時的導賞和影片之後，因為多雲有雨，最終都不能出發觀星。記得開車到達酒店的時候也彌漫著厚雲。票是可以refund的。酒店建議我們可以多留一夜，明晚再試試

心有不甘!! 我決定指揮我的司機即是我老公駛車出去，點都要出去望吓個天先甘心。
於是在下著薄雪的零度之下，我們駛車到離開酒店附近一條小路的旁。開車時已感受到周圍的漆黑~~只自到車燈和對頭車的燈。

找了個位置停車，一下車熄車熄燈仰頭望天，真的是滿天星星，遼闊到有點心寒~~ 平日在香港可以看到比較強的星光從而分辦到是什麼星，但今次在Mount Cook The Hermitage酒店旁望向星空，真的太多，多到分辨不清是什麼星座什麼星。在討論會不會見到UFO之類時，我再逐個位置細看眼前的大片星空，都沒有動象。看了約十多分鐘之後，我和老公在眾多星星群中一起看到兩點以均速移動的星星，我們斷定不會是飛機，因為沒有閃吓閃吓的燈光。又好像距離其他星星這般亡遠的感覺。看了約三秒的時間，又好像在雲層中消失了。





 

我們遇到的是一位Nice Vineyard & Wine cellar keeper!當日非營業日，亦在忙一些小裝修工程，卻批准我們到葡萄園內逛逛。之後，應我們的需要喜好，給我們試酒。
最後我們買了數瓶：
Torlesse Cassis Liqueur Alc. 18 豐郁的黑加侖子味道，可作甜酒或調配甜蜜享用，如加上雪糕伴以泡冰或有氣酒。
Torlesse Gewurztraminer Waipara 2011 Alc. 14.5 淡淡清香花味，女性化的白餐酒，配鴿、雞等家禽類菜式一流，清新果香的烹調方法為佳。

另外再買了一支紅莓白酒醋。

共NZ$63.5 

離開酒莊與Christchurch酒店的車程約一小時，在途中當然要歇歇腳，吃一點東西唊幾口咖啡。在距離酒莊到Cafe只有17分鐘的理想車程，就可以享受下午茶令我們抖出精神來。

Cafe路邊就可以停車非常方便。

餐廳是以自助購票的形式去點菜，服務員再端上食物。

我們大概order了以下食品：
忌廉蘑菇湯配多士 $12.50、生蠔一打……
用匙羹盛載著每一隻生蠔，one mouth one oyster，非常方便，配有兩片多士。
忌廉蘑菇湯Creamy幾大碗
飲品忘記了！
 

位處基督城市內半山，以豪華的英式庭園風格設計的兩層式大宅建築，充滿屋主及其夫人藝術心思，有種遠離市內煩囂之感。我深被屋內的花樣布置及豪華整潔裝潢吸引。雖然是Bed & Breakfast，但是房間、浴室比起酒店的相約，而且布置和裝飾充滿家居柔暖的感覺，房間地毯和浴室地版均接駁上暖管，即使再冷也不用擔心。

我們住在位處地下的Garden Room房間，緊接窗外花香鳥語的庭園，有種的被受保護與獨享浪漫的感覺！屋主給我們準備了兩件蛋糕、多款零食、伯爵茶等作茶點，非常貼心，好讓我們在外出晚飯前休息一陣子。

要注意一點就是位處B&B外泊車的位置頗狹窄，而且一路往山上駒進，路較斜而且轉向Dyers House的路口較急，駕車人士要留意。

在2011年受6.3級地震影響的基督城，駕車落山開到沿海的重建區Sumner，最深刻的是沿海的長闊海堤，以防海浪泊岸，看似是為舒緩地震觸發的海嘯而泊岸的防波堤。

餐廳位處的區域不算繁華，卻有不少特定的小商店，而且是當地年輕人的一個泡點之一。
我們在昏暗的燭光下，靜靜地享受當天最好的一個景點The Cornershop Bistro。

點了口感圓渾且濃郁的紅酒Shiraz（Glass Coriole Shiraz NZ$11.5）
配襯重水味的烤羊肩，伴以意大利飯，好飽肚。（Lamb Ragout NZ$34.5 ）
另外再點了芝士海鮮大蝦意大利餛飩（Pasta NZ$26.5）

姨媽所揀選o既機票連酒店套餐每位五千多，包咗「長榮航空」來回台灣經濟客位機票，及「台北寒舍艾美酒店」三晚房間。

長榮航空經濟艙位同其他航空公司感覺冇乜大分別，洗手間o既衛生度都係差不多，只可以話係屬正常，空中小姐o既態度則不甚友善，誠懇欠奉。

BR852航班朝早十一點三離開香港，下午一時抵達台北桃園機場，包有午餐一份。午餐人人一樣，都係食「茄汁魚柳飯」，加一杯水、咖啡或茶、及燕麥爆米花一包。如相所示，「茄汁魚柳飯」外觀並不吸引，飯粒過硬，茄汁魚柳又酸又嚡，西蘭花同紅蘿蔔片淡而無味，萬聖節都過咗啦，唔洗咁恐怖掛！

 

去台灣旅遊，如果唔食過小籠包個心一定會唔安樂，但係要光顧幾間名店或老字號都必定要排隊，坐得又唔係話特別舒服，所以今次台北一行，決意一試超閃旅遊書推介o既「金品茶語」。

有司機哥哥黎機場接機，我地不需費神，坐車直達，不過食店喺四周均有廣告及指示牌，地方一啲都唔難搵。

兩層高o既「金品茶語」地下為商店，售賣多款茶葉及茶具，送禮自用都適合。一樓o既餐廳全為合併式o既方形散座，簡潔舒適，人多人少喺度嘆茶都一樣咁自在。

橙黃色o既餐牌不但有多款小食菜餚，茶品款式都一樣咁豐富，凍飲、熱飲齊備，紅、綠、奶茶，應有盡有，就連時尚o既茶味雞尾酒都有得飲，果真係令XO仔眼界大開！始終自己及同行o既長輩對茶應知唔深，結果都係等年輕友善o既哥哥仔介紹，先叫咗壺「貴妃美人茶」，一邊呷茶，一邊食點心同湯麵。

1)      皮蛋豆腐（NT60）：白雪雪o既豆腐嫩滑非常，半流心o既皮蛋亦好夠溏心，一淡一濃可真為絕配。

2)      小籠包（NT 120/六隻）：熱辣辣o既小籠包皮薄餡軟嫩，睇相可能會覺得唔係好夠湯，不過食落就知湯足且清甜，毫不溜滯，食落好健康，每人一粒真係唔多夠喉。

3)      蟹黃湯包（NT 175/六隻）：淨睇相真係未必分得出，不過蟹黃湯包其實即係多咗蟹黃味o既小籠包，同樣係皮薄餡靚，一行六人都覺得蟹黃湯包更為鮮美香濃，故亦選此為追加點心。

4)      紅燒牛肉麵（NT 180）：碗中o既牛肉全部都係牛展，每片都好軟腍，麵條則軟滑易入口，加上湯底少辣惹味，極之討好。

5)      菜肉雲吞麵（NT 160）：相比起下，碗菜肉雲吞麵味道就較為清淡，幸好菜肉雲吞皮光肉滑，唔夠味可以簡單撈入紅燒牛肉麵o既湯自行加以調味。

「金品茶語」環境幽靜舒適，個人覺得地方好坐過市內其他名牌小籠包店多多聲。此外，服務生友善客套，點心及麵品不含味精，健康美味，價廉物美，真係好多謝旅遊書咁好介紹！

姨媽所揀o既「台北寒舍艾美酒店」屬五星級酒店，六人抵達酒店門前，於大大o既停車場落車，步入樓底極高o既大堂，已感氣派十足。

大堂o既地磚及牆身大多都用上雲石鋪設，中間夾雜咗鏡子令視覺上更為光猛寬敞，四周可見趣緻o既藝術品及彩色吊燈裝飾，華麗中不失時代感。

我地六個人入住三間雙人房，小肥同媽咪一組。每間房都有兩張大牀，四杯Nespresso咖啡，冷氣足，而且所有野都好電子化，就連廁所都用上日式暖椅款式，可真係超豪華！洗手間與房間以透明玻璃窗分隔，真係夠哂新潮。大大o既浴室除咗有個靚座廁之外，客人仲可選擇淋浴或浸於大缸內享受香薰浴添，大家都好滿意！

出咗名愛飲好食o既堂細佬近年因工作關係已遷往台北居住，去到新環境，其飲食習慣都係差唔多，一樣愛到處覓食，其中「STAY by Yannick Alléno」就係一家令佢常掛喺口邊o既西餐廳。

「STAY」o既裝修極富時代感，大堂小廳內o既散座都用上厚墊梳化櫈，故仍不失高雅舒適。現今食肆都潮興有個開放式廚房，「STAY」都唔例外，不過就只係搬咗個色彩繽紛o既甜品創作空間出黎，成個科學實驗室咁，都幾得意。

步入門前一刻已留意到門外o既廣告牌正推廣緊兩款白松露宴，埋位細看餐牌就明白兩者有何區別。「珍饌盛選」為六道菜，主菜為松露意粉，包有四克白松露，價錢為NT 2,988 + 10%；「極上盛選」則有七道菜，另加多咗一味波菜帶子，主菜為牛膝，包有十克白松露，價錢為NT 9,800 + 10%。XO仔身為松露迷一名，對松露意粉更加係情有獨中，故唔洗多諗即決定要一嚐前者o既六道菜「珍饌盛選」松露宴。

食西餐時家人都總愛飲番兩杯，當晚就開咗枝香檳配佳餚。由於六人所點選o既菜式數目及項目都有所不同，單憑溫婉o既服務生呈上食物o既次序，已睇得出廚房對西餐禮儀都甚為講究，各部門互相都好有默契。

1)      麵包籃：籃中合共有三款麵包，每三人一籃，即每人有三件。為怕引起食物過敏反應，小肥出門時都會盡量揀食自己知道屬安全o既白麵包及牛角包；暖手o既白麵包極之鬆脆，牛角包亦香軟非常。

2)      主廚精選小點：各人o既晚餐同由三款的骰o既小食作序。最左為「巴馬臣芝士蕃茄」，由兩片又薄又脆o既巴馬臣芝士夾住四方形o既蕃茄啫喱，咸咸酸酸都幾醒胃；個人覺得中間件「三文魚班戟」雖則夠軟熟，不過就好似有少少腥；最右嗰件「鵝肝車厘子」以車厘子包實一小件鵝肝，方便客人可一口過食落肚，概念其實好好，不過如果車厘子可以去埋皮，相信效果會更好。

3)      白松露培根水波蛋：離遠已聞到清幽o既松露香，腦海已唱出「魅力是無法擋，紅唇在為你張。。。」，當真令人精神為之一振。如相所示，雞蛋實屬流心，連同蛋底o既煙肉忌廉醬及麵包脆脆一齊食，入口更覺香脆軟滑，可真謂完美！

4)      白松露南瓜濃湯：南瓜濃湯香滑甜美，濃而不溜，輕輕灑上幾塊白松露薄片已夠芬芳，盡顯簡單美。

5)      白松露細扁麵：形似浸緊松露泡泡浴o既意粉麵條煙韌彈牙，第一口細嚐時很是清香輕巧，不過其松露味越食越濃郁，味蕾上o既精靈彷彿慢慢地被喚醒，極為精彩細膩。

6)      法式精緻小點：甜品小點同開胃小食一樣合共有三款，跟餐茶及咖啡上。先上枱有兩款蛋糕仔，即橙黃色o既「熱情果歌劇院蛋糕」（Passionfruit Opera Cake）及深啡色o既「朱古力撻」。「熱情果歌劇院蛋糕」清涼微甜，「朱古力撻」則香脆醇濃，雖說兩者無論喺顏色、口感定味道上都好大o既對比，食落卻又能互相輝映，妙哉！接著妹妹仔就小心翼翼地呈上一條上面插有多枝波板糖o既大擀麵棍。原來波板糖全為棉花糖，分別為黃色o既菠蘿味、橙黃色o既熱情果味及深紅色o既紅梅味；每條同為甜中帶酸，都幾消滯吓。

7)      白松露巧克力焦糖卷：以金箔及松露點綴o既兩條朱古力卷外層脆卜卜，內裡o既朱古力焦糖餡心則柔滑清甜，足以帶出淡薄o既松露香，甜而不膩，剛好為松露宴劃上一個完美o既句號。

感激堂細老o既精心推介，XO仔得以於訪台首晚親臨又潮又高級o既「STAY by Yannick Alléno」，享用咗一頓豐盛美味o既白松露美饌。幾位姨媽表妹對餐店美觀高質o既菜式讚口不絕之餘，大家更於過去幾個月介紹咗不少往台北旅遊o既親友幫襯，個個食完仲要有讚冇彈，真係好難得！

炳翰蔘粉教總壇！冰凍硬地板，您估塌塌米咩！十個麻甩佬迫埋一間房仔，鼻寒聲此起彼落，條毛咩！底衫褲掛滿走廊！公眾廁所、公眾浴室，排隊沖涼、去廁所！阿叔阿伯教徒個個唔鎖門，連屎都唔鎖，嘔心！早餐蕃薯粥？您地食埋我份！


唱教歌、講教條、著教衫、帶教吊墜、大于神壇，教徒們都係弟兄姊妹爸爸媽媽！對左一整日，發現大部份教徒都係教育水平低、知識水平低既阿叔阿伯、阿嬸阿婆、師拉老坑，滿口鄉音！怪誕、異常，非常有問題！


用平價五日四夜台南旅遊觀光包食包住包來回機票 $2600 為誘餌，一上賊船隨時一失足成千古恨！教徒們對我不停游說、圍攻、連擊，奈何我壇數極高，根本唔係我對手！我當然速速強硬地逃離現場自掏荷包 HKD3300 買機票飛返香港啦！


回程其間繼續上網查資料，發現該蔘粉係香港層被衛生處回收及消費者委員會投訴，含超標農藥、含致癌物質、不純正蔘粉、混入芋頭粉或蓮藕粉詐騙、等等！詳情見 TVB 新聞、星島日報、蘋果日報、親子王國自由講場！教徒們依然樂此不疲、死心不息，展示蔘粉教提供既成份報告、研究報告、用家分享黎反駁，真係省少少啦！


 

隊友們機動力實在太慢、選擇困難症、豫猶不決，我有點受不了，都係算啦，無緊要。發現新奇食品，蚵仔包 ﹗我好想試呢，決定買幾個到隔離舖頭坐住食。團長推介過魚湯超好味，我當然要試試啦 ﹗可以揀魚頭、魚片或魚腩呢。過魚咩黎架？台灣原名為鮢過魚，香港名為深海大龍躉，舖頭牆上面貼住晒資料啦 ﹗