奧志雷
我是奧志雷。
留言  留言給此旅遊家
  遊記數目 17
  上載相片 128
  上載影片 0
最近分享過的旅程
3 星期美國 Tucson Arizona 持久戰 ﹗
國家/地點: 美國
旅程日期: 2016-01-25 至 2016-02-16
炳翰蔘粉教總壇大逃脫!
國家/地點: 台灣
旅程日期: 2016-05-12 至 2016-05-16
共找到 17 篇遊記, 正顯示第 1 至 10 篇遊記
3 星期美國 Tucson Arizona 持久戰 ﹗ (美國)
(旅程日期: 2016-01-25 至 2016-02-16 ,  旅程性質: 飲食購物, 商務公幹)
 整個旅程  (共13篇遊記)
 分享至Facebook 
發表日期: 2016-08-17
轉左新酒店的第一個日出。間間酒店都係差不多,早早都返工又無假放,無 mood。早餐都係自備合味道最安全,鬼佬無味炒老蛋、勁咸腸仔、勁咸餐肉、勁咸煙肉,夠喇。
 
都係我個搭飛機由香港黎既合味道杯麵最好食,香噴噴 ﹗吸引四周羡慕既眼光啦。韓國雞肉粉絲杯麵,日日合味道都有少少悶,新嘗試。湯底濃濃雞肉味,粉絲勁爽滑,食得下喎。

每晚價錢: 150美元 (雙人房)
評分: 設備3   服務2   環境3   衛生2   抵住2
  0 個留言    |  加入你的留言
3 星期美國 Tucson Arizona 持久戰 ﹗ (美國)
(旅程日期: 2016-01-25 至 2016-02-16 ,  旅程性質: 飲食購物, 商務公幹)
 整個旅程  (共13篇遊記)
 分享至Facebook 
發表日期: 2016-08-17
印尼牛肉串燒雜錦
印尼牛肉串燒雜錦
印尼牛肉串燒雜錦
印尼牛肉串燒雜錦
Beef kabab 土耳其卷
Beef kabab 土耳其卷
Beef kabab 土耳其卷
Beef kabab 土耳其卷
印尼牛肉串燒雜錦,其實都幫襯左好幾年,依間印尼炒麵炒飯一向都廣愛大眾歡迎,次次都排龍。其實係因為香口串燒,唔係炒麵炒飯或係雜菜卷囉。
 
印尼牛肉串燒雜錦,雞肉串燒係最受歡迎,又賣晒喇 ﹗要等十幾廿十分鐘?我已排左十五分鐘,是但比牛肉我啦。依個雜錦都幾有趣,炒麵併炒飯併炸雜菜卷併串燒。
 
甜醬油強烈的印尼炒麵,椰菜勁多而麵得幾條,我要滾上大量辣椒醬先覺得滿意呢。炸雜菜卷即齋卷,炸得尚可,香脆外皮包著甜美雜菜,每口都充滿水份,連我依個食肉獸都覺得唔錯喎。但係炒飯濕淋淋,幾乎食唔到有配料或肉碎,味道又寡又單調,放棄。牛肉串燒,肉味濃又惹味香口,味道真係滿意,但又乾又硬又鞋,少點牙力都對付唔到佢呢。
 
希臘菜我真係非常好奇,到底有咩食架呢?什麼味道架呢?睇到西班牙海鮮炒飯好想試呢,但炒定都唔夠新鮮,都係忘記罷啦。好懷念廿幾歲時跟細舅父係英國時食既 kabab,就試您啦 ﹗
 
Beef kabab 土耳其卷,係咁架咩?改良左為美式土耳其卷?牛肉乾爭爭又無味,微暖。雜菜沙律有少少藍芝士醬,凍粟米粉薄餅又硬又乾又韌,救命 ﹗
 

每人消費: 約15美元 (午餐)
評分: 味道2   服務2   環境2   衛生2   抵食2
  0 個留言    |  加入你的留言
3 星期美國 Tucson Arizona 持久戰 ﹗ (美國)
(旅程日期: 2016-01-25 至 2016-02-16 ,  旅程性質: 飲食購物, 商務公幹)
 整個旅程  (共13篇遊記)
 分享至Facebook 
發表日期: 2016-08-17
太陽雹呀 ﹗ ok喇2016-08-17
勁凍!勁多風 ﹗居然半邊出太陽、半邊落雹,痴左線咩!凍死我喇!太陽雹呀 ﹗
評分: 值得去2  
  0 個留言    |  加入你的留言
3 星期美國 Tucson Arizona 持久戰 ﹗ (美國)
(旅程日期: 2016-01-25 至 2016-02-16 ,  旅程性質: 飲食購物, 商務公幹)
 整個旅程  (共13篇遊記)
 分享至Facebook 
發表日期: 2016-08-17
芥菜咸蛋肉片湯
芥菜咸蛋肉片湯
蕃茄炒蛋
蕃茄炒蛋
粟米忌廉湯
粟米忌廉湯
椒鹽中蝦
椒鹽中蝦
芋頭煲
芋頭煲
茄子煲
茄子煲
白切雞
白切雞
脆皮燒肉
脆皮燒肉
芥菜咸蛋肉片湯,簡單又好味既例湯,個個搶住飲 ﹗美個芥菜特別大棵,葉雖然較粗糙又帶甘苦味道,但莖部多汁無渣泛著菜甜味呢 ﹗湯汁散發著濃濃咸蛋夾雜肉香味道,正啊 ﹗其實我唔想飲紅酒架,只係想快快返酒店瞓覺,由朝企到晚,睏那屎我喇!
 
蕃茄炒蛋,極愛歡迎既一道菜,大量鮮茄汁撈飯一流,係沙漠地區乾爭爭,撈汁食飯較開胃又較易入口。炒蛋只用鹽調味已十分足夠,滑滑的蛋擁著鮮茄汁坐上白飯衝入口,美味啊 ﹗
麻婆豆腐,別具風格的麻辣滑豆腐,好鬼惹味,堅辣 ﹗食得過癮又興奮,用上青辣椒、花椒調味,辣中帶麻好刺激。肉碎彈彈香口,豆腐棉棉滑溜,兩少羮已令整碗飯消失得無影無蹤。
 
美式香橙雞,席中有美國同事食唔慣太中式既餸菜,都要叫兩味鬼佬唐餐先得。勁炸雞塊撈甜酸橙汁,外層炸得勁脆,夠乾夠硬索汁超了得,而裡面雞肉當然乾爭爭啦。美式生炒骨,跟香橙雞有異曲同功之妙,同樣要炸到乾爭爭、脆卜卜再被汁漿得緊緊,美國人才喜歡 ﹗
 
雜錦炒飯,我一般會稱為雜碎炒飯,不適合我港人口味的呢,濕淋淋無蛋香,碎肉碎菜炒埋一碟。合桃蝦,鬼佬唐餐的變奏,厚厚硬硬炸粉包到雪藏蝦實一實,外面撈個杰撻撻蜜餞汁,甜立立 ﹗我每次都要剝去人造蝦殼,只食裡面既無味蝦肉架乍。
 
回鍋肉,上海香辣椰菜炒五花腩,鑊氣迫人 ﹗惹味帶辣五花腩甘香可口夾住爽脆椰菜撈飯,無可抗拒地爬飯啦 ﹗薑蔥炒走地雞,爆得十分之好味,雖然走地雞沒什麼雞味,亦沒甚麼醃過,但勝在炒得薑蔥豉油香噴噴,雞肉結實有咬口,都食得過。蒜蓉炒油麥菜、油鹽水浸菜芯,清甜爽嫩好好味 ﹗
 
粟米忌廉湯,搞搞新意思,罐頭湯無野好講,都係咁啦。椒鹽中蝦,用青尖椒特喇清香而辣,蝦殼炸得透徹脆卜卜,殼都唔洗剝成隻食夠方便,蝦肉夠甜美,調味雖濃,但可以接受。
 
芋頭煲,唯一可取係滾熱辣、吱吱喳喳、鬼殺咁嘈上檯,一開白煙直噴 ﹗汽泡滾到咕嚕咕嚕地叫,勁有氣氛啊 ﹗已不及當年喇,以家次次都水汪汪,又用普通肉片代替以前既肥豬肉,完全唔香口了 ﹗芋頭只烚兩烚,要炆到變成芋蓉再吸收晒肥豬肉既油香先好食架麻。
 
茄子煲,不如改名為油浸茄子吧 ﹗可能先入為主,次次見到 menu 都以為係魚香茄子囉。茄子皮又鞋又韌,茄肉索盡油份,一咬射油,雙脣立立令、反晒光,好可怕呢 ﹗只食到油味,沒有其他味道。
 
紅燒豆腐,有肉又有菜,似炒雜碎多點。白菜肉、油豆腐、肉片、叉燒、中蝦、雞肉炒埋一碟,入得口。白切雞,完全無味,又乾又鞋真係好嚇人,都係食薑蔥走地雞安全好多。
 
脆皮燒肉,個個見到都出晒心心眼又流晒口水,可以一解思鄉之情 ﹗思香港燒味之情也。 皮脆肉嫩,肉質棉滑又肉汁微肉,咸香引人入勝,淨食或配飯都同樣美味。蜜汁叉燒,不乾不鞋,軟軟腍腍既口感,甜甜的都不錯。

推介菜式: 麻婆豆腐
每人消費: 約20美元 (晚餐)
評分: 味道3   服務3   環境2   衛生2   抵食4
  0 個留言    |  加入你的留言
3 星期美國 Tucson Arizona 持久戰 ﹗ (美國)
(旅程日期: 2016-01-25 至 2016-02-16 ,  旅程性質: 飲食購物, 商務公幹)
 整個旅程  (共13篇遊記)
 分享至Facebook 
發表日期: 2016-08-17
唯一慰藉 ﹗ 笑臉2016-08-17
越南啤酒 33
越南啤酒 33
火車頭生滾牛肉河加底走蔥
火車頭生滾牛肉河加底走蔥
火車頭生滾牛肉河加底走蔥
火車頭生滾牛肉河加底走蔥
越式炒雜菜
越式炒雜菜
好新奇!無車匙、無波棍、無手製,哈哈!差啲唔識揸。仲要有畫面有虛線轉彎導航、後波導航、泊車導航,睇黎好快連軚盤都無埋喇!轉眼到左越南河粉開飯,快快快。

越南啤酒 33,其實沒什麼特別,只是啤酒味濃,甘味較重。越南春卷,自從有次放入口即刻時反胃後,一直都有陰影唔敢再試。因為我食唔到蔥、芫茜、韮黃、芹菜,總之有草青味的都會反胃囉。可能捲左薄荷葉及九層塔既關係。

火車頭生滾牛肉河加底走蔥,其實就算加底都唔夠我飽,要加底再加底先緊緊夠架乍,經過一整天的辛勞,而且 lunch 又無點食過野囉。

除左瘦猛猛帶鞋既生滾牛肉片外,還有較為美味的牛丸、牛柏葉、牛展、牛筋、爽腩,滿意啊。所有生配菜及香料都唔適合我,淨係大量辣椒及青檸就夠喇。香甜濃郁又真材實料既牛骨湯沾上酸辣就更醒腦醒神,食慾大增。

連湯帶河掃入口,美味絕倫,食到停唔到手 ﹗再沾上士拉差辣椒醬使到酸辣味更突出,整碗湯河完全消滅,一滴不漏。越式炒雜菜,越式調味都偏向甜,醬汁非常之味呢 ﹗配上充滿水份的爽嫩時蔬, 都還算可口。

 
推介菜式: 火車頭生滾牛肉河
每人消費: 約20美元 (晚餐)
評分: 味道4   服務3   環境3   衛生3   抵食3
  0 個留言    |  加入你的留言
炳翰蔘粉教總壇大逃脫! (台灣)
(旅程日期: 2016-05-12 至 2016-05-16 ,  旅程性質: 公司旅行, 消閒度假)
 整個旅程  (共4篇遊記)
 分享至Facebook 
發表日期: 2016-05-20
Black Friday!速逃台南蔘粉教,危險!無啦啦跌 $7000!怨有頭債有主!團費 $2600,自己掏銀包港龍即場單程回歸 $3300!另加的士、的士再的士 $1200!浪費我兩日寶貴大假、精神、體力、時間、金錢!
醃青瓜
醃青瓜
醃鮮筍
醃鮮筍
台灣牛腩牛筋麵
台灣牛腩牛筋麵
台灣牛腩牛筋麵
台灣牛腩牛筋麵
Black Friday!速逃台南蔘粉教,危險!無啦啦跌 $7000!怨有頭債有主!團費 $2600,自己掏銀包港龍即場單程回歸 $3300!另加的士、的士再的士 $1200!浪費我兩日寶貴大假、精神、體力、時間、金錢!
 
 
由蔘粉總壇麻口搭成個鐘的士先到高雄機場乍,遠得誇張,幸好最後逃脫成功 ﹗朝早既高雄機場人流不多,空氣清新,環境寧靜,好舒服。晨早六點起身預備係蔘粉總壇逃走,無食過野囉,等到八點先上的士,依家要搵野醫肚啊 ﹗
 
 
高雄機場唯一一間餐廳呀,而且食物種類繁多,彷如天降甘霖 ﹗款款想試,非常合我胃口。湯麵、湯烏冬、意粉、pizza、雞牛豬扒、海鮮、等等,真係好多。侍應妹妹非常熱情有禮主動,招乎周到,好 warm 啊!推介湯麵套餐,我信您。
 
 
醃青瓜,開胃前菜小食,味道清新涼浸浸,咸咸酸酸、爽爽脆脆,好滿意。晨早起身速速到達機場睡眼惺忪,精神為之一振 ﹗醃鮮筍,爽口多汁帶麻香,作為主菜既前奏非常適合,大愛。
 
 
台灣牛腩牛筋麵,一般台灣牛肉麵都係用五香牛展,今次係牛腩牛筋非常有創意啊,亦都要讚下我自己都非常有冒險精神呢。出奇地香甜味美喎,以為只有潮式先好食,原來台式都可以煮得這般出色 ﹗牛腩牛筋同樣炆得入味,五香、滷水、香料完完全全迫入每顆細胞之中,每一口都充滿芳香,香甜而不濁,舒服的味道。
 
 
牛腩鬆化軟腍、牛筋夠膠夠滑而黏黏的,正是我所喜歡的 ﹗難得我食湯麵無添加任何辣椒油、辣椒醬或豆瓣醬呢,嗜辣的我唯一原因就係原汁原味湯底香甜出眾囉 ﹗甜美而帶光澤的牛腩湯底,濃郁薰芳,不嗆不濁,飲多幾口都不渴不膩。台式麵條雖然天生偏腍但不失滑溜感覺,夾上大量湯汁連牛腩牛筋全家沖入口,美味無野講,食不停 ﹗
 
 
香港我返黎喇 ﹗有得揀當然會坐香港既航空公司啦,點會坐中華航空呢 ﹗大陸或台灣我都唔會囉。五日四夜變左速忙兩日一夜,我仲申請左 4 日大假添,唯有好好休息幾日吧。

每人消費: 約400新台幣 (早餐)
評分: 味道4   服務4   環境4   衛生4   抵食3
  0 個留言    |  加入你的留言
炳翰蔘粉教總壇大逃脫! (台灣)
(旅程日期: 2016-05-12 至 2016-05-16 ,  旅程性質: 公司旅行, 消閒度假)
 整個旅程  (共4篇遊記)
 分享至Facebook 
發表日期: 2016-05-19
故事原於我答應左一位係投資公司上班既朋友跟佢班朋友一齊去旅行,過左段時間後,漸漸有點唔想 join 既感覺,但又唔想無誠信,要 keep my promise,唯有硬著頭皮照去啦。隨後都有話出黎一齊傾下行程、酒店,誰知一直都夾唔到時間,我咪話無所謂,您同朋友們決定啦,我無咩特別要求。
 
 
期後突然通知我佢公司 $2600 全包台南機票旅遊觀光仲有交流會,我都無所謂,比飽飯我食、飽覺我得喇。終於到出發日到左香港機場,見到班團友已覺得有古怪,到達高雄機場後漸漸露出原形!原來朋友所講既投資公司就係此蔘粉教!

炳翰蔘粉教總壇!冰凍硬地板,您估塌塌米咩!十個麻甩佬迫埋一間房仔,鼻寒聲此起彼落,條毛咩!底衫褲掛滿走廊!公眾廁所、公眾浴室,排隊沖涼、去廁所!阿叔阿伯教徒個個唔鎖門,連屎都唔鎖,嘔心!早餐蕃薯粥?您地食埋我份!


唱教歌、講教條、著教衫、帶教吊墜、大于神壇,教徒們都係弟兄姊妹爸爸媽媽!對左一整日,發現大部份教徒都係教育水平低、知識水平低既阿叔阿伯、阿嬸阿婆、師拉老坑,滿口鄉音!怪誕、異常,非常有問題!


用平價五日四夜台南旅遊觀光包食包住包來回機票 $2600 為誘餌,一上賊船隨時一失足成千古恨!教徒們對我不停游說、圍攻、連擊,奈何我壇數極高,根本唔係我對手!我當然速速強硬地逃離現場自掏荷包 HKD3300 買機票飛返香港啦!


回程其間繼續上網查資料,發現該蔘粉係香港層被衛生處回收及消費者委員會投訴,含超標農藥、含致癌物質、不純正蔘粉、混入芋頭粉或蓮藕粉詐騙、等等!詳情見 TVB 新聞、星島日報、蘋果日報、親子王國自由講場!教徒們依然樂此不疲、死心不息,展示蔘粉教提供既成份報告、研究報告、用家分享黎反駁,真係省少少啦!


 
參觀時段: 全日
評分: 值得去1  
  0 個留言    |  加入你的留言
炳翰蔘粉教總壇大逃脫! (台灣)
(旅程日期: 2016-05-12 至 2016-05-16 ,  旅程性質: 公司旅行, 消閒度假)
 整個旅程  (共4篇遊記)
 分享至Facebook 
發表日期: 2016-05-19
六合夜市週遊遊完滿結速,係今日既最後地點,上車返酒店休息。故事發展到依度我非常忍讓及抑壓,到達所謂既酒店時,我要爆喇 ﹗如果唔係夜晚十一點幾又係鄉下地方,我真係即刻 call 的士去機場買機票返香港呢 ﹗

胖半蚵仔包
胖半蚵仔包
過魚魚頭湯配麵線
過魚魚頭湯配麵線
過魚魚頭湯配麵線
過魚魚頭湯配麵線
蒜蓉炒 A 菜
蒜蓉炒 A 菜
蒜蓉炒生菜
蒜蓉炒生菜
差
差
草莓冰
草莓冰
點解室內有冷氣唔坐,係要坐露天街邊呢?又點解張枱咁細,係都要塞十個人一齊坐呢?坐到離晒枱食野,室內大把位囉 ﹗食到個個身水身汗,唔會係教條麻?我都見到有幾個教徒係室內嘆住冷氣食野,何苦呢?等左好耐過魚湯都未到,一次過叫 8 碗更係耐啦,而且發現係我地叫完後,突然一輪外賣客殺到,我地堂食咪要等下囉,理解的。
 
 
胖半蚵仔包,炸既?我以為煎或蒸囉,試試先。外層嚥韌,似 pizza 厚批底,咸味重,香口既。胖半蚵仔包,擘開裡面睇睇,開估喇 ﹗蠔仔肥美不足,蠔味淡得出奇,而且好瘦啊 ﹗餡無咩味道,只靠咸咸的包皮。我諗加上大量豆瓣醬應該會好味少少,整個包內內外外都好 dry。
 
 
過魚魚頭湯配麵線,望穿秋水終於到步 ﹗熱騰騰輕煙幾縷,索一索香氣處處,聞得到的鮮魚味 ﹗嚐一口熱湯,噢 ﹗好鮮甜呀,沒半點醒味,極濃郁魚骨味道。湯底清徹見底,但魚味霸道,加上大量薑絲辛辣清香,愛死您啊 ﹗魚皮膠膠黏黏,最喜歡的質感,補補骨膠原,飲完即刻靚左。過魚肉魚味香濃而突出,不能遮掩的魚甜味,質感滑中帶嚼勁,不是香港街市出售既飼養龍躉仔可比,滿分 ﹗
 
 
麵線跚跚來遲,已催促姐姐幾次了,魚湯凍左如何送麵線呢 ﹗當然可以送,但唔好食囉。原來麵線都係用魚湯灼架,想象下個湯底灼過大量魚頭魚片魚骨,依家用黎灼麵線,那有不濃郁既可能性呢?麵絲滑滑,微微彈性,本身已儲存著大量湯汁超水潤,再次掉進湯中直沖入口,甜美非常,好正呀 ﹗但湯已經唔夠熱喇,可惡 ﹗
 
 
 
蒜蓉炒 A 菜,即係油麥菜,非常爽嫩多汁,菜甜味非凡出眾,好好味 ﹗蒜蓉炒通菜,我不太喜歡旱通,真係又硬又乾呢,菜味淡某某又無甜味。蒜蓉炒蕃薯葉,蒜蓉炒生菜,好味都要每款叫多一碟啊 ﹗清爽濃濃蔬菜味道,蒜蓉添上一點惹味,親眼見到由侍應姐姐係街邊即場新鮮炒起,火紅火綠陷陷聲,鑊氣迫人 ﹗鮮爽可口,簡單美味。
 
 
魚卵沙律,帥傅話係油爆喎,唔可以做湯,何解喎?阿媽經常用門鱔肝、門鱔卵跟咸酸菜炆門鱔肉架啦。質感乾爭爭,味道好似細個食既小食燒魚片,有股香味,沾上沙律醬帶少少甜味,麻麻地。
 
 
轉場食其他野,係正路中心於幾張摺枱咁古怪,人來人往望住您開餐囉。點解兩邊咁多舒頭都唔入去座呢?係要坐街邊又污糟又人頭擁擁又熱屎辣辣,阿叔阿伯周地吐啖掉垃圾,通街食煙掉煙頭 ﹗都唔知班教徒諗咩架,身水身汗。
 
 
鹽燒大頭蝦,太細隻又無膏,淡水蝦味道都係偏淡,並無燒烤香氣,試一隻便夠。嗅豆腐都唔嗅既,外層又唔香脆,同普通炸豆腐無分別,仲要配上泰式甜酸雞醬,唔係豆瓣醬,甜甜怪怪的。再挑戰蚵仔煎,個汁無夢時代美食廣場咁甜,仲散發少少辣味,熱辣辣有少少鑊氣,而且蛋煎得香口,不過蠔仔都係瘦猛猛。鮮奶木瓜,又真係幾香幾滑喎,飲完唔會勁渴,仲有馬英九到此一遊既合照添。
 
 
最後一站甜品,我不吃甜的,是但黎個草莓冰,以為係飲架囉,原來係沙冰,糖漿勁甜,頂唔緊 ﹗

推介菜式: 過魚湯
每人消費: 約500新台幣 (晚餐)
評分: 味道2   服務3   環境1   衛生1   抵食3
隊友們機動力實在太慢、選擇困難症、豫猶不決,我有點受不了,都係算啦,無緊要。發現新奇食品,蚵仔包 ﹗我好想試呢,決定買幾個到隔離舖頭坐住食。團長推介過魚湯超好味,我當然要試試啦 ﹗可以揀魚頭、魚片或魚腩呢。過魚咩黎架?台灣原名為鮢過魚,香港名為深海大龍躉,舖頭牆上面貼住晒資料啦 ﹗
參觀時段: 晚間
評分: 值得去2  
  0 個留言    |  加入你的留言
炳翰蔘粉教總壇大逃脫! (台灣)
(旅程日期: 2016-05-12 至 2016-05-16 ,  旅程性質: 公司旅行, 消閒度假)
 整個旅程  (共4篇遊記)
 分享至Facebook 
發表日期: 2016-05-19
準時早上 8 點前到達機場中華航空 check in 處,要求我參加此團既朋友仔 whatsapp 話會遲少少到,點知係 45 分鐘囉,少少既定義都好難捉摸喎 ﹗朋友仔話係佢公司旅行加交流團,但個團都幾多人喎,淨係我地都十個,仲見到其他好多小隊,感覺怪怪的。無事既,公司唔同部門啫。
 
 
本來想坐低嘆個早餐,點知團友們只係打算食個包食件餅囉,我真係誤會晒,佢地話上到飛機有飛機餐食。我心諗,得個幾兩個鐘唔係蛋糕就麵包啦,睇黎杯麵都唔會有。最終買左個價值 $18 蚊既芝麻鱆魚手卷食,我只係咬左兩啖已食晒。唓 ﹗真係比我估中,飛機餐只係隻芝士雞腿包,味道好似麥當勞呀 ﹗都幾好味,包就食剩少少,雞肉同芝士當然食晒啦。
 
 
食個包、瞓陣就落機喇。第二次踏足台灣,第一次黎到台南高雄。做完入境手續,小隊話要去買 SIM 咭上網喎,您地喜歡啦,我上唔上都得既。團友示意上旅遊巴士,到底有幾多人架?五六架巴士咁多?同我想象既完全兩回事,而且點解全部都係阿叔阿伯、阿嬸阿婆咁古怪呢?二百幾三百人,只有我依個小隊最後生 ﹗一上車再瞓,但團友們鬼殺咁嘈,又要自我介紹、又要多謝公司,越來越古怪。
 
 
全程車團長不停拿住支咪講野,好鬼吵耳呀 ﹗話知您,我黎係要休息架,塞住 headphone 照瞓,但隔離位後生日成日係度拍手震醒我囉,似乎佢都係教友一份子喎。始於到達夢時代,即刻衝落車透透氣先,仲要全車照大合照?是鬼但啦 ﹗
 
 
跟住小隊係香港機場無啖好食,如何朋友仔唔係遲到 45 分鐘,我可以慢慢嘆個靚早餐啦,洗鬼浪費我 quote 食個 cheap cheap 手卷咩,飛機餐又得個包 ﹗小隊仲話想去打機先,梗係醫左肚先啦 ﹗係美食廣場兜左個圈,真係勁多野食,比香港 food court 勁好多 ﹗拉麵、炸雞、pepper lunch、台式小食、等等。黎到台灣當然試地道野啦,其他暫時忘記。
差
差
差
差
差
差
關東煮?麻辣?關煮住係日本醬油應該甜架喎,好有趣。有辣、有唔辣,我當然食辣啦。麻辣唔辣既,仲有少少甜添。食幾多計幾多,續件計錢,但無標價又無價錢牌,咁樣您收幾多都得啦,又會咁搞笑既?超硬實肉丸、硬硬實黑墨魚丸、硬實實魚蛋、結實魚蛋卷,食完勁滯食唔到其他野啊 ﹗選擇錯誤喇,食 cheap 野填飽左個肚囉。蘿蔔最好食,脆皮腸都唔差。
 
 
生菜雲吞丸子湯,湯底好淡啊 ﹗牛丸貢丸肉少粉多,唔難食。燒肉粽,台灣地道野,香港未食過呢。甜甜醬汁,雖然叫做燒肉粽,但只有一片勁薄肥燒肉,比較似叉燒,而且唔多食到肉味呢。不過澇上黏黏濕濕的糯米又真係幾好味,我都忍唔住靜掙雞食左兩三啖呢。
 
 
香菇黃粿,台灣傳統食品。淋上淡味甜豉,質感似粉團,又似無餡多粉硬身蘿蔔糕,一般。蚵仔煎,大量芽菜餡,仲多過蚵仔,而蚵仔鮮味欠棒,淡口又瘦猛猛。醬汁甜味濃厚,帶一丁點酸味。整體平淡靜蠅蠅的演繹,單調又乏味,不懂欣賞。
 
 
豬紅大腸湯,點解會有陣陣嗅豆腐氣味呢?食又唔覺有異味喎,好驚 ﹗都係試幾舊算喇,豬紅又硬又鞋烚烚,no good。大腸切都碎濕濕,連湯同吃嚥嚥韌韌,麻麻地。炒米唔難食,少少咸味囉。炒 A 菜即油麥菜,最好味 ﹗嫩甜鮮嫩,係無鑊氣啫。雲吞湯,豬肉雲吞層皮勁厚呀,有點似上海雲吞,但係幾乎食唔到豬肉,淨皮來的嗎?雞粉湯底悶到死,單調。炸雲吞,又會炸到咁韌既?通左風咁囉。肉絲羮,幾有趣,又杰又厚,漿糊一樣,豉油味漿糊。

每人消費: 約500新台幣 (午餐)
評分: 味道1   服務3   環境3   衛生3   抵食4
夢時代遊樂場
夢時代遊樂場
夢時代遊樂場
夢時代遊樂場
夢時代摩天輪
夢時代摩天輪
夢時代摩天輪
夢時代摩天輪
夢時代摩天輪
夢時代摩天輪
夢時代
夢時代
永康區龍潭
永康區龍潭
永康區龍潭
永康區龍潭
如此既美食我真係提不起食慾,而且已經好滯了 ﹗食完野隊友介紹到頂樓遊戲機中心及遊樂場玩,無所謂,我都未黎過。細細的天台遊樂場,有摩天輪、碰碰車、火車、單車、擲位遊戲、等等,小貓三四隻。唔計我地,遊客不足十個呢。大陸荒癈遊樂場 feel 濃厚,不過非常寧靜舒服。
 
 
摩天輪,唔知係咪太耐無玩,有點驚呢 ﹗依前咩機動遊戲都玩,依家有點怕怕。全部都話坐,我唯有又硬著頭皮奉陪到底啦 ﹗我地要左 3 架,兩個、四個、四個,剛剛十個人,轉一圈 15 分鐘。突然畏高硬晒呔,還是對依度既設拖、保養無信心呢?哈哈。所謂全台南最高既摩天輪,但台南有幾多個摩天輪呢?
 
 
無無聊聊食完野,再到遊樂場逛逛,又夠中隨鴨仔團出發 ﹗下一站龍穴虎口,我當然唔知佢地講咩啦。上綱查查資料,此處為台南市永康區龍潭,又稱蜈蜞潭,有兩座寶塔供遊客參觀,仲有廟宇參拜、祺福、求簽添。


參觀時段: 全日
評分: 值得去2  
  0 個留言    |  加入你的留言
3 星期美國 Tucson Arizona 持久戰 ﹗ (美國)
(旅程日期: 2016-01-25 至 2016-02-16 ,  旅程性質: 飲食購物, 商務公幹)
 整個旅程  (共13篇遊記)
 分享至Facebook 
發表日期: 2016-03-11
神經晚飯 ﹗ 笑臉2016-03-11
芥菜咸蛋肉片湯
芥菜咸蛋肉片湯
芥菜咸蛋肉片湯
芥菜咸蛋肉片湯
蒜香骨
蒜香骨
左宗雞
左宗雞
豉汁蒸排骨
豉汁蒸排骨
蜜汁叉燒
蜜汁叉燒
西芹炒椰菜花
西芹炒椰菜花
已經食左幾晚美美有點悶啊 ﹗想試新菜色呢,失敗左 ﹗有幾道菜都太會咸呢,老闆仲要係道諸多說話,咁您自己 order 囉,美美又唔係選擇多,唔好叫我發板喇 ﹗次次都係菜菜同埋菜,再唔係就芋頭、合桃,我地擔擔台台要好多體力,要食好多肉架 ﹗
 
 
芥菜咸蛋肉片湯,great!非常簡單大路又極好味既湯水,咸香肉甜佳出眾,芥菜非常清甜,湯底濃郁,無機會投訴啦 ﹗蒜香骨,NO ﹗炸排骨再落蒜兜勻啫,點解咸得咁利害呀?又炸得過火有點燶。投訴我叫黎食,我鬼知咩 ﹗上年都做得正正常常好味道,可能已成年無煮過囉。
 
 
左宗雞,NO ﹗完全記錯左,見個名咁中國色彩應該係我想食既薑蔥雞啦,點知會係香橙雞塊。炸到雞胸勁脆勁乾,撈上勁甜橙汁芡就食得。又再次比人地投訴,唔鍾意食咪食第二碟囉,叫晒碟碟您鍾意既好無?其他同事唔洗食呀?好采都仲有同事欣常依道菜啫,即刻無聲出。
 
 
豉汁蒸排骨,so so 過得去,味道唔錯,撈飯幾好味。最衰骨多肉少,而且落味有點濁,未覺清香。又投訴排骨係豬、叉燒又係豬;蝦仁炒蛋係蛋、蒸三色蛋又係蛋,點解 order 重覆既餸 ﹗我心諗每個人都鍾意食唔同既野,點滿足晒所有人呀?叫十個餸要全部食材唔一樣?有幾個肉呀?來來去去咪雞牛豬羊 ﹗都發神經架 ﹗
 
 
蜜汁叉燒,質數正過好多香港燒味店喇,雖然未至於頂級。豬肉味香而帶燒烤味道,軟棉中滲出微微肉汁,不乾不硬已非常開心喇 ﹗西芹炒椰菜花,依個配搭真係好食到不得了 ﹗我從未腍過可以炒埋一碟,一定要佢帶返香港, very good ﹗西芹好鬼爽甜,半點渣都無,比香港既更好味。椰菜花同樣可口脆卜卜,推介 ﹗
 
 
蝦仁炒蛋,蝦仁大大隻都幾爽甜,用香口炒蛋包住,有鑊氣幾好食。鮮菇煲,一年比一年差呢,用料少左,個芡又杰又厚,好似漿糊喎,全部都係雜菜又多汁,撈飯都好開胃。炒油麥菜、炒芥蘭都非常好味有鑊氣又爽嫩清甜,美美既炒菜無得頂。蒸三色蛋,結實既蒸蛋,即係用蛋足料,蛋味濃又加埋皮蛋咸蛋撈埋飯好味啊 ﹗蒸三色蛋夠跟芥菜咸蛋湯撞左啦,又唔見您投訴 ﹗




推介菜式: 芥菜咸蛋肉片湯、西芹炒椰菜花、炒油麥菜、炒芥蘭
每人消費: 約15美元 (晚餐)
評分: 味道3   服務3   環境2   衛生2   抵食3
  0 個留言    |  加入你的留言