搜尋:
遊記日期:    發表日期:    
 
簡介形式      文章形式
共找到 5196 篇遊記, 正顯示第 31 至 40 篇遊記
清純
1篇遊記
台灣5天快閃 (台灣)
旅程性質: 結婚紀念, 飲食購物
 整個旅程  (共1篇遊記)
 分享至Facebook 
發表日期: 2019-07-06

第1次去宜蘭, 感覺空氣很好, 選了筑玥溫泉會館.

桃園機場下機, 坐捷運先去台北, 剛好有快車, 30分鐘左右, 如果普通的約45分鐘, 重點價錢一樣.我們沒買悠遊卡, 因為我們一年都不去台灣1次, 今次第1次, 哈哈!

原來去宜蘭好簡單, 溫泉會館老板有WECHAT, 可保持聯絡.

轉客運到礁溪轉運站約1小時, 再轉的士5-10分鐘到達民宿.  其實行很近, 2天後離開時, 我們行去礁溪轉運站去台北.

這間很有民宿FEEL會館, 得3間房一廳, 只可以招待3家客人.

我們在網上找到優惠, 評價很好, 選了(沐暘) 喜歡它有私人溫泉, 還有森林景觀.

 房間很大, 一張雙人床, 一張2人梳化, 有小雪櫃. 電視, 影碟機, 電熱水煲, 最難得有咖啡機!
房外露台, 木地板間隔, 有一個石春池浸溫泉, 有2張大椅一枱, 可在外面好好享受
真的很舒心又漂亮. 而且大廳內東西都共享, 大家可以飲, 食 和用是免費的.

我們安頓好行李, 就出去吃附近<樂山足湯拉麵> 這裡很出名一邊浸腳, 一邊食拉麵, 行去約20分鐘. 到達比較多店可以逛逛街的地方.  這裡有大形連鎖店, 大排檔, 小吃店. 還有釣蝦埸.

不得不提在礁溪轉運站, 有免費接送小巴, 可以到附近景點一遊. 我們3天就是悠閒的逛逛和浸溫泉. 附近還有一個大形溫泉公園, 很多居民在浸腳, 免費的. 大開眼界….

房間內部
房間內部
露台私人溫泉
露台私人溫泉
客廳共享間
客廳共享間
客廳早餐食物
客廳早餐食物
露天私房溫泉是筑玥溫泉會館最美麗的設計 ,有您對於泡湯的所有期待與期望,也有超過於一般民宿旅店所能給予的驚喜與精彩 ,這是我們準備給您們的美麗邂逅與浪漫假期,讓您與朋友、家人、情人一起共享 這份感動.溫泉結合山景與一年四季的變換,是人生的一大享受,我們給您 無邊無際的山景與長夜,甚至比想像還多一些的實現,走進生活的美好,就在 - 筑玥溫泉會館。
每晚價錢: 8000新台幣 (雙人房)
評分: 設備5   服務4   環境5   衛生5   抵住4
  0 個留言    |  加入你的留言
Handsome XO
100篇遊記
2018美加探親兩週遊 (加拿大, 美國)
(旅程日期: 2018-03-27 至 2018-04-07 ,  旅程性質: 探訪親友)
 整個旅程  (共12篇遊記)
 分享至Facebook 
發表日期: 2019-07-02

2018美加探親兩週

家中有不少親友早年已移居美加生活,因八、九旬嘅長輩都不願乘坐長途飛機回港,肥肥家族舊年就襯復活節假期飛咗過去探一探吓佢地,飲飲食食聯誼一番

327日():多倫多的第一天

今次美加遊,肥肥家族首次選乘大韓航空,因購下商務票,喺香港候機時可享用「天合聯盟香港貴賓室」嘅設備及餐飲,只係質素麻麻。KE 608班機準午夜十二點半起飛,意外地不單獨立座位及洗手間新淨衞生,影音系統更加係堅掂。朝早五點到達韓國仁川國際機場後,因未有商店開門,幾口子就直接去咗「KAL lounge - Prestige Class」度等轉機。由首爾飛往多倫多嘅KE 73長途客機同第一程比雖則係一樣咁舒適,但飛機餐明顯冇咁好食,反而宵夜小食好食得多。

KE 73航機朝早到達多倫多皮爾遜國際機場,由於要等到下午三點酒店先有房,四人就喺機場酒店食咗個簡單午餐,租咗車後再慢慢揸去「Hilton Toronto/Markham Suites Conference Centre & Spa」。酒店嘅四人套房寬敞舒適,唯一兩個洗手間入面只有一間有得沖涼,有少少唔方便。契婆擔心父母會因時差攰攰,晚餐就早少少喺中菜廳「漁膳房」食,以海鮮洗塵。
天合聯盟香港貴賓室 Skyteam Lounge
天合聯盟香港貴賓室 Skyteam Lounge
免費Wi-Fi
免費Wi-Fi
自助飲品區
自助飲品區
自助飲品區 - 酒酒
自助飲品區 - 酒酒
自助食物區
自助食物區
班戟機
班戟機
台灣牛肉麵
台灣牛肉麵

選乘大韓航空購下商務票,旅客可於「天合聯盟香港貴賓室」候機,不過室內並無廣播服務,大家要自己留意登機時間。

長形嘅貴賓室面積寬廣,最入嘅偏廳有多張獨立梳化櫈,大部份嘅白色枱仔都有插蘇位,方便旅客可邊等邊叉電除咗個較輕鬆舒適嘅偏廳之外,中央有個大型少少嘅用餐大堂,散座嘅餐桌大啲又高啲,只係枱面唔係太乾淨。

尾段拍牆為自助飲品區,有咖啡機、啤酒雪櫃、汽水、蒸餾水等等XO仔就當然係選擇飲酒啦自選食物中有西式嘅麵包、三文治、沙律、甜品等。最有型都要數部班戟機,少入廚嘅小肥都係第一次見。亞洲菜中都有不少熱食及炸物。唯一要排隊嘅就係個麵檔,由專人即點即煮四款麵品。由於出門口前已經喺屋企食咗晚飯,細佬就簡單啲試咗碗台灣牛肉麵。牛肉麵只屬微暖,湯底稀而味淡,麵條同牛展塊一樣偏硬,個人覺得唔係好掂。

香港機場內有不少貴賓室,論環境、設施及餐飲質素,「天合聯盟香港貴賓室」當真不及本港主場嘅兩間航空公司。
評分: 味道2   服務3   環境4   衛生3   抵食3
KE 608選用B747-8型號班機
KE 608選用B747-8型號班機
商務艙之獨立座位闊落舒適,私人空間足,而且衛生非常
商務艙之獨立座位闊落舒適,私人空間足,而且衛生非常
機艙最型就係個高科技嘅椅櫈控制及高質素嘅影音設備
機艙最型就係個高科技嘅椅櫈控制及高質素嘅影音設備
餐牌
餐牌
餐牌
餐牌
韓式牛肉飯
韓式牛肉飯
韓式牛肉飯
韓式牛肉飯
時令鮮果
時令鮮果
大韓航空KE 608選用B747-8型號班機,商務艙之獨立座位闊落舒適,私人空間足,而且衛生非常。機艙最型就係個高科技嘅椅櫈控制及高質素嘅影音設備,闊闊嘅LCD螢光幕配上超強嘅音響系統直令細佬感覺自己好似去咗戲院睇戲咁,覺都唔捨得瞓!夜機提供嘅韓式牛肉飯輕巧健康,唯一不甚友善之服務態度實有待改善
推介菜式: 韓式牛肉飯
評分: 味道4   服務2   環境5   衛生5   抵食3
KAL Lounge – Prestige Class
KAL Lounge – Prestige Class
KAL Lounge – Prestige Class
KAL Lounge – Prestige Class
酒吧
酒吧
自助飲品區
自助飲品區
六點半前只有零星嘅香蕉、乳酪、鬆餅
六點半前只有零星嘅香蕉、乳酪、鬆餅
自助早餐
自助早餐
自助早餐
自助早餐
自助早餐
自助早餐

大韓航空於韓國仁川國際機場嘅商務貴賓室KAL Lounge – Prestige Class環境開揚寬廣,有獨立方形廂座二人單邊圓枱仔散座、梳化式客廳位、餐飲部合拼式長枱及圍繞嘅酒吧嘅卡位。同香港個「天合聯盟香港貴賓室」一樣,室內最不缺乏就係叉電插蘇同埋會添嘅紅酒、白酒、烈酒(對唔住,當日啤酒機壞哂。。。)。

由於航機抵達韓國時實在太早,貴賓室內只有飲料及零星嘅香蕉、乳酪、鬆餅食,唔怪得知個個都選食韓式杯麵啦!約六點半左右終於有早餐熱食出爐,無奈水準唔係咁高,小肥只好主攻咖啡乳酪
評分: 味道2   服務2   環境4   衛生3   抵食3
KE 73選用B787-9型號班機
KE 73選用B787-9型號班機
餐牌
餐牌
午餐可以用一個「乾」字黎形容!
午餐可以用一個「乾」字黎形容!
水
朱古力曲奇
朱古力曲奇
泡菜拉麵
泡菜拉麵
中式海鮮豆腐
中式海鮮豆腐
時令鮮果
時令鮮果

大韓航空長途機KE 73選用B787-9型號班機,商務艙之獨立座位同頭程一樣咁好坐,且空間感足,音響隔音系統出色,細佬啲戲接住黎睇,成功追咗幾套新片,正呀!遺憾在於空中服務員笑容欠奉,而且只會按本子辦事,毫不體貼,亦不細心

膳食方面,小食明顯比正餐美味。早機提供嘅正餐為午餐,前菜烤雞沙律」又嚡又乾韓式牛肉蓋飯味道雖然唔錯,但牛肉又老又硬,就連甜品莫卡蛋糕都唔得鬆潤,個餐其實可以用一個字黎形容航班嘅小食中,細佬只係試咗兩款;新鮮煮出嘅泡菜拉麵湯底熱辣惹味,麵條煙韌彈牙,而「朱古力曲奇」則香脆甜美,邊食邊嘆埋杯香檳確真享受。臨落機前有份「簡單的用餐」,主菜「中式海鮮豆腐」還過得去,不過個蒜蓉包就硬到咬唔到XO仔唔想咁後生就做蹦牙仔囉
評分: 味道3   服務2   環境5   衛生5   抵食3
Sheraton Mahogany Grill
Sheraton Mahogany Grill
Sheraton Mahogany Grill
Sheraton Mahogany Grill
Sheraton Mahogany Grill
Sheraton Mahogany Grill
餐牌
餐牌
Soup of the day(CAD 10)
Soup of the day(CAD 10)
Mahogany Caesar (CAD 17)
Mahogany Caesar (CAD 17)
35 Day Aged 8oz AAA Striploin (CAD 37)
35 Day Aged 8oz AAA Striploin (CAD 37)
35 Day Aged 8oz AAA Striploin (CAD 37)
35 Day Aged 8oz AAA Striploin (CAD 37)

機場酒店「Sheraton Gateway Hotel in Toronto International Airport」連接著多倫多皮爾遜國際機場,入面間西餐廳「Sheraton Mahogany Grill」最方便啲早機及轉機嘅旅客休閒地享用早、午、晚餐。店子樓底唔高,不過舖有地毯,所以人多都唔覺嘈吵,無奈中午時份樓面只有兩位服務生,雖則其態度唔係惡劣,但明顯各佔不同地盤,落單、斟水都要等同一個人得閒先做,效率就唔係特別高

最好彩就係啱啱坐完長途機攰多過餓,因餐店嘅午餐份量雖多,但水準一般過一般:

1)      Soup of the day(CAD 10):是日例湯之芝士西蘭花忌廉湯一啲都唔算杰,但味道實在過咸,真係食唔過!

2)      Mahogany Caesar (CAD 17):大大碟凱撒沙律爽脆鮮濃,係成餐飯最好食嘅一味。

3)      35 Day Aged 8oz AAA Striploin (CAD 37):原本點咗要「medium rare」嘅牛扒一刀切落去一啲粉紅都唔見,過熟程度似係「medium well」多啲囉,肉質偏韌同硬,即使夠薄都有啲難咬,當真不吃也吧!

每人消費: 約50加元 (午餐)
評分: 味道2   服務2   環境3   衛生3   抵食1
Hilton Toronto
Hilton Toronto
豪華套房:客廳
豪華套房:客廳
豪華套房
豪華套房
豪華套房:客廳
豪華套房:客廳
豪華套房:客廳
豪華套房:客廳
豪華套房:雙人房
豪華套房:雙人房
豪華套房:雙人房
豪華套房:雙人房
豪華套房:洗手間
豪華套房:洗手間

經常外遊嘅哥哥早已成為「希爾頓榮譽客會」,今次去加拿大探親,見集團企下嘅「Hilton Toronto/Markham Suites Conference Centre & Spa」就喺契婆家附近,離主要嘅高速公路又近,位置極之方便,所以唔洗多諗就決定一試

酒店限定下午三時才可辦理入住手續,退房則定為早上十一點。住客可以優惠價十蚊加幣於停車場內泊一日車,車位全部可用頭入,非常易泊。一家四口入住之豪華套房共有兩間雙人房、兩個洗手間及一個大客廳,面積寬廣,且極為舒適。客廳內除咗有梳化同大電視之外,仲有張大大嘅玻璃飯枱。雙人房空間足,單人及雙人床都好大好彈。套房唯一最大嘅問題就係兩個洗手間入面只有一間有得沖涼,當真奇怪得很!

由於事隔太耐,XO仔當時又忘記咗留起張單,房費幾多真係唔記得,還請讀者們見諒!細佬只係記得包咗免費上網服務,及可享用「Hhonors Executive Lounge」之餐飲設備。
評分: 設備4   服務4   環境4   衛生4   抵住4
六人溫蟹龍蝦套餐(CAD 468)
六人溫蟹龍蝦套餐(CAD 468)
用餐大堂樓底高高,光線充裕,環境十分時尚雅致
用餐大堂樓底高高,光線充裕,環境十分時尚雅致
刺身拼盤
刺身拼盤
圓肉燉雞湯
圓肉燉雞湯
十磅避風塘龍蝦
十磅避風塘龍蝦
油爆鱔球(中)
油爆鱔球(中)
五磅蒜蓉蒸溫蟹
五磅蒜蓉蒸溫蟹
龍蝦膏炒飯
龍蝦膏炒飯

「漁膳房」為多倫多Richmond Hill嘅一家中菜廳,門外有多個車位供食客免費泊車。除咗門面極有氣派之外,接待大堂亦可見魚缸內多隻生猛嘅海鮮游黎游去。用餐大堂樓底高高,光線充裕,環境十分時尚雅致

契婆特別點咗個「六人溫蟹龍蝦套餐」(CAD 468)為肥肥家族洗塵:

1)      刺身拼盤刺身拼盤嘅冰陣效果十分吸睛,七款魚生均鮮香潤甜,極之美味。

2)      燉湯:大大盅圓肉燉雞湯每人可分成兩碗,不過湯品淡而無味,請恕細佬直言,真係情願飲一碗濃味啲嘅燉湯,都好過飲兩碗稀稀嘅

3)      十磅避風塘龍蝦:金黃橙美嘅龍蝦山可以話係全餐最震撼嘅一道!龍蝦爽厚彈牙,香辣惹味,正爆

4)      油爆鱔球(中):鱔球又腥又多骨,食唔過。

5)      磅半蒸青斑:XO仔都係第一次見到中式蒸魚會豉油另上,食落的確係冇咁油同健康啲,但係魚肉就偏嚡同老,唔得嫩滑,感覺好似欠缺火喉咁

6)      五磅蒜蓉蒸溫蟹蒜蓉蒸溫蟹一上枱時即食的話確真鮮甜香濃,無奈餐店上餸速度太快,要食完避風塘龍蝦先轉食「溫」(暖嘅)蟹就流失咗啲鮮味。

7)      上湯豆苗(中):豆苗色澤鮮綠,調味都好清。

8)      龍蝦膏炒飯:同龍蝦一樣成座小山丘嘅龍蝦膏炒飯好夠乾身,而且好足料,香口爽脆,惹味非常!

格調高雅嘅「漁膳房」海鮮套餐菜式量足且大多新鮮,可惜食物一窩蜂上,食客根本冇可能襯熱續款去細嚐,個人覺得有啲嘥料!最奇怪就係餐廳居然唔接受信用卡付款,加上服務生態度不甚友善,加茶、換碟等基本功夫要問先會做,似乎有點唔係好合理囉!
每人消費: 約100加元 (晚餐)
評分: 味道3   服務1   環境5   衛生4   抵食2
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-25

因為航班原因,check out飯店後,還有數多小時才上機,所以便到台北車站地下街逛逛打發時間吧,由捷運站行去地下街尾就有好多不同的餐廳,由於未食午飯,見到豪品的價錢不太貴,而且老闆娘熱情的招徠,所以就揀左豪品來食。

佢平均每款食物大約是NT100-150左右,但都有一些NT60左右的担担麵,而且店內有免費飲品和湯水提供任飲。我們最後揀左一個紅燒牛肉麵和一個台南担仔麵,我覺得紅燒牛肉麵就比較一般,無預期咁好食,湯底不算太濃味,但牛肉都入味的。
 
而台南担仔麵比較似一碗牛丸麵,不過材料都比較少,始終可能只係NT59,不可能要求太多,加上台北地下街都可以話係熱門的旅遊點,所以食物相對一定無其他地方咁抵食。
評分: 味道3   服務3   環境3   衛生3   抵食4
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-25
前排去台北旅行,行過見到呢間吳師父大餅,啲食物都幾大舊,而且個價錢好街坊價,台灣人好似好慶叫銅板美食,因為一個只係NT30,我就買左兩個春卷餅,一個韮菜味,一個係鮮肉口味。先講下韮菜味先,我好鍾意呢一個口味,一來我不喜歡太多肉,二來我好鍾意食韮菜,我以為佢入面全部都係韮菜,但原來唔係,佢都有少少肉碎係入面(話就話少少,其實都幾多),最正係因為入面仲有粉絲,所以真係超級飽肚,無諗過NT30可以有咁正。鮮肉方面不是不好吃,只係在於我的口味,我覺得比韮菜遜色一點,但NT30來說,你簡直覺得到底肉係咪唔駛錢,因為真係超多肉,鮮肉的餡料主要是肉和白菜,一樣可以吃飽飽。

 

評分: 味道4   服務2   環境3   衛生3   抵食5
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-25
前見到笑波子係北海道小樽食左一個超高大的多層口味軟雪糕,令到我都好想食,但係未食到前就係今次的台灣之旅有機會食到了。因為天氣都比較熱,去淡水行街雖然有足夠的水,但係見到個個都買雪糕食,的確令人都好想食來消暑的,行過見到這一間巨無霸雪糕好多人排隊買,相信應該好多人都係這個心態吧。
 
排隊的人主要買雲哩嗱加朱古力味,但我比較鍾意食綠茶味,始終令我想食大大杯超就雪糕的係笑波子嘛,綠茶比較似日本,同埋我都鍾意食綠茶,所以我就揀左綠茶配香芋口味,雪糕店有大和細兩款選擇,大的size保守估計約有15圈大右,而小的就大約7-8圈,兩者相差NT10,食什麼size可自由選擇,我亦都只是揀了細size。
 
先講講綠茶味,綠茶味都非常濃郁,有香芋味都重芋頭味,而且不會超甜,雪糕的質感係比較像奶冰的,都ok好味,但價得一提,雪糕在炎夏比較易溶,打卡拍照後已經有少少溶化了,要注意食的時機和自備紙巾。

總括而言,我覺得雪糕味道不錯,不算過甜,而且亦都非常適合打卡用。
評分: 味道3   服務2   環境2   衛生2   抵食4
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-25
炎夏恩物 笑臉2019-06-25
每次去完五分埔,都一定會去行饒河街夜市的,除左會食不同的美食外,當然係炎熱天氣行夜市,食冰一定係一個唔錯的選擇,行行下,見到有一間冰店門口有好多芒果好吸引,所以就揀左呢間小華冰果室了。

冰室有好多不同款的冰,有刨冰和綿綿冰,不過綿綿冰以水果為主,而我最鍾意食的芋圓就配刨冰,所以就揀左呢款冰冰了,餡料有芋圓、番薯圓、紅豆、珍珠等,價錢並不貴,只售NT60,但是一碗冰冰的份量都很大份,足夠兩人食用,夏日炎炎行夜市,找一個舒服的地方,又食一些透心涼的食物,令人身心都覺得好滿足。

 

評分: 味道3   服務3   環境3   衛生3   抵食4
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-21
因為下塌的地方是三重,所以有到三和夜市找美食,由巷頭行到巷尾,見到巷尾有一檔買可麗餅的攤檔,見價錢也不貴,便想叫一份來吃。
 
餐牌上有好多選擇,我也很難下決定,但就見多數的客人會點芝士粟米蝦可麗餅,所以我便點試一個了。攤檔的可麗餅全部都是即點即造,所以需要稍等片刻,見店主可以一日同時兼顧幾份真的很利害,而且唔會亂。
 
等了大約數分鐘,便有可麗餅了,先說說味道,可麗餅的外皮很脆卜卜,好正,而且入面的餡料望起來不算很多,但食起上來就比預期多了,同埋沙津醬很夠,配搭芝士很配合,可麗餅料多又不會吃太飽,可留空間繼續掃小食。

 

評分: 味道4   服務2   環境3   衛生3   抵食5
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-21
人氣大蒜拳骨垃麵
人氣大蒜拳骨垃麵
鐵板炒飯配蒜蓉汁
鐵板炒飯配蒜蓉汁
平時去台北,都會去五分埔行,所以有時都會去松山車站,今次揀左去松山車站的花月嵐食飯,叫了一個人氣大蒜拳骨垃麵和一個鐵板炒飯配蒜蓉汁。

拉麵的蒜味很濃,鍾意蒜頭的人士必定喜歡,加上不會覺得味精味濃,我反而十分喜歡啖啖拉麵也有蒜香,是個不錯的選擇。

另外,鐵板妙飯也出乎意料地好味,不過注意汁不要落太多,要跟個人口味而調教,如果一次過落掉,會覺得太鹹,而且炒飯的味道又同某知名鐵板炒飯不同,實在令人驚喜。

 

評分: 味道3   服務3   環境3   衛生3   抵食3
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-21
去左台灣旅行,第一日去行廣州街夜市,見到係廣州街附近有一間叫四方阿九魯肉飯的餐店,入面好多當地人幫襯,所以就決定食呢間店舖。

店內食品價格都好大眾化,我們叫左魯肉便當、筍絲、排骨酥板條,都只係NT155,而且味道很好很地道,份量也很大份很飽肚,店內也有很多客人叫幾客魯肉飯加小菜,自由組合。不過原來便當已有筍絲,因此筍絲可以不叫,相反我建議可點豆腐或芽菜。
評分: 味道3   服務3   環境2   衛生3   抵食4
  0 個留言    |  加入你的留言
panfloson
26篇遊記
台灣成為我鄉下 (台灣)
(旅程日期: 2019-05-17 至 2019-05-21)
 整個旅程  (共8篇遊記)
 分享至Facebook 
發表日期: 2019-06-21
飲品任飲
飲品任飲
豬、雞、安格斯牛和奶油雪花牛
豬、雞、安格斯牛和奶油雪花牛
正
蔬菜、扇貝、蝦和魷魚串
蔬菜、扇貝、蝦和魷魚串
綿花糖和香蕉
綿花糖和香蕉
正牛
正牛
三重區的燒肉眾位置不算太好找,但卻可說是隱世名店,平日店內不算太多人,因此上菜時間也很快,店員亦會詢問是否已上齊,值得一讚。店內的日式燒肉是採用炭火爐盆的,價錢分499、599、699、899,499主要是沒有牛和蝦,不過對不吃牛的人士來說,都是一個選擇。
 
而我就揀左599吃到飽的套餐。店內飲品任飲,上下層也有飲品,不過選擇比較少,沒有無糖飲料,是到尾段才有一壺冷泡茶。

第一輪,我點了一些豬、雞、安格斯牛和奶油雪花牛,還有一些蔬菜、扇貝、蝦和魷魚串,大致上所有嘢都好好食,只係雞軟骨同我相象中不同,而相對比較比較硬,我不會再點,但其他我覺得比較好的有香菇、粟米和魷魚串,蝦都好入味,可以燒完就咁食。
 
第二輪,我就點了上輪沒有order的牛、還有其他的蔬菜,試多點不同的食物,我覺得燒肉眾的牛質素也不錯,大家也可會款叫點,選擇自己喜愛的食物。
 
之後大約一小時到便提醒你時間快到,差不多last order,所以便點了一些甜點來燒,點了綿花糖和香蕉,不過到我地結帳時才知道,原來下層有雪糕食,因為不知道,所以無食,大家到時記得一試。
評分: 味道4   服務4   環境3   衛生3   抵食4
  0 個留言    |  加入你的留言