早餐是在Paviilion，種類都不算多，在乎精緻，中西美食都有。有一般的炒蛋, 腸仔, 煙肉，有一大籃麵包，共十多款，醬料都有成十款 ，如honey, 椰子，士多啤梨, 黃梅, 花生），仲有好多酥tim, my favourite。
Salad bar 有好多菜，連紅菜頭、橄欖、雅支竹都有，旁有沙樂美腸、煙三文魚、沙甸魚。
我鍾意fruit corner....乜水果都有，即開，前一天買了四個山竹要17蚊，成4蚊個，好貴，水蜜桃4x一斤，所以今次目標係山竹& 水蜜桃。有每日鮮果汁，今日係芒果奶，香甜，SO GOOD!麵檔, 有上海麵、粉絲、米線，仲很多菜，菠菜、生菜、通菜，更有牛腩麵。
慢慢嘆左杯cappuccino，香濃滑。

上cooking class 時，廚師介紹我們去第一市場，自己買餸再拎去加工。同大陸一般街市差不多，但d菜幾貴，四角豆17蚊斤。買了四角豆、五指山野菜、鮑魚、一條魚、芒果螺、海膽（好抵，4蚊隻），一共180蚊左右。再拎去加工再要左個椰子飯同兩支啤酒，要116，成餐海鮮飯310，價錢都ok，而且海鮮都好鮮甜，taste good。

食過晚飯，第一市場是這裡最旺的地方之一，就像香港廟街。行到去旺豪超市，係一所大型超市，價錢比其他地方平。

亞龍灣百花谷玩 Segway，又被稱作思維車，Segway 係要人車二合為一，身體重心向前，車就向前；身體重心向後，車就向後，控制左右就用手推前面扶手。最初控制車的時候，感覺是怪怪的，很害怕失去平衡忽然倒下來。不過，練習一會很快便適應了，控制自如。為了安全，要戴上頭盔、護手肘、護膝蓋。先有導師在旁指導一番，再在公園練習一下，之後就向玫瑰園出發，一共四人學員同兩位導師，先沿著馬路行駛，司機們都會停車讓我們橫過馬路先，沿途會經過好多酒店，如pullman、紅樹林酒店，仲見到MGM 超大地盤，然後經過小村落，就會到達玫瑰園，清風送爽，甚是逍遙。玫瑰園很大，佔地達一千畝，除了玫瑰花，仲有向日葵，好天氣下，萬紫千紅的玫瑰花海賞心悅目得很，我們停下來細賞拍照。導師更拿了我的相機為我們行車時拍下不少照片。最後更帶我們到一戶農家品嚐由樹上即切下來椰子，這裡種滿椰子樹、檳榔樹，成個竹林甘，還有食椰子肉大的雞周圍走。椰子味道新鮮，香甜，同前幾日在街買的椰子完全不同味，最奇怪就是覺得有氣，似七喜。雖然要400人仔，但是好好玩，好好經歷！

每日會送上酒活動時間表，有yoga、cooking class、水上活動、太極、spa介紹，每天不同，有些課程專為小朋友而設。
我們三天都有上cooking class 有印度土豆餅、黑菌汁同新疆伴麵配蕃茄羊肉汁。
印度土豆餅，土豆即係薯仔。本身係印度師傅教，但佢放假返左鄉下，由一位被他教過嘅廚師教導，他很風詭。由搓麵粉到整餡料至煎熟都可以親身試一次，本身課堂只是一小時，玩玩下再品嚐制成品用了二小時，有得食有得玩，開開心心渡過。
黑菌汁，mix up 芥辣、松露油、橄欖油、美極醬油，只是攪拌所有材料就成，非常簡單。松露油味道很濃郁，一支價錢都很貴，用了成大半支，重皮呀！由於本人不太喜歡美極醬油，如果將美極醬油轉成鹽或普通醬油會比較好。
新疆伴麵配蕃茄羊肉汁，麵條要自己搓，醬汁材料要自己切，整個過程自己一手一腳做，廚師在旁指導。其實整麵條很容易，會自己在家試做。
Classing class is really good, can learn things, and can eat, so happy, enjoy it.

瑜珈由印度導師教導，大部份學生都少練習瑜珈，教的動作都容易掌握。

浮潛訓練，嘗試使用浮潛用具，例如：蛙鞋，潛鏡，吸管。教練講解一番，就可以下水試試，雖然只在泳池練習，但內心都有d驚，再加上自己成日忘記用口呼吸，下水就忍氣。幾好玩，下次再練習下就出海潛水，

少林太極，由少林寺大師教導，會在沙灘進行，可以同大自然融為一體，感受大自然美麗，自然風，海浪聲，小鳥飛翔，欣賞山景。大師會解釋＂陰＂＂陽＂，令我們更認識大自然傲秘。教導嘅動作都比較容易，可以在家/office 練習，雖然動作容易，但對身體很有好處，由其是對關節，所以依家我每天都重溫一下。
禪茶，也是由少林大師操刀，一邊泡茶，一邊講人生道理。泡的茶是武夷山嚴茶，即是水仙，茶味清淡，入口感覺好滑，很舒服。大師說有名牌袋、有名貴車、有錢，都不重要，最重要是空氣，無空氣就不能生存，但我們得到空氣只會用平常心。

Spa介紹，上了頭部按摩，更可以享受星級按摩。兩人一pair，一人做model，師傅先demo and 講解，然後我們輪流練習。手法容易，可以在家嘗試，但手力一定不及他們溫柔而有力。