前言: 看到OpenRice攪分享遊記有獎活動，有機票有酒店送，我當然毫不吝嗇地將個人遊記上載於此，此行已是年多前，遊歷了日本東北數縣，行程多以大自然風光為主，亦能配合主題森呼吸體驗之旅。

自從2007遊歷過北海道+東北冰雪之旅後，對東北既樸實和美景美食總係念念不忘，所以係十一月頭秋高氣爽、滿山紅葉既日子，到了日本東北7日，走訪了幾個賞紅葉既名勝，親近一下大自然，同時滿足一下口腹之慾。今次日本東北紅葉之旅一行八人，為免失誤，加上要用盡JR east 3days pass呢個大優惠，所以係計劃行程上花了很多時間，不過當中既趣味無窮，如果大家有編排過自由行旅程都有同感。


第一日 天晴->天陰->寒冷 香港->東京->八戶->弘前

日本東北紅葉旅行團今日出發，今回第一次乘搭ANA既凌晨機，一行8人十點半就到達香港國際機場。機場人頭湧湧，完全沒有其他網友所講冷清既感覺。ANA既起飛時間係00:35，真係準時起飛。不過係機上真係幾難睡覺，半睡半醒了半個鐘，就俾人叫醒食早餐，時間係日本時間4點多。

凌晨4點食早餐，胃口當然不太好，不過機內已經燈光大開，完全沒有睡意了。

有人話坐凌晨機，坐左邊可以看日出，右邊可以看富士山。不過到降落都係漆黑一片，睇來要坐JAL先有呢d景色了。

早上5:20，飛機已經降落東京羽田機場，比正常差不多早了半小時。因為同一時間只有一班機到埗，入境亦不用等待很久。出了海關，需要乘搭免費接駁巴士到Terminal 1，再轉乘單軌電車Monorail出東京。由機場乘Monorail到濱松町，轉乘山手線到任何一個站，只需要500円，十分抵搭。

濱松町下車後，只需跟隨指示標誌，輕鬆就可轉乘山手線。

早上7點還未到，我地已經身處東京站內，不過原來JR pass換證處早上七點半先開始辦公，唯有係門外等候。JR pass換證處準時七點半開始辦公，因為團友眾多關係(8人)，都花了好一段時間先辦理好手續。今次買了JR east 3days pass特別優惠，只要10000円就可以任用3日。經計算後，這3日行程共搭了接近50000円既車費，兩折車資，非常抵搭。

第一程車就是由東京直上八戶，8:30開車，車程3個鐘頭。

第二日 天陰．寒冷 弘前->青森->十和田湖

早上既弘前市寒風颯颯，大約只得幾度。早上係東橫inn內吃飯團早餐，簡簡單單又飽肚。

第三日 天陰．下雪．寒冷 十和田湖->奧入瀨溪流->八戶

第四日 天晴．清涼 八戶->盛岡->鳴子温泉

今天係大移動日，離開青森縣，再次探訪宮城縣中有名既鳴子温泉，而鳴子温泉附近既鳴子峽，更加係東北其中一處紅葉名所。不過出發往鳴子温泉之前，我們先往八戶附近遊覽一番先。

早上5點~~無錯係5點，天色仍然灰暗，我們已經整裝待發，準備出發往八戶其中一個朝市-陸奥湊朝市。

我們搭上第一班往陸奥湊既列車，火車準時5:37分開出，車廂內只有幾個乘客，有位同是前往朝市既老婆婆。車廂外晨光初露，天邊呈現一片火紅，日出了，我們再次係日本迎接日出。(上次係凌晨機下機後，在列車上看見的)

第五日．天晴、多雲、清涼。鳴子温泉 -> 仙台


行程進入第5日，今天會返回東北最大既城市—仙台，不過早上會先遊覽東北既紅葉名所—鳴子峽。

第二次探訪鳴子温泉，鳴子峽倒是第一次遊覽，話說上次旅行乘JR火車離開鳴子温泉，往新庄方向出發，列車穿過山洞，會有數秒時間經過鳴子峽谷底，然後再次進入山洞。當日列車通過鳴子峽，驚鴻一瞥，冰天雪地下既鳴子峽有如夢幻仙境，美不勝收。當時決定如有機會，必定重遊舊地，今次正值秋季時節，當然不可錯過觀賞鳴子峽最美既一面。

早上6點前已經起床，先到頂樓展望大浴場浸溫泉，一邊浸浴一邊欣賞鳴子温泉一帶既山景，人慢慢清醒過來。早餐前先來個晨運，就是由酒店沿路行到鳴子温泉JR站，大約一公里，沿途人車疏落，整個地方好像還沒起床似的。

吃過酒店既自助早餐後，check-out並將行李寄存在酒店後，開始今日既行程-出發往鳴子峽。

第六日．天晴．溫暖 仙台 -> 山寺 -> 米沢 -> 仙台 -> 東京

行程進入第6日，今日會和團友們兵分兩路，團友們會到松島遊覽，而我和老婆因為上次已經去過松島，所以會和他們分道揚鑣，到山形縣行下，來個東北行大運。

一早起來(其實來到日本，每日都勁早起床，今天算晏了，只是7點)，將行李留在酒店後，趕往仙台站乘坐8:15開出，往山形既仙石線列車。因為酒店冇包早餐，所以係仙台站既Delifrance外賣了兩個早餐，拿到火車上吃。

早上既仙台站人來人往，人們都趕著上班，電視播放著熟悉的天氣報告，表示仙台既氣溫有16度，真是舒適的天氣。

搭上往山形既列車，今天的第一站既位於山形縣既紅葉熱門景點--山寺。