佛羅倫斯給我的印象只是一般, 當然他有著古典的味道,但那份殘舊感也是十分重,從這兩份感覺中有點取不到平衡! 因而令我深深體會到保育的重要性!!

遊完佛羅倫斯, 回港口的路線,剛好順道一遊比薩斜塔! 真的不枉此遊!!!

雖然康城不是什麼什麼經典名城,但我覺得它成為旅程第一站是最適合不過的。地方較細,可以給大家稍作熱身,迎接未來幾天較為吃力嘅旅程!  

法國出產的蠔是有季節性的,所以今次見到枱枱都食,我當然唔會錯過啦! 我太太就好少食蠔,但今次都食咗4隻,算係好比面!!當然我地係用食店嘅擠迫度去判斷是否幫襯啦!今次又成功找到一間不俗的食店!!

康城就是這樣.....沒有什麼主題....但有很多有趣的事物!

嘩! 隻船真係好大呀! 而且所有設施也保養得很好! 

這次的行程:  巴塞隆那----康城-----佛羅輪斯 +比薩----羅馬------巴塞羅那 6日5夜, 開始了!!! Yeah!!

基本上,在郵輪內係無機會餓親你的,因為早、午、睌、宵夜都有得食。至於是否適合你胃口就比較難講! 收費中已包括所有膳食,每餐都有3間餐廳選擇: 分別是自助餐、西餐及西餐! 另外還有2-3間的特式餐廳需要另外加錢享用...USD25/位,我們便試過其中一間,水準很高,只是加多USD25,真的很值得!

有可能對房間嘅質素無太大期望,所以不只無失望而且仲有驚喜tim!!它的寬尚程度比歐洲好多酒店還大呢! 

我太太是雪糕愛好者,但小弟就一般。今次在巴塞隆那的三天裡面,可以話係食咗我全年所食雪糕份量嘅總和!而其中8成都係在呢間雪糕店食的!!!

環境一流,但質素只是OK!如果是慶祝什麼什麼紀念呀!求婚呀! 可以考慮! 因為在其他餐廳吃同樣菜式....只是一半價錢!

雖然正在搞緊復修工程,但依然有攝人嘅氣勢! 實在係厲害!

這個 Park Guell給我的印象就係一個用磁磚粉色而成的城堡, 有著古典嘅建築及繽紛嘅色彩!

在巴塞隆那的三天,給我一個很好的感覺。這個城市有著古典美、也有著時代感、更重要的是吃的喝的也比較適合我的口味! 巴塞隆那! 我們一定有機會再見的!! 

各位,係時候準備心情踏上郵輪之旅!!!GOGOGO!! 

由機場乗巴士到市區,一下車就見到凱旋門的光芒,即時急不及待整張快相先,但因為實在太倦,只好留待早上再去影過!

訓咗一覺好,當然要食個靚早餐啦!, 但大家真係要入鄉隨俗.........就係所有動作都係 slow motion!!入到去等咗10分鐘先有人問你飲d咩食d咩! 真係餓死人!

巴黎聖母院大教堂: 係天主教法國巴黎總教區嘅主教座堂, 外牆的雕刻非常細膩!因為當日實在太多人排隊入內,我們只好在外圍拍照留念! 

從河邊去影Eiffel Tower , 實在是一個唔錯嘅位置! 加上正藉日落時間, 確係非常浪漫! 多謝老婆!!!

因為結果頗為慘烈!以上的照片是(老公/男友)指引的相片!係需要有男士陪同下收看的!!!
確實在歐洲買名牌是比香港平! 加上遊客有得退稅(大約介乎 12-17%),大家記住同店員講! 

經過3天在巴黎之行程,總結是巴黎的確是一個浪漫之都。既有古典漂亮嘅建築物、又有休閒嘅文化、更有女士們至愛的名店! 是其中一個值得去的歐洲城市!但去完之後可能像我一樣........會變成中期病患者......患上"荷包乾硬化"!

.................正在治療中!

新加BORE 無咩好玩, 來這兒正好是大人的遊樂場,主題公園.
由四小吃到四小甜咖啡...這裡都叫人滿足,但以景觀真的是差啲啲.
 
來星加坡前己定下今次到訪的重點,而當中更以這家入選全球五十大的餐廳為主要目標. 這裡是新加坡希爾頓的 IGGY'S.

當日同一層的Ballroom 有外交層次的宴會外面未能拍照所以頭一張相己是這些常見高級無聊擺設....再來就是香港人的西餐死穴....問你要乜水.在此也會好識做的要翻S.Pellegrino

再之後,佢會問你要咩酒...之前知道澳洲名釀酒師也為這家店特別準備了的Pinot Noir


很明顯的果味,圓滑潤喉飲得好舒服[ 朋友可知,香港邊度有抵的Bass Philip 賣?]
好囉上菜先....

醃過的根菜加上大拖羅配上不甜的勁山葵桃哈多,拖羅入口溶正常也試得多之後加上又係遇水即溶的わさび..真係淚水都咇.

呢個係蟹餅嘅蟹餅.

蕃薯焢片內含芝麻雪糕.

頭盤: 燈籠紅椒雪芭,西班牙白凍湯燴泥蟹.泥蟹鮮甜...酸味的燈籠椒把味道平衡過來.

碗豆暮斯,配魚子醬伴以檸檬白魚魚湯膠. 吃完就像是把一條鮮魚完全吃了~過癮[IMG
鹹味牛酒夠滑夠香.加以一些小麥包.

蘇格蘭野生鱒魚...配凍蕃茄jelly. 這道菜只中看不大中吃.出場時更攝人因為又係乾冰..................

有機什菜暖沙侓...爽甜清新的暖沙侓,兩片的天的脆漿不多,就在那苦白菜留下一些咬勁.


和牛柳位唔肥相對濃味...但全碟最濃味是燉到入哂味的鮑汁冬菇.

味道當然唔多夾,但係分開來看,十分好吃! 火加減也來的很好...滿意.

食事？食食下發現個佈局似懷石多過似西餐.

但成餐最不喜歡就是呢個煲仔飯,用上越光米櫻花蝦細蔥又如何成舊飯就似足糯米飯...有虾米花生嗰隻,但衰在棄用糯米飯的靈魂~豉油而改用上鹽.從上道菜知道這家店用的鹽高檔得很,但也是失敗沒有豉味的飯總是差一些.

當然我知有放黑松露.
 
食完個飯...甜品叫你轉移陣地....去咗人哋甜品房.
清潔而冰冷的角落. 先來,甘荀鳯梨雪芭...加條裝芝麻糊.


好鬼萬聖節.甘荀己去了那陣早清味...正!
再來是椰子雪糕并香料威化加紅苺醬.

最後任選Petit Four
苺味....杏仁餅.

香蕉朱古力..呢個妳味.

還是對杏仁餅的趣興大很多.

多鬼餘又唔好飲的咖啡~但收咗我八蚊.
 
足本:http://tabero-tabero.blogspot.com/2011/05/iggys-2_9808.html

頭一家是The Gallery Hotel 離MRT都真係幾遠咪講少獅城熱成咁要行多過十分鐘都咪講笑...加上這家精品酒店算過氣,裝修見老態...好在個泳池都還可;而如果想飲食不外求的話樓下一家用上西山拉麵的拉麵店算不錯酒店內也有一家燒酎酒吧,上網的話中規中距咁啦....一間房千四蚊連早餐下次唔駛預我.

立地很好不消幾分鐘鑽到去MRT Raffle place ,旺中帶靜. 服務真係五星,在住宿上照顧很貼心.
房間唔算大,Wi-Fi 同上網快到sir sir 聲,插頭又夠.
泳池就真係可能郵局變身之故,好睇唔好游.
日日有成十包TWG茶包過你....使你感覺上好着數.
早餐...就豐富中日西印馬的選擇都有,茶啡refill 快手快腳.
 
但對比年前的MO 星,還是差一個馬鼻.

冲涼後就到大堂等人接去KAMA'A做Spa,
呢個Spa係免費架，買酒店package時送嘅，正！
都未行到出去，Spa嘅老闆娘就親自來接我們了，好準時，
十分鐘就到了，位置較偏，在boreno hotel入面底層。
一入到去就有杯ginger tea俾我地，好好飲，
我男朋友一飲就飲左3杯呢！
接着就俾張form我地填，大概都係要用咩力，哪裡較累等等，
然後就兩人一房，淨返條底底俾佢地推推推，我用普通油，
男朋友就選擇了可舒緩關節的香油，另加RM20.
我覺得同大陸的手勢很不同，大陸果d姐姐成日都好似想銳死我，
好鬼死大力，但呢度果d就溫柔得多,我覺得好舒服喎，
男朋友仲舒服到打哂鼻鼾聲，
舒服嘅時間過得特別快，走的時候再給我們一杯暖水，好細心呢！
這次免費spa，我地一行8人因為佢地房間不足,
所以分左兩批人去，我地係頭一批，本來老闆娘會免費載我地返酒店，
但心想：等他們做完spa後都出去食飯架啦！
不如找個地方hea!在來KAMA!A的途中，
我見到有間又是做按摩的在附近，
所以我先出去探路同問價錢，Rm28/1hr 按腳，環境又Ok喎！
於是婉拒老闆娘載我地返酒店，走去另一間店邊按腳邊等他們做Spa，
呢度燈光昏暗，給我們一間4人房，4張都是電動按摩椅,
可較上較落，亦都供應水果，
技師就多數是男人，好彩我果個係女人，我受唔到好大力架！
總括來說，呢個價錢算不錯了！
但有點敗畢就係門口個姐姐，她問我們要唔要車出市區，要的話，
可以叫朋友車，不過位位RM20 唔該，哇！你唔好去搶？！
4個人就$208,呢度出市區10分鐘，我地決定靠自己，出到去...無人無車？
唯有行反去找老闆娘，她見到我地無車走，
就叫左酒店個司機載我地，俾RM5/4個人就得了，好彩頭先無上當！

哈哈！經過十分鐘車程都無，我地到達Magellan Sutera了，
各位朋友，昨晚屈就了，一晚嘅屈就，成為三晚五星嘅回報，值得架！
今次訂Magellan Sutera都算抵，RM750訂3日2夜，包3日早餐，來回機場接送，仲送沙比島一日遊連BBQ lunch或者送一個小時免費KAMA'A Spa。
到達Magellan 後，大家都哇一聲，原來先苦後甜呢個策略真係work架！一入去就見到一個好闊落嘅大堂，沒有豪華的水晶燈，沒有開得很猛的冷氣，卻用上堅固的木材，有心思的設計令這個大堂一點也不悶熱，還不時有陣陣涼風吹來，當我在辦chech-in 的時候，他們提供welcome drink,又可以坐在向海的餐廳裡享受這杯drink,一來到就有呢種待遇，朋友都好開心。
一早已訂好全部seaview房，check-in亦都好快，除了有一間仲清理緊，要3：30先拎到房，其餘的都無問題了，酒店還幫我們四間房編在同一層方便我們，好細心呢！
當大家進房間後看到那個向海露台，再見到洗手間的浴缸有個木窗可以打開對着大床的時候，大家都玩左好一會，我的房間佈局可說是最美麗的，一早在香港已講好要honey moon setting,旅行社只能說盡力，想不到真的做到了喎。
我其中一個朋友在香港一間五星酒店做執房的，一入房，佢嘅職業病就來了，拎住條毛巾周圍檢查，又洗杯，又抹櫈，笑鬼死我地。
一切Settle down後，我們便約好在樓下泳池見。
呢間酒店好大，有四個泳池，兩個小沙灘，對正我樓下果個泳池正正向後便是向海的小沙灘，呢個小沙灘真的好小，下午亦較大浪，沙不太幼，但水好清，有好多魚仔，泳池側仲擺左d飽俾住客公然餵魚架！
我地在第一個泳池玩左一陣(打水球）之後，我地就出發行去另一個泳池玩，行五分鐘就去到第二個泳池，呢個泳池最正，有滑梯玩，但較多小朋友，對出就是酒店個碼頭了，可以看到有很多海膽呢！
我們明天會在呢度出島，先在呢度睇下開船時間同價錢先，俾公眾碼頭貴好多，但為了方便，旅行間中都要豪一豪！
再沿海線行就去到第三個泳池同另一個灘，都不是太大 ，我們決定在泳池玩一會到五點幾先回房，因為五點八會有人來酒店接我地去做Spa

這一天，一大清早就到了婚紗照公司，因為時間實在緊迫。

今天一整天，其實都只是拍照。其實安排行程方面，在前一天已經完全溝通好，雖然各間公司應該都不盡相同，但應該也是有點參考價值的。

前一天除了選婚紗外，還有就是編行程。店方會先問一下你們想要甚麼景點，例如海邊？花圃？教堂？瀑布？夜景？如果你還是想不到，大可看看店的相簿，直接指著告訴他們，這個那個景點，也是可以的。 

景點多不代表好，因為時間只得一天，也就是說每一個景點逗留的時間會愈短，最後，你揀選相片會更痛苦，因為不同景點，店方是不准許放在同一張相頁的，變相就是要多更多的相頁，要知道每一頁都是錢嘛。所以，不要貪心，真的要自己喜歡才去。

燃料費是實報實銷的，我們當天因為天氣不好，曾經問過如果真的下雨怎辦？店方回答，台北的天氣很有趣，通常不會整個台北都下雨，他們會聽著天氣報告，如果下一個景點在下雨，那就先去另一個景點好了。如果真的整個台北都下大雨，店方會安排明天再影，只需再付燃料費就可以了。

甚麼時候穿那一條裙？不用擔心，店方在編路線時已經想好，就放心交給他們吧！

店子方面還包午餐，不要以為有時間可以坐下吃，其實是買一隻粽坐車吃的！因為時間實在寶貴嘛！

拍照一整天，雖然說大部份時間都是坐車，但真是有夠累，主要原因是雙膝不停彎曲動作所致，所以如有需要，建議可以戴護膝呢。

希望對有興趣到台灣拍婚紗照的朋友有幫助啦，有需要也可留言一問！

回到民權西路的婚紗店，已經身心疲累，難得在捷運站旁，有珍珠奶茶和炸雞小吃，先醫一下五臟廟吧。

整天不停拍照，但只吃了一只粽子，餓，是自然不過的反應。

先買了一杯招牌珍珠奶茶， 奶味不香，茶味不重，珍珠也不Q。

還記得上一次來台灣，第一杯的地道台式飲品，就是歇腳亭，雖然當時不是飲珍珠奶茶，但還算覺得不錯。

今天，在肚子餓的情況下，也只是覺得一般，看來真的有點差。店方招牌，大大的寫著難得的好味道，再一次証明廣告口號不可信。

位置上這間店真的很好，但品質只是一般，浪費了先天優勢呢。 

在歇腳亭旁的繼光香香雞，對於剛拍完婚紗照的情侶，是綠洲。

在香港吃到的台式鹽酥雞，我最喜歡吃阿升麵線的， 沒錯，我反而是喜歡吃其鹽酥雞而不是麵線，哈哈。來到台灣，怎能不試試地道的鹽酥雞？

這隻香香雞，炸得的確很香，咬下去也不致太乾巴巴，對比香港很多地方算是合格。但來台灣，當然是希望吃一些比香港好的，這個顯然未到這個要求，而且小小的一包不便宜啊！

雞肉不太入味，鹽也不夠香，雖然我知道某程度上這些鹽也是味精的一種，但不夠味和味精兩者，今次我還是會選味精，因為實在不太夠味嘛！而且細骨頗多，吃起來不夠過癮呢！

填補少許胃納，就回西門町吃正餐了。 

阿扁，一個我不太喜歡的政治人物，但好些台灣人就是喜歡他。這間鴨肉扁，一樣是我有點不明白的60年老店。

店子清一色賣鴨，是名副其實的「鴨店」。連餐牌也簡單過人，只寫「麵」／「米粉」，原來就是指鴨湯麵／米粉。

還以為是齋麵，原來每碗都有一片鴨胸的，賣新台幣$50還算有良心。

靈魂在湯底，鴨湯味道鮮甜，麵即香港經常吃到的油麵，身為港燦的我當然覺得無特別。米粉不錯，幼身也掛湯，未知是否新竹米粉？

另再叫了一份鴨肉，配甜醬辣醬。鴨肉鮮美，不太肥，肉厚多汁，但既不是鹵水，又不是燒鴨，做法和香港的有點分別，60年功力果非浪得虛名。

其實味道不錯，但吸引不到我。香港人喜歡吃鵝，但看來鴨在台灣較受歡迎。我，還是寧可吃燒鵝。但身為遊客，來一次也不錯。

要怪的，就怪是文化差異吧。

想也沒想過的沒想過的杏仁豆腐專賣店。

在香港，就連在甜品店／街邊檔也不易找到杏仁豆腐。杏仁豆腐的記憶，還殘留著中學家政堂，女生們弄的，再分給男同學的出品。杏仁豆腐，可說是家政堂的必修科。

兩口子回到西門，先在這裡買了杏仁豆腐，是準備在酒店吃的，不坐著吃，除了想先吃正餐，就是因為累。

說句老實話，實在累的不得了。一整天的拍照，除了感覺像明星，伴隨著開心的，就只有累的感覺，自己也不期然對吃娛樂圈這行飯的，原來賺的也是辛苦錢！

早點回到酒店梳洗，也為了明天的行程，早點保留體力。

這裡的杏仁豆腐，包裝實在精美。一盒小小的豆腐，再有另一包杏仁漿汁，吃的時候才倒進去。包裝上有寫杏仁的好處，不說真的不知。當然，信不信由你，因為始終是加工品。

吃一口，實在是意想不到，兩口子不期然齊聲說了一聲『好味』。的確，豆腐滑，杏仁香，不太甜，新台幣$45，價錢合理。

比起家政堂的回憶，這個比自家做的好吃多了，哈哈！