於峇里的第一餐在Made's Warung享用, 晚上八時, 餐廳還是人頭湧湧, 幸好大家不介意"搭枱", 不消三分鐘, 店員便安排好座位, 是晚點了以下菜式:

~Gado Gado: vegetables, sticky rice, tofu in a spicy peanut sauce

~Nasi Campur: a dish of red or white rice, topped with vegetables, some chicken, beef, fish, tofu, chili sauce

~Stuffed Tofu Shrimps

~Coconut Milkshake

~Bintang Draft (local beer)

峇里消費低, 對遊客來說, 出外吃是不二之選, 你總不會用著住處的廚房。

食物用材新鮮, 上菜時間快, 熱騰騰的上碟, 味佳且鮮, 兩人吃飽飽, HK$200有找

位於下榻之酒店附近的hu'u, 由新加坡人投資, 打造了一所充滿中東風情的餐廳, 提供的是fusion菜, 以燒烤的食品為主打。

喜愛那些帳篷的設計, 欣賞服務員詳盡介紹每道菜, 他們還樂意跟你打交道, 以了解你對峇里的感覺。

由於裝潢走中上路線, 故相對於一般街頭食店, 價格略高, 但若要享用此等環境, 配上有水準的烹調, 恐怕在香港, 得花上HK$800多, 但峇里, 收取的只是港的一半呢!

Seminyak有數間cafe, 我對DROP. The Coffee Spot情有獨鍾, 門面的粉藍色極討我的喜歡, 尤其那手畫的牆壁, 充滿藝術氣息。

DROP提供了較另類的咖啡, 如: 豆奶造的咖啡, Cinnamon coffee等, 都刺激了我的味覺。

坐在街角, 望著街道, 渴口醇啡, 真正悠閒著~

在峇里的第四天, 包了一日車, 美金50元, 前往Ubud, 車程約兩小時, 有點距離呢!

到達後, 立即前往食乳豬最出名的Ibu Oka, 每日下午兩時前賣光, 食肆只提供餐桌, 客人個個席地而坐, 好地道呢!

乳豬又脆又香, 點了個熱橙汁, 蠻有趣呢!

我真係比呢個台北車站玩死, 昨日約旅行partner一家在Y3區等, 都搵到我死喇, 行咗成半個鐘先至同到朋友會合。

今日又比佢玩多一次, 賣票大堂原來都有好幾個, 令我再一次遲到, 好彩朋友明白, 因為佢自己都係咁, 搵咗好耐, 先至搵到佢要住嘅酒店出口處。

最後一日都要再比佢玩多次, 問捷運工作人員行邊到可以搭到客運去機場, 又被兩個工作人員點到行錯路, 最後亦要搭的士到機場, 好彩趕得切班機。

台灣朋友話佢哋本地人都成日攪錯台北車站方向，更何況我哋D遊客呢！ 

有曾到過九份嘅朋友話九份冇嘢睇, 亦睇過網上有人話九份遊覽價值一般, 究竟點架?? 自己親身去睇吓咪知道囉！

嚟到九份, 呢度修飾得好鄉土情懷, 好遊客區, 仲好緊貼潮流, 整個九份老街有免費wifi覆蓋, 對我哋遊客來講係非常方便上網、行街、食嘢、購物。

九份老街純粹係一個遊客區, 可以係度買台灣手信, 可以係度食台灣地道小吃, 又可以係度飲杯茶, 食個包, 愐懷鄉土事, 細看九份舊建築, 看看九份下的山村景色; 熱鬧, 恬靜, 集於一身.........

九份老街除活化成遊客區外, 連昇平戲院都冇將之荒廢, 雖然戲院已被現時的商場迷你戲院取代而停止放映電影, 但仍然冇浪費佢嘅價值, 成為老街中的小型博物館, 令遊客在此回味戲院舊時的光輝。

行到差不多, 係時候醫肚, 行過見綜合魚丸湯一連有三間分店, 門口見佢哋D丸大大粒, 幾吸引，入去試吓啦!

店裡貼滿老闆娘個人「玉照」, 老闆娘真係自信心爆棚呢!

我哋每人都叫了一碗各式丸子, 朋友一家四口一定要丸+粉麵, 而我哋三個就叫咗超級綜合丸湯, 裡面共有十種丸子, 當中有三種味道麻麻, 肉質鬆散, 味道一般, 如果再揀過嚟食, 我唔會選佢做午餐囉!

食完丸子, 又走去買兩件草仔棵, 唔錯喎, 甜味適中, 每處地方都有其造棵風格, 每在一地方食一棵, 方可感受到當地郷懷, 「真係各處郷村各處棵」吧!

平溪鐵路沿線近年受電影同電視宣傳, 傳媒又大力吹谷, 現已成為港人到台北必遊之地。

四方八面都一致讚好, 對佢當然有期待啦! 可惜天公不造美呀! 嗚 ~

去到瑞芳線搭平溪線, 大部份嘅遊客都係港人, 只有少數當地人搭平溪支線; 我打算先去菁桐終點站落車, 個半小時後再搭回火車响平溪或十分落車逛逛, 點知如意算盤算錯了。

好多遊客都同我一樣在菁桐站落車, 遊完菁桐再坐火車回程; 在菁桐, 除了周圍的鐵路故事館, 菁桐礦業館同零碎兩三間小店有開門外, 全部休市, 不消15分鐘, 便可行完整個車站區域。火車又開了, 要等一個半鐘至有火車, 想去礦場睇睇, 天色又唔樂觀, 想搵食, 食店又關門, 只有一間有賣雪糕嘅小店有開; 想放天燈, 個天又落大雨, 我哋同埋好多港人都擠在木造車站呆等一小時火車, 就咁樣嘅陰影下, 我哋決定唔係平溪同十分落車行街喇!

原來呢個唔單止我哋嘅做法, 原來大部份响車站呆等嘅香港遊客同我哋一樣, 都唔落車, 噢 ~

我想都係我哋咁啱遇到天氣唔好, 令D老街都唔願開門做生意啫, 事實喺呢處影相又真係唔錯嘅! 好有韻味呢!

註: 原來我都去咗台灣四個日式木造火車站中其中三個 : 勝興車站, 集集車站(寶島時代村室內版)同菁桐車站。

由於平溪支線火車班次疏落, 要等下一班火車最少要1個多小時, 所以我哋除咗菁桐有落車逛逛外, 十分同平溪都係即落即上, 因為在車上看過去, 十分店舖都好凋零, 只係小數營業, 而平溪亦然, 算啦! 總算到此一遊了, 比較失望係放唔到天燈, 因天不停咁小雨大雨, 見有遊客放燈, 未夠一分鐘已整盞燈掉了下來, 唷 ~

原本想喺菁桐食D嘢，但菁桐冇食店營業，忍住餓返到瑞芳，一班港童話冇力行喇，好啦! 去瑞芳舊街睇吓先啦!

點知瑞芳舊街得個牌，條街相當凋零，只得三間小食店，都冇得揀，就揀間好樣啦!

呢間小麵店真係唔肯定佢叫咩嘢名，因舖內好多舊招牌，舊時收音機，舊時擺設，煮食嘅地方喺外面嘅小檔攤，店內4張枱，其餘地方都擺成好似博物館咁， 幾好，一路食，一路有嘢睇, 嘻~

講番D麵食，又唔差喎，雖然唔係驚為天人，起碼不過不失，碟頭都幾大，價錢又唔貴呢!

去到倫敦, 發現時常下雨, 又凍....  我們影低有奧運五環的 Tower Bridge, 雖然天公不造美, 但總算是充滿奧運代表性的一個景點.

跟住我地去左 Charing Cross 行下, 見到周圍都是 Theatre.  熱愛 Theatre 的朋友, 你可以欣賞不同的歌舞劇.

經Booking.com訂呢間Apartments, 明明寫住One-Bedroom Apartment - Non Refundable £433.33+Addons(加床) £168+VAT (20%) £86.67=Total price £688, 但信用卡月結單卻收£712.09

向酒店投訴, 佢就話"Booking.com doesn’t normally charge service fee but some companies they do", 個Credit Card既Service Charge要成3.5%, 雖則佢有列明"a fee will be charged with credit card payment", 但到Confirm一刻都冇加上張BILL度, 分明欺騙消費者, 而且3.5%都冇寫落Important Notice度, 你到時收200%Service Charge都得架喇!!!

向Booking.com投訴, 佢就話只收酒店方面既Commission, 唔會收顧客錢, 呢層我都信, 因為我同Booking.com訂幾間酒店都冇收我Service Charge...

向恒生銀行投訴, 經多月追討都唔成功....總之大家要小心呢間酒店....

至於酒店位置, 服務, 設備等各方面:
優點-
1. 近地鐵站
2. 廚房設備齊全, 係個PAN花左D, 有焗爐, 電磁爐, 洗碗機連梘, 洗碗毛巾都有, 又有洗衣乾衣機, 不過就冇梘粉
3. 有WIFI
4. 乾淨
5. 樓下有超市
缺點-
1. 廁紙, 沖涼梘液套裝得一套, N個人住N晚都係得一套, 要自己喺樓下超市補給喎
2. 提早CHECK-IN係分段收費, 越早入住越貴
3. 比較貴囉, 唔知係咪臨近倫奧既關係
4. 老屈我3.5%service charge

今次俾喊樣純粹係收費爭端

第一天: 今次重臨舊地, 到達機場UNDERGROUND站, 第一件事梗係要買張OYSTER CARD-倫敦八達通先喇...係奧運版呀, 初時仲以為要上網訂既旅客版先有...在酒店稍事休息後, 首先去左位於Piccadilly Circus的Statue of Eros, 適逢倫敦奧運, 街頭及景點充滿奧運氣氛, 附近每條街都掛滿國旗, 然後走到Carnaby Street步行街, 唐人街, 2011年開幕的M&M's World及Covent Garden Market。
第二天: 約了老同學, 乘搭了6月28日才啟用, 橫越泰晤士河的吊車Emirates Air Line... Emirates Air Line雖然唔太貴, 但路程很短, 試過一次已經好夠, 坐海洋公園吊車仲好喇! 下了吊車, 走兩步便到了The O2 Arena, 平時有表演就會好熱鬧, 我去果時冇表演, 所以好少人, 入面有個Nissan Innovation Station, 鍾意車既朋友可能會喜歡, 我就覺得冇咩特別, 了解車既發展同玩下賽車遊戲咁囉。接着去了Westfield Stratford City Shopping Centre, 歐洲其中一個最大購物中心, 這裏除左可以購物外, 仲可以遠眺Olympics City。
第三天: 隨意走走, 行過Brick Lane, 最精彩為晚餐, 詳見食評。
第四天: 到Bank地區行, 經過Tower Bridge, London Bridge等, 晚上約了另一老同學飯聚。
第五天: 出Standsted機場, 向挪威出發

第五天: 抵達奧斯陸Rygge機場時, 已經九點半有多, 拿拿臨坐一個鐘機場巴士出市區Oslo S, 經過問路最終到酒店休息。
第六天: 早上在奧斯陸巿內觀光, 走馬看花式到Oslo Domkirke, Stortingsbygningen, Nationaltheatret, Det kongelige slott及Vikingskipshuset。吃過午飯後, 剩下來全是travelling time。 旅程本來是由Oslo S出發搭火車到Myrdal, 但由於鐵路工程關係, 需要坐接駁巴士到Hønefoss, 然後在Hønefoss搭火車到Myrdal。酒店位處Vatnahalsen, 酒店職員在Email上只告訴我可以沿唯一條路行到酒店, 結果行足一個鐘!!!
第七天: 早上起來, 吃過早餐便打算行返唯一一條路返Myrdal坐Flåmsbana觀光火車, 點知原來Vatnahalsen係Flåmsbana第二個站, 早知既話就唔使行果條山路, 乜職員咁大整蠱, 叫我地尋日攞住一大堆行李行足一個鐘山路…知道左個站之後, 就梗係由Vatnahalsen出發去Flåm喇。係Flåm食完飯之後, 坐遊船遊峽灣, 目的地為Gudvangen。 抵達Gudvangen後, 立即等巴士去Voss, 巴士司機途中亦會為景觀作出解說, 到站後再轉火車去Bergen。
第八天: 去了Bergen的Fish Market同Bryggen, 仲坐了Fløibanen上山頂, Fløibanen其實係纜車, 不過途程比香港的更短, 回程時我地選擇了步行落山。
第九天: 吃完早餐, Check-out後便要搭機場巴士出Bergen Airport, 下一站係瑞典斯德哥爾摩。

去7-Eleven買支水都要成港幣40元, 可想而知, 食餐飯有幾貴...
想評論的, 只有以下三個地方及餐廳:
Grill Zupperia - 有D菜式係有泰國風味, 不過味道卻不差, 有時去歐洲食亞洲菜, 味道總是怪怪的, 不過今次唔會。魚湯係我最喜愛的一道挪威食物, 主菜形式出現, 份量不少, 用料足, 雖然唔平, 但以咁既價錢, 邊度都食唔到咁多料。另一樣比較抵食就係青口, 一大碗上, 數量驚人!
Fish Market - 試過鯨魚肉, 肉質有D似牛肉乾, 不過唔好食, 試過就算, 後來遇着一個香港留學生賣海鮮, 當然要幫襯佢買返幾種魚, 龍蝦同蟹喇, 話晒大家係香港人嘛, 咁多樣之中, 最好食係蟹, 勁鮮甜呀, 最尾仲有幫襯左另一個中國女仔買左蟹肉及蟹膏自用及做手信。
Harbour Café - 最出色都依然係我的挪威最愛 - 魚湯喇, Surf 'n' Turf 既牛扖都唔錯, 上面兩隻蝦又係好正

城巿細, 齋行唔坐車都得, 好多條橋, 睇地圖都有機會睇錯而行錯路。